串燒殿 (Closed)

約咗朋友但係未夠鐘, 喺附近睇吓有無小食可以邊食邊等, 咁啱見到 ❥⧽串燒殿 ❥⧽, 食小小串燒好似唔錯喎。餐廳主打外賣, 不過都有位置可以堂食, 而且比較自助形式, 可以自行落單/ 拎嘢飲。𓊈燒蒙古羊肉串 $𝟚𝟚𓊉羊肉燒得剛好, 充滿肉汁。𓊈燒日本霜降一口和牛 $𝟛𝟞𓊉和牛份量都多, 濃濃孜然味。𓊈燒五花腩肉 $𝟛𝟚𓊉五花腩肉肥瘦均勻, 呢個價錢有 2 串, 都幾抵食。𓊈燒頂級墨魚丸 $𝟚𝟚𓊉墨魚丸有少少墨魚粒, 唔會太粉, 面層有七味粉令到味道更香。𓊈汁燒原條魷魚筒 $𝟞𝟝𓊉除咗燒汁, 仲加咗蒜茸同蔥喺面, 令到個魷魚筒更加惹味。𓊈燒脆香燒賣 $𝟚𝟚𓊉燒賣外皮脆卜卜, 裡面好軟腍, 口感唔錯。𓊈燒流心芝士年糕 $𝟛𝟘𓊉流心芝士好軟滑, 年糕軟綿綿。𓊈燒惹味雞泡魚乾 $𝟜𝟠𓊉雞泡魚乾用嚟餸酒真係好正, 燒得剛剛好, 唔會太淋/ 太硬。

🍡🍢串燒殿🍢🍡有時幾個人出黎想傾下計，食啲野吹下水，食啲串燒飲兩杯就最好。朋友們放左工想係尖沙咀吹下水輕食啲，就選擇左呢間串燒殿試下。舖頭細細間但係麻雀雖小五藏俱全，亦都有嘢飲可以選擇， QR code落單好方便。店員好有禮貌叫我哋坐低慢慢揀-惹味蒜蓉燒茄子：食串燒的必點項目，慢慢將茄子燒到淋身，再配上自製醬汁，灑上辣粉和蔥。燒饅頭：幾特別的做法，燒得脆脆地食落去又甜甜地。燒韭菜：自從食過串燒之後就愛上咁樣燒韭菜，燒得幾香口但係一定要有醬汁配埋。燒脆卜卜魚腐：燒得漲卜卜的，加埋辣椒粉更正。花甲粉：佢嘅粉係好似粉絲咁樣，比較爽口，湯底香辣帶蜆味的鮮甜。炸雞軟骨：送啤酒一流的雞軟骨炸得剛好。蒜蓉焗蜆：有蒜蓉、調味料焗好的蜆香噴噴，喜歡吃蜆是必食的。

今日同朋友行完街之後都唔係咁肚餓，經過呢間串燒小店，見價錢合理，就入去食番兩串。🐟燒超惹味雞泡魚干$48好有咬口，係最佳嘅佐酒小食。🍆惹味蒜蓉燒茄子 $38燒茄子每次都係必點，超惹味，茄子一條條撕下咁食，質感軟綿，索晒個蒜茸汁，好正，好快就食晒。🐟燒頂級多春魚 $58燒到脆卜卜，連魚骨一齊食，入口酥脆，魚春口感唔洗講都正😙🥖燒饅頭 其貌不揚嘅饅頭都燒得好食，不過略嫌個底有少少燶左🥹，上面沾了一點蜜糖，入口軟綿，都有驚喜🤩🥒燒翠玉瓜 $14唔會乾身，食落仲好juicy，蔬菜類必點之選。雞軟骨 雞腎食串燒必點，兩款都一個價錢有兩串，口感脆卜卜，不過我就鐘意軟身啲嘅雞腎。🍍燒甜美菠蘿$32最後食埋個燒菠蘿當甜品，酸酸甜甜，解滯去膩。每款串燒都加左好多孜然粉，啱晒鍾意孜然粉口味嘅我哋，令到串燒食喺嚟更香，不過如果想要少啲孜然粉嘅都可以同餐廳溝通一下😄見到有人外賣龍蝦仔，好似都幾吸引，下次可以試吓😁

去開韓國街買野，發現附近都幾多野食😋 今次揀咗間串燒店😆 見佢環境都幾有氣氛😆惹味蒜蓉燒茄子超大舊茄子🍆蒜蓉味好香🤩 麻辣都幾惹味😋 啖肉咁，好似食到肉味咁🤣錫紙花甲粉超多花甲，啖啖肉🤩 入面仲有唔少配料，有娃娃菜及金菇等～ 全部食落都好入味！！麻辣口味，鐘意食辣都可以挑戰😆串燒🍢🌟 燒雞肉：外表睇落好乾，食落又唔係喎😆 肉質幾淋，唔錯😆🌟 燒雞軟骨：咬落去爆汁咁，爽脆爽脆，好有咬口💕🌟 和牛大葱卷：和牛肉質柔軟，大蔥吸咗好多和牛汁，夾埋一齊食爽😆🌟 燒五花腩肉：肉眼可見嘅肥瘦相間🤩燒到外表焦香，肉味濃👍🏻🌟 秋葵：咬落爽脆，內在軟熟😋 調味後麻麻辣辣～

喺尖沙咀食飯搵間舒舒服服吹下水嘅地方都唔太易，有人提議不如食下串燒啦，上網搵搵就見到呢一間新開嘅串燒店。佢落單好方便，可以用app scan 個QR code 落單。花甲粉幾足料，入邊好唔少花甲，肉質唔錯又冇沙，麻辣湯底對我呢啲只係食三小辣嘅人都頂得住，粉絲爽口掛汁，唔會好容易哽喉嚨。椒鹽魷魚鬚幾彈牙，炸漿一啲都唔厚，啖啖肉咁。串燒方面就叫咗燒雞軟骨，咬落去油脂豐腴，軟骨爽脆。串燒南美虎蝦燒得幾好，肉質唔會太乾。串燒雞中翼一客兩隻，上面灑上好多孜然粉去燒，外皮咬落去脆脆地，裏面仍然保持好Juicy。叫咗咁多肉都係要食返啲菜嘅，個燒韭菜𡁻起上嚟冇渣，雖然有調味但仍然夠清清甜甜咁。燒茄子🍆值得推，自己喺屋企焗好易唔夠淋，呢間整得起好，茄子皮帶點脆，裏面嘅茄子肉好軟爛。燒雞泡魚乾鮮甜味美，細細咀嚼嗰陣時魚香出哂黎，連沙律醬都唔使蘸就已經好正。

臨迎中秋節，最掛住疫情前成班friend一齊燒嘢食兼賞月🌕 今日推介呢間燒烤小店，餐牌選擇多，約埋三五知己一齊飲吓啤酒，食吓串燒，吹吓水，感覺好爽👍🌟風味燒烏頭魚$158 🐟大大條，好濃蒜香味，食落零腥味，燒烤技術一流👍 皮脆肉嫩，味道調校得啱啱好，廚師功架十足，食晒成條己經半飽，好滿足😆🌟惹味蒜蓉燒茄子$38🍆茄子燒到好冧滑，入晒味，燒烤必食👍🌟雞泡魚干$48點沙律醬食好鮮甜，送啤酒一流👍🌟錫紙燒蒜蓉金針菇$35每次食燒烤都會鍾意點呢樣，好惹味👍

同朋友兩個本身諗住買串燒番屋企食，但見到舖頭啱啱有位，又好多外賣單，不如坐底chill下啦。好，坐低睇吓有咩好食先。醬燒魷魚鬚串，個醬燒汁好惹味，燒完個魷魚鬚都唔會dry惹味蒜蓉燒茄子，原條大大隻茄子，海量蒜蓉燒完勁香，心知食完個口都會好香，但都忍唔住要食！燒雞軟骨、燒雞皮，雞軟骨食落咯咯聲，雞皮燒完之後迫左啲油分出嚟，好香脆。麻辣小龍蝦，麻辣到十足，小龍蝦索晒汁，加埋上面芫荽撈一撈，又麻又香。椒鹽魷魚鬚，頭先一抽魷魚鬚未夠喉，而家試個炸嘅，炸到金黃色脆卜卜，魷魚又夠粗又厚肉，good呀！

平時喺尖沙咀有乜嘢好食，一班人小聚，可以試吓嚟食串燒殿，佢係用呢個四川食燒烤嘅方法，幾惹味架。𝐎𝐫𝐝𝐞𝐫:-⧐ 惹味蒜蓉燒茄子 ⧐ 燒超惹味雞泡魚千 ⧐ 燒韭菜 ⧐ 美味玉子燒 ⧐ 麻辣小龍蝦 ◎燒韮菜茄子一定係串燒必食嘅野食！◎雞泡魚乾真係好少地方有得食，好有咬口◎玉子燒甜甜地，好易想食多舊◎小龍蝦幾正，食串燒都可以有龍蝦食！—————————————📝評分味道 ⁴/ ⁵環境 ⁴/ ⁵服務 ⁴/ ⁵衛生 ⁴/ ⁵抵食 ⁴/ ⁵—————————————📍店舖：串燒殿尖沙咀金巴利道58號A號舖

今日朋友約我去尖沙咀食野，搵下有咩食見到呢間開左無耐既串燒店，比佢門口張小龍蝦🦞吸引左😍兩個女仔食左好幾款野食😍-惹味蒜蓉燒茄子🍆好多蒜蓉個秘制醬汁一齊燒，好正👍🏼茄子又夠滑身🤤-錫紙燒蒜蓉花甲，好耐無食花甲啦！夠新鮮又無沙，膽膽肉😋通常食開都係炒，好少食燒既方法！真心唔錯！-麻辣小龍蝦，平時好少食，但佢個賣相好吸引😊味道夠鮮肉質又飽滿👍🏼👍🏼正仲有好幾款都有食，例如燒魷魚串燒都好多汁同夠香

經過一星期忙碌工作，星期五晚最啱就係約朋友chill一chill食串燒呢間串燒店位於尖沙咀，地段方便，啱晒放工嚟一望個餐牌見到有麻辣小龍蝦咁特別😮好少串燒店有，一於試一試，朋友話好麻又夠辣，一隻接一隻，我就嫌麻煩剝殼，食咗三隻就全歸朋友，但都同意佢所講好惹味😆😆😆我就食啖啖肉嘅燒五花腩串，上到枱仲聽到吱吱聲嘅油脂聲，影相都望到幾咁有油香，咬落啲肉汁必晒出嚟，但又唔會覺得膩，一人一串啱啱好鍾意食海鮮嘅朋友仲點咗錫紙燒蒜蓉花甲，花甲份量都幾多，蒜蓉味好出，襯托出花甲嘅鮮甜，食完一隻會忍唔住又夾下一隻串燒店必叫嘅蒜蓉燒茄子，鋪滿哂蒜蓉，茄子燒到好淋好juicy燒雞泡魚干超惹味，佢上面有啲汁一齊燒，唔會乾爭爭，點埋沙律醬就perfect呢間店上菜唔耐，一邊吹水就一邊等食物上，價錢又唔貴，下次會同朋友再嚟，叫杯啤酒啤一啤

超愛食串燒，放工後找朋友去食串燒，朋友就帶我去串燒殿。蒜蓉烤茄子香油爆過的蒜蓉，聞到濃郁蒜香，口感軟嫩入味，香辣開胃又令人回味。燒雞軟骨雞軟香脆，食落有雞肉更增添口感，酥韌香脆。燒雞皮串雞皮特有油脂豐富味覺感，肥瘦適中，帶有鹽燒味道。燒韭菜兩三根韭菜串一起，韭菜裹着濃郁豆瓣醬，香濃鮮味又非常新鮮。燒肥牛金針菇卷牛肉片攤平，放上金菇捲緊，搽上日式照燒汁，牛肉味濃郁，有和風味道。醬燒魷魚鬚串魷魚Q彈口感，有嚼勁，醬汁調得好入味。串燒殿地址：尖沙咀金巴利道58號A號舖

好耐好耐好耐無食串燒 因為成日覺得唔夠飽由於今次同朋友都唔算好肚餓 所以搵咗間串燒食-餐廳雖然細 但都幾多選擇 咩類都有本來都唔諗住食太多野 點知因為太耐無食 想食既野越剔越多😂-🎏蒜蓉燒茄子 💰$38✨✨食燒烤必點之選 好香好入味  上面既蒜多到不得鳥🤩-🎏花甲粉 💰$55✨花甲粉fan表示唔食唔安樂 份量多到食極仲有不過麻辣花椒味嫌有少少唔夠 如果重味啲會更出色😋-🎏流心芝士年糕 💰$32✨年糕放咗最尾食 (因為都驚漏)放咗咁耐依然軟熟 入面芝士好大舊勁香濃重味如果唔太好芝士既可能要考慮下 但如果妳鐘意芝士一定要食-🎏小饅頭 💰$22有少少特別 饅頭底會有辣粉 但饅頭本身喺甜甜地變相又甜又鹹又辣辣地 睇個人喜好鐘唔鐘意呢份味蕾衝擊-🎏燒菠蘿 💰$32✨✨爆汁juicy 咬一啖啲菠蘿汁已經喺咁滴 仲好甜-🎏燒韭菜 💰$14🎏雞泡魚干 💰$48🎏辣汁燒花甲 💰$68🎏麻辣汁燒八爪魚鬚 💰$58🎏日本甜薯 💰$26🎏雞中翼 💰$32-餐廳所有食物都偏大份 價錢亦唔算太貴食串燒都可以食到勁飽🤰🏿

話說，最近的串燒魂被燃燒起來，所以我又去食串燒啦！今次又係由尖沙咀朋友搵到新餐廳，店子小小，除了堂食，當晚仲有好多外賣單，相信有一定的味道保證。兩位店員雖然忙到踢哂腳，但依然好有耐心同keep到親和力，而客人見到佢哋咁忙都自動入座、掃安心，雖然係過客但默契度極高（笑）～全部串燒即叫即燒好新鮮，相信大家為美食都會願意付出時間，已經同朋友講好要再訪！◽️ 甲羅燒無慮即叫味噌釀蟹蓋，面層鋪了芝士，加一份邪惡。撈勻放上多士同吃，啖啖的蟹膏令人停唔到口，極度建議大家秒速影完相親趁熱食。◽️ 惹味蒜蓉燒茄子平時麻麻茄子，但燒茄子是例外！蒜香十足，辣味亦衝出來，多汁軟嫩，必點。◽️ 燒香蕉香蕉烤過後的甜度提升不少，灑一點朱古力醬，真係好夾！◽ 汁燒原條魷魚筒原隻睇落已經好滿足，口感彈牙且嫩，加點蔥同吃能提鮮。◽ 燒法式鵝肝多士燒完迫出油分，油香豐腴，入口即融，一啖食哂的滿足感，還有少少果蓉或果醬有減膩作用。◽ 串燒雞中翼入味之餘又juicy，仲食到香料味道，雞翼控必點！！◽ 玉子燒玉子燒有蛋香，柔軟又有豐厚的口感。◽ 燒薄切牛脷彈牙、好味、有肉汁，不能不點的三大原因。◽ 燒豬大腸燒至脆身但不失肥膩，邪惡邪

入面掛滿晒佢地既串燒食物相，店員俾左qr code我地自己落單，入面都有食物相，夠方便。今日好肚餓叫左好多野食，有蒜蓉燒茄子🍆、燒翠玉瓜、燒韭菜、錫紙燒蒜蓉花甲、汁燒白鱔、日本霜降一口和牛、王牌牛脷心、燒安格斯牛柳串、醬燒豬頸肉、錫紙燒蓮藕片、炸雞軟骨、燒流心芝士年糕、燒雞泡魚乾！兩個人叫左13樣野🤩🤩非常鍾意食蓮藕，見到咁特別既錫紙燒就決定試試佢！份量多，咁樣整蓮藕唔會乾身，又吸晒調味料嘅味，正👍🏽👍🏽👍🏽見到好多人都點呢個燒流心芝士年糕，我又鍾意食芝士，直接嗌埋😍岩岩燒出來小心焫手，一咬落去入面芝士想流出來咁樣，好正😋😋呢間鋪頭好夜先關門，非常適合係尖沙咀飲完野過來食🤭

話說呢日同男友喺尖沙咀美麗華附近行完街街，見有啲餓就睇下有咩新餐廳啦~發現原來無幾遠開咗呢間串燒店，所以就去咗試試佢~ 🧡錫紙燒蒜蓉花甲（$68）花甲鮮甜，配上蒜蓉、蔥、芫荽等配料非常惹味！份量亦都十足，正！ 🧡燒超惹味雞泡魚乾（$48）雞泡魚乾好有咬口，唔會太dry，送酒一流！ 🧡惹味蒜蓉燒茄子（$38）食串燒又點少得茄子呢！蒜蓉燒茄子呢個配搭就無得輸㗎喇，呢到嘅茄子入味又唔會乾身，皮肉分離，外皮唔燶，大大條食落就係爽！ 🧡燒脆香卜卜魚腐（$18）外表乾身香脆，入面多汁juicy，幾有驚喜！ 🧡美味玉子燒（$32）表面帶有微微嘅燒烤焦香味，入面有陣陣嘅玉子甜蛋香氣，口感一流，味道特別，值得一試！ 🧡燒肥牛金針菇卷（$28）焦香唔油膩，味道、口感同樣豐富，唔錯！ 🧡燒翠玉瓜（$14）爽脆水潤，可以一試！ 🧡燒鮮冬菇（$14）香氣十足，食落水潤，調味剛好！ 🧡醬燒魷魚鬚串（$32）大大份，有咬口，味道唔錯！