九運來粉麵世家

Open Now

Now Closed

餐廳在Sogo後街地點好方便,而且餐廳粉麵價錢性價比高,份量又十足,最適合我這個大胃王。招牌八寶河八寶河包括有牛腩,牛筋,牛肚,魚蛋,牛丸,墨魚丸,魚皮餃,豬肉丸,材料豐富性價比高,大大碗湯底清甜不膩,河粉比較幼細好嫩滑,飲品有凍檸樂。鮮蝦雲吞米線精選套餐配有油菜一碟.鮮蝦雲吞好飽滿,大大粒口感爽彈鮮甜,米線軟硬適中,口感爽滑,油菜係唐生菜,口感青嫩清爽,飲品有凍檸樂。香茅雞翼下午茶餐配有半份西多士和沙律,雞翼炸至金黃色,外脆內嫩仍保持多汁,食落好香口,半份西多士厚身,口感軟綿不腻。

喺銅鑼灣嚟咗呢間港式粉麵店諗住食個簡單快脆嘅 late lunch 🤣$71「招牌雙沙麵」𨍭「伊麵（+$8）」加「紫菜」加「豬手（+$9）」：「雙沙」係「招牌牛沙瓜」同埋「崩沙牛腩」🤣；「崩沙牛腩」肥瘦適中肉質軟熟兼有濃郁牛味😋；「牛沙瓜」軟熟得嚟有少少爽口兼有少少似牛肚🤣；「豬手」有一件大大件炆煮得幾軟熟🤣；「伊麵」有啲啲煙韌幾好味道🤣加 $12「郊外油菜」：油菜 揀咗「菜心全走」，「菜心」幾新鮮又爽脆，「全走」簡單啲🤣跟麵「熱奶茶」：大大一杯夠濃郁夠滑😋嚟多杯 $18「熱檸水🍋💦」：又係大大一杯，簡簡單單幾清新🤣

今日等個朋友食Lunch，由午餐等到變成下午茶，已經超級肚餓，經過駱克道九運來粉麵世家門口，見到啲下午茶真係超級抵食。坐低後，侍應小姐姐介紹佢哋嘅超牌切腩片頭撈粗，我一睇就心動，然後再叫多個雙沙湯河同淨雲吞，加埋自家製嘅辣椒油，真係好正。餐廳乾淨整齊，坐得舒服。侍應態度好友善，介紹菜品時都好有耐性，出菜都好快。超牌切腩片頭撈粗嘅口感真係唔錯，腩肉切得薄，味道濃郁，啲汁撈埋粗麵都好夾。雙沙湯河嘅湯底鮮味十足，河粉滑，牛肉件肥瘦相隔，口感豐富。淨雲吞皮薄餡靚，蝦肉又爽又鮮甜，加埋自家製辣椒油，味道好好，鍾意食辣嘅唔好錯過。今次冇食到下午茶，下次一定會再來試吓。

💁🏻‍♀️份量之大 令我再三回訪 仲有就係店員叔叔就算再忙 都非常親切同埋見廚房成煲牛腩牛雜乾淨企理 令人食得好放心❣️牛腩牛雜河一碗有齊牛腩牛肚牛膀牛肺牛腸食開牛雜嘅人都知牛膀係牛雜靈魂之處即係胰臟 係最珍貴嘅部位 呢度好慷慨 勁厚切另外秘製醬料調製已去除牛雜腥味 異味處理徹底牛腸都已經去除大部分肥膏 食得好放心❣️招牌八寶米牛腩牛肚牛筋魚蛋墨丸豬肉丸牛丸魚皮餃一碗食到咁多種配料真係滿足感倍升牛肚同牛筋炆到好腍 牛腩帶埋塊筋膜位置 更有口感各種丸類都大大粒爽口彈牙 墨丸仲有墨魚碎 勁出色❣️香茅雞翼呢度除咗有粉麵之外 都有簡單西式飯類食過覺得炸物都做得非常出色香茅雞翼香茅味出眾之外 雞翼飽滿又保持肉汁一份仲有五隻 非常抵食❣️炸魚皮食牛腩河當然要配炸魚皮啦 要來點湯食一流魚皮非常薄身 帶鹹香 夠晒脆口而且一份有成一大袋 食唔晒仲可以成個密實袋拎走添❣️腐乳通菜加$12有嘅腐乳通菜都大大碟 一啲都唔馬虎

📍九運來粉麵世家 (銅鑼灣)📍銅鑼灣駱克道513-515號永勝大廈地下A號舖🟡招牌雙沙河 (+ 牛腸)🟡腐乳通菜🟡麻辣墨魚鬚（細）🟡凍檸檬菜蜜每次經過都見到好多人嚟食嘅九運來粉麵世家，位於銅鑼灣地鐵站附近，方便易搵。✨【招牌雙沙河 + 牛腸】$71 + $10雙沙河超足料！夠入味，炆得好腍，完全唔鞋口。加咗牛腸更加惹味，乾淨無腥味，河粉滑溜不黏口，湯底濃郁，好正！✨【腐乳通菜】$20簡單小炒，但做得唔馬虎。腐乳味夠香，通菜爽脆，一啲都冇渣。✨【麻辣墨魚鬚（細）】$54辣得過癮，麻香突出。墨魚鬚新鮮彈牙，細份都好足料，口感同味道都好滿意。整體嚟講，食物質素高，價錢合理，入黎之後冇見過人流停止，好食又抵食！

🍜 **銅鑼灣隱世米線王*「九運來粉麵世家」藏身駱克道，街坊都讚係高CP值米線神店！即睇點樣用一碗粉征服食客～---### 🌟 **必試三寶**✅ **牛筋牛腩牛肚米線**牛筋慢煮到軟糯黏唇👄，牛腩鬆化帶少少筋膜咬口，牛肚爽脆無異味，湯底用牛骨熬足8小時，飲完唔口渴！✅ **限時麻辣牛丸河 $27**激抵價歎手打牛丸，麻辣湯底香而不嗆🌶️，河粉吸盡精華～✅ **下午茶套餐（14:30-17:30）**雙丸河$39套餐仲送嘢飲，仲有其他抵食之選都係$39起

肚餓又想食啲地道又飽肚嘅粉麵？放lunch經過揾到九運來粉麵世家🔥🍜 崩沙腩幼麵加墨魚鬚** 🥩🦑🍜 d餸份量好多！崩沙腩燉得軟腍入味肥瘦均勻，墨魚鬚好爽口彈牙！配上招牌湯底腩汁味濃同呢度嘅麵條比較粗身，又夠彈好食！ 紫菜蠔仔肉碎泡飯🦪🍙 痴線呢個勁大兜，滿滿嘅紫菜同蠔食肉碎，鋪滿成碗泡飯，蠔仔鮮甜滑溜，肉碎鹹香又惹味，再配埋粒粒分明嘅白飯，暖胃又滿足！西多士🍞🍯 邪惡之選！外層煎得金黃香脆，內裡鬆軟，面頭一大嚿牛油～淋上香甜蜜糖，夾心仲有花生醬鹹甜交融，真係幸福感爆棚～ 菜蜜🍯🍋 奶茶🧊☕ 下午茶時間仲有送野飲

如果去開銅鑼灣必須要試既九運來除咗有招牌香港特色粉面之外原來仲有湯飯同好多地道小食等 🙌🏻餐牌上既選擇真係好好多而且每款都好吸引 款款都份量十足🤩今次試咗冬瓜鴨腿湯飯原隻鴨腿 炆得嫩滑入口軟淋啲肉完全唔會覺得好柴配上清甜既冬瓜湯 食落真係非常開胃😋小食嘅話就試咗麻辣墨魚鬚墨魚鬚彈牙有嚼勁秘製麻辣醬夠麻又夠香又唔會辣過頭🌶️仲嗌左碗牛肚河湯底香濃清澈 牛肚爽口彈牙河粉亦都好滑同吸收晒湯底既味道👍🏻

這晚有事，想簡單解決晚餐，但又不想將就，就來這裏了，Sogo後面條街，地點方便，最重要是他家的牛腩真心不賴😋😋。✴️皇牌牛四寶河米 $66看那個份量，好誇張，滿滿的牛腩／牛筋／牛肚／牛脷，口感不同，但是都燜得很腍很入味，配上一口爽口的米粉，簡品粗暴，真的很好吃😋，份量好多，男生來吃應該很滿足。✴️招牌八寶河 $66這個更誇張，已經包含上面了四寶粉的4種配料，還有牛丸／貢丸／墨魚／牛丸／魚皮餃，數了數應該有9寶，我朋友點的，太澎湃了，配上爽滑的河粉，一絕。✴️麻辣墨魚鬚 （細）$54點的時候以為是炸的，上桌才發現是川燙的，不會熱氣，口感是又綿又爽的，不太會形容，裹滿麻辣醬，挺惹味，個人口味，我還是覺得炸的比較好吃😆。✴️凍檸茶 $8（加配價）大大杯，茶香，檸檬也多，很難不好喝。✴️凍檸水 $8（加配價）大大杯，檸檬多，檸檬味清新，好喝。總結，多忙都要對美食有要求，不將就。這家CP值爆炸，大件夾抵食，10幾20分鐘解決晚餐，服務態度我覺得挺不錯的，有外國遊客，店員叔叔英文不好，還是很有禮遞上有英文的餐牌，再用簡單英文推介👍。

嚟緊月尾又去旅行，所以要慳啲錢，唔好食咁貴晚餐同媽咪去食魚蛋河，銅鑼灣$50樓下有交易，幾抵食崩沙牛腩河$61牛腩份量都幾多，六點去得返最後一份，假期想食嘅話就要早啲去牛腩炆得幾腍，啲脂肪都夠厚，邪惡得來真係好好食雲吞魚蛋河$45雲吞裏面有粒粒蝦仁，瘦肉同埋蝦嘅比例一半一半，魚蛋夠彈牙麻辣墨魚頭$52墨魚頭爽口，辣醬鋪滿喺墨魚頭，好惹味菜心$12另外叫咗碟菜心，跟粉麵餐叫只係加$12，晚餐食返啲纖維健康啲

喺呢個繁忙嘅城市，餐廳嘅招牌菜永遠都係咁吸引人注意同朋友揀咗兩款招牌河粉兩碗都份量十足！ღ招牌雙沙河 $71雙沙有崩沙腩同牛沙瓜，崩沙腩富有牛肉香味，口感爽中帶軟，後者口感比較爽脆又不失嚼勁，而河粉亦都柔軟滑嫩，令人回味無窮ღ招牌八寶河 $66有咗八種唔同嘅配料，有牛肚、牛筋、牛腩、魚蛋、牛丸、香菇貢丸等等，好豐富，清香味濃，令人忍唔住想再嚟一碗⋯⋯⋯⋯ღ油菜 +$12⋯⋯⋯⋯紅豆冰+$12凍奶茶+$8餐廳免加一，份量足，好抵食❗️

路過 問收銀 三個有冇位收銀員非收錢中 但冇回應我哋見有空位自己坐叫樓面收枱 路過我哋張枱三四次 終於肯收但收枱唔抹枱 叫抹枱完全唔理直接叫落單 一樣睬你都傻唔怪得知咁多食市 話幾好食一樣執笠啦

新春期間很多食肆都沒有開門，在街上想找一間普通的食肆吃飽便算。剛好見到這間九運來網上評語很像不錯，所以去試試，他們出名是牛坑腩但由於是新春期間都沒有坑腩了，所以我只叫了普通牛腩和魚蛋雙拼河粉、凍檸檬茶。他們這裏地方少少當然不能說坐得很舒服，但是味道還是很不錯的。我本身對這個牛腩沒有太大期望，但是出奇的美味，魚蛋味道也可以，而且河粉的份量頗多，真是大件夾抵食，我覺得算是可以吃的一間食肆，充滿誠意好像是家庭式的。

呢度出名食牛腩粉麵飯，一入到去已經聞到香噴噴嘅味道。估唔到一份都幾多下，牛腩煮至軟身，吸滿牛腩湯汁，牛味突出，新鮮又帶鮮甜味，性價比高。牛筋帶骨膠原，無怪味，各有千秋，值得一試。主食可以按個人喜好選擇麵條或改為飯，麵條軟硬度適中，飯夠熱，兩款搭配都幾夾。剩食有手撕雞，沙薑味夠出，雞絲唔嚡口，食落滿足，以一間牛腩店嚟講會話有驚喜。另外見旁邊都有唔少人叫全日套餐，包埋嘢飲好抵食，香煎雞扒煎至金黃，外層薄身，肉質嫩滑多汁，餐肉蛋又係邪惡但好味之選。而醬汁可以要蔥油、咖喱或黑椒，撈埋主食可增添香氣。

喺銅鑼灣都有大碗夾抵食嘅湯麵🍜呢間麵家除左崩沙腩 仲提供多款牛部位 除咗湯河 仲有泡飯 碟頭飯 常餐早餐🥣應該有超過200款嘢食🤣鮮味豬三鮮麵 $58 （轉魚麵 +$14）呢碗有齊豬手、豬潤、豬肚丸 三款餸豬手炆到好軟腍 淡淡都充滿膠質 南乳味非常香 豬潤就幾爽脆 豬肚丸幾特別 好彈牙又有胡椒香見到佢有得轉魚麵 食落非常彈牙 好似麵條型嘅魚蛋咁 有魚香 但係唔會腥 好味🤤-（淨食）手撕雞 $90手撕雞可以跟湯河 亦都可以單點 淨食會比較大碟可以揀沙薑或麻辣味 雞肉亦都唔嚡 入味但食完唔會好口渴底下仲墊左好多生菜😆食成碟好飽