佳佳二姐甜品

Open Now

Now Closed

今日 因探訪朋友,路經土瓜灣,睇見平常有幫襯開既 甜品鋪, 估唔到呢到可以有得食,(我本人一直沒咩機會踏足土瓜灣,真心唔知有呢間鋪頭).尋日元宵節食唔到湯圓咁就今晚補返啦。今次就叫左兩碗糖水外賣拎走, 分別係蓮子紅豆沙+芝麻湯圓 3粒,花生糯米麥米粥,  買完滿心歡喜拎返屋企慢慢食。到返到去打開碗紅豆沙,真心 講左句粗口 "X你" ,  好地地紅豆沙 做咩要加 西米啊.,.....  既然唔同鋪頭唔同煮法, 咁有西米既紅豆沙.都叫紅豆沙既.我都照食....食下食下..發覺碗紅豆沙.一粒蓮子都沒比我. 真係要問下人.咁樣佢地會唔會違反左商品說明條例. "蓮子紅豆沙" 沒蓮子... 但就成碗西米多過紅豆...好啦.算啦.店舖既員工手快快 咁啱沒舀起比我啦,最後食下加左個三粒芝麻湯圓....真心真心,從未食過粒湯圓 可以係"外軟內硬"  , 明顯係D 湯圓煮唔滾,食落去入面有D冰咁....大佬啊,你唔夠時間煮就同我講等耐少少(我等個外賣真係唔洗5分鐘 係快既) ,我都唔想食粒唔熟既湯圓囉... 食落口粒湯圓係硬既.煮滾左既點會咁? 我自問唔太識煮食,唔知咁樣又係唔係正常啦。點講都好.,西米紅

幾十「醉」人幾乎從不踏足土瓜灣，因找朋友今晚特意來。途經一家粥品店飄出粥和糉香，我買了一些粥品後，老公留意到在房一間小小的甜品舖，又見到發哥張相，老公便心思思想吃甜品。再看看OpenRice 也有好評便坐下來。老公一向不喜歡芝蔴糊，見店內推介便試一試；而我就覺得一間做得好的中式糖水，首先必試一試他的腐竹糖水，看看是不是隨便把腐竹煲難已矣。所以我點了腐竹糖水。老公一吃芝麻糊糊便讚不絕口，更將碗底吃剩的芝麻刮乾淨；而我的腐竹糖水煲得夠溶用之餘更加了薏米同白果，這樣才算是有心思和正宗的白果腐竹糖水！可以再來。希望小店繼續支持落去💪🏼💪🏼💪🏼

其實這間佳佳另一間分店、已經開業一段時間，可能第二個親戚開，因為我認得cashier 嗰個老闆、他之前也在佐敦，本人外賣腐竹糖水、另木瓜雪耳糖水在店內吃、價錢$23 ，比木瓜成份不會太少👍太好又不太甜！腐竹糖水當然材料和甜味ok,而且這店價錢平過佐敦佳佳

今日捐窿捐罅嚟到土瓜灣😋食完個勁好味嘅晚飯之後諗住買杯嘢飲！就途經佳佳二姐啦！見到價錢咁抵，就糖水當嘢飲啦😆入到去都好闊落，而且店員姐姐好熱情。佳佳二姐係食傳統中式糖水，見佢推介芝麻糊合桃糊，兩樣都好想食，所以就叫咗個雙拼🤔朋友仔叫咗個馬蹄露！我嗰碗個樣勁似太極😆味道唔錯架，不過個人覺得甜咗少少。香港已經唔係周圍都食到中式糖水，仲要價錢咁平坐得舒服😌我真心希望香港可以保留多啲呢啲特色小店😝

自從呢間係土瓜灣開張後，就成日會心癢癢想食糖水。皆因呢度既糖水真係好有人情味 又唔會過甜 價錢又親民！人大左鐘意食返清清地既中式糖水中和，接近9成既menu都食過哂傳統芝麻糊、杏仁糊、合桃糊都係冬天既最愛 暖笠笠 而且又磨得好滑 食材都揀過哂最好既 好香另外唔想咁飽肚可以食腐竹薏米 腐竹係煲到淋哂溶哂 好似牛奶咁 好正木瓜系列既料多到冇野好講 廿蚊鬆d食到一碗用料十足既糖水冇得頂另外時季限定既馬蹄西米露真係不容錯過！超清甜下火！亦都係份量十足啦！頭一兩年晚晚都會有人龍同好多人等外賣，但疫情後就見佢少左生意 希望可以藉此介紹多d人嘗試下呢間用心既糖水鋪💛💛💛💛💛

雖然市面好多唔同種類嘅甜品店，不過無論出面嘅甜品有幾繽紛，都仍然鍾情於傳統嘅糖水舖。知道土瓜灣開咗佳佳之後，得閒就會嚟呢度食吓啲傳統糖水。店內牆上面已經有圖文並茂嘅大餐牌，一眼望晒，雖然選擇唔算多，不過好食嘅話一兩款主打就夠啦！除咗牆上面嘅餐牌，仲有佳佳私心推介嘅雙併甜品今次係我第一次點呢個芋茸蓮子西米露，愛芋頭嘅我覺得超好味，芋茸打得好滑，蓮子煲得夠淋，西米粒粒通明少少Q彈，成件事夾到不得了老公就點咗鵪鶉蛋燉雪耳，糖水非常清潤又唔太甜，雪耳都又淋又滑，感覺好滋陰😚佳佳為咗迎合新一代嘅口味，都加入咗楊枝甘露，其實質素都不過不失，不過始終覺得傳統糖水好味啲既然住得咁近，一定會經常嚟幫襯

(一百二十五)甜蜜蜜:佳佳二姐甜品：就冬至，晚飯後想吃碗湯水，過一個暖笠笠的冬天，就來到佳佳二姐甜品。餐廳座位空間有限，在這麼窄的座位，面前還有兩位肥得想搣死佢的好朋友，我在此刻突然發現自己開竅，有得道升仙之感，因為佛憎領悟到四大皆空，我卻領悟到比他們更高一個層次，就係四胸皆大，我總是覺得如果擺個頭落去，就一定會被佢地夾爆，正如我成日認住姓馬的，就一定要著短裙一樣。你知道嗎?女人密友叫閨蜜，而男人密友叫龜蜜，見到佢地黏得咁實，就知道佢地一定係龜蜜(唔好問我點解用龜字，唔識答你，你自問自答好啦)。這時候趁甜品未到，叫他們望住對方唱首"甜蜜蜜，你呀，甜蜜蜜"就岩架啦。1. 寧波薑汁湯丸-$20：招牌湯丸8粒，煙煙韌韌，又多又圓又滑，內藏流沙芝麻餡，香味撲鼻，糖水夠薑唔會太辣。2. 白果薏米腐竹-$20：腐竹煮溶，豆香滿溢，慢煲薏米，弄得稠身，既濃厚又香綿，加上白果滋陰養顏，臨走前買左一包寧波湯丸(芝麻餡)，24粒$42蚊，待冬至與家人滾兩滾，團團圓圓。這間叫二姐甜品，那間叫譚仔三哥，這間叫阿媽靚湯，那間爸B燒 Bar B Q，原來香港度度都有屋企人開的餐廳，在街也能感受到家中溫暖，不過我覺

依家出去想食傳統甜品真係買少見少，依度就有齊好多款嘅傳統甜品。食完晚飯經過就不禁要入嚟試吓！當然要試吓佢個招牌杏仁露同埋芝麻糊。食得出原汁原味都幾新鮮，同埋個質感都好滑溜。

我係呢間土瓜灣街街嘅常客，好多時食完晚飯都會特登過嚟幫襯。今日亦都唔例外，同朋友喺九龍城食完飯，就揸車過嚟食我最鍾意嘅合桃糊☺️😋我哋一行五人，有四個都係叫合桃糊，其中有兩溝嘅溝左杏仁糊同芝麻糊，同埋一碗正杏仁糊。佳佳嘅合桃糊真係好出色👍🏻👍🏻，即磨嘅係基本啦，佢嘅口感非常之滑，有好香嘅合桃味，嗰種感覺係去到完全搵唔到瑕疵嘅境界。我我自己就鍾意食淨合桃糊，加湯圓另上。湯圓係芝麻湯圓，最少叫兩粒，一定要叫佢另上，佢會攞個碗仔裝同埋會有少少薑汁浸住。🤗

佐敦的佳佳就去得多，這次見到土瓜灣都開了一間佳佳二姐甜品，雖然不知道當中的關連，但我看格局及款式都有點相似，而且價錢不貴，每碗平均都是$20-$22，非常經濟，所以決定和家人去試試！一行四人，共點了四碗，最令我覺得喜歡的是冰糖燉木瓜，上桌時非常熱辣辣，而且一碗都是滿滿的木瓜，非常足料。吃起上來也是滿滿的滋潤冰糖感覺，木瓜又夠香，非常喜歡。另外要必食的是我最愛的腐竹糖水，入口非常香滑濃郁，是很濃很濃的腐竹味道。整體我們一家人都非常讚賞這家糖水，以$20這個價錢可以享用這麼用心的糖水也是很值得推介。一定再來！

佳佳甜品一向出名，以前係佐敦既總店都食過幾次，一直對佢既蕃薯糖水念念不忘，皆因佢地蕃薯糖水係我食過咁多間糖水鋪入面，薑味最夠最濃既一間，沒有之一🤤🤤🤤而咁岩土瓜灣都開左一間佳佳，雖然依間係分拆出嚟，但係報導得知老闆娘其實係總店老闆既呀妹，以前都係總店到做左好多年，所以其實都應該同總店水準差不多🤔咁岩個日我地好早就去左食，唔洗點等位，一坐低就即刻叫我既最愛—濃薑蕃薯糖水🤤🤤🤤，而朋友就叫左熱既芝麻糊～先講價錢，今時今日百物騰貴，出面食碗中式糖水閒閒地都要三十蚊，仲要冇品質保證，而依間咁出名既糖水鋪竟然只係賣緊廿蚊一碗😱😱😱太抵了吧😱而食物方面，我叫既濃薑蕃薯糖水果然有濃濃既薑味🤤🤤🤤平時食糖水最怕個湯底既薑味好淡，最憎只係食到只有淡淡既薑味然後只得死甜既糖水，但依間完全唔會！薑味好夠，食完成個身暖笠笠，女仔補身驅寒一流😛而且蕃薯份量都好足，完全冇得彈🤩而朋友就食芝麻糊，因為我依個薑控只專注係我自己碗蕃薯糖水上面，唔記得試下食佢個芝麻糊，不過友人就好鍾意，話入口細滑，食得出係新鮮即磨，芝麻味道亦都好濃，整體性價比高😛

偶然發現土瓜環有間佳佳，行近發現招牌中間還有二姐兩個字，原來係分家後的佳佳，以前佳佳仲係兩個老人家的時候，糖水好食得不得了，真材實料，芝麻糊香又不過甜，芋頭西米露還食得到芋蓉口感蓮子都煲透好好食，但摘到星後交給子女後遠，就已經不必再食了，但今日外賣買了佳佳二姐的凍芋頭西米露($21)，一大碗，同摘星前一樣，口味同以前有8～9成相似，有芋蓉口感，香滑不過甜，可惜蓮子有點硬，但已經好滿足!!! 成碗食曬!本來以為佳佳已經名存實亡，好彩還有二姐保留了佳佳的好味道，感謝每一個依然用心做食物的人!

作為一個甜品控，我點會放過任何一個品嚐糖水的機會呢？今次就去試吓呢間新開約半年的糖水店。店舖的面積唔算大，但擺位尚算闊落，坐下唔會太壓逼。裝修簡潔，令人感覺乾淨舒適。採用開放式厨房，可能只係整糖水的關係，完全沒有厨房的油煙味。糖水的製作大家一目了然！小店主打中式甜品，價錢相宜，最貴的楊枝甘露也不過是$32。雖然款式唔算很多，但一般的中式糖水均有售。當中滋潤養顏系列也不少，啱哂女士們的心意。冰凍的楊枝甘露消暑一流，芒果肉大大粒，而且很清甜。柚子很多，非常足料。最欣賞個芒果汁底，真材實料，沒有加入大量冰塊、糖水和花奶……等。係實實在在的果肉及果汁。以呢個價錢食到，真係抵到暈。讚！杏仁露滑到好似無殼嘅雞蛋。雖然我揀咗凍食，但係杏仁味仍然香濃到不得了。杏仁磨得幼滑，入口完全沒有粒狀嘅杏仁粒，甜度適中，算係近年試過質素最高嘅杏仁露。讚！小店還提供不少正氣、滋潤及養顏的中式糖水，日後我會逐一细意品嚐，有機會再向大家推介。

朋友係甜品控，今日同佢黎食佳佳二姐甜品。佳佳二姐甜品 同 佐敦佳佳甜品 既甜品做法係一樣的，因為二姐之前喺佐敦同大哥一齊整甜品架，而家自立門戶，開左呢間「佳佳二姐甜品」。大家多個選擇，唔駛排長龍都可以試到米芝蓮既甜品（前提係口感味道係唔係一樣呢？）「木瓜燉雪耳」係夏天潤一潤、消暑生津既熱賣甜品，仲有養顏美膚排毒既作用架。木瓜香甜多汁，雪耳爽口，清甜甜度合適中，食多碗都得呀朋友食既係「補腦合核露」，好香合桃味，口感細滑。同佐敦的差唔多。

難得同朋友見面，食完飯當然想傾多陣計，咁岩大家都想食中式糖水，於是決定入呢間糖水鋪坐陣。相信呢間糖水鋪都幾出名，因為一入店內已坐滿好多人，其間陣陣薑味撲鼻而來，我同友人等左大約15分鐘終於有位。只見餐牌上款式繁多，最後我揀了熱冰糖燉木瓜($22)，打算潤一潤喉。店內員工手腳都幾快手，等左一陣糖水已經到。糖水碗因為高身關係，份量比想像中多。味道方面，個人覺得冰糖落唔夠，甜度差了一點，令糖水食落淡味。不過對於鐘意少甜的人士來說，可能是不錯的選擇。