五月花港台日料理 (Closed)

去完失望ge坪洲後, 夜晚出番荃灣的五月花7:00pm去到個waiter 就同你講明159/位坐低唔理即刻叫刺身--甜蝦,三文魚,雕魚,八爪魚.......都幾好質素天婦羅--南瓜,番薯, soft殼蟹.......最後叫左海老(依家先知海老係蝦)壽司叫左少少姐--鰻魚,三文魚.....麻麻地仲有其他燒物.........................汽水任飲,雪糕任食最驚喜係後期再叫刺身~ d 三文魚全部都係腩位.....好好好好好正啊~ 睇下張相就知啦多謝女朋友請食呢餐

本來訂了兆萬中心,可是卻因為廚房抽油煙機壞了,不能開門做生意,便轉戰荃灣TW的地方比兆萬來得大,但也頗有名氣,才6pm,已經坐滿7成了經理很客氣地為我們引路,一坐下會說明清楚任食住飲的時段和收費這次也沒有試火鍋,畢竟熟食和刺身來得更吸引**刺身 : 很可惜!是晚並沒有赤貝供應 三文魚: 見我弟不斷encore,應該也不錯 甜蝦: 蠻鮮甜 可惜蝦身較細小,需要2條同時放入口中才滿足 八爪魚和墨魚 不過不失 :這裡給顧客的數量並不是你叫的那麼多,旺角那一間可是來足的!**熟食 : 首推一口豆腐! 皮脆內軟 外表有點像椒鹽豆腐,即叫即炸,小心燙口 　 　　　　一口豆腐....似乎一條豆腐更貼切XDD 一口牛柳......失色了,吃得出用上大量meat tenderizer 清酒煮蜆味道不錯,可惜殼比肉多 菠蘿咕嚕肉不夠熱,但味道還好,皮脆點會更棒 馬拉盞炒時菜夠入味,菜夠鮮甜 ! 比野菌炒雜菜要

lee個餐廳設有不同時段不同收費既任食 (6:30pm前收$139.00 , 7:00pm 前收 $149.00), 本人尋晚6:30pm(我手錶顯視)到達這餐廳 , 想取坐位之際 , 我問企係門口既接待員 , 依家入位是否定139.00 , 佢好無禮貌的回覆要收7:00pm 入坐既價錢. , 我同佢講我錶顯視6:30pm , 而且係因為我在該餐廳樓下等lift 先會6:30pm準時到達.佢好唔客氣同我講 , 我地電腦依家6:31pm , 我地要收7:00pm前既價錢. 仲回應我一句 "小姐你可以早D嚟架". 嘩 ...... 咩態度呀! 之後我叫佢搵佢經理同我講 , 佢仲同我講我就係經理啦 , 再吋多句你想點ah.. , 好啦 , 我都算了 , 我再問佢如果依家入坐(2位) , 有問卡位可以比我(當時係有空佐既卡位) , 佢又好無禮咁回答 " 無喎 , 我地D卡位要3位以上先供應" , 真係火都嚟埋 , 之後我就講佐句咁既餐廳搵鬼嚟食啦! 奉勸各位食家食客唔想未食就一肚氣既話 , 千祁千祁千祁唔好光顧lee間餐廳 , 重覆一次係 " 不知所謂 " , 無謂貼錢買難受 !

最初睇到d食評都不太樂觀不過食落又有d驚喜,可能希望愈大就愈失望反之無希望重好!本來五月花同悅來金田二選一,但因為朋友上次試過五月花同埋有汽水任飲咁就上去試下~~~我地一行7人食1900那轉好在早一日訂左位閒日都爆,1845上到去就可以入去~~~有coupon送海膽(5-8人有2板)雖然超細板但都甜坐低後生熟食物咩都點一餐咁先係任點任食呀!首先刺身有吞拿赤身,赤貝,三文,魷魚,甜蝦,立魚(整體新鮮,甜蝦good)燒物有牛舌,冬菇,大蔥,雞軟骨,雞腎,雞中亦...(推介冬菇,大蔥,牛舌.唔過火唔易ka)熟食/煮物有金黃蝦,炒蜆,一口牛柳,燒三文魚骨腩,炸較子,炸雞中亦(ok全部熱辣辣,牛柳一般...)天婦羅只有食蝦...(叫左50隻左右啦~~~)食到2000已經飽晒一路飲茶/蘋果綠茶吹水到2045last order埋杯雪糕坐到2130都唔會趕人走

呢日食癮發作,同男友決定去食自助餐!因為大家都想食日本野的關係,所以就選擇了五月花...其實男友都勸我去食金田,但係因為食過好多次....有d悶~雖然真係好食,但係我都想試下新野,轉下環境...另外八點半後,個價錢又差唔多...五月花都係貴金田一蚊,仲有得打邊....~你話係咪一個唔錯選擇~!?結果我地九點半去到,等左大約十五分鐘~就入座!一坐低爆點刺身...結果....1) 刺身令人失望!!!唔夠凍!宜家夏天,好驚食壞人架嘛~2) 壽司簡直驚嚇~(最衰無影相)order左個辣味三文魚軍艦壽司,d三文魚碎少到遮唔到d飯...有四粒三文魚粒0係度啦!3) 滋味水蟹粥@@睇過個食評話可以回味下~即管試試看~~結果原來係白粥加隻蟹鉗...結果,我食的比數係二比八,日式係二;火煱係八!起碼自己整的會安心d~~不過其實可能我地太夜去...佢d野食賣哂,跟住又整唔切,攪到d野難食啦....最後十點半last order,講明可以食到十一點,但係個"經理"十點半就想收我地個火煱爐....完全係趕收工!!!講左一句"幫你收左個爐先..."就幫我地熄左個爐,完全唔俾時間我回應可唔可以架喎~~~雖則果陣我

一直聽到的口碑不是太好 , 若不是朋友生日說來也未必是我的選擇 , 擾攘了好久 , 最後還是決定吃 21:00 , 相差半個小時 , 每人就可以便宜 $20 , 十多個人加起來也可以請多一個 , 沒有理由不等呢 . 魚生也算新鮮 , 不過種類不是太多 , 只有 7-8 款 . 中式是吃火鍋 , 湯底味不夠 , 好淡 , 還是吃日本菜比較好 .飲品有氣水和蘋果綠茶選擇 , 任飲的. 朋友拿了一張送海膽的 coupon , 有三板 , 來到嚇了一跳 , 勁少 , 而且還要收加一服務費 $8.8 , 有些少 " 搵苯 " . 其實以這個價錢來說 , 也說合理 , 雖然款式不太多 , 但是想吃的也已經有 . 要求不高的話 , 這裡也算是一個好的選擇 .

今日一行三人於七時入席該餐廳享用晚飯開位後我們出示了一張由某雜誌剪下來的印花該印花上寫著是"免費享用海膽刺身一板"但經理向我們說要加原價的10%服務費,即是加$8.8我們說無問題,之後侍應隨後送上該板海膽當她放到枱面上時,我們都嚇了一跳!面前的海膽刺身居然只有小童手掌般的大小,而且表面是帶有點乾顏色方面是淡啡色.....絕對是不新鮮的!至於其他的食物質素尚算可以接受,整體上是可以再次光顧的...

禽日去左五月花食飯,選擇左任飲任食, 真係好抵,通常食放題,d野都會上得好慢, 呢度一落單,5分鐘就有得食,份量仲ok添, 味道亦有番咁上下水準...仲送多個免費火鍋,選擇又夠多, 當然有好亦有唔好,有點食物的確會比較失色啊

果晚同男友去食,因為佢話上個星期食完都算ok,咁咪去試吓囉!但見到唔係好多款啱食既野,叫左個醉雞翼,一d酒味都無~~~~d三文魚又切得好肉酸,所謂送既火鍋,都無乜火鍋料畀你揀! 雞賢串又好硬 , 炒蜆係見唔到有幾多蜆肉, 成碟都係以殼為主, 螺肉唔夠凍, 蘋果綠茶又唔凍,又無味!唯一ok既係一口牛柳囉!$169仲要加一,成$186一個人,唔低食囉! d野又無乜特別,服務又唔係好好,只會試一次,咁既價錢,我寧願去第二度食仲好啦!

之前黎呢道食過幾次d刺身真係唔多新鮮,仲有d怪味tim=.=叫鐵板炒烏冬的餐有6件~3件3文魚,尤魚,蝦有時d尤魚唔夠爽不過近呢幾次食有返d信心,真係新鮮的記得前1個月到,呢間店不斷的播住同1首歌真係悶左d,加上果位女歌手把聲真係令人覺得有d annoying的feel...而家播好多動漫歌,不錯~叫lunch的刺身,鐵板炒烏冬餐都幾抵食裝烏冬的碟睇落雖然唔係好大,其實份量真係好多ga而且夠火喉不過有時d waiter服務就麻麻地~呢次都食得滿意的~因為坐卡位真係好舒服=]

都唔記得左仲咩會食, 不過都唔錯. ^~^

今次一行四人嚟呢道食自助晚餐,夜晚9:00(每位$139)其實一早已睇到d食評話呢間嘅服務態度唔好,但基於地點就腳,大家都決定食左至算,可能係早有心理準備嘅關係,整體嚟講服務尚算可以食物方面: 刺身 (朋友邊食邊讚) 壽司 (略嫌d飯太散) 天婦羅~一般 燒物 (雞腎好味!!!) 水蟹粥 (一細碗已夠回味) 雜果澳洲牛柳 (屬驚喜之作,比一口牛柳更好味更有肉汁,就算從不愛以生果來煮餸,但依然值得一試!!!) *同場加影: 從樓下派嘅傳單可,四人惠顧以$8.8有"海膽刺身"一客,

雖然是過了一個月,太一回想便一吐氣。上月,我與一班舊同學同miss在此眾舊。雖然見到各網友說喊的多~但我朋友都有介紹,而事實上,食物水平也ok~sushi+小菜都好味的!唯火鍋料很少想去選~材料選擇,真的令你食唔食都罷!但這一切也罷!其實整晚食得幾開心,唯在買單時,那個經理,我真的想臭罵他一回!十多人來食飯,埋單時有成千幾零紙也是人之常情,我的朋友 也不好意思地把錢分好 $100 $50 $20 那個經理~(最可惡不記得名字)拿走埋單薄後,不一會兒又走回來!「pa」,真係pa比我~(因為我係算數那個)仲好粗魯講句:「唔夠$!差好多!」我d fd一打開個埋單薄,發現d錢都未被人碰過,好似未計過數咁~連我miss都驚訝了一會。好~數比佢睇,結果,反而多左成六十幾蚊,他一d都冇野講~服務態度差到想喊!!! 佢仲要係經理!?我本人對食的品味不太高,但對店的服務態度非常在意,就算幾好食,服務態度也是第一的!因為那經理,令我很討厭(荃灣)五月花!!!虧我們仲要食最貴那段時間~

12/2/2009 (星期四)今日 Lunch 同同事一齊去五月花食飯，呢間餐廳係樓上舖，係一樓，地方寬敞，環境唔錯都幾好坐，仲有卡位，午飯時間都有位，唔駛先訂位。我地一行五人，侍應帶我地去一個有窗口的卡位，可以望見對面街的德華公園，我最鍾意坐窗口位，因為有街景睇，最啱我咁好奇的人。午飯時間有套餐供應，款式幾多，有日式便當、日式大碗麵、炒飯麵....，套餐包飲品一杯，價錢合理，由$28-$48 (要收加一)，凍飲要另外加錢($3)，如果想飲特飲或台式飲品就比多$5啦。我叫咗一個日式便當滑疍雞扒定食($40)，飲品就揀珍珠奶茶(加$5)。呢間餐廳上菜的速度認真快，我地落完 order 唔夠5分鐘個便當已經送到，個便當賣相唔錯，食物用日式便當盒分開一格格放，非常整齊，值得一讚。便當有刺身(三文魚、蝦、尤魚)、蟹子沙律、滑疍雞扒、白飯，份量頗多，刺身： OK蟹子沙律： 一般滑疍雞扒： 唔係用日式的煮法，最初以為會係全塊雞扒上，但原來係用港式茶餐廳的煮法，即係滑疍雞柳，不過都幾好食，因為加咗好多菇珍珠奶茶： 就有D令人失望，完全唔係台式的珍珠奶茶，飲落好似港式茶餐廳的凍奶茶加珍珠

非常之唔抵食嘅放題雖然係港台日式都有得食~但我唔覺得佢哋有好多款選擇~味道方面一啲都唔得,刺身~無鮮味天婦羅~粉漿太厚火煱料~正常啲囉(出面酒樓$68任食嗰啲味道...)台式田螺~好難食..味道怪怪我一定唔會再去~因為我用咁嘅價錢...應該可以食得更好...