五月花港台日料理 (Closed)

本人係一個拉麵狂, 周圍去食拉麵...不過大部份星期六放半day就會上去五月花食嗰度d拉麵!都有食咗3年有多喇!就正因為佢d拉麵真係好正, 豬骨湯底夠濃 拉麵夠爽價錢又合理$38有杯台式飲品送, 都ok啦~不過最衰就衰在d侍應死人態度, 真係好差!食咗咁耐同佢哋都有兩次牙齒印...總之就一個衰字啦!好在~佢哋成日換人, 每兩個禮拜就會換一大批人, 經理都照換, 只係經理級可能會持久d...所以一試無妨

book左十二月廿六日6點, 自助餐, 食2個小時.首先一講五月花的service. 侍應很responsive, 上菜快. 唔似有d所謂自助餐,叫極唔到欺客.食物花款多, 特別一提魚生及甜蝦刺生. 甜蝦刺生很不錯! 美極蝦好好食! 好夠味, 連蝦殼都食埋.當晚我點了三次! 日本酒煮蜆, 好食.天婦羅蝦新鮮熱勒, 脆! 反而覺得火窩好麻麻..d海蝦好唔新鮮. 其他火窩料都唔係好好食.其他食物方面, 青口好難食...一d都唔入味. but all in all, 整體不錯的! 係一大班朋友dinner ge好選擇. 如果以2個半小時, 會更佳.

今日聖誕節,BOOK左位係度食DINNER ~~一行五人等左陣好快有得入！大家都好肚餓～～拿拿淋叫野食先～今日既上菜速度都好快呀..幾滿意又冇漏單 !不過我地好黑仔..打邊爐個電爐竟然漏電 用傳統入汽個隻打一陣又冇汽 ..講下D野食先 海老天婦羅 : 第一樣送到黎既係天婦羅~~熱辣辣好好味 !!我最鍾意食架喇魚生,吞拿魚,甜蝦,象拔蚌,魷魚刺身(白色個隻,唔記得係咪叫魷魚) :一大碟好快送到,不過我就唔知新唔新鮮,因為我唔食生野既..但我d朋友都食得好滋味呀 !而且次次同我阿媽食,佢都話新鮮 !炸蝦壽司,燒芝士牛肉卷:普通野..牛肉卷既牛肉好難食..可以唔試一口牛柳:味道麻麻,咬落又唔爽 ~不過d汁幾好味打邊爐 : d料都估佢唔係新鮮個類...比我就揀唔要,食佢d刺身壽司熟食好過 !一口炸豆腐:好好味,次次黎必點,外層既脆皮+入面d豆腐好滑..正雞賢串 : 好硬...又冇咩味 水蟹粥: 食到咁飽我bf竟然叫水蟹粥..不過我地就話似死蟹粥多d炸薯餅:熱辣辣好味,不過呢d野都好難唔好味..徐非凍冰冰..甜蝦,三文魚,瀨尿蝦手卷:哈哈 !有位朋友佢點錯晒手卷個邊以為係壽司...搞到黎左成8件

話說尋日daddy 生日, 一行五人去左呢間荃灣的五月花食之前去過旺角0個間都好ok, 諗住呢間都ok 喇, 但係好失望我地6 點4 去到, 坐低的時候d 枱面好似之前的食評咁講唔係太乾淨, 我隻豉油碟上面仲有垃圾... 俾返d waiter 換的時候仲係一句"唔好意思" 都無...!之後落order 喇, 我地寫刺身時有寫5 個人, 揀三文魚時寫了4份, 但到頭來黎得3 件夠邊個食呀? 之前我兩個人去第二間食, 寫一份都有兩塊, 有一次係6個人去, 寫一份都唔止3 件喇, 如果係唔係都只係得3 件, 咁我下面寫人數俾你做乜呀? 仲有我唔止寫一份呀!中菜0個d 味道麻麻:1) 椒鹽炸豆腐好鬼咸 2) 炒蜆係見唔到有幾多蜆肉, 成盤都係殼黎, 有肉都係超級超級細粒3) 醉雞無酒味4) 所謂的咩一口和牛呀, 咩澳洲果粒咩咩牛肉0個d 唔好對佢太大期望, 因為唔好食日式食物方面:1) 唔知點解佢d 中華沙律係甜甜地..2) 螺肉同埋原隻八爪魚 -- 最正常的食物甜品:1) 桂花糕淡到不得了, 無乜味2) 紅豆涼粉的紅豆好硬3) 所謂的日式雪糕係雀x公司細杯裝芒果味雪糕火鍋: 1) 上枱時d

o係呢度食過好多次,價錢合理,食物款式多必叫1.拉面之前有人話佢d拉面湯底差,我覺得唔係,佢d拉面細細碗,d湯底雖然有少少味精味,但係都有好濃既魚湯味,唔似自己買湯粉開o個種.....不過有一次叫左兩碗,竟然有一碗個湯係稀d既,不過都ok2.蝦(海老)tempura新鮮,甜,大大隻3.炸軟殼蟹半個手掌咁大成隻上,好味4.三文魚,甜蝦刺身次次第一輪就叫,跟住keep住叫,好新鮮...雖然見到佢愈黎愈細件,但係叫都好快黎,p.s.唔好叫吞拿魚,冷藏解凍的好難食,其他既刺身都ok5.一口炸豆腐內滑外脆,可口小食6.日式雪糕幾特別,雖然都估到係日本雪糕粉開o個d7.桂花糕8.不妨試佢d台灣小食,一d都唔馬虎,拍得住o係酒樓食o個d

今個月頭去左，我公司同事生日，一早就book左位，我地總共有十三個人我買左蛋糕先知原來十位黎食，有人生日會送生日蛋糕，不過就要俾左訂金先去到果到啱啱過左六點半，所以每位$149一坐底就緊係叫野飲先啦，野飲唔錯，有汽水，有涼粉，同埋新出左個青平果綠茶，好好飲，我地個個都飲哩個~野飲係任飲既我地叫左好多野食，三文魚開頭黎果d好新鮮，但之後果d就愈黎愈唔新鮮~有雞食，d雞都幾好味佢地炸既野食都唔錯，有隻係炸豆腐，辣辣地既，不過咸左d都算過得去既仲有蝦，有炸蟹，都唔錯我好鐘意飲面屎湯，但佢果到d面屎湯難飲到死，千其唔好叫呀，佢d桂花高都唔錯架~整體黎講都算唔錯既其實佢仲有埋火鍋，不過我地無叫，所以唔知係點，下次會再去食

早幾個月前見到雜誌刊登五月花廣告(自助餐+火鍋),一試無妨,在假日黃金時間要 $169 及加一總共每位$ 185.9乘坐電梯到1樓未出電梯口已經有人招呼問我們幾多位到坐位時桌上仍然~痴粒粒~好似糖水倒在桌上未清理好服務員再清理好桌子我們點菜式大約如下:1) 人氣1口牛肉 (看看如何吸引人氣)上桌時牛肉配上肉汁在碟旁放滿薄脆食在口時牛肉軟而鮮甜配上脆口的薄脆感覺一流值得一試2) 燒秋刀魚秋刀魚身切成 x 形狀而肚清洗得乾乾淨淨配上燒汁 + 檸檬汁口味甜帶上酸味燒刀魚燒得乾乾的沒有魚的香氣只是燒汁+檸檬汁搭夠3) 刺身切到好小不過甜蝦及赤貝幾鮮甜4) 火鍋因為見到豬骨湯底而不感興趣但是見到可以點的清單只是一般的肥牛, 多款丸子, 豆腐等等(無新意)5) 清酒煮硯硯沒有沙湯底味精+清酒都 ok 的6) 七味豆腐炸粉簿豆腐滑值得一試服務:侍應即叫即到時常加茶拾枱上菜時會說是甚麼菜式走時大部份員工都講 bye bye招呼不錯環境:桌子與桌子之間好窄總結:五月花服務幾好, 可惜食物一般, 在荃灣區以這質素來說價錢會比較貴,不過不失

同一大班朋友去環境Ok, 張table大大張海鮮泡菜石頭煱飯 --> 好味, 夠哂材料咖哩海鮮炒烏東 --> 不過不失沙嗲肥牛窩 -->不過不失芝士焗蔬菜 -->超正, 好香芝士味蟹子沙律腐皮Sushi --> 好味蠔餅 --> 好勁地其實係炸生蠔提提大家哩間野有得揀任食或自己叫我覺得一大班人自己叫會仲抵如果真係想去任食佢唔同日子唔同時段入座都唔價錢小心小心!

今日朝早去左動漫節，之後係灣仔5點半打電話去荃灣五月花到book台，打算去食啦，有個女仔聽，我就同佢講我話我book兩位6點半，佢話好呀，貴姓留電話咁樣，之後，我問佢幾錢?佢話139，9點前book台有9折，因為我知道既係平時唔會有9折，我就問多佢一次，9點前book台有9折呀???佢話係呀!!(仲要夾d嫌我煩既聲音)咁人地都嫌我煩仲乜鬼仲要問呢，我就收線啦!!!我同我男朋友飛奔由灣仔去荃灣，到左樓下，我地同前面有個女人同一部lift入，佢in先，個receptionist就話過左6點半，跟住我就同個女人就話，我個鐘未到喎，我男朋友果時都好好氣，諗住入去食149未149囉，都無辦法o架啦，因為係自己遲左麻!!但係之後我再問佢係唔係9折，佢話無，我就火都黎麻!!!O曬咀，個女人就見左個男經理黎，呢個咁既男人一d都唔識得點同客人溝通，講既只不過係一大堆廢話，之後有另外一個女經理出黎，呢個個樣係串d，但係佢起碼識得點對付d客，最後，我無食到，女經理比左張20蚊既野比我地...無用啦...我唔會再去....

lunch好少出外食，難得一班同事可以出街食，於事由葵涌打的落荃灣食飯。大家都係叫左定食，而我點就係吉列海鮮定食，定食有：兩件吉列蠔同兩件吉列蝦(炸得好脆，熱辣辣，好味)蟹籽沙律(ok)中華沙律(ok)刺身六件(兩三文魚、兩墨魚、兩甜蝦)(幾新鮮，三文魚都幾厚)飲品(點了熱珍珠奶茶 加五蚊)(係暖，都唔熱嘅)免加一45+5(轉飲珍珠奶茶)

標榜港日台任食既一間餐廳，老實講，唔係赴約都唔會去。因為三樣都識整即係冇樣野整得好好食。入到去食到o的裝修都幾舒服，位都算闊落，係枱面擺左一舊冇水既瀑布擺設，阻碇兼唔知想點。可以食既野都係大路野，先講日式，都係刺身壽司天婦羅拉麵之類。刺身雖然細舊但係幾新鮮，冇雪味。壽司o的飯鬆泡泡一夾就散，失敗。天婦羅炸得幾好，不過o的粉厚左o的。拉麵...佢不如煮個出前一丁俾我食算。再講港式，都係火鍋小炒之類。煮蜆／炒蜆叫做冇沙，但係冇乜味。火鍋算係唔錯，材料幾新鮮。生炒排骨，尚算可以。其實仲叫左好多野想試，不過有o的冇黎到。同枱其他人叫左唔同既台式特飲，不過最後都係跟我飲罐裝飲品。最後講服務，o的侍應攞野黎係要你搵人接住佢就會走。完全冇幫你收野走既企圖，我地將o的吉碟擺係卡位同卡位中間等佢地得閒先攞走，點知有個貌似經理既物體同話我地咁樣會阻住後面枱既客人。當我問佢"但係你冇人收野咪阻住我囉?" 佢竟然同我講"總之你咁樣就唔得喇!" 跟住就走左去，呢o的服務態度簡直係一流。未到九點佢又黎問 "你地o的野叫晒未, last order!"，真係忍住寸返佢"我地就叫齊喇，不過有幾樣野催左個幾鐘都未有，唔

五一假期, 選舉到五月花吃自助晚餐2個大人, 1個細路, 1 個bb, 佢比張大卡位我6pm-8pm, $149 each + 10%魚生, 火鍋, 粉麵, 汽水, 雪糕....樣樣齊冇發生漏單, 禮貌差...等情況才1.5 hour 已經好飽, 要走了, 埋單才$430我覺得好抵, 有時間再來

佢好在有得飲野..不過佢D魚生..好似一粒粒咁..都唔似食緊魚生..不過佢D台灣小食就幾好既..同埋我覺得個價錢唔係好貴..服務唔錯..

今次已經係我第二次去呢度食野.....兩次都係食任食都OK啊.....佢的質素普通...刺身無咩款...吞拿魚都無.....都唔知點做野的..但都好..有赤貝...三文魚...鯛魚...八爪魚..等等我幾中意食佢個水蟹粥....我仲食左兩碗TIM..其他的..就無咩特別....真係無咩特別......同平時一般的....無分別....149 加1...X 2=328.....我就覺得唔係好食得過....但男朋友鍾意....無計.......

對於係荃灣返工既小妹黎講，五月花會係其中一個選擇。佢既選擇幾多，但大部分都係一般，又或者係麻麻，不過仍有推介之選，或者講下食過既野先。(有d 食物既名真係唔記得左，所以講下不同「類別」既食物先啦。1. 大碗麵：個湯低好淡，好明顯係味精水。d 麵唔係唔彈牙，但好大陣怪味，食到一半已經唔係好想食。2. 粟米芝士腸飯：好似粟米肉粒飯咁。冇肉粒但又d 肉粒味，但衰在係粟粟地果隻。d 汁好稀，但唔夠多，送唔晒d 飯。3. 滑蛋豬扒定食：呢個真係好好好經典架﹗未見過d 滑蛋既食物會有咁多水﹗再加上d onion 好生，得舊豬扒食得落口... 但只係叫食得落口，距離「好食」二字還有一大段距離。彈完就讚下4. 汁燒釀雞翼定食：呢個就真係幾好味架。豬肉釀係兩隻小小的雞翼上。一食落去，感覺到有好多肉汁，好鮮味但唔油膩。食過唔次一止，次次d 雞翼都係脆脆地，火喉岩岩好。5. 壽司餐：三十多塊可選六件壽司，質素幾好架﹗6. 定食：都幾抵架，無論你叫豬扒定係釀雞翼定食，都會有六件刺身、蟹子沙律、中華沙律送。幾足料同埋都唔錯架﹗再講下佢餐飲之類果d 先7. 有得自助湯水，但唔好有任何期望，似水多過似湯。8. 餐飲