五代同糖 (Closed)

甜品店要在元朗“企穩陣腳”，一點也不容易。因為有好幾間鋪已經很出名，但講求品質的小妹，只覺得它們都是名過於實。寧願多付一點，只求食得滿足。位於“新B”附近的五代同糖，可謂我近期的至愛，鋪內座位不多，但有需要，仍會在門外加枱。可能因為座位不多的原因，我幾次光顧，都只見一位侍應招待。 .....好吧，快來分享我的至愛給大家。玉桂香蕉脆脆配雪糕下單時，有少許猶疑。因此不知道香蕉脆脆是什麼東東。但只要食第一口，您就會愛上它。有點像“糖沙翁”，外面脆脆且甜的，香蕉炸剛好，仍很Juicy，不會炸到乾且一點也不油膩。芒果千層酥芒果大大塊的，而忌廉厚厚的，很有質感且不會很甜。一向不好忌廉的我，亦把全部忌廉食下。但千層酥就略失望，似餅多過似千層酥，不夠鬆化。蘋果脆脆此甜點是即叫即焗的，上枱時是熱烘烘的。上面的脆脆是甜的，蘋果帶少少酸，配合得很好，食完一個後，再想食多一個，很回味呀！蜜瓜沙冰濃郁的蜜瓜味，應該只落了少許糖水打出來的，味道甜得來很清新！P.S. 店內採用的是Pappagallo雪糕

意大利千層麵屋的出品雖然好吃，但就往往缺了甜品的安慰，未夠圓滿。餐後，甜魔媽媽很自然的往對面的五代同糖走去，未想到甜品未吃到，卻惹來一肚子氣!! 　　其實這裡的雞蛋布丁做得很好，既香又滑，吃到底還有雲尼拿籽，可見貨真價實，媽媽間中也會幫襯六隻裝的外賣，最近的收費好像是$64，即大概$16隻，美味之下都有所值。　而薄餅晚餐後再來堂食，注意力就轉向須新鮮即食的甜品類了，當中店內新推的榴槤心太軟($58)引起了兩口子的好奇---既有朱古力成分，又有榴槤味，那會是怎樣的滋味呢 即刻點一客來試試。然而，兩口子落單後等了近半小時，甜品還未來到... 直到寶寶開始哭叫了，二人終於忍不住要催單了。怎知，一問之下，甜品竟然還未落單!!! 可知當時店內並無其他食客，卻有三個年輕職員當值，可是他們忙於傾計及打機，完全不在工作狀態，才會未為意呆坐了半小時的三口子，直到催單之時才急問：「還要不要補單」結果兩口子當然沒有再等，而是取消柯打盡快離開店內，並急急回家服侍寶寶!! 原本高興的一晚落得敗興的收場，實在令人不快，在此既是吐吐苦水，也希望店方注意一下店員服務態度，如果還沒有改善，我幾肯定此店將會關門大吉!

今日同老豆撐抬腳﹐食完譚仔﹐已飽到爆。但真係好想試下呢度既甜品~元朗實在太多好野食了~甜品點既餐牌例牌花多眼亂。但我已經鎖定左朱古力綿綿冰﹐因為之前試過松記大失所望﹐所以好想比較一下~先黎老豆既芒果西米撈+椰汁。(落單時﹐會問落椰汁﹐花奶定芒果汁。)幾好味﹐唔係太甜﹐岩晒我老豆食~$25﹐太細碗了﹗到我既綿綿冰了~賣相好靚~但我已經明白到賣相往往同味道成反比...價錢同松記相約﹐份量好似少過松記。好﹐試試味﹐D冰本身有微微朱古力味﹐但在頗多朱古力醬下﹐所以食到啖啖都有朱古力味了~綿花糖﹐朱古力米﹐同朱古力簿脆呢D現成野﹐味道無咩出錯啦。食落都幾大碗﹐尤其是之前個餐係譚仔﹐呢碗野其實兩個人食都OK。服務方面﹐算係甘。幫襯時間約夜晚十點半左右﹐店內客滿﹐出面大台五抬煙民(所以坐得出D店內亦有煙味﹐無得避免。)妹妹仔一堆企埋一齊打下牙較﹐有兩個出左去煲煙(可能放緊break?)總之﹐我從來都無諗過服務上會有咩驚喜架喇。係香港﹐打工仔有邊過會笑住返工﹖唉﹐食下甜品﹐當解解壓囉。聽日又星期一要返工了﹐到我黑面了...會唔會再去呢...得閒又想食甜品先啦。因為講真﹐太奢侈了...

雞蛋布丁絕對係五代同糖嘅招牌甜品，味道如何就未知，但至少都成為城中熱話。今晚行過，一於買番半打返屋企試吓。一盒半打，$64，平均每隻$10.67。係網上見堂食嘅雞蛋布丁，係用透明玻璃蛋形器皿盛載，非常精緻；至於外賣，則用真蛋殼盛載。返到屋企，一打開包裝盒，並聞唔到任何香味，始終都係凍食，香味一定唔會撲出來，哈哈，顏色呈淡奶黃色，搯了一口，確實滑溜，不太甜，有濃郁嘅雲呢拿味道，但蛋味欠奉，不其然地搯了第二口，第三口……，不到第五口，已經近乎搯光了，一隻雞蛋嘅size有幾大，大家心中有數。當搯到底部時，就會見到好多一粒粒嘅黑色點點，原來呢d黑色點點係雲呢拿嘅種籽，難怪有咁重嘅雲呢拿味道。其實呢嗰雞蛋布丁，同焦糖燉蛋一樣，分別只在於表面嗰層脆焦糖，我個人就比較喜歡焦糖燉蛋多d。

Was surprised to see this dessert place in Yuen Long. I have heard of it and seen some good reviews of it on Openrice, but didn't think they would enter the Yuen Long market. Not a bad idea, as Yuen Long's market for dessert has continued to thrive ... I rarely see any dessert places which turn out unsuccessful. Also, most of them serve more local type desserts such as fruity desserts and sweet soup. I think 五代同糖 made a good move to open a store here and be one of the first who serve pastries a

呢晚食完火鍋, 自自然然又想食甜品, 哈!!朋友仔提意去試新開左無耐果間 << 五代同糖>>舖仔細細, 所以坐到出路邊, 還好呢日唔太悶熱~menu D 相都整得幾吸引, 攪到我地幾個都選擇困難症發作...XD左揀右揀, 結果要左呢幾樣:- 魔鬼冰 ($35)- 火焰雪山 配 綠茶雪糕 ($38)- 芒果腸粉 ($28)- 益力多奶凍 ($25)坐低無耐之後, 愈黎愈多人...侍應唯有不停去幫手路邊開枱...人手真係唔多夠...我地預早叫左佢拎 4 隻碟黎...侍應答完: 哦, 好!之後就......結果 D 甜品上枱都仲未見到碟踪 然後唯有自己行入去店拎, 但係個侍應又唔比, 又話會有人拎比我地....結果又係等....想點.....等到 D 甜品溶左成半先比人食 >"<好老實 service 就真係麻麻, 安排真係好差!!講返食....魔鬼冰 - 濃濃朱古力味, 唔太甜, 讚!!火焰雪山 配 綠茶雪糕 - 賣相唔得, 火焰 color 太淡, 明顯燒得未夠時間, 整個味道同口感都係麻麻, 唔推介!芒果腸粉 - 椰汁皮夠香, 可惜過甜了

之前係cwb食過, 上左引, 真係超級鍾意但小妹身住元朗, 係個學生, 下下想食去咁遠就真係難d喇一知道元朗開左, 開心到飛起!一去到, 稔都無稔就叫返果個$98既好好味set!有蘋果脆脆, 心太軟, 雞蛋布丁同一球雪糕首先, 蘋果脆脆面頭有d卜卜脆既野, 食落好得意, 下面係焗既蘋果, 係切粒咁既, 有小小醬, 但係唔會好稀好水咁, 食果陣仲係熱熱地, 好正!!!!!之後到心太軟, 係少有好好味既心太軟唔會好似某d糖水店果d似seven叮出妮果d質素總之就係好好味, d濃度岩岩好既朱古力留出妮!!!!! 加埋d蛋糕, wow!!!! 稔起都留口水!然後, 雞蛋布丁, wow係震震下, 好過引xd比起頭兩樣 稔住唔會好特別啦第一次食果陣係覺得好驚喜!!!!!唔會話過分甜, 亦唔會似統一布丁既質素, 唔係話統一布丁唔好食呀, 但係依度既雞蛋布丁係滑d咖!!!放入口有種幸福閎感覺, wow!!!!雪糕就無話特別好味咖喇, 正正常常!但係其他3樣野真係好好味! 食得我地兩個好開心掛住食無咩講野! 但係呢~~其實98又唔係好平既價, 話就話4樣野姐, 但係cwb食係食埋個美好既環境cwb既感覺

上星期六，一行六人經朋友介紹下，山長水遠入元朗食飯。誰知。。。正餐非常普通，朋友一心想補鑊下介紹左去五代同糖食甜品。大約十點鐘去到，唔算太多人，但未有長枱可以坐得晒我地，店員一見到即快快手開張長枱俾我地，都算抵讚。坐店外露天位置，唔算太舒服，談唔上有咩環境，但食甜品最緊要係D野好食同埋一班人吹水HAPPY下，仍然可以接受。六個人叫左楊枝甘露綿花冰、益力多綿花冰、雪糕紅豆冰、五代同糖精選、朱古力心太軟x2同埋招牌雞蛋布丁（唔知有無記錯名），大家SHARE食。綿花冰感覺真係幾舒服，天氣熱食落口個感覺好綿又唔會話太硬，配料同埋D味道幾MATCH，又唔會太甜好似食糖漿咁，唔錯。雪糕紅豆冰我無食，但見一向唔太好甜品既朋友都飲晒，相信雖然比唔上上水廣成冰室同廟街美都，但都可以接受既。五代同糖精選有焦糖布丁、朱古力心太軟、雪糕同蘋果脆脆。布丁真係好好食，真係好正，好滑，好SOFT，甜度適中，絕對值得推介！朱古力心太軟其實同甜蜜蜜差唔多，超多朱古力漿，亦有流沙效果。只是我個人喜好不太喜歡太多太漏，喜歡朱古力的應該會鐘意的。但我覺得佢應該比唔上朗豪坊Da dolce x Domon的心太軟，整體也算合格

我和朋友都係鐘意食甜品!!竟然比我們發現元朗開左間新的甜品店,所以就入去試下!!店員介紹店內最出名的係雞蛋布丁,我們就叫了一個!!果然冇介紹錯=] 這個雞蛋布丁比人地在台灣買回來的(雞蛋布丁)手信仲好吃=] 真係好好味!! 我們又試了楊枝甘露雪花冰和宇治金時(綠茶冰)!!楊枝甘露雪花冰比較特別,好小見到其他甜品店有=]味道都不錯=] 好吃!!另外 宇治金時 真係好好味=] 好鐘意!!下次我會再來試其他的甜品!!

當晚十二人O係附近食完生日飯, 有朋友仔知道建業街開左間新糖水舖, 所以大家都想去試試!雖然當日落雨, 但服務員細心考慮我地都多人, 所以開左幾把大傘比我地O係舖外等候! 欣賞!入到舖, 美麗的掛畫, 同埋吊燈, 都好吸引!!!我地一齊試了人氣食物: 心太軟、雪花冰、雞蛋布丁未食過雞蛋布丁的我, 覺得有驚喜!個布丁入面, 我見到黑色一點點, 問朋友都唔知係咩, 個服務員見到就好細心的講解給我們聽, 好NICE!我地同朋友慶祝影相, 個環境真係一流! 服務員又細心又唔介意我地周圍影, ENJOY!雖然比附近的糖水舖較為貴左點, 但都值得試試~~!!!

我同朋友三個人見到呢間係新開,而且我地三個都係超愛甜品之人,所以就打算入去試下,出面睇已經好靚,入面睇更加靚,D燈飾整得好有心思,真係好似滿天星星咁比起元朗其他糖水鋪,呢間感覺真係高級少少,雖然價錢係偏貴,但呢度環境真係唔錯,起碼坐得舒服先啦!佢地仲播埋音樂,呢日竟然聽到我好鐘意既純音樂,KISS THE RAIN*V* 如果下次黎都聽到呢首就好喇!!不過環境唔係最重要.食品先係重點!!!呢間款式都係西式甜品為主,我地見到好多野都好想試!!最後簡左呢四樣等我逐樣評下啦!焦糖燉蛋: 真係好香好滑好好食好有蛋味!芒果河粉: 芒果肉好甜,原來河粉係椰子汁整成既野...咁樣既配搭都OK! 但唔知係咪芒果肉D味太出,又好似唔係幾食到D河粉既味木糠布甸: 呢個食一兩啖都OK,食多幾啖覺得好'流',好快飽,可能叫左太多野食啦! 太貪心喇我地...雙色雪花冰: 我地係自選既,都有幾多款比我地簡...我地最後簡左士多啤利+朱古力+好多配料!! 呢個我覺得好好食!!但好可惜.最後係食唔哂總括而言,

今日和老公入元朗彪記食牛腩米,食完出來見到對面街五代同糖開張二話不說走進去。坐低即叫了這裏馳名嘅心太軟,蘋果脆脆和楊枝金露不消十分锺就吃完所有元朗這分店同我一向在湾仔食嘅一樣咁好味,心太軟和蘋果脆脆冇得頂(以佢嘅價錢比酒店還好吃)而楊枝金露杧果再甜啲就更加好。以後入元朗可以有我至愛嘅甜品吃真開心

尋晚同家人食完飯到又新街食糖水, 發現新開左間五代同糖喎, 久仰大名但未有機會試試, 估吾到可以同屋企人喺元朗見到, 即刻拉埋阿爸阿媽同細妹入去坐底!我地點左楊枝金露雪花冰, 朱古力乃凍, 焦糖燉蛋同埋心太軟楊枝金露雪花冰: 果味很濃而且能食到一絲絲的芒果絲, 吾會只有冰味, 係鮮果比例較重既雪花冰, 夠誠意朱古力乃凍: 我阿媽話口感夠彈但係吾夠滑, 亦嫌份量太少喇, 阿媽兩淡就搞掂...攪到我地想試下都冇焦糖燉蛋: 口感超級幼滑! 蛋底打得好好, 而甜味亦冇蓋過蛋香, 係高水準之作!心太軟: 等左差吾多二十分鐘 (老豆呢個時候話試兩個已經好膩, 吾食跟住自己走先...其實係借D易吾想埋單!) 但我地三個冇放棄, 亦證明適當既等待係甜蜜既...個心太軟一切開D朱古力漿係湧出黎, 好熱好香, 表面朱古力蛋糕味道吾錯, 係嫌未到脆香既程度, 食完熱蛋糕再食配埋既雪糕, 一冷一熱, 又係幾過癮!埋單盛惠$138 , 心太軟較貴但算物有所值, 下次會試下佢地個雞蛋布丁, 睇menu好似幾得意咁...總體黎講今次係滿意, 以後喺又新街又一家另外選擇喇。下次我地會數數呢條街有幾多間甜品店...好似

琴日同女朋友食糖水,走到入元朗打算食綿綿冰,但係假日期間太旺埸要等位。點知發現對面新開左間五代同糖、鋪面幾靚,招牌搶眼,就走左去試吓佢d特色甜品啦叫左一set所謂嘅雞蛋布丁,又貴!又唔好食!!六十幾蚊食幾隻蛋...淡而無味!咁嘅價錢又唔好食!早知係咁就等多陣位食綿綿冰啦!!另外服務方面,員工態度極度惡劣!

同班朋友食完飯見新開就去試下叫左個OREO木糠布甸好唔得, 一"PAT"野咁, 太腍喇又甜得濟, 食到一半已經好"流", 仲要成32蚊唯有一好處就係OREO夠多見呢間野咁出名本身好大期望, 點知好失望, 冇乜必要都唔會有下次