亞玉豆腐花

Open Now

Now Closed

每次經過呢度都見到好多人排依家阿玉豆腐花！今日都好多人不例外！於是喺依個比較想食豆腐花心情底下🤣我都係排左隊即場叫咗一碗薑汁豆腐花👍🏻❤️👍🏻豆腐花果然係好話而且薑汁係自己落你想落幾多都得👍🏻👍🏻自己食完梗係仲要帶埋爸爸媽媽啦☺️於是我就買咗其他產品同爸爸媽媽分享啦😏包括有客家糍粑（花生黑芝麻餡），芝麻糊，黑豆漿(無糖)一支，豆漿一支糍粑好好食喎估唔到黑芝麻同花生係夾！而且皮又夠薄又軟綿綿好好味呀😊🤤無糖黑豆漿好健康✅而且黑豆對女性好就梗係買支俾媽媽啦☺️☝🏻媽媽都話好飲！仲有砵仔糕添😌☝🏻好細心地佢哋有照顧都唔食紅豆嘅人士🤔🤔所以我就有豆無豆，各買咗一個嚟試吓啦😆😆😆😆砵仔糕夠晒滑☺️而且質地係彈牙☝🏻😏唔係「死硬派」🥰細細舊啱啱好！

亞玉豆腐花，不需要介紹吧了，除了它出名豆花香滑外，它荃灣店的新聞整日都搞到熱烘烘，知名度不需要擔心。人氣不斷的它，質量仍在，但我讚的不是其豆花，而是其新推出的喳咋。不得了，料子多到令人讚歎豆種豐富，紅豆、眉豆、花甜田、紫米、西米等等，層次豐富，濃稠適宜。更重要是粒粒都煲得粉糯起沙，加堆椰汁更加滑、厚；絕對掌摑那些以甜品作主打的店子，強勁的一碗都只是十蚊，冇錯係十蚊。完全唔記得幾時完，快點去食！食完飽到飯都食唔落但係係開心既，滿足既！

阜財街係元朗既為食街🤤有好多唔同類型既小食店🍹🍦🍡🌭係云云小食店中我就簡中左呢間亞玉豆腐花招牌是綠色的背景配紅色大大的字，這間是總店喔！左邊個碗係豆腐花加芝麻糊，芝麻糊好厚身好濃芝麻味，而且係好濃唔會好稀食落好有質感🤟🏽食得出係真材實料....右邊就是黑豆豆腐花，顏色無想像中的黑，豆味就夠香又夠滑作為乖小孩梗係要買返啲甜品俾屋企人食，看到有客家糍粑岩曬買返屋企又方便拎...咬左第一啖就看看客家糍粑入面係有啲咩先👀，係黑芝麻餡加花生🥜皮夠薄餡又靚😆咬到花生一粒👍🏽👍🏽

作為元朗街坊，一定食過阿玉豆腐花，這天就特地帶外國朋友試試。店內糖水款式不多，只有豆腐花和芝麻糊，付款後就可以立食！買了一碗豆腐花和涼粉。豆腐花($9) 依舊豆香濃郁，口感滑溜不起渣。我最喜歡可以自己添加黃糖和任落薑汁，驅寒暖胃。$9換來大滿足，平靚正！涼粉（$10)本身甜度較低，可以自己添加糖漿調節口味，不怕會太甜。店員也會主動詢問是否需要落椰奶，非常貼心；涼粉質感比較挺身，入口爽滑。朋友形容為『中式jelly』呢！我亦買了一支黑豆豆漿($12)留作第二天早餐，豆漿可以選擇少甜或無糖，非常貼心。選了少甜，更能凸顯豆漿豆味，不錯。

聽聞亞玉豆腐賣得平而且好味，於是路徑見放假人流咁多，味道應該唔差一於排隊試下~豆腐花好香滑，食落有豆香，而且唔會一拎就散晒變水，味道好滑，雖然價錢便宜，但一點也不馬虎，果然有保証加入黃糖更加提升美味口感另外買了支豆漿和黃糖砵仔糕，豆漿很滑，唔會有很稀的情況，而且豆味很濃，值得一推!砵仔糕是香港的懷舊小食，這天路過元朗的阿玉豆腐花，看到小巧的砵仔糕便很想吃!我最鍾意很多豆的黃糖砵仔糕，阿玉的砵仔糕一看便知道有很多豆了！味道可以，想吃的話一試無妨。果然令人有種難忘感覺，下次放假要再去試過!

係元朗又新街食完個飯，想食下甜嘢，見到前面有人龍就去望下，原來係亞玉豆腐花。豆腐花款式特別多，可以揀淨豆腐花，亦都可以揀加芝麻糊、紅豆，可以揀堂食或者拎走，我地就揀左堂食，一黎想環保啲同埋企係度食都幾有風味！豆腐花好滑，一擺落口就滑左落喉嚨，豆味香濃。糖水同黃糖可以任加，讚😍心思思想試多個味就叫多碗豆腐花加芝麻糊，芝麻糊食落都幾有質感，唔似平時出面有啲食落無芝麻味又稀。熱辣辣冬天食真係好正，食完成身暖粒粒。除左豆腐花，仲有賣糯米滋、豆漿、砵仔糕，砵仔糕好多豆，好想試，但太飽啦，留番下次試！

行到元朗，我習慣了走到亞玉豆腐花番碗豆腐花但由於當日人流太多所以叫了外賣自己再到外找位置吃想起豆腐花加入黃糖薑汁，令我有種總想要去食的感覺而且薑汁味夠濃，與豆腐花配合後食落有一種身體暖暖的感覺最好的是份量可以自己調較，我當然要落多一點...再帶走份量很足料，一點都冇出現太少的情況滿滿的一碗令人感到滿足!豆腐花口感很滑，所以每隔一段時間再經過也要繼續前來回味一下希望下次帶埋朋友黎推介她試食一下真的是元朗的小滋味^^

是日收工趕去Yoho Mall陪陪女玩雪，玩完雪之後帶佢食我最喜歡的豆腐花，又新街出名係元朗的食街，俾我感覺係元朗最早的飲食集中地，亞玉豆腐花在這裡開檔不用荃灣那樣降價都keep住有人流光顧~~~呢度除咗有豆腐花，原來仲有砵仔糕、糯米糍和豆漿等~~~而我地兩母女就簡單地叫咗豆腐花（＄9）堂食，堂食豆腐花個碗的設計好傳統，阿女仲話要自己加糖豆腐花食落口感好滑，味道不錯，如果想飽肚就要買砵仔糕或者糯米糍，始終豆腐花只係甜品而已呢度的豆腐花款式頗多，由於我獨愛豆腐花，所以冇叫其他野食，兩母女一齊食豆腐花，感覺都好甜，係心甜加味道甜

成日覺得傳統小食永遠都係老字號先做得最好，豆腐花呢樣小食周圍都食到，但就唔係每間食店都做得好☺️亞玉豆腐花就從來都無令我失望✌️豆腐花超滑，將匙羮放近嘴邊，再輕輕一啜，豆腐花就會完美「竄」入喉嚨😍豆腐花分黃豆同黑豆兩款，除左顏色，味道都唔係太大分別😆另外可以再加芝麻糊、紅豆，今次加左紅豆，紅豆唔係煮到起沙嗰款，而係keep住原粒紅豆，加埋豆腐花一濃一淡好夾😘不得不提我最鍾意既客家滋粑，大大粒軟淋淋，芝麻餡夾雜粗粒花生！粒粒都爆餡！食落有幸福既感覺☺️而且佢d粉完全唔多，皮又薄，咬一小口d餡就萬馬奔騰咁飛出黎😂信我，真係好好味，超級超級推介！仲有砵仔糕😋黃糖甜度岩岩好，所以無豆都好味！軟硬都做得好好，唔會軟到一咬就爛！傳統小店本來已經唔易做😛抵食又好味既小店就更值得支持！

是日入到元朗，第一站就去左篤燒賣，正食得津津有味之際， 見到隔兩個舖位有豆腐花喎，實在太方便了， 同一條街就可以食到多款馳名街頭小食。😁食完甜緊係要食番啲甜野啦， 我就要左呢碗黑豆豆腐花喇， 黑豆做嘅豆腐花比正常嘅多出一層豆香味， 豆腐花質地唔會太稀削👍，加黃糖就唔會太甜但更香架！食完豆腐花我仲買左件砵仔糕食添，食唔食得落？當然可以啦， 因為佢地嘅砵仔糕好細件啫，但豆就超多， 所以口感特好，又唔會太甜砵仔糕本身粘米粉比例較多， 所以糕身會天結實更有咬口，等我買多兩件返去孝敬母親大人先😁。

今日同屋企人入元朗食飯，食完飯經過亞玉豆腐花，比佢個熱辣辣薑汁豆腐花海報吸引咗。其實我知屋企人個晚餐吾夠飽架啦~所以我地就打算行過去叫咗一碗食下，食咗一啖已經感覺到好滑好有豆味，加上呢幾日天氣有啲凍，食完成個人暖粒粒，好舒服。佢哋而家仲有一個優惠，就係可以加兩蚊，食到一個砵仔糕，個砵仔糕仲有好多紅豆，好好食，唔會同出邊咁樣得幾粒豆。唔怪之得咁多人都推介食亞玉豆腐花，因為佢哋真係真材實料，值得推介。

傳聞此舖豆腐花，又平，又滑，又好味！今日有緣經過，當然要會一會啦真係太受歡迎定因為星期日關係呢？大排長龍好彩速度都快，唔使等好耐結論 : 9蚊……超勁滑……好有豆味……正……講完

亞玉豆花一向出名,元朗又新街都有一檔~雖然佢冇好似荃灣分店咁, 減到$3一碗咁平,但間唔時想嚐甜嘅時候都會諗起佢今日同男友睇完早場, 慢慢從Yoho行返去, 殊不知都11月中旬了,天氣都仲勁熱...曬到嘔....行到又新街,就決定食碗凍豆花清涼一下。凍豆花 ($9)呢度買豆花,可以揀堂食/外賣。堂食$9, 外賣$10。雖然佢冇座位,但唔少人都會企係街拎住個玻璃碗來食~豆花滑溜,雪得夠凍~最中意就係除左黃糖同糖水可以任加外,薑汁都係任加的!!加左薑汁嘅豆花,係特別滋味的~大家去食嗰陣記得加喇

🇭🇰砵仔糕$12/5件🇭🇰最愛傳統港式小食🤤呢個價錢黎講呢間算係好多豆😳$12有5件真係幾抵食👍🏻咬落香甜，軟糯得黎又有彈性❤️加埋粒粒紅豆既起沙口感，Jeng到一個點~影完相之後，獨吞左3個😈.食物質素: 🌕🌕🌕🌕🌑食物顏值: 🌕🌕🌕🌕🌘性價比: 🌕🌕🌕🌕🌗回頭率: 🌕🌕🌕🌕🌘

食飽晚飯行去巴士站途中，發現亞玉豆腐花🤤🤤🤤吃完肥膩美食後食返碗豆腐花。$6-$8有交易👍👍👍除了糖水及黄糖，店內亦有一支非常足料的薑汁，辣得來帶有一點點甜味，放落豆腐花中撈來食超正！非常醒胃🤤🤤🤤即日鮮製，豆腐花豆香濃郁，口感嫰軟滑滑的豆腐花真是夏日消暑的必需品！同場還有其他手作小吃，包括芝麻糊、黑豆豆腐花、豆漿、砵仔糕、糯米糍；林林總總的選擇；超推薦👍👍👍熱辣辣，又有豆香，十分抵食！還可以自己加不同味道的糖水，味道很不錯🤤🤤🤤