五月花港台日料理 (Closed)

和老公去食，雖然百多元食日台任食，唔期望太高，但質素也實在太低。火煱配料無乜邊樣新鮮好味，送果個所謂海鮮料，我們也食唔晒，其他另叫的配料也一樣，肥牛、丸類，甚至菜也爛爛地。另外所謂日台熟食也唔掂，魚生不是很新鮮，其他的"乾淨淨"，唔好食，又一次食任食晚餐係食唔飽咁走。其實約一年前去過食lunch，都唔好食，諗住隔咗咁耐可能有改善....但還是失望而回......侍應服務也是中下......

1. 最基本凍檸茶都勁難飲, 全無0味, D荼勁劫. 1杯走甜仲離譜, 連冰都無落, 咁大個女未飲過咁難飲既檸茶同個店員講, 佢竟然隊杯冰過黎就算2. 定食賣相9流, 味道9.9流, 見到唔開胃3. 下午荼時間, 咁都要OVER1舊水, 無服務仲要收加1,如果當日下午唔係趕時間+見環境OK, 1定唔會幫趁, 大陸既同類型食店都好過佢100百倍!!!!以後1定唔會再去~

本來對呢間野既印象雖然唔算係好好.. 但都唔算太差.. but今日真係好失望囉.. 因為情人節既關係.. 好多食肆都大排長龍.. 難得呢間仲book到位咁咪食佢囉.. 去到好快有位.. 見到d人仲要walkin等位個心諗住好彩.. 但點知去到見到d點菜紙.. 已經有d失望.. 因為好多都無左囉.. 心諗maybe今日情人節太多款式廚房會整唔切咁咪減d囉(因為呢間係任食既).. 呢樣都可以原諒啦.. 點知... ... 等了又等.. 落左既order半個鐘頭都唻唔到七成.. 仲要大部份都係男朋友叫而唔係我叫個d.. 咁就再落多次啦.. 今次仲衰.. 半個鐘頭唻得一成.. 真係火都唻..任食兩個鐘.. 過左一半都好似無食過野咁.. 咁就同個高級d既講無野食上有冇搞錯.. 之過再order第三次.. 順便同個侍應講.. 唔該check下廚房係咪乜都無.. 結過唻左第二次order既一兩樣野.. 嘩.. 真係勁過份囉.. 見到勢色唔對.. 結果唔理.. 乜都再嗌多次.. 對佢係完全失望.. 臨夠鐘又正想埋單之際唻又三四碟.. 梗係啦.. 由全full既餐廳變左做半吉.. 依家先整野唻食.. 但

年三十那晚是我第四次光顧荃灣間五月花的任點任食兩小時.整體而言, 尚算合格. 食物種類多, 還可以不用加錢食火鍋. 只可惜全店都沒有甚麼特別可口的值得特別推介. 刺身無刺身的鮮甜味, 熟食就汁味重過食物本身的鮮味. 真的要數最好的, 就是這兒的甜品-雪米糍, 可以任點, 唔似得有d地方, 雪糕只限一人一份.今次一行七人晚上九時左右, 有六位送一位的優惠, 比起之前一枱用一張$20優惠卷之後都要about$160, 今次平了點. 如果想食好野, 這間五月花ookk啦; 如果論價錢, 這間不算貴; 論地段, 這間不偏僻. 總而言之, 算是不過不失了.

很久沒去荃灣,今日去買野,順便係度食午餐係眾安街轉咗一圈,見到呢間日本料理,便上去試試叫野果陣已經是下午茶時段,叫咗一個滑蛋雞扒定食本來以為下午茶份量會少d,不過事實上個餐的份量絕對可以同午餐相比主菜滑蛋雞扒唔錯,附送的刺身沒有腥味,奶茶普普通通不過就嚟食完時竟然見到有隻烏蠅係度飛,印象分大減,希望d職員可以注意下清潔

9時後入座$138/位，落order混亂，成日漏單，出菜無準則，有時黎3件有時黎9件，刺身普通貨色，三文魚切到丁史咁細件，order多幾次之後仲話無晒三文魚添，火鍋料除左菜之外，唔覺得其他既野好食，餐單上炸野偏多，但炸粉好厚，一口牛肉、炸豆腐、鯖魚最好食，以$138一位係十分十分之唔抵食，去遠少少大把好佢好多既選擇。

好日都唔去一次荃灣, 今次入去係因為同朋友食飯, 平時係旺角食得多, 都諗唔到食乜好, 所以入去荃灣發掘下d 新野. 日式放題都試過好多間, 呢間既食物水準都唔錯. 服務普通. 漏單情況唔多, 唯一唔好係我地點左鮮帶子, 但一直無黎, 要問服務生先知無晒貨. 加水要叫先過黎加.

我地食下午茶餐, MENU 明明寫住有刺身送. 食晒d野之後,個經理只係講左一句無送喎, 純粹個MENU 寫錯左. 又唔早講, 白紙黑字都可以係寫錯? 個經理果然利害, 見到都可以見唔到... 食品一般難食, 服務態度劣, 問侍仔答唔知. 問經理都係答唔知. 呢間野仲可生存, 果然神奇!!! 俾錢買難受

平時行過荃灣.見到佢大大個招牌話158蚊任食.好似幾抵咁!!!於是尋日就同男朋友仔去試下..不過其實去之前都諗住佢地百幾蚊.都唔方會好食得去邊嫁喇..本身我地打電話訂左位.一去到等左陣就可以入座喇..成間店都唔係話好多人.其實根本上唔訂位都好快有位坐!一開始.個侍應話有火窩送.問我地要唔要..我男朋友第一時間話唔洗錢緊係要啦!!!我諗呢個火窩都算係成晚最正常既野喇..<a href="http://photobucket.com" target="_blank"><img src="http://i5.photobucket.com/albums/y165/yo_cam/DSC00556_.jpg" border="0" alt="Photo Sharing and Video Hosting at Photobucket"></a><a href="http://photobucket.com" target="_blank"><img src="http://i5.photobucket.com/albums/

這裡限時2個鍾,食物都ok嘅 ,一般剌生,天婦羅,壽司和熟食,連炸蠔和軟殼蟹都有,大致剔的食物會來足9成,算是唔錯喇. 而飲品是罐裝的百事、檸檬七喜和橙汁. 最特別是免費附送的火鍋,鍋料食完可再叫.而個雪糕是一粒粒的雪米慈服務都ｏｋ嘅 ，有個女仕應頻頻幫我地更換盛了骨的碟，枱 上的食物一吃完，又好快收碟．總結：雖然食物質素一般，款式亦較少，但用一個價錢食足港日台的美食，我就覺得幾抵，大家可以一試．推介食品: 一口豆腐不推介食品: 炸生蠔

23/7, 一行15人到五月花食晚飯日式放題. 每位139. 10位以上九折. 一入到去即刻狂叫野食啦, 有個芝士牛肉卷幾好食, 刺身都ok有赤貝,甜蝦..,有個一口牛好淋幾好食,好多前菜既螺肉, 火鍋又牛又有蠔, 都幾好.但d炸物就唔得.炸蠔好厚粉, 炸雞軟骨又係唔好食, 鑲雞翼一黎好靚喎.我地搶住食一入口無味既= =.鑲d豬肉入去把鬼咩.肉肉肉,好心鑲d菜類落去中和下啦,又係肉.d煮螺唔夠熱,酒浸硯又係唔好食.我最尾叫左個八爪魚.竟然比左2隻我.我地成15人,比2隻@@. 我再落單寫要15隻,比4隻. 我咪同佢\\\講我寫15喎.佢\\\再拎比我.汽水罐裝任飲, d侍應都ok. 舉手好快有人黎總括黎講我覺得ok. 可以再黎139 咁多野食, (咁梗係有好食有唔好食啦)日式台式中式都有, 算ok

今晚同朋友係荃灣唔知食咩好，行到嚟見到五月花6:30前入座$129，喺街仲有人派$20現金券，所以2人上咗去食，由於時間尚早關係，所以可以座到卡位，卡位原本可以4-6人座，依家2人座，所以好舒服，$129價錢有壽司、魚生、手卷、炸物、中式小菜、火煱等等比人任點，雖然份量係因人數而比(我反而欣賞，比起自己任拎嘅buffet，唔駛浪費食物)。食物都算OK，炸物係熱辣辣，手卷反而就一般，火煱配料都唔錯！飲品就只有三款任飲(百事可愛、七喜同橙汁)係罐裝，都好OK！甜品有兩款(桂花糕同綠茶雪糕)綠茶雪糕好正，好濃綠茶味，問過侍應，原來只係牛奶公司雪糕，有啲喜出望外，桂花糕反而唔得，無端端有嚿大雪耳喺到，好似飲雪耳糖水咁(其實應該係雪耳糖水加咗大菜)2人同感！但總括嚟係係抵食嘅！服務方面都好滿意，侍都好勤幫客人添茶同執碟！

我上次同我的朋友(10)去食...我覺得好好食...服務都好好..成日都幫我地倒茶...成日都話唔好（以ｃ）...我地仲叫左好多野...有豆腐（長條型）有三文魚刺生．．．有蟹（冇殼）軟骨．．．有海鮮飯．．．有竹筒飯．．仲有好多好多野...之後我地都係每個人只比100蚊...

今日行山行左成日,返到荃灣想食個tea啦!!行到去城市中心附近,心想搵間日本野食下,係樓下見到五月花個招牌,就走左入去試下。唔去無事,一去就大件事啦…一入到門口,想搵張menu睇下都無,又無人黎serve…要我同女朋友兩個係門口行左一陣,先有個waiter黎帶位。之後叫了個帶子定食tea set、加一個南瓜天婦羅(附螺肉)，加埋$80諗住都合理啦。點知……個螺肉一攞到黎…少到爆…仲係暖既…跟住黎個南瓜天婦羅,真係講到唔信…得個4片($16)…仲要唔係日本南瓜添(同我係「味千」個度食,真係無得比!!)最後定食黎啦,飯得個『暖』字…話就話附蟹子沙律…但係其實只不過係蟹子+菜絲,得個兩條蟹柳「絲」……我同我女朋友忍無可忍,心想食完快0的走就算啦,點知…我地叫了埋單,等了三個字張單都唔見影,之後聽到佢地好似話『埋錯我地張單俾其他枱』真係「O」晒嘴。最後有個經理,拎住一張單走過黎,好型咁威嚇式的問我地：「張單你地嫁(語氣上調)」黎間野真係無得頂

剛開張時人很多，　唔慌無生意，態度惡劣，我點了一個餐和４件壽司，我足足等了一個鐘，　淨係來了兩杯飲品，個飯同壽司，我地當然催下ｄ人啦！點知個女侍應重好似講到我地食霸皇餐咁，　問我地依家想點，　之後個經理講到他們好仁慈咁淨係收我地飲品＄，他們唔認漏單又講到我地有心食霸皇餐咁，總知一肚氣啦啦！之後重要找地方食野，因為個竹筒飯好細，總知貼＄俾我都唔再去食啦！如果服務態度可以俾０分，我會俾這間鋪０分