串串地 (Closed)

7點15分入座, 我地9個人, 第一round order左大概40串, 未夠7點半已經入單, d 野唻得好慢好慢, 差不多5mins 先唻一串, 食左兩個鐘先唻得一半, 跟住我地見旁邊比我地遲入座果d人都開始埋單, 終於忍唔住叫侍應追追d串燒, 進入第三個鐘, 眼見我地7:30分order 果條烏頭0係10:30分降落左只係到場30mins既一枱食客桌上, 我終於忍唔住大叫"我條烏頭呀! 我地等左3個鐘架啦." 點知個90後侍應堅持繼續擺低, 跟住走開, 忍無可忍, 唯有同另一個侍應投訴. 食左3個鐘仲係第一張單既一半, 完全冇野落肚既感覺, 跟住同佢傾掂數, 因為d客走得7788, 如果我地而家加單, 15mins 幫我地做好, 點知加單之後又話好多野都賣晒, 結果9個人用左4個鐘頭食左$1100, 唔係食飽, 而係等到飽, 唉, 冇下次.講返食物, 價錢貴因為份量太少, 味道一般, 搵唔到再去食既理由, 總之冇下次.

喜歡吃辣的人一定會鍾意呢個醬, 好惹味燒茄子，想不到咁好食羊架我沒有試，不過同行朋友都讚不絕口呢個好好食,好香好過引既燒飯團，店長推介，真的不錯, 我平時喜歡吃飯焦，好正好新鮮，彈牙，必試之前BBQ都燒過菠蘿，呢串係人地燒好﹗好甜，多汁，正正

放工後的即興 Dinner，去朋友介紹的土瓜灣串串地，聽聞很熱鬧有排等，好彩好朋友一早去左搵位，一到即刻有得食! 一入門口已經很舒服，因為地方算寬敞衛生，沒有 "油立立" 的感覺，而且通風效果不錯，不會很重油煙味! 近門口有幾張 bar 檯位，有點日式居酒居的 Feel，同 Friends 食飯啱晒!4 個女仔，我地有人鍾意食海鮮，有人鍾意食 Dry，有人鍾意食肉 (Miss F 當然係鍾意食牛啦~)。首先食左鹽燒厚切牛舌，真的很厚切很 Juicy，而且醃味適中，不會太咸或太乾，難得! 驚喜繼續有黎: 翡翠螺、燒煙肉車厘茄、燒墨魚丸、燒菠蘿...... 材料很新鮮，食物的水份充足，所以不會太熱氣，另外冷凍夠大，大熱天時都唔會流晒汗!讚! 讚! 讚!

我未試過寫食評~其實對食根本沒有太大挑剔!但今次真的忍不住!突然想食串燒..所以我們(兩人)就第一次去這間食肆~招呼其實不錯~坐了幾分鐘..店員要求我們調位..以方便另一台客人~我們都好合作!!一調位..發現坐正冷氣風口位..吹到頭到痛!算數~ 但樓底好矮..鄰桌說話好大聲..我們根本談不到天!更頭痛~都算數~等了大半小時..未上一碟食物~催單..才上了幾串~叫墨魚丸..原來是片裝墨魚丸..即是一粒墨魚丸切開兩至三片..成串夾埋不夠兩粒!!雞軟骨雞腎又細又小..雞中翼更恐怖..我想兩隻尾指夾埋都大隻d!簡單來說..比食日本放題的更細更小...但記得這間是逐碟計錢的!!我知沒圖沒真相..但當初因為賣相太差太細..所以沒有意慾影相!真後悔!但大家想尋找真相..可以親身去體驗下!再坐多半小時..仍未齊單~吹風+嘈吵+細碟+遲來...雖然店員態度其實不差..但終於忍不住..第一次決定cut 單離場!因為只吃了幾碟..埋單每人70元不夠~但好飽..因為吃了一肚子氣!!!

近來轉了返夜更之後, 就多了食宵夜的機會, 今次又再去新的地方, 轉了去<申申地>食BBQ,搭車時都經過此店, 而且裡面裝修都好企理, 門口更是貼上價錢及食物的項目, 看來價錢都不是好貴, 所以我和嘉豪來到入去坐下歇腳, 食下燒烤座上的客人都已經有幾枱, 客人都不少, 難道真是好食嗎?坐下來之後,枱上都有個彩色的menu , 而且有盡相片參考, 更是一目了然, 店員會給我們一張order紙去點自己心儀的食物燒煙肉廣島蠔卷$23--廣島蠔都算肥美, 卷上煙肉更是帶點鹹香的味道上隻是特大花竹蝦$29, 下隻是花竹蝦$16,隻蝦夠大夠爽口, 蝦肉彈牙都算鮮甜燒泡菜釀雞翼(2隻)$19---雞翼燒到皮薄脆肉嫩,釀了泡菜在雞翼裡, 真是好特別的食法, 泡菜不是太辣, 又不會好酸,而且散發著泡菜的辣味 汁燒帆立貝$23---燒帆立貝以日本燒汁調味,故帶有甜甜地味道, 帶子都好大粒蒜香牛油焗雜菇$26---可是沒有金菇,但份量十足, 菇味香濃, 蒜香味濃, 有雞脾菇, 冬菇,磨菇.....可是沒有金菇因為是我最愛燒雞腎串$12--烤得好惹味, 味道鹹鹹地, 都爽口而且脆口又夠味燒龍蝦

最近川味燒烤店開了很多，大部分也是以烤好後加一堆辣味粉及孜然粉，所以味道偏咸，往往也要喝一大杯水才能解喝，所以試過幾次之後就沒有再去了~這店主要是日式燒烤，味道比較原汁原味，想不到一間小小的店也有很多選擇，各種海鮮、素菜或肉類也選擇繁多，帶子及大蜆燒得剛剛好，充滿蒜香及牛油香，很鮮味啊~燒飯團是我的另一推介，三角形的飯團燒得很好，表面燒得很脆身，變了金黃色的飯焦，加了醬汁一起汁味道很好，其實燒飯團真的只可慢工出細貨，太猛火的話很易燒焦的，所以很欣賞師傅的燒烤技術~鴨胸、秋刀魚、多春魚、煙肉蠔、豆角、磨菇、露芛卷及蒜蓉包等也燒得不錯，味道剛剛好，只是燒紅腸及燒雞亦有點腍，不夠乾身，如果乾身一點會更好，附上的醬汁除了有一般的醬油外，還有青辣椒做成的辣醬，辣得來很清新，十分喜愛！最後以燒菠蘿作為甜品，清甜的味道一洗之前的油膩~這小夜開至午夜，對於遲收工的我又可多一個選擇了~

已經食過幾次, 因為自己住附近, 所以價錢較佐敦出名的XX燒貴都會照幫襯, 因為佢用既都係靚料, 點燒都好食既, 同埋佢地服務態度真係比XX燒好得多~ 今次較貴, 2個人食左$5XX, 因為朋友生日, 我地食左蠔, 象拔蚌仔, 蝦, 花夾, 牛扒, 九菜..... 海鮮的確唔錯, 推薦象拔蚌仔, 不過燒九菜真係差, 點都咬唔開, 完全食唔到, 有待改進喇~

以前還在讀大學的時候，吃宵夜除了去可可之外，偶然想吃好一點，就會去吃串燒。那時候港這裡最出色的就是那個綠色的泰式汁，熱辣辣的串燒配上惹味的泰式辣汁，頓時帶出不一樣的味道，另外一款燒汁也不錯，甜甜的。以前只有青圓椒，現在有三色椒，香口多汁。芝士丸燒得有點焦黑，不過裡面的芝士溶得剛剛好，好好吃。多春魚一份六條。每條都有飽滿的魚春。廚師腸。外層微微脆。蒜蓉飽。上面的蒜蓉醬很香，整塊飽都焗得很脆，麵包碎灑到一桌都是。燒粟米。粟米好甜，粒粒飽滿，不過我覺得甜過頭了，哈哈。車厘茄。非常juicy鮮甜。燒洋蔥。洋蔥燒得很漂亮，多汁又爽脆帶甜。金菇牛肉卷。我還是第一次看到金菇牛肉卷的比例如此不平均，金菇超大束，肥牛幾乎看不見，不過味道是沒問題的。蒜蓉牛油焗西蘭花。沒有焗過頭令西蘭花變成軟腍，尚而保留莖部的爽脆，蒜蓉夠香，份量剛好，不會太鹹，不過如果再加一些芝士碎應該更好吃。釀泡菜雞翼。雞皮燒成脆脆的，裡面包著微辣的泡菜，吃起來相當方便，啖啖都是肉。燒牛仔骨。略嫌牛仔骨的肥肉部份太多，沒什麼肉。韮菜沒有燒乾，還保留少許菜汁，配燒汁同吃還不錯的。一陣子沒來，很高興水準一直都沒變。離開時店員更說他們過段時間

第一次寫食評就係比串串地食物除左即叫即燒外都幾有水準,都有好多款食物選擇尤其係佢個燒飯團,真係好好味,又脆又可口(可以講係我食過最好味既燒飯團)除左燒飯團外,仲有燒茄子,牛仔骨,白鱔,扇貝同芝士丸都好好味不過d菜就咸左少少,可以改善下但整體感覺比我好好既impression 我去食個晚個老闆咁啱係度仲走過黎同我地傾計問我地有咩需要改善,仲叫我地一齊比埋意見個老闆好nice同埋佢真係顧客至上所以大家不妨去試下

Was hungry in the middle of the night so decided to come out for a light snack !Turned out it wasn't light at all, but very satisfying!The layout of the restaurant is perfect for what it does. Its long and relatively narrow, majority of the space taken up by a continuous bar table facing the open kitchen where most of the cooking happens. It's a different story when you watch your food being prepared right in front of you.As a 串燒 lover, I always look for good 串燒 places and stick with them. I rea

食到把鬼火真係貼錢買難受 ! 一係唔夠味, 一係咸到*肺. (一定唔會再去) 2011-10-01 22:50219.77.x.x今日諗住唔去佐敦重慶燒食揀間近近地試下啦. 去openrice 見到呢間串串地. 之前都想試下. 見都唔少選擇就去呢間啦.食完呢餐飯既感想. 簡直想殺人. 去到點野食真係超大驚喜. 1, 雞心雞肝雞腎太細串. 2, 羊肉又話好食. 真係麻麻地. 3, 菜花, 九菜又油又咸. 應該講係超咸. 攪到叫左食唔到4, 雞軟骨燒得又耐, 又咸. 5, 白鱔燒得唔夠熟. 有d生. 6, 泡菜雞翼燒到黑哂. 都仲出比人. 成舊碳. 7, 汽水又要$10罐. 8, 虎皮尖椒又唔辣. 9, 牛柳好"un" 最大問題係人又唔多架啦. 仲可以漏單. 明明叫左2份法包. 點知黎完1份就無哂影. 唔吹佢都唔記得漏左. 無又唔出聲. 初初食既時候都唔咸. 仲覺得淡. 佢比既醬汁都配唔到野食. 一個係燒汁. 另一個好似係泰式汁兩個都唔得羅. 食到咁上下見我地叫野飲啦. 就越食越咸. 太過份. 3個人食左$602 真係唔低. 好差.....! 食完成2粒鐘個口仲係超咸. 飲水都解唔番

因為係屋企附近, 所以同老公去食過幾次, 由最初較淡口到最近夠味左好多, 燒飯團夠脆, 海鮮&菠蘿&雞翼都幾好, 醬汁夠辣, 肉類串燒略嫌唔夠肉味. 價錢算ok, $9起, '象拔塝"$19隻, 好甜.食宵夜好D, 晚餐時段多D人, 要等得耐D, 又冇燒得咁香口.買外賣, ready前5分鐘會call你, 幾好, 不過佢地唔識"介"開個盒少少來疏氣, 遠路程就可能會焗"林"左.

夜晚同朋友去呢度食宵夜, 第一次黎呢間食，好多選擇，真係花多眼亂點好心愛既串燒後，侍應派左呢碟醬料黎，d醬幾惹味扇貝:幾大隻，燒得幾入味，又唔會好喊 燒鵪鶉蛋,海蝦: 火候夠，燒得好好味，我試下點d醬一齊食都幾好味燒菜芯: 第一次食落左咁多香料既菜芯，唔係好慣，同埋鹹左少少鴨胸:雖然都係用煙鴨胸黎加工，不過味道都調較得幾好，夠哂香口惹味燒雞翼:意想不到地好味，皮燒得好脆

同朋友係第二度食完野,,經過呢頭,,友人話口痕,,想食串燒,,咁就黎呢度試下啦係出面明明望見有兩個BAR位,,只係比人攞左黎擺袋,,但係入到去同店員講兩位,,佢話而家冇位住叫左我地留低電話,,咁我地就行開左...打左一次電話黎,,不過朋友冇為意過左一輪準備行返過去,,朋友先見到,,行到過去問返佢係咪有位,,佢話張枱比左人喇...要再等過...前後加埋結果等左半個鐘有多...入到去啱啱好十點半...因為裏面果枱人要睇完劇集先走...入到去,,急忙著友人快點落單...因為之前都有睇過食評...知道呢度出菜慢...唔太肚餓,,所以兩人只共點左6樣野食...結果都係如我所料...等左一段時間...大概都半個鐘有多...呢個同佢處理order既方式應該有D關係..(我地估)見師傅都已經密密燒,,只見隔離果枱有得食,,應該係一張單搞掂再搞另一張...咁啱果一枱叫左幾多下...就有排燒...呢一下就連興致勃勃既友人都等到頹左了...等候其間,,我地又順便留意下其他食客,,有一枱食完野好耐,,繼續坐左係度傾,,啤酒飲完再買再傾,,睇黎呢度應該唔趕客走,,唔知出面多D人等位會唔會都係唔趕係既話食飽黎吹水

成日行過見到呢間野,尋晚終於同老婆試下 :- 未夠8點已經坐低,講咗值得讚既地方先, 蝦同鮑魚真係燒得好好, 保留到海鮮應有既水份 仲有每位客人跟一個汁(泰式辣汁&日式燒汁) 都幾好,其他串燒店好少咁做其餘果啲野(牛仔骨/雞心/雞軟骨/洋蔥/泡菜讓雞翼/菠蘿/仲有唔記得咩)都不過不失.要彈既地方:- - 出品超級耐,食足兩個半鍾,就算即叫即燒都唔可以接受,耐到我都唔記得啲野未出晒我就叫埋彈,跟住店員提醒仲有兩樣野未出我先坐番低,耐到真係唔記得叫咗咩- 做串燒竟然冇做牛脷 , R 晒頭.....- 韮菜勁多油+多渣, 菜心燒到生骨,完全唔掂,其他店係一路燒一路掃上汁水以保持蔬菜應有水份,但佢地真係就咁乾燒....好野!!- 多春魚...wu~~~ 乾到苦!! 連魚春都燒到乾晒其實出品既野好難每次保持最好狀態,本來都可以再試下睇下下次會唔會好啲....但佢地既出品時間耐得離奇,當晚人客不太多,真係唔明點解咁耐,拎個頭過去望下佢地攪乜,原來做緊外賣客,外賣客是優先的,所以如果當晚外賣客再多啲既話,我諗等到你傻(果晚我都親耳聽到兩台客催單)至於服務, 呢個係我唔會再黎既原因,有位戴眼鏡類似孕婦