二鍋頭 (嘉芙中心)

Open Now

Now Closed

今次黎二鍋頭，食任你魚肉套餐，除咗有二鍋頭招牌二鍋頭惹味雞煲、香濃黑椒豬手煲& 秘製火焰牛尾煲任食之外，仲有烤魚可以任食，可以自選海鱸魚/清江魚～ 之後仲未完～仲可以自選鴛鴦湯底打邊爐！大滿足！秘製火焰牛尾煲少辣，越食越惹味😋牛尾好入味，仲會即場倒酒，有火焰效果😍😍烤魚— 清江魚 （酸辣味）又稱魽魚，肉質鮮嫩，配上酸菜，酸酸辣辣，令胃口大開！香茜皮蛋鍋x 泰皇冬陰功鍋部分配料用QR code 落單 包括牛板腱、脆鯇魚腩、脆鯇魚片、活海蜆、墨魚滑等 推介牛板腱 油脂分布平均& 活海蜆 鮮甜飽滿～ 另外在自助區可以拎蔬菜、各式丸類、醬料、麵食、炸魚皮、響鈴等～ 蔬菜方面 娃娃菜、生菜都十分新鮮清甜；部分丸類更是台灣直送，值得一試！甜品各種雪糕雪條選擇，QR code 仲有水果大福，十分多元化！特別推介榴槤雪條，榴槤味道濃郁！

真係好耐無出去打邊爐今日去尖沙咀搵朋友，梗係要搵間坐得耐又岩食既地方啦🤔最後佢帶左我去啲間，真係有小小令我意想不到既餐廳🤩原來而家有餐廳可以做到任食7小時無限量任飲任食‼️真係超開心🥰同朋友order 左🔆烤魚雞煲火鍋放題套餐套餐包左幾樣野，首先係三揀一雞煲、牛尾煲、豬手煲，食完仲可再添！之後就係烤魚，有4款口味，麻辣味、酸辣味、香辣味、醬香味！最後再揀湯底打邊爐！嘩！ 真係一次滿足曬我好多個願望一開始我就揀左秘製火焰牛尾煲！火焰完，味道提升左，啲牛尾調味好濃郁！好入味又好淋，好味道！唔夠食仲可以添！之後就係烤魚，揀左香辣味海爐魚肉質鮮味，有咬口，而且個湯汁調得好野味，食到停唔到口！魚都可以再添！最後換上自己揀既湯底，就係我而愛既打邊爐時間除左自座吧有好多野飲仲有好多野食，好多種台灣丸子、好多款菜！仲可以order好野，有啲熟食小食，同埋海鮮同牛肉魚皮同麻辣雞腳都好味！牛板腱質素都好高，肉味香濃！而且本地滑牛都好出色，新鮮又有牛肉味！ 最後梗係甜品時間，雪糕、雪條，應有盡有！同朋友食左差唔多3個鐘再傾左成個鐘計，真係好耐無試過可以咁舒服食咁耐！ 好正！

🚩二鍋頭 (嘉芙中心)宜家出嚟街食飯老人家就喜歡食煲仔菜，鐘意佢夠熱，年青人又話要打邊爐，同烤魚，呢間餐廳岩曬老中青口味，全部都有，尤其煲仔菜特別出色，有雞煲，牛尾煲，豬手煲，三五知己黎呢度聚一聚，可以品嚐不同嘅口味，認真着數。〰️〰️〰️〰️〰️〰️〰️〰️〰️〰️〰️〰️〰️🌈烤魚雞煲火鍋放題 $298🔱炆牛尾煲，佢有中辣小辣，我哋叫咗小辣岩曬我哋口味，味道相當好，唔會好硬食唔到，嚟到一定要試一試。🔱胡椒豬肚湯打邊爐豐富嘅材料，牛肉好靚新鮮，自己掂包嘅雲吞好好食，芋頭牛肉丸豬肉丸都好正，仲有好多不同的小食🔱香辣烤魚烤鱸魚，全條鱸魚啖啖肉，喜歡食魚嘅朋友，可以食到夠。估唔到仲有大福，有綠茶，士多啤梨，仲有好幾款，有大量飲品雪糕雪條任飲任食。👍

🚩二鍋頭 已經三訪依間餐廳了ヾ(´ε`ヾ)只可以話依間餐廳嘅嘢太好食｜又抵食原來依家沙田仲開咗分店｜真係越做越好(๑•̀ω•́)〰️〰️〰️〰️〰️〰️〰️〰️〰️〰️〰️〰️〰️🌈烤魚雞煲火鍋放題 $298之前冬天嚟就有羊腩煲食｜依家就變咗有烤魚同樣地都係三款煲任食(●´ω｀●)ゞ麻辣雞煲｜黑椒豬手煲｜火焰牛尾煲今次第一次食牛尾煲｜調味非常唔錯牛肉同骨膠原互相交疊｜入味唔硬之後就試咗佢哋嘅香辣烤海爐魚(๑´ㅁ`)肉質都幾緊緻實淨｜不過水份較多所以整體唔會太鹹或者辣食飽飽啲煲就可以打邊爐啦(*´∀`)~♥非常推薦大家食牛板腱｜肉味香濃滑牛肉質素都好高｜食落去已經感覺好新鮮仲有好幾款海鮮可以任叫最尾梗係唔好放過啲雪糕甜品啦థ౪థ依家仲做緊紅白酒任飲只需要任食套餐+$58｜就有三款餐酒任飲抵出一個新境界‼️

店名: 二鍋頭 地址: 尖沙咀漆咸道南53-55號嘉芙中心1樓尖東站P3出口，步行約4分鐘環境: 4/5價錢: 4/5味道: 4/5最近見到二鍋頭推出最長7小時，任你食肉烤魚雞煲火鍋放題套餐，而呢款套餐可以無限量任食新推出4款口味烤魚，再加雞煲，牛尾煲，豬手煲任食，同埋打邊爐，今次同朋友就黎試下😍任你食肉烤魚雞煲火鍋放題套餐 $298秘製火焰牛尾煲❤️❤️❤️❤️牛尾煲入口易咬，亦不會過熟，而且帶有酒香味，口感甜甜，非常開胃，加上香料，香味十足😆烤魚 （香辣味清江魚） ❤️❤️❤️❤️清江魚肉質細嫩，魚肉亦不會過辣，配料方面亦非常足料，而且魚肉亦不會出現腥味，整體份量非常充足飽肚，性價比之選😬鴛鴦湯底（正宗豬骨鍋，蕃茄薯仔濃湯鍋）❤️❤️❤️❤️豬骨鍋味道濃郁，而且連上大塊猪骨，肉質香甜，蕃茄薯仔濃湯鍋，味道香甜，非常醒胃😆肉類❤️❤️❤️❤️❤️牛板腱咬口細嫩，帶有濃濃牛味，大火簡單幾秒，即可食用，而且肥瘦均勻🤩火鍋配料❤️❤️❤️❤️娃娃菜鮮甜多汁，萵筍脆口鮮嫩，菇類亦有香甜味😙除咗菜類，佢哋仲有多種火鍋配料可以自己去自助區夾，最特別係有台灣直送嘅丸類添😆甜品❤️❤️❤️❤️❤️雪糕雪條款式選擇多，豆腐味雪糕，口感非常清新，不會過甜

✨二鍋頭（尖沙咀）聽朋友講呢間餐廳幾多野食 😆 今日就黎試吓今晚簡左 任你🐠肉烤魚雞煲火鍋放題 $298 / 人 由1700至2400食足7個小時岩曬同朋友慢慢吹水下 烚下烚下🤭放題包括：二鍋頭三寶（豬手煲、雞煲、牛尾煲）+ 烤魚+火鍋秘製火焰牛尾煲店員擺低牛尾煲後會點火🔥好吸睛😍翻炒後香味更加突出牛尾夠腍 啖啖肉好惹味烤魚叫左清江魚 酸辣（小辣）怕哽骨嘅我多數都叫啲一大條骨嘅魚🤣🤣起左條大骨就啖啖肉 終於打邊爐啦😆簡左蕃茄同沙嗲湯本人好中意食蕃茄 覺得呢個湯底好足料 滿滿茄香♥️Qrcode都有前菜、海鮮、牛肉等食材可以落單自助區都有蔬菜、丸類、餃子🥟比大家選擇當然唔小得食到好飽都要食嘅雪條😛

打邊爐癮又起 又記起之前冬季時候最凍嗰日食過嘅二鍋頭火鍋 。天氣熱都要打嘅 食煲 加火鍋。深刻極致 今次去到尖沙咀店食early dinner 五點就到 因為網上見到最新有個任食套餐可以食足7個鐘 任飲任食所以早啲嚟套餐包括二鍋頭三寶可揀其一寶今次揀咗火焰牛尾煲 職員會落酒點火再炒下個牛尾煲啲牛尾好入味 带少少酒香食曬 再揀咗麻辣清江鱼辣度刚好 清江鱼肉質緊緻 唔腥同少骨啱曬我地呢啲怕食多骨魚嘅跟著 重頭戲第三鍋出場 就係火鍋 揀咗清熱香茜皮蛋湯底任食牛板腱 肉質都豐富牛味其他火鍋料都非常多選擇Qrcode落單快捷方便出面冷凍櫃都非常多火鍋配料蔬菜可供選擇飲品都好多款式 今次見新增左泰象啤即刻飲返罐先。同埋甜品都增加左大福我最愛嘅雪糕 今次大食左四款 太吸引了下次再來食過二鍋頭 (嘉芙中心) (尖沙咀)尖沙咀漆咸道南53-55號嘉芙中心1樓

老婆同友人行尖沙咀，經過比塊牌吸引到，叫任你魚肉餐，仲要無限時，包飲包食，諗都唔諗殺上去。可能時間尚早，餐廳無乜人，望埋去光猛，乾淨，企理，座位又唔太迫。首先，可以叫個雞煲先，可以任加雞。味道有別於大陸個d辣雞煲。呢款似黑椒汁煮既雞煲，都係有洋蔥做配菜，索晒d汁，幾惹味都，雞件較大，又夠滑。幾好食。食完個雞煲，大家都十五十六，試唔試叫埋牛尾煲。响討論期間，姐姐應該聽到我地怕食唔哂但又想試，同我地講叫半份，加上姐姐話好食，有唔少客黎剩係食牛尾。咪叫半份牛尾食下。原煲上左黎煮左陣，臨尾再落酒燒一燒焗一焗。一打開蓋勁香。牛尾有大有細，個人鍾意食大，入味，多肉，肉又夠脫骨，惦。之後到條魚。叫左酸辣海爐魚，大條，夠味，小辣，加埋d,酸菜，好食。條魚煎一煎過，唔會散晒，魚肉都叫滑，唔多骨。最後叫打邊爐：邊爐料出出面雪櫃攞，正常貨。肉就加錢升左級食靚小小既肉。任叫，上得又快，肉味都重。仲有d,特色小食，生魚皮，見到必點，佢呢度整辣辣地，細細舊，好爽口。海鮮仲有蝦同花甲，食落都唔錯。五小時任你魚肉，任飲任食，一大班人坐吹水打邊既好地方。三百零蚊埋單，無得輸。

唔知食咩一次過滿足曬你就要食吓依間可以食雞煲啦烤魚啦打邊爐咩都有首先,有雞煲,您仲可以任擇豬手、牛尾。小編食左牛尾🫣惹味同埋好似唔係度度有 。接著,您還可以自助烤魚,烤魚新鮮多肉、搭配各式蘸醬,別有一番風味。最後您仲可以動手打邊爐。最癲係這個放題套餐完全沒有時間限制，晚餐去食每人再加$58,就可以暢飲紅酒白酒,我要坐到凌晨完全冇問題🫣套餐呢有幾款任選，小編就嗌咗個最普通嘅牛肉餐嘅牛肉質素都非常之正如果又想打邊爐又想食魚又想飲酒傾計又想搵個地方可以坐到四個鐘唔會有人吹交枱咁依度岩曬

同朋友慶祝生日去左位於尖沙咀的烤魚雞煲火鍋無限時任飲任食到飽放題🥘，店內裝修設計簡約，光猛闊落😊寬敞的卡位之外，還有VIP房☺️餐廳用QR CODE落單👍🏻主打冇限時任點任食😋時間十分充足，食物選擇多，包括火鍋肉類🐖🐂、時令海鮮拼盤、火鍋配料、開胃小食、飲料、雪糕🍦等等，食材新鮮，性價比高，餐廳職員定期幫助收碗碟餐具👍🏻有大量的時間可以同朋友小聚聯誼既地方👭👭任你魚肉 烤魚雞煲火鍋放題套餐〔真心推介😋〕 $298 / 人 平日3小時升級至無限時, 可由5P食到0A 食足7個鐘👍🏻二鍋頭三寶＋任食烤魚+火鍋＋無限時任飲任食無限量任食新推出4款口味烤魚，再加雞煲，牛尾煲，豬手煲任食，同埋打邊爐✔️ 開胃小食：川椒麻辣溏心皮蛋、麻辣鳳爪 〔推介😋〕➕➖正常味道第一部：二鍋頭三寶（三選一）分別有雞煲、牛尾煲、豬手煲任食✔️ 牛尾煲〔真心推介😋〕👍🏻 份量十足👍🏻 惹味👍🏻 香濃油香👍🏻 牛味濃郁第二部：任食烤魚四款味道可選：麻辣味、香辣味、酸辣味、醬香味（不辣）✔️ 清江魚〔推介😋〕👍🏻 醬香惹味👍🏻 魚肉份量多👍🏻 外脆內滑第三部：火鍋邊爐👍🏻 多款免費湯底，任君選擇👍🏻 多款火鍋配料〔推介😋〕需用

是夜跟朋友到了尖沙咀涮放題，到二鍋頭大涮海陸空三大煲，最多任食7小時無限量任飲任食，來個大滿足！理境乾淨企理，雖然每枱都開爐，郤沒什麼油氣味，抵讚！蔬菜、肉丸、餃子等基本配菜，有數十款選擇，還算不錯！隨便點了一些，已經一大碗，不敢取太多，生怕浪費！🤣🤣紅白酒放題3小時，跟餐優惠價 $58，好杯中物的不能錯過！今晚選了‘任你🐠肉’ 烤魚雞煲火鍋放題，每位$298，價位合理！魚煲選了醬香味清江魚，清江魚炸香原條上，魚肉彈牙，多肉少骨，湯汁比一般的烤魚煲為多。配菜料食材，可以在雪櫃自取，悉隨尊便！秘製火焰牛尾煲，可謂最精彩的，上枱後倒入燃點的酒精，燃起成尺高的火焰🔥，氣氛高漲！牛尾軟腍，醬汁惹味，全晚最愛。二鍋頭惹味雞煲，朋友忽發奇想，自行亂來調味，弄出一煲鳳爪味雞煲，給她氣壞 😂😂😂三煲過後，已甚滿足，直接放棄火鍋，因實在太飽了 😂😂。甜品來了友脆皮雪條，緩一緩豐富的味覺衝擊！

依家4人飯局多數係一個月前約定咁耐你見梗係要搵d坐得舒服又唔會趕你走既鋪頭任食就啱晒～呢間好特別，除左有基本雞煲外仲補牛尾＆豬手煲，食完仲可以食烤魚，先再打邊爐，無番咁上下食量都食唔晒成個流程😂😂自問食量有番咁上下既你你你可以嚟挑戰下就係講緊3小時任你魚肉套餐～仲可以加$40再升級B餐既安格斯牛至無限時～可以由5點食到12點，食足7粒鐘😎😎首先我地叫左惹味雞煲小辣好大煲下～仲有埋鳳爪，超入味一嗦甩骨，雞件都幾滑，紫洋蔥好甜。跟住店員話牛尾可以要半份，咁可以試到唔同野，超貼心🙈牛尾好吸引一上枱好香酒味，店員會先詢問有無對酒精敏感，因為會落玫瑰露落去兜下。落左玫瑰露後著火咁好靚～大家影呀影呀～好睇又好食牛尾炆得超腍，夾起已經骨肉分離，我最鍾意食尾尾既位細細粒，黏口特別好食，雖則係半份都好多件。接住試烤鱸魚要酸辣口味店員再提議可以叫牛肉一邊烚，個味會幾夾咁梗係咩都要試～升級套餐會送碟安格斯牛小排，仲有埋淥幾耐提示，保證食到最啱時間既牛肉湯底酸辣度剛剛好，要左BB辣，魚肉厚實唔散，有煎香過，啖啖肉。入面仲有蒿荀＆蓮藕爽口入味，牛小排嫰滑牛味濃。食完魚開始打邊爐，叫左鴛鴦鍋～蕃茄薯仔＆沙嗲飲品有

週末要一定要吃一頓好的，尖沙咀有二鍋頭！之前在旺角吃過，這次決定encore啦。這次有新的套餐喔！是烤魚放題套餐，還是無限時！可以和朋友一直吹水，有吃有喝喔😄這個套餐還有澳洲進口的白酒/紅酒/甜酒可以選擇，每位另加💰58就可以呀！烤魚放題set 💰298（週日到週四）step 1 三寶可以選擇這三個惹味雞煲/黑椒豬手/火焰牛尾煲吃！也是無限任吃，推薦試一下火焰牛尾煲，真的是有🔥，牛尾的味道很濃郁！牛肉也很多，比較偏重口味😊step 2第二部重頭戲來了，是烤魚呀！我們選了清江魚，然後味道選了酸辣味，湯汁多了一點，會有點像火鍋，但魚是有煎過的，酸酸的也很不錯！後面我們還加了另外一條魚，香辣味的，也不錯！鍋底會配一些萵筍，芽菜等step 3 鴛鴦湯火鍋 最後吃完烤魚就可以吃火鍋啦，外面有一個櫃子的菜可以取，一些丸子，蔬菜啊都可以拿，也可以二維碼下單，有墨魚滑等等這個烤魚套餐真的好多東西可以吃喔，完全吃不完！喜歡吃牛肉的可以吃火鍋放題餐！有和牛放題呢！

一個價錢真係可以食烤魚！牛尾煲！豬手煲！雞煲！同埋打邊爐都可以😌任食仲有雞煲任食，打邊爐嘅款式有好多種🥰嘩~呢間食肆嘅選擇真係好豐富啊!佢哋有好多種優質嘅食材,包括各種海鮮同肉類美饌,絕對值得一試!首先,佢哋嘅肉類真係好質素,基本上所有款式我都試過,唔會柴老或者咁死鹹,反而好嫩滑有肉香。我特別推薦呢個安格斯牛板腱,厚切又好佢哋㨂嘅湯底都係上品㗎,宜家更送鴛鴦鍋,超抵食!除咗牛肉,佢哋仲有好多其他海鮮同肉類,例如西班牙豬梅肉、紐西蘭羊卷肉等等,真係應有盡有!又有白鱔片、𤑛滑花枝片,吞落肚超級滑口,好吸引呀!食材同選擇都好豐富高質真係一次過滿足好多個願望㗎!

同朋友食飯想搵間可以慢慢坐又可以傾吓偈既餐廳，上網見到呢間寫住星期日至四最多7小時無限時任飲任食都只係$298就去試下。餐廳環境:好闊落，又有卡位坐，有圓枱可以坐十人以上，一班朋友都可以一齊坐。食物方面我地都幾中意飲酒所以每人加左$58就可以任飲紅白酒🍷野食方面，真係勁多野食‼️首先有3個煲俾你揀，惹味雞煲，黑椒豬手煲，火焰牛尾煲，我地食左牛尾煲，有得自選辣度份量，我地兩個人又唔食得辣，所以食細份嘅原味，牛尾煲到時會加酒同點火，打卡一流👍，另外原味係廣東醬香，食落甜甜地，好入味。食完個煲就到烤魚，揀左條清江魚，好大條肉夠滑無細骨，本身烤魚都有跟配料，食完呢兩樣野已經飽飽地，仲有個火鍋未食，平時出面食一條烤魚都差唔多$300，呢度未夠喉仲可以試埋其他口味嘅煲同烤魚，所以$298真係超抵食👍最後食埋打邊爐，有十種鍋底可以揀，一定揀到啱自己心水。任食火鍋配料方面，可以手機落單，有安格斯牛板腱任食，肉質唔錯夠牛味，仲有豬雞羊肉可以揀。另外仲有手打墨魚滑，蝦，蜆，吊桶仔等嘅海鮮選擇，正。自助配料區就有齊其他火鍋配料，菜，麵，丸之類都有齊，可以自行選擇。最後仲有雪糕雪條任食，一個價錢可以滿足幾個願望