九爺牛腩 (新聲大廈)

Open Now

Now Closed

#性價比高崩沙腩午飯時間去邊度食lunch 係一個令人頭痛 但要成日面對嘅難題 快靚正 又唔使等太耐位嘅前題下 我有好介紹俾各位牛魔王😈😼-🍛崩沙腩飯 $62九記牛腩粉 要成$60 同樣價錢 喺呢度可以升呢食崩沙腩🥳 小店將崩沙腩同白飯分開上 腩汁唔會攪到啲飯又濕又淋 更有口感 崩沙腩嘅薄膜帶膠質同些少肥膏 爽軟唔硬 肉質軟嫩 點辣椒油 食 正到呢😋🤓🤩-🍜八寶麵 $60轉魚麵 加$14選擇困難冇有怕‼️ 揀呢個唔會失手😋 佢直頭係一個豐盛嘅全牛宴 加爽口彈牙雜丸 八寶即係：牛肚/牛筋/崩沙腩/魚片頭/魚蛋/墨丸/牛丸/貢丸 魚麵爽口唔腥 值得一試-🥣淨魚片頭 $40加碼魚片頭配辣椒豉油 彈牙夠味有辣勁-📍九爺牛腩尖沙咀漢口道17號地下F及G舖

平時間唔中都會想食吓啲簡單嘅粉麵做一餐。係I Square 後面漢口道有一間新開潮洲牛腩粉麵餐廳。見到幾四正就入去試一試。見佢哋嘅必食推介係崩沙腩河就即刻叫返一碗試吓佢。雖然$50，但份量都幾大碗，成片牛腩工工整整咁切開咗9件，湯都唔會死咸。想咸啲可以加傳統嘅魚露提味。另外又叫咗一碗雲吞，$40 六粒仲有菜底，雲吞蝦同肉嘅比例合適，仲有大地魚粉嘅味道。炸墨魚丸都唔錯，如果想試曬所有料仲可以叫招牌八寶河添。

《港式抵食牛腩🐮》———————————————-#九爺牛腩 👴🏻-尖沙咀物價都唔平，想搵碗抵食嘅粉麵都唔容易，呢間位於漢口道嘅新麵店十分高質，最緊要價錢貼地，性價比極高，$50就食到😊 而且選擇多元，環境亦乾淨舒適，店員親切好客，好好服務🤟🏻-🐮 崩沙腩麵崩沙腩口感軟淋，肥瘦適中，份量十足😛我哋揀咗湯伊麵底，都幾特別，店員仲推介我哋下次可以食咖喱牛腩撈伊麵，更加入味😚-⭐️ 招牌八寶河呢個招牌款式夠哂豐富飽肚，有牛腩、牛筋、牛肚、魚皮餃、魚蛋、牛丸、墨魚丸、貢丸，特別中意牛筋，充滿骨膠原，爽口彈牙，腩汁嘅湯底亦好香濃😍-另外我哋仲追加咗兩款小食，炸雲吞同魚皮都好香脆，炸雲吞裡面嘅蝦勁彈牙，十分足料🍤-⭐價錢參考：崩沙腩配豬手伊麵： $56招牌八寶河： $60炸魚皮： $20炸雲吞： $28🍌抵deal 指數：8/10💰人均消費：$100

今日去做facial路過見到尼間新開既餐廳，見今晚屋企又吾煮飯，就叫細佬放工過尼一齊食入座後職員比餐牌我地睇再同我地講崩沙牛腩、牛魔王、招牌八寶，尼3種比較多人叫尼食，睇價錢又真係幾抵，崩沙腩河都係50蚊，平時屋企樓下食崩沙腩河都要52蚊🤔我揀牛魔王河走青，細佬揀崩沙腩河，淨雲吞，再叫左凍檸檬茶職員好快送餐，牛魔王有好多吾同既牛內臟，望落都幾乾淨，食落幾入味，崩沙腩肥瘦平均，啖啖肉吾痴牙，雲吞d蝦好新鮮好彈牙，河粉份量好多完全食吾曬，好飽好抵食

尖沙咀漢口道開咗間新嘅麵店，平時lunch時間好多人幫襯，今日就吓嚟食晚餐，餐牌選擇都幾多，主打招牌八寶河，崩沙腩河… 價錢貼地，尤其精選套餐好抵食，$50 包埋油菜同飲品～招牌八寶河 $60非常豐富足料，有牛腩，牛筋，牛肚，牛丸，魚蛋，魚皮餃，墨魚丸，貢丸… 牛腩肥瘦適中；牛筋好多膠質好有咬口；牛肚爽口，丸類爽口彈牙～加咗腩汁嘅湯底特別香濃～黃金片頭河套餐 $50魚片頭炸到金黃色，裏面好爽脆彈牙～河粉好滑好大碗，湯底都好清唔會太鹹～套餐配嘅🥬油菜可以揀生菜/油麥菜/菜心，我哋揀咗腐乳菜心～非常爽脆，而且都好大碟～炸墨魚丸 $28炸得香脆可口又唔會太乾，好似墨魚丸爽口彈牙～香茅雞翼 $28超大隻雞翼，外皮炸到金黃色好香脆，咬落去嘅時候仲會滴晒肉汁，雞翼都醃得好香而且唔會太鹹～總結，食物質素唔錯，上菜速度超快～老闆都好親切，會走來同食客吹吓水～地點方便，環境乾淨舒適～

好耐冇食牛腩河，因為好多記憶點中有名牛腩粉麵店都「不復當年勇」，自然就令我冇想食嘅動機。而令次因為一個美麗嘅誤會，錯有錯著反而好有驚喜！九爺啊九爺，全靠你嘅崩沙腩，再次燃點返我對牛腩熄滅良久嘅嗰團火。崩沙腩，係牛橫膈膜附近，肚皮兩邊嘅腩位，一般食嗰陣見到最頂有一層乳白色夾層，咪傻豬豬以為佢係「脂肪」就將佢咬走，因為嗰part正正係牛嘅橫隔膜，有佢個腩位先會咁香咁有咬口！而聽講一隻牛最多只夠serve到5、6碗帶橫隔膜嘅崩沙腩㗎咋！分別點咗崩沙腩河，再追加牛脷、牛筯同牛肚變成四拼，因為太好食（最推介係崩沙腩同牛脷），決定再追加多個雙拼飯嘅組合，明顯雙拼可以充份滿足我對九爺崩沙腩同牛脷嘅熱愛，無諗過自己可以一口氣食晒兩個set！證明，我真係太耐冇食到咁好味嘅崩沙腩，開心到個胃都忙晒形！哈哈！最後，紫菜四寶丸都相對抵食，超多紫菜同生菜底，四寶有貢丸、墨丸、魚皮餃、魚片頭同魚蛋，丸類味道都唔錯尤其係個貢丸，冇好重味精嘅感覺，係一粒我食過最「清淡」嘅貢丸，不過如果你係重口味或鍾情特濃香菇香嘅，呢個貢丸可能就唔多啱你嘞！‑ ‒ – · 四崩沙牛腩牛脷牛肚牛筯河 ⁸⁰· 雙拼牛腩牛脷飯 ⁷ ²· 紫

今日計劃出尖沙咀apple 出iPhone 14 ，所以要節衣縮食，睇完之後去食返個牛腩河平衡下見呢間比較新同乾淨，5點鐘又吾多人，入去食野順便休息下見到有崩沙腩，仲要係$50 ,超抵，加$8 仲可以加豬潤，係尖沙咀呢個價真係超抵食，崩沙腩又淋，肥瘦適中，性價比勁高咖喱牛腩撈伊麵，咖喱好香好多，有陣特別香味，牛腩好軟熟小食炸魚片頭同炸雲吞炸雲吞隻蝦勁彈牙，個皮又香脆最後係杯檸茶，好香茶味又吾澀，有驚喜~~~

🤔🤔🤔呢度除左一般食粉麵餐廳嘅牛腩魚蛋河之外😉，仲有手撕雞😂加粉麵飯另外仲有麻辣味同砂礓味兩款選擇😋😋😋，今次我另一半就選左砂礓味😂😋😛加湯河，因為如果食辣可以自己加辣椒油😋，最啱一啲辣妹辣仔🫣🫣（不過聽服務員講話啲辣椒油係秘製）🤭，外加一碟炸雲吞配泰式辣椒醬；而我咁鐘意食牛當然就係叫咗服務員推薦嘅🐮牛魔王河粉🐮同腐乳通菜😉，講堅中午係尖沙咀區食呢碗粉真係飽到夜晚都唔使食飯🤣🤣🤣。

近排經常要去尖沙咀，放工見到有間未開張牛腩麵試業，入去試吓：湯底夠味、不太咸、唔算香，牛腸好香👍淋度口感適中😋牛腩靚夠淋～無炆到爛曬，其他牛雜算ok，碗面都幾大碗，價錢合理，唯一要注意下找$問題，找錯$😓😓