亞婆豆腐花

Open Now

Now Closed

我是個豆花控 不論去到什麽地方，商場、市集、甜品店，又或街市，甚至離島行山經過，只要看見出售，我會先查看一下是否夠熱! 豆腐花絕對要選熱的，這才會夠滑溜! 再目測一下質感， 我真的可用肉眼決定它是否美味這間在大埔區林立多年的豆花店，自家工場，新鮮制作，每次我經過必要吃上一碗， 今天就陪着母親大人 (還是她陪我呢?）去找快樂的元素 售買的成品除了豆腐花外， 還有豆漿，腐乳等。 今天33度高温，我仍然只會吃熱的，享受它滑溜溜地流入喉嚨的感覺! 加上薑糖和黃糖 (用甘蔗製成），甜蜜的喜悦湧到大腦，釋放了不少安多酚呢這間絕對是我心頭好的一間，不會太稀又或太多石膏粉的， 你也去試一下吧

就快要還車，食埋碗阿婆豆腐花先走。一定要食啦，都未食過一間凍豆腐花都可以咁滑嘅。奉勸大家，如果覺得熱千祈咪入去入面食，因為入面係冇冷氣，仲熱過鋪頭出面。雖然係企喺門口度食，但係食碗豆腐花需要幾多時間？一入口已經跣晒落個喉嚨度，都唔駛1分鐘已經食晒。質素同普通甜品譜簡直冇得揮。

亞婆豆腐花呢個名真係由細聽到大，不過成日經過都未食過。因為唔知到抵係味講講呢一間，咁岩天氣熱到爆想食碗凍豆腐花就試下。點知真係超級有驚喜，滑到不得了。第一次食豆腐花係想再添多碗。一定會再黎

經過大埔.曾有人推介他們的出名的豆腐花。見有時間，所以順道試一碗，發現吃下去真係名副其實好滑呀。怪不得有這麼多朋友推介。而且店內還有腐乳出手，下次經過要買一樽試下好吾好，再繼續分享。

大埔墟有間每分鐘都有人排隊嘅名店，除左區內街坊之外，仲有唔少區外人士專登黎幫襯。賣嘅，只係獨孤一味嘅豆製品，但受歡迎程度，絕對係大埔墟之中最強。 豆腐花 呢碗豆腐花嘅一大吸引力，係滑到離晒譜嘅口感。豆腐花面係超級白滑，非常柔軟。經常唔覺意，就會大力一索，豆花直衝入喉嚨，快過閃電。豆腐花絕對係入口即溶，水感非常豐富，可算係個人記憶中，史上最滑豆腐花。可能係水份較多，豆味唔算濃郁，呢個應該都係滑滑豆花嘅常見問題。豆腐花本身加左微甜嘅糖水，再自助任加黃糖，熱力慢慢溶化糖粉，味道更加香甜。呢間小小嘅豆腐花店，可算係覓食大埔嘅地標之一，任何時間都堆滿立食嘅人潮，因為呢度絕對係平靚正嘅下午茶首選。順帶一提， 除左豆腐花之外，豆漿都相當清甜抵飲，而腐乳都OK抵買。

由大埔墟街市步行到一田，途經亞婆豆腐花，不得不留步試一碗豆腐花作為飯後甜品。舖內坐位只得幾個，大部分食客都只好站在舖前吃。我們真幸運，竟然可坐在舖內品嚐。～熱豆腐花（$9）豆腐花自加黃糖，甜度自己控制。這裏的豆花非常滑，一放入口中已溜到喉嚨了。微熱的豆花豆味較出，配上甜黃糖，確實美味。～凍豆腐花（$9）凍豆花只是微凍，加入糖水或黃糖便能增添甜味，更易接受。凍豆腐花仍是白白滑滑的，老幼咸宜。這較健康的小食絕對是夏天的首選！

拜完山路經大埔轉車，順道吃一碗我覺得是最滑溜的豆腐花，每次來這裏一定要吃熱的豆腐花，才能夠滑上加滑，又熱又滑的程度就是嘴巴一不小心用力，那熱呼呼的豆腐花就會快速自動地滑落喉嚨，再一直滑落去，熱到火燒心口，實在滑到不得了，一點也不誇張，另外，每次外賣必點就是一支特大豆漿，只需$20 ，非常抵飲，豆漿的豆味非常濃郁，又不太甜，實在沒有辦法不買它回家，而且員工態度很友善，又很有禮貌，所以每次來到都看到排隊的人龍很長，是有原因的多年來都能保持高品質實在難得

早幾個月先知原來大埔街市附近有檔好出阿嘅豆腐花，所以今日就去試下個「阿婆豆腐花」凍豆腐花、熱豆腐花凍豆腐花個陣黃豆味比較沉實d，慢慢散出嚟，好似飲凍茶咁，要慢慢飲慢慢食去等待果陣黃豆味出嚟。如果凍豆腐係性格內斂，咁豆腐花就比較外向嘅性格，都唔洗食落口，就咁都聞到果陣黃豆味散出嚟。有人話熱豆腐花會滑口d，就好似芝麻糊咁要熱先會滑，凍咗就會刮口同卡喉嚨。但我覺得凍豆腐花更加滑口，好似啫喱咁凍凍地果陣仲係非常滑口，因為凍唔代表凍到結晒冰，佢仍然係軟身唔會硬。呢道嘅薑汁、糖漿或者黃糖都係放係枱面，隨自己喜歡加幾多。鍾意食薑汁味嘅可以加多小小，因為真係好香🤤🤤。同埋，係要拎住個碗企係街邊食嘅，所以唔好一袋二袋咁嚟食啦。

<亞婆豆腐花>-係大埔食晚飯 因為early dinner既關係食完都係7點幾回程既時候碰下運氣睇下有冇豆腐花食賣哂熱既但仲有凍既 果斷同友人坐低係為數不多既位置上—————————————————————-『豆腐花』🥣 - $9-私心係自己最中意既豆腐花 豆花本身有少少糖水 唔落糖都夠味但覺得豆腐花既標準食法係要落黃糖的滑溜既豆花配翻脆脆既黃糖 雖然係會甜左啲但每次都離唔開呢個default食法作為一個洗滌心靈嘅豆腐花 佢完美咁discharge左佢既duty ❤️❤️—————————————————————P.S. 真心唔好咁遲去 有機會冇得食 wuwu

黎到大埔, 識食既人就知一定要幫襯依間老店店內有古舊味度. 但乾淨整齊. 堂食位不多. 只有4個. 好多人都直接企門口食. 因為人數多. 有時都迫不得己影響左隔離間涼荼鋪.. (冇位企關係). 好在好人事. 冇話我地..去到先比錢. 我叫左熱豆花.. 試完一口. 可以講. 佢真係試過最滑既一間.. (出名多人真係有原因). 我個人認為比起其他所謂出名既山水豆花. 簡直冇得輸.. 阿婆豆花係最正宜家有2位後生仔睇店. 希望繼續做下去..

Long queues awaited us as we went to get our tofu fa.Got two hot tofu fa. The were silky smooth and practically melted once you put it in your mouth. 9 dollars eat in, there was a small table inside with 4 seats. 10 dollars to take out. A lot of people were also buying soya milk for take away by the bottle that looked really good

平時好少嚟大埔，新年流流要拜年先嚟一次😂經過呢間亞婆豆腐花，即刻諗起南丫島果間😂小妹本身就好喜歡食豆腐花，見到已經流哂口水🤤又點會錯過機會食返碗😛😛😛碗豆腐花暖暖地偏涼，又未至於凍😋一啖食落去！好滑呀！😍😍😍😍係超幼滑🥰🥰荃灣d平價豆腐花同佢差好遠☹️☹️甜度都幾甜嘅，我就一向唔落黃糖，豆味已經夠哂香！簡單嚟講就又香又滑喔😍😍😍兩個人share一碗😆啱啱好☺️👍🏻

There were so many people lined up for a hot bowl of tofu fa, but the line moved quickly. There were 2 people serving. After scooping the tofu fa from a big tub into a bowl, the server poured something into the bowl, but I don't know what it is... Maybe clear syrup for sweetness...? I'm such a foreigner 😂😅The store is sooo tiny, so most of the people just ate outside. I tried getting a seat cuz I was so tired but nobody seemed like they were gonna finish their bowl any time soon so I ended up st

大埔墟街市有間亞婆豆腐花，聽說很好味的，今日有機會來，就來試下，人龍是有的，不過，也是好快，店員效率好高，拿了一碗，就在旁邊食，自己加黃糖或糖水，豆腐花用瓦碗裝，食一晱好夠滑，又夠晒熱，仲要夠薄，入口即刻直落喉嚨咁。好好味呀。又唔會特別甜。唔怪得可以咁吸引人食

亞婆豆腐花 (大埔).⚜️熱豆腐花⚜️ .大埔嘅啊婆豆腐花係我暫時食過全香港最最最滑架(⁎⁍̴̛ᴗ⁍̴̛⁎)！ ！$9一碗大大碗 真係好好食！ ！今日天氣仲凍凍地，係黎大埔必吃之選！ 超級推薦啊！—————————————————————-環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️ 大推！ (⁎⁍̴̛ᴗ⁍̴̛⁎) .📌亞婆豆腐花 (大埔)大埔大光里2A地舖