伝説のすた丼屋

Open Now

Now Closed

午飯時間門外見佢個餐牌幾吸引，排咗一陣就有得坐低，叫了豪塊牛岩鹽燒肉合(炸雞拼燒牛肉)和傳說牛肉丼，價錢唔算平，但係質素唔錯炸雞很脆口雞肉很Juicy，燒牛肉很有牛味，但油脂太多不太適合本人口味，而且飯底也吸了很多牛肉流出來的脂肪油，不能保持乾爽，感覺有點Heavy😅

琴日放飯同同學仔一齊去新都會食午餐，原本諗住食燒肉like，不過實在太多人喇，大家都太肚餓，唯有放棄佢。後來，係二樓見到呢間日本嘢，就決定試試。我唔算小鳥胃，但$38蚊嘅伝說丼SS碗份量對於學生嚟講都夠，而且價錢相宜。唔怪之得咁多學生會去呢一間日本餐廳度食午飯啦！講返佢個傳說dondon飯先，佢係蔥蒜味，食得出啲蔥有炸過，蒜蔥油味好香，但又唔會太多油，肉嘅軟硬度啱啱好，性價比幾高，有驚喜！👍🏻

琴日放飯同同學仔一齊去新都會食午餐，原本諗住食燒肉like，不過實在太多人喇，大家都太肚餓，唯有放棄佢。後來，係二樓見到呢間日本丼飯店，見到有唔少學生食，就決定試下。我唔算小鳥胃，但$38蚊嘅伝說丼SS碗份量對於我嚟講都幾多下，上菜嘅時候都嚇咗一跳，驚自己食唔曬，對於學生嚟講都夠，價錢相宜，佢係蒜香牛油味，食得出啲蔥有炸過，蒜蔥油味好香，但又唔會太多油，肉嘅軟硬度啱啱好，性價比幾高，有驚喜👍🏻

奇怪奇怪真奇怪，點解有人話好食？真係千萬個唔明！！呢間應該係全香港三甲內最難食嘅丼店，牛肉無味，炸雞無味，d汁更加唔知咩味，飯唔似日本米，無飯味，d飯煮到衰過屋企整，超伏！！！

葵芳新都會食野都係偏貴見呢間相對地平少少，一於試下伏到咩地步🫢BB車入到，地方都闊落👍🏻和風牛肉丼$55牛肉比較乾身，味淡，飯量唔算多，配料都係一般，最好係問職員拎牛汁落埋去食😅呢個價錢唔算抵食，唔算係好食。比較橙色連鎖品牌仲有d距離蒜香豚肉烏冬$58份量都係唔多，個豚肉都幾鹹，烏冬就煮得幾好咬口都唔差，但都係唔抵食Btw…套餐配飲品…但冇得揀飲品——————5 ★最高味道：★ ★ 環境：★ ★ ★ 服務：★ ★抵食：★ ★ 總結：唔抵食，味道麻麻，係地方闊落入到BB車，應該冇下次

路過新都會廣場，見呢間丼屋排長龍，我地又湊下熱鬧排埋一份！排左20分鐘左右有位！我地兩人點左個正餐及三個小食。先黎燒牛肉丼飯要大碗$88，再加配芝麻菠菜及味噌湯$25。牛肉燒得好香口，不過有少少硬，但有焦香味都唔錯！本人向來鍾意食日本米，呢個白飯幾有口感，配埋燒汁好餸飯，轉眼俾我地清晒...😌菠菜凍上，都OK，但可以再多少少...再點左香蔥醬鹽炸雞6件 $65，都算大大件口質其實OK, 除部份位置炸得比較乾，但呢個價錢絕對抵食！👍再點左餃子5件 $30， 都係一貫日本餃子皮薄餡靚！清晒！埋單仲要唔使加一，人均$100 食到日本丼其實好唔錯，唔明點解咁多負評...🤔

首先有一日行開葵芳新都會廣場想食日本野，見呢間好似幾多選擇咁就打算試下啦，食完之後我地真係完全唔明呢間嘢點解會咁多人排隊，叫咗一個豬肉飯一個牛肉嘅飯，兩個都味道非常差，一大堆飯加咗一大兜豉油加蒜粒咁嘅物體，仲要呢個價位，啲枱又加得密，迫到喊，埋單仲要二百幾蚊，成件事感覺好唔值得！就算免費都唔會想再食，見呢間嘢都係學生客多，但明明價錢都唔平，仲要咁難食，點解會咁多人排隊。總之就唔推薦去試，同埋我返到屋企仲肚屙。

次次都係炸雞牛肉飯, 炸雞同牛肉份量好多, 雞好滑, 十分滿意. 價錢係貴咗少少, 但同去食日本拉麵差唔多. 仲有好多唔同味道醬料, 加多隻溫泉蛋, 係非常豐富及滿足嘅一餐！！

叫左兩個飯兩個小食，真心唔明點解要等20分鐘先上個飯，仲要兩個飯相隔10分鐘先送到，筆啲菜上個飯上面都攪禁耐，由無人等到full house上菜速度先正常，外面排隊係因為堂食唔上飯，走唔到,而唔係因為好食而排長龍芝士豚肉飯既賣相ok 但肉真係好咸芝士因為要等埋朋友個飯黎等到凍哂其他野，不過不失

上網search又係話呢間係東京都內人氣極高嘅丼飯 但又再一次中伏！！💬 CP值：1/5🔖 香蔥傳說丼 $62 (2.5/5) 最出名嘅丼 但味道偏普通 好似係屋企都可以整出嚟咁～ 呢個價錢嚟講做lunch填飽個肚係ok 但就唔會encore了🔖 牛岩鹽燒肉丼 $78 (1.5/5)失望嘅牛丼 呢個係喺牛丼menu入面貴嘅款嚟 但啲肥牛係完全無牛味！自己喺凍肉鋪買返嚟嘅仲好食 好似食緊無味嘅肉咁😢

7夕，同女朋友行完街，諗住食飯，女朋友話見到呢間野平時多人排今日無人排咁我就話去試一試，入到去價錢都唔平架，叫左兩個套餐我女朋友叫左牛舌飯，同我講飯好鹹，咁到我個牛肉飯黎到，飯還好但有D爛而D牛肉係乾既，叫左份小食炸雞，咸到食緊鹽咁，餃子已經叫尚好但個醋又係咸到唔識講！總之食一啖炸雞餃子就要飲一啖野去解咸！簡單D黎講係完全唔知食緊一個咩餐，重點係最後食緊個雪糕個陣發現有唔少烏蠅同小蚊滋仔係枱附近飛黎飛去，衛生情況真係唔識形容🥲

未試過食嘢難食都要寫食評。琴日(10/8)收工諗住見冇乜人排隊，價錢又相宜，值得一試。點知一入座，諗住叫野，有個肥身型男員工就用串串地嘅態度講「用qr code落單」，但其實佢地無比過qr code。🤔之後成功落單啦，叫左個（辛辣伝說丼）加個（炸雞set)。先講一講個辛辣伝說丼，飯份量多，但豚肉只有幾片，而且味道非常鹹，豚肉也非常靭，好似食緊香口膠咁。再講個炸雞，可以話係我人生中食過最難食嘅炸雞。炸雞毫無調味，入口只有一浸油溢味，唔明點解有啲食評話啲炸雞好好食🤔而且一路食，一路有好多烏蠅仔飛來飛去，衛生情況令人擔憂。🤢

時間尚早經過冇人排隊梗係拉埋🤴🏻一齊去試啦！😁😁～～～和風牛肉丼～～～只有一個size選擇，比起 ‘吉野家’ 嘅和風牛肉汁濃郁好多，牛肉當然都多啲，肉質更加彈牙！🙂🙂～～～唐揚炸雞伝說丼～～～同時有炸雞同豚肉兩款菜式，🤴🏻揀咗M size！😆😆，塞滿晒成隻碗😂😂炸雞嘅質感好特別係我地之前未食過，外脆內嫩咬開仲會爆汁！正呀👍🏻👍🏻豚肉都唔錯，屬於高質素🤤🤤～～～芝麻菠菜～～～菠菜正常，底汁超好味我用咗嚟撈飯😋😋～～～迷你沙律🥗～～～蔬菜新鮮，麵包粒超級鬆脆😉😉～～～麵豉湯～～～味道OK，豆卜嗦晒啲湯！好味☺️☺️下次我都會再同🤴🏻嚟食，如果唔使排隊嘅話！😂😂

lunch time 放左去呢度食。都要排5分鐘隊。好快有得去坐。手機點單。我叫左個牛舌飯。如果加溫泉蛋同嘢飲套餐加20蚊。我無要雞蛋，就咁叫左罐可樂。牛舌飯可以走葱走芥末。我走葱，但連埋芥末食，再加臺上面提供的蛋黃沙律醬。d醬撈勻芥末咁食好好食呀！滿意今次的lunch。盛惠70蚊。

Super long queues on weekends. So I switched to takeaway. They charge a dollar for EACH utensil, for instance, $1 for the bowl, $1 for the cutlery, and $1 for the bag- better to just use your own. Tried their signature Stamina Butadon- the garlic pork belly rice bowl. The SS size was quite fulfilling for ladies, the rice was soft and tender, paired well with the pork oil. There were large amount of pork belly slices, and sprinkle of leeks. The sauce is moderately garlicky and you don’t get bad b