亞婆豆腐花

Open Now

Now Closed

講到大埔人嘅回憶，我諗真係唔少得阿婆豆腐花🤤🤤由佢叫過菓香林去到而家阿婆豆腐花，真係食足咁多年，重點係食極都唔厭！！去其他地方食豆腐花，都會諗起呢一間嘅味道，因為其他地方嘅豆腐花真係好難比得上佢😭😭😭😭今日同完朋友食飯之後，就一人買咗一碗豆腐花外賣上車食，大家一路食一路勁嘆，點解開咗咁耐，個水準都仍然可以維持得咁好！！！係真係好滑㗎😭每次帶朋友嚟大埔， 都一定會帶佢嚟阿婆豆腐花朝聖，而每次D朋友食完，都會好羨慕大埔人😂😂所以大家唔好猶豫啦！入嚟大埔一定要食返碗！

早陣子吃過阿媽牌的豆腐花，覺得不錯，今次一嚐亞婆牌的，未知阿媽好還是阿婆好。亞婆豆腐花相比阿媽的一樣大有豆香，水份充沛，分別之處乃黃糖更甜。拍照的只是剛開始的部份；小人邊吃邊下黃糖，到最尾差不多落了少半碗！甜漏漏的感覺直滲入心，滑溜溜的一口接一口，不滑半刻已飲完，要再乾多一碗都不成難度！比拼之下，各有千秋，因兩檔小人都愛，不能一時之間說誰好誰差。親戚甜品比比皆是，未許知下回會否有何許親戚的甜品出場。

每次經過大埔新街市，如時間許可，都會過來吃碗新鮮豆腐花。豆腐花有冷熱兩款，是日點了冷食，加上不過甜的糖水，微微的薑汁味，站在店邊品嚐實是平淡的幸福。店外常有短人龍，但店員有效率，不用擔心等候時間。香滑的凍豆腐花，配上帶有微微薑味的糖水，想吃甜的時候吃這個不怕高卡路里。

亞婆豆腐花食過好多次，有一排成日去大埔，行過都會整返一碗，每一次我對佢哋嘅評價非常正面。雖然好多時要排隊，但每次都覺得排下隊都值得嘅因為佢哋啲嘢好食而且對客人態度非常好。排咗5分鐘終於買到喇，見店內有位不如坐底食。今日叫咗一碗熱豆腐花、一碗凍豆腐花、一杯凍豆漿。熱豆腐花夠哂熱，而且非常滑漏，加少少黃糖真係絕配，雖則熱但一啖一啖好快就食哂。凍豆花相對冇咁滑，但依然好重黃豆味。亞婆豆腐花食過不下於50次，每次都Keep到水準，個人覺得真係香港最好食嘅豆腐花~

亞婆豆腐花全港十大首選豆腐花之一，在我心中它必定是首位。其實豆腐花主要成分只係，豆漿，石膏粉，生粉，完成後加紅糖進食。不過，唔明點解，亞婆可以撞出咁滑嘅豆腐花，呢啲真係好考師傅功夫！明明親眼見住佢哋成桶豆漿咁撞，返到屋企自己點都撞唔到呢啲水準，即係偷師都冇用。豆腐花，豆味不太重，質量勁滑，加紅糖食超好味，係第二間絕對食唔到。推介指數：10/10豆腐花，仲有凍食，夏天最啱。不過，我覺得熱食係最正。此店仲有腐乳賣，見樣幾靚，不過我未有食過，不肯定水準。

豆腐花，現吃。打包加一元，應該屬於餐盒費。速度很快，店員舀好了兩碗白白的豆腐花，很幸運正好有位置。坐下之後就是自助啦，拿勺子，加糖。這邊的糖都是黃糖，顏色黃色的細砂糖，我其實也很好奇黃糖和紅糖的區別在哪裏

天氣咁凍食返回䁔䁔既豆腐花真係好正，呢間豆腐花舖真係好多人排隊食，但等既時間唔會好耐，我叫左個淨豆腐花，再自行加黃糖（可加薑汁），豆腐花好滑，每一口都有豆味，好香濃，而且食落又好䁔胃，如果經過，真係值得一試

去親大埔早的話一定會排下隊食下亞婆豆腐花，因為佢地嘅豆腐花做得真係一流。無論熱或凍都好，食落口時feel到豆味香，二來豆腐花又滑，好似有啲入口即融嘅感覺。佢哋雖係好多時都多人排隊，但我見親佢地都keep笑面迎人，對任何顧都非常有禮貌。另外佢地嘅豆漿都好濃豆味㗎，但飲飲下忘記咗幫支豆漿影番幅相留念。由於佢地對客人態度好好，另外豆漿、豆腐花及腐乳嘅品質keep得有水準，所以我絕對推介亞婆豆腐花呢間老舖。

響市政街市食完野，發覺今日真係好想食傳統野。天氣凍凍地，食完粥，行左陣！當然會令我諗起甜品啦。山長水遠黎到大埔，朋友帶我黎試亞婆豆腐花！呢度有豆腐花、豆漿！但我真係食唔到咁多。豆腐花有堂食（$9）有外賣（加$1）排隊果陣有六七個人，舖頭旁邊好多人企響度拎住碗仔食豆腐花！愛甜既我，又加薑水又加黃糖！真係正到爆呀！豆腐花夠滑、有豆味！食緊既時候，人龍基本上都無小到。證明好野大家都會欣賞！下次要試埋個豆漿先得。

我成日覺得，每區都有一間阿婆豆腐花。點解豆腐花店通常都要以阿婆為名呢？今晚食完拉麵想食點甜，不經意又黎幫襯呢間豆腐花。夜晚7點幾，豆漿已賣完，好在仲有豆腐花。豆腐花，凍同熱，任君選擇，我就要左碗熱豆腐花堂食（$9）（外賣加$1）檯面有黃糖任加，嗜甜如我者一加就加左幾羹，好似太多了⋯⋯豆腐花既有豆香味，亦滑滑的，咕嚕咕嚕地滑落喉嚨，不消幾秒，我已經食完。好滿足呀，一路食，一路有食客幫襯，果然係好嘢！

#fridayla_taipo⠀⠀⠀⠀⠀⠀⠀⠀🥛亞婆豆腐花🌸🔸🔸🔸🔸🔸🔸🔸🔸🔸🔸🔸🔸🔸🔸🔸🔸🥛Ah Po Douhua🌸🔸🔸🔸🔸🔸🔸🔸🔸🔸🔸🔸🔸🔸🔸🔸🔸 ⠀⠀⠀⠀⠀⠀⠀⠀從5蚊，食到宜家9蚊，貴左差唔多一倍😫但每日都Keep住門庭若市😳😳而質素又一直保持到🤤🤤 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀每次行開大埔都總系會去食翻碗😋順便買到樽辣腐乳🌶️⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘慢慢品，快快評💘💘💘⠀⠀⠀⠀⠀⠀⠀⠀⠀⠀⠀⠀⠀⠀1️⃣亞婆豆腐花💲9💭豆腐香滑無比，最中意落大量黃糖😚😚💭1分鐘唔駛就食嗮😎⠀⠀⠀⠀⠀⠀⠀⠀2️⃣辣腐乳 💲20細 / 💲30大💭自家製，買個陣個哥哥會叮囑你小心拎😍💭如果唔系，未翻到屋企，d腐乳就會爛嗮😌💭試過用黎炒大蝦，通菜都正，又唔會過辣😝⠀⠀⠀⠀⠀⠀⠀⠀🔘去開大埔得閒可以順便上埋街市既梁九記😘🔘好多性價比高既凍肉，同火鍋配料！🔘希望下次去開入貨，可以介紹d筍嘢比大家🤣⠀⠀⠀⠀⠀⠀⠀⠀⠀⠀⠀⠀⠀◤亞婆豆腐花◥ ⠀ ⠀🔹🔹🔹🔹🔹🔹🔹🔹🔹🔹🔹🔹🔹🔹🔹🗺️∶大埔大光里2A地舖🍟Food：🔥🔥🔥🔥🔥🎆Mood：🔥🔥🔥💰痛快度：🔥🔥🔥🔥🤡趣味度：🔥🔥🔥🔥🔥🔹🔹🔹🔹🔹🔹🔹🔹🔹🔹🔹🔹🔹

香港租金昂貴帶動食物成本樣樣貴出街食碗糖水動輒$30-$40所以反而好多地方開多左賣豆腐花既鋪頭是日食完3小姐去買豆腐花做甜品叫左一碗凍花奶豆花$10本身只有豆味既豆花加花奶簡直絕配錦上添花令到豆花滑上加滑凍黑芝麻豆花$10芝麻味香而濃 個人認為熱食更佳

This place is very well known in Tai Po area. Went to his place in the afternoon and the lineup was very long but the wait was pretty fast.😏The Price isn't that bad, it's $8 a bowl and same price for both hot and cold. I ordered hot coz I always like Tofu Fa hot with both the sugar syrup and the brown sugar. For the sugar you can add as much as you like.😜The Tofu Fa is silky smooth and has the richness of soy as well. So Yummy!!😋😋😋

每逢假日，這個位置總是人山人海～剛好經過，而且又不是很長龍，於是便吃個豆腐花一凍一熱，但可能生意太好了，豆花哥哥就話凍既唔係好凍，有少少凍～唔緊要，本身都唔打算食好凍⋯剛好是室溫的～黃糖糖水自便～食落有點點豆香，而且又真是很滑呢⋯～只是落得比較多糖，偏甜了一些堂食剛好有座位便坐下這些應該是打算放入雪櫃雪凍的～遠望每一碗表面也很滑，水準很平均，讚

每次経過這間豆腐花店都大排長龍，事必有因，因為豆腐花真的又香又滑，即使要企在街邊，手拿着熱辣辣的碗，也再所不惜。這裏除了豆腐花外，豆漿也不錯。豆腐花（$9）豆腐花豆味香又很滑，不用吞就直滑到喉頭，還可以加薑汁，黃糖自己添加，甜度自己決定。