二鍋頭 (嘉芙中心)

Open Now

Now Closed

任食雞煲打邊爐食得多！呢間餐廳竟然有埋烤魚同埋羊腩煲任食再加打邊爐任食，仲有埋雞煲、豬手煲、牛尾煲！我地首先就叫返條烤魚先，有2款魚選擇，4款口味！ 我地叫左海鱸魚麻辣味，上菜時真係嚇左一跳，估唔到條魚咁大條，原條上！外邊煎香左再加入麻辣汁，非常惹味！跟住就再試埋個羊腩煲，肥瘦適中炆得夠腍，仲配埋香濃腐乳醬，味道更香！火鍋配料種類都好多、肉類、海鮮類、丸類、蔬菜都一應俱全，仲有涼伴小食食完煲類仲可以揀鴛鴦鍋打邊爐，湯底都好足料飲品任飲仲有啤酒可以揀，仲有任食雪糕雪條做甜品！ 淨係食兩條烤魚都已經值回票價

天氣凍凍地，經過漆咸道見到這間火鍋店推出最長7小時羊腩煲、烤魚、牛尾煲、豬手煲及雞煲火鍋放題套餐，跟米飯班主一於去試下🤗 位於尖沙咀的「二鍋頭」環境闊落，座位寛趟🪑，空間感滿滿，坐得幾舒服🥰除了四人枱，亦有五六人大枱，適合一班人聚餐打邊爐👍 極尚鮮味 放題 $318/人 無限量任食羊腩煲🐑、4款口味烤魚🐟、雞煲🐔、豬手煲🐷及牛尾煲🐮，套餐還包括火鍋A套餐‼️我們2個試了羊腩煲及牛尾煲😍羊腩煲羊腩煲夠足料，羊肉肉質腍滑多汁，肉厚嫰滑，羊腩煲沒有羊羶味，而且煲中配料枝竹、馬蹄、冬菇等配料都非常入味，相當美味😋 牛尾煲店員即席將酒倒入煲內再點火，散發出濃郁牛肉香氣，牛尾在骨上的筋都變得軟腍離骨，只要輕輕一吸，肉及筋就可分離，食起來非常軟嫩，非常惹味🤩放題套餐包括任食A餐火鍋配料及免費鴛鴦湯底，享受完就可以加湯底打邊爐繼續食❣️ 有9款湯底可以選擇🥘任點任食的食材接近100款，包括肉類、海鮮、蔬菜、火鍋配料、麵食、雪糕、甜品及多款飲品汽水，連自助區的火鍋醬料都超過10款任君選擇😊飲品款式選擇都好多，如果想飲酒，亦有另外的價錢選擇。👍🏻 我們選了蕃茄薯仔濃湯鍋🍅 及 正宗豬骨鍋🐷蕃茄薯仔濃湯湯底🍅蕃

天氣急降，又係火鍋好時候，尖沙咀樓上火鍋店最強7小時無限任食羊腩煲，4款口味烤魚，海鱸魚或清江魚，惹味雞煲，火焰牛尾煲及黑椒豬手煲，再加鴛鴦湯底火鍋任飲任食。滋補羊腩煲🐐用料好有誠意，充滿羊腩、冬菇、馬蹄、竹筍、支竹，湯汁濃郁鮮美，羊腩騷香軟嫩，配料都入晒味，秋冬首選。秘製火焰牛尾煲🐮店員會即場加入玫瑰露酒再點火，酒香滲入牛尾，醬汁香濃惹味，牛尾肉味濃有彈性，配搭啤酒汽水一流。鴛鴦湯底🍲有別於坊間，這店食完煲免費送上任選鴛鴦湯底，我們選有新鮮蕃茄蕃茄薯仔濃湯＋正宗豬骨鍋有大條豬筒骨。火鍋食材有牛板腱、海蝦、帆立貝、墨魚仔、多款餃類。另外自助區有啤酒汽水飲料，雪糕雪條，新鮮蔬菜，火鍋配料有台灣直送特色丸類等，全部任取任食。餐廳座位舒適，食物選擇豐富，食物質素味道都很好，最好就係最長食足7個鐘，可以慢慢食，朋友聚餐最啱。

選左最貴300幾蚊個款A餐唸住d牛靚d同埋可以食海鮮！點知中晒伏，個雞煲既醬汁好咸，明明平時都唔係食開清淡口味既我都唔係好頂得順。最失望既係個邊爐，唔使另外再加錢個d和牛全部都好難食，牛無牛味鞋口又難咬開😑 如果想食靚dd既牛竟然要再另叫再加幾百蚊@@海鮮方面勁少選擇，叫左d蝦都ok大隻好彩都正常，打邊爐既雞件ok滑，其他火鍋配料都係d平價野同唔太新鮮咁，2個人食埋單差唔多800蚊，呢個質素真係無下次。

一直book mark咗呢一間火鍋放題好耐，趁住天氣轉凍即刻買朋友一齊去！一個價錢可以試晒唔同款式嘅鍋物🥘：羊腩煲、烤魚、雞煲、牛尾煲、豬手煲每款都係任叫‼️餐廳冇限時間，最長可以食足七個鐘，食完鍋物可以打埋個邊爐，性價比超高！💕◖極尚鮮味火鍋放題◗ $318放題套餐基本上嘢食已經可以叫晒，先包咗三款前菜鍋物（惹味雞煲、黑椒豬手煲、火焰牛尾煲），然後中間可以食埋羊腩煲同烤魚，最尾揀兩款湯底做返個鴛鴦湯底火鍋，每樣嘢試少少基本上都飽咗～🤰✨前菜鍋物質素都唔錯，個人最鍾意佢個火焰牛尾煲🔥，牛尾筋肉相連，店員上枱會加清酒用火槍燒下，淡淡嘅酒香食落更香，帶有少少辣味！✨豬手煲都推薦，炆得軟腍充滿膠質，而且夠晒入味，黑椒食落微辣，更加惹味😋！✨湯底揀咗泰王冬陰功鍋x越式香濃牛肉鍋，兩款湯底都比較清，都係酸辣嘅口味，帶有香茅、檸檬🍋嘅香氣，拎嚟煮肉啱啱好，去一去油膩～✨仲有多款火鍋配料，可以喺自助區拎，肉類就用QR code落單，牛雞羊豬都有齊，同埋蜆、蝦呢啲海鮮款式，牛肉只有牛板腱呢個選擇，偏瘦但肉味都幾濃～✨用餐時間無限制，最長可以坐足七個鐘⏳，啱晒同朋友嚟打邊爐，慢慢吹水👍！🌟 Encore指

最近天氣凍冰冰，最啱打邊爐🔥前排同朋友去咗二鍋頭，一個價錢有晒雞煲、烤魚、羊腩煲、邊爐，同埋仲要最長可以7小時任食任飲，好瘋狂吖🤣可以慢慢同朋友傾偈食飯～雞煲醬汁香濃，件件雞肉都沾滿醬汁，好惹味～之後就點咗個烤魚，嗌咗個麻辣清江魚🐟肉質好爽彈，而且冇乜幼細魚骨，好啱我呢啲唔識食魚嘅人😂👍🏻火鍋湯底多達10幾款，我哋嗌咗個鴛鴦鍋，麻辣鴨血鍋同埋越式香濃牛肉湯底，火鍋配料選擇多，海鮮有帆立貝、蜆、青口等，到最後仲可以加多個公仔麵索晒火鍋湯底嘅精華，so yummy😋甜品除咗可以喺出面自助區自取一啲雪糕雪條，仲可以嗌雪米糍，而飲品嘅話都有好多款，啤酒都有泰象啤、喜力、Ice🍺

二鍋頭 - 尖沙嘴羊腩煲﹑牛尾煲、火鍋三合一滋味趁天氣仲涼涼地，呢日約左朋友去到二鍋頭食任食雞煲+火鍋 ! 二鍋頭而家推出最多任食7小時無限量任飲任食火鍋放題，仲有任食雞煲，牛尾煲，豬手煲，同埋而家仲可以任食羊腩煲😍，仲有任食4款口味烤魚呀！位置好方便，就喺尖東站附近。上左層樓梯後，可能店員聽有聲，佢就特登走出門口迎接我哋，服務態度好好👍。我哋18:00入座， 坐低後店員叫我哋揀左任食果煲先，火鍋湯底同配料就可以慢慢揀。除左雞煲仲有鴨煲同豬手煲揀。我哋一開始就揀左雞煲，小辣雞煲一拎上枱已經聞到好香，店員會再幫手炒到熱辣辣，除左雞肉仲有啲紫洋蔥、鳳爪、芫莤。之後就打邊爐，湯飲落幾入味👍呢度可以免費鴛鴦湯底要讚一讚👍🏻不過我哋只係揀咗胡椒豬肚雞湯，真係啱晒凍冰冰嘅天氣令到個人暖笠笠😌係自助區就拎左啲菜、響鈴、魚皮等等，飲品同雪糕都係任飲任食 ! 去自助區拎完野，落左單既食物都到咗肉類：牛板腱、本地鮮滑牛、西班牙黑梅肉、紐西蘭羊卷肉，肉類好新鮮，尤其本地鮮滑牛嘅肉好有驚喜，因為好厚但係好嫩滑👍🏻海鮮：脆鯇魚腩、海蝦、海蜆、墨魚滑、雲吞，海鮮新鮮、鮮甜👍🏻不過我最鍾意都係脆鯇魚腩，肉質厚爽脆又

平時打邊爐放題自助餐都係around 3 個鐘就要埋單走人，今次同朋友嚟左間任食7小時嘅火鍋放題，有唔同煲任勻選擇，有雞煲、羊腩煲、烤魚、豬手煲同埋牛尾煲🙆🏻‍♀️🙆🏻‍♀️我地一坐低都即刻叫左個烤魚，清江魚成條上，肉質幾嫩滑，配埋又香又麻嘅湯汁真係幾過癮，魚嘅下面仲有豆腐皮、萵筍。食完成條魚都飽飽地，就加湯轉左打邊爐😬😬涼拌小菜都幾吸引，玫瑰露牛展&皮蛋都醃得相當入味😋😋😋牛板腱肉質都幾淋，雪花平均，叫左清清地嘅越式香濃牛肉鍋都非常夾🤪🤪🤪自助區仲有唔同蔬菜丸類任勻選擇😃😃😃飲品同雪糕都應有盡有😋😋😋

天寒地凍🥶果陣最岩做咩？ 咁就梗係滾下滾下♨️、恰下恰下啦🥘 GG最近就發現左個CP值高嘅任食放題，冬天三寶😋羊腩煲🐑、雞煲🐥、4款口味烤魚🐟 任食！！仲有豬手煲🐷🤚🏻&牛尾煲🐮 + 打邊爐都無限量供應！逐煲換！逐煲上！總共可以食足7小時！！！包你食到捧住個肚出返黎🫄🏻😂📌滋補羊腩煲🐑羊腩份量唔少，配料有枝竹、冬筍同馬蹄，好足料！羊腩煲啖啖肉，羊肉已煮至軟腍，皮筋位軟糯，非常入味！沾埋腐乳醬增加鹹香味，食完全身都暖笠笠💕枝竹 - 識食嘅人必食😎 吸收哂醬汁+羊肉嘅精華😋 📌二鍋頭惹味雞煲🐥今次叫左唔辣，但無減低雞煲嘅惹味程度醬汁味道濃郁，雞件份量充足，肉質嫩滑鳳爪更加入口即化，足以過雞煲癮📌醬香味海鱸魚🐟 條魚超大條！鱸魚有煎香過，浸泡住濃郁嘅醬汁，味道充分吸收，非常惹味煲底有闊條狀啲豆皮，稍帶彈牙口感，條條都好掛汁🛎️🛎️🛎️打邊爐環節食夠啲羊腩煲、雞煲之後就可以進入打邊爐環節📌主要食材可以用QR code落單📲火鍋料選擇好多，有牛板腱、羊肉、雞肉、豬頸肉、豬大腸、脆鯇魚、蝦、帆立貝、雲吞、水餃…… 📌店內仲有自助火鍋料區任揀有各類青菜、台灣直送特色丸類、草菇、烏冬、年糕、響鈴卷、炸魚皮等

‼️最多任食7小時無限量任飲任食‼️上網就係見到呢句 好鬼吸引 就黎左試啦🤣呢到有勁多野食 勁多選擇 見到都覺得滿足呢到唔係淨係得邊爐 仲有羊腩煲 四款口味既烤魚再加雞煲 仲有牛尾煲同豬手煲 一定要留肚食既程度🤣🐟 烤魚今次打頭陣揀左食烤魚先 分別有海鱸魚同清江魚比我地揀海鱸魚 肉質相對嫩滑 配住湯底一啖湯一啖魚肉 好爽🤩清江魚 肉質相對厚實 啖啖肉 魚油味非常之香濃😋二款魚都各有千秋 二款都唔會令人失望既魚😌另外呢到既烤魚 總共有四款口味選擇分別有 麻辣味 酸辣味 香辣味 同 醬香味今次我地揀咗 醬香味 同埋 酸辣味🤣醬香味 岩哂唔食辣既人 味道相對偏甜甜地既😋除咗做烤魚湯底 意外發現用黎淥菜都係非常之夾 好正😛酸辣味 附上好多酸菜 辣度適中 唔會過份地辣酸辣湯底清清地 就咁飲都唔會覺得太鹹太油膩☺️特別一讚既地方係 呢到烤魚嘅湯底唔會過分地油膩一上枱既時候 湯底清清地嘅狀態 就咁飲兩啖都好好味😋🍲 火鍋湯底食完烤魚 開心事唔好俾佢停 繼續食埋打邊爐呢到火鍋湯底又係好鬼多款 足足有九款比大家揀🥰今次試左 越式香濃牛肉鍋 同 蕃茄薯仔濃湯越式牛肉湯底 好特別 平時喺坊間好少見到😌湯底入邊除咗

平時好多任食既放題都限時2小時, 真係唔夠時間同朋友邊食邊傾架~今日就突登搵左間可以無限時任食既餐廳同朋友慢慢食慢慢傾喇.....位於尖沙咀既二鍋頭推出緊無限時任食羊腩煲, 烤魚, 雞煲, 牛尾煲 & 豬手煲, 再加埋打邊爐, $318位, 都算幾抵食火鍋湯底有多款選擇, 又可以加錢點鴛鴦鍋底~自助區有大量火鍋配料~包括蔬菜, 丸類等等....QR code落單仲小食, 肉類同海鮮呢飲品有汽水, 啤酒, 果汁, 茶......一黎就食個羊腩煲先啦~ 天氣凍凍地食真係超正, 補身又補暖羊腩煲好足料, 肉質新鮮肥美, 啖啖肉呢~~ 而且冇乜蘇味, 正呀!! 再黎點左個火焰牛尾煲~牛尾好好味丫, 每件都入晒味~肉質甘香又軟腍, 值得再encore食完幾款鍋後又開始食火鍋喇~~套餐包左一碟安格斯牛小排....呢款梗係冇得輸啦, 今餐既牛之最呢另外仲有任食既牛肉....包括牛板腱, 封門柳, 金錢展等等~~質素都唔錯架食到攬住個肚都唔可以錯過甜品呀!!有多款雪糕雪條呢另外仲有泡芙, 大福添丫!!

呢日黎到尖沙咀二鍋頭，呢間餐廳真係令人覺得好滿足！我地叫左個228$ 餐，仲可以揀一個加多40$/90$去升級d牛，但我地覺得都夠食，所以就冇升級～一開始佢有好多個煲揀，有成5款煲，我地試左烤魚，羊腩煲同埋雞煲！佢每個煲都好高質！真係好好食！烤魚都有4個口味！烤魚有兩款，分別係江團同海鱸魚，佢每次仲要上一整條魚😱出去食一煲二百幾都係得半條，真係好誇張好抵食，基本上食兩條魚就已經回本，再食就係賺左！佢個羊腩煲勁多羊，仲要係啖啖肉，真係好誇張，仲配埋一人一碟既腐乳醬，令人食得開心！佢既雞煲都好惹味，係我地中意既味道！另外佢仲有豬手煲同埋牛尾煲，我地就冇叫，因為都真係好飽，仲想打下邊爐，我見到隔離枱有叫牛尾煲，真係好有火！下次黎都要叫黎試下！跟住我地就揀左鴛鴦鍋打邊爐，佢嘅鴛鴦鍋竟然唔使加錢，我哋揀咗沙嗲同埋麻辣！真係超級，仲叫咗啲牛肉嚟食！啲牛肉肉都好新鮮，雖然係最平嗰個餐，但係我覺得都好好食，真係大滿足！

巨抵食火鍋放題💕當又想食雞煲？又想食烤魚？第一時間諗到呢到其實仲有豬手煲同牛尾煲 冬天仲有埋羊腩煲添全部都係任食㗎 食到飽就可以轉湯底開始打邊爐啦！不過今次唔算太肚餓 食完雞煲就直接開始打邊爐了雞煲可以簡辣度 細心位係店員會提醒有芫荽同埋雞腳有需要走嘅記住通知店員喇～雞煲份量唔算好多 細細份嘅話就可以食多幾款再想食雞煲都一樣可以refill雞件爆得好香 而且都好多用 唔係得啲骨位㗎火鍋湯底都有好多選擇 我就清清地要咗豬骨湯配料方面 有好大嘅雪櫃 大家可以任食有丸、蔬菜、豆製品、飲品粉麵等等點咗最抵嘅A餐 牛板腱、西班牙豬梅肉、紐西蘭羊卷肉牛腱牛味超濃郁 另外仲有啲配料要經app落單推介鳳城水餃 蝦肉超大粒 配埋啲木耳同筍勁好食值得一讚嘅係呢度嘅店員服務好好說話唔多 但感覺好Nice好真誠

禽晚同同事們聚餐~其中一位食力強勁所以就帶佢黎呢間4個月前食過既可以食足3小時任你魚肉套餐～天氣開始微冷，我地以羊腩煲打頭陣都幾大煲下，滾起唔會太騷連我唔好羊肉都可以接受，蘸埋腐乳食無得頂，天氣再凍d食會更正。到最期待既牛尾煲，唔知係咪玫瑰露落多左好搶火呀今次。小辣既牛尾比起BB辣惹味得多，但如果你唔係好食得辣，會建議你都係要BB辣因為後勁幾強。再黎就係雞煲多莞茜，今次要番BB辣，同事話太辣，超多雞件同埋雞腳，水準依舊接住試烤鱸魚要酸辣口味店員再提議可以叫牛肉一邊烚，個味會幾夾湯底酸辣度剛剛好，要左BB辣，魚肉厚實唔散，有煎香過，啖啖肉。入面仲有蒿荀＆蓮藕爽口入味。響鈴吸晒D湯汁好正~又有魚既鮮味。食完魚開始打邊爐，叫左鴛鴦鍋～蕃茄薯仔＆冬蔭公湯底飲品有兩個櫃，隔離就係菜、丸、菇之類，自助調味料果度又有王子麵出現，仲有響鈴＆魚皮，同埋雪櫃櫃安格式封門柳～食左兩轉，牛味同牛小排一樣濃郁，而且好嫰滑牛板腱同牛展比較有咬牙～都唔錯甜品大福同事叫左抹茶、士多啤梨、芒果。雪糕我食左一杯海鹽，食力強同事每樣都試左一轉，勁呀。