佳佳二姐甜品

Open Now

Now Closed

晚飯後徒步回家，大家都覚得應該有甜品作為完美的句號，所以決定去佳佳.當我知道此店開在我家附近，我實在太開心，以後隨時可以吃到比美我媽手藝的湯圓，重有𦍑湯㡳我們點了杏仁露，湯圓及紅豆沙，全部都

夜晚食完飯想食糖水，朋友介紹食呢間中式糖水餐廳，話區內算出名，於是就去試一試。一入到去已經聞到好濃烈既薑味，之後同店員講4位，但因為冇位，所以冇乜點理我地，仲想叫我地企出店外等但出面咁熱，梗係係鋪頭入面涼冷氣啦，傻既先出去企! 之後我地冇理個店員，係鋪內等左陣終於有位喇雖然呢到出名薑汁，但我就對薑汁興趣不大，最後叫左熱冰花燉雞蛋$22 燉蛋睇落好靚，但食落就一般，冇乜蛋味，而且入面都唔滑既食到最底仲有好多未溶既糖粒，好失望!

同友人去工聯會上堂落堂都已經10點但土瓜灣都仲有好多好野食喎 最正就係有唔同既小店！！但咁夜唔想再食得咁heavy所以就食個糖水啦冇乜做過research 就入左去依間 佳佳甜品度食唔知佢同佐敦果間有冇關係呢？本人叫人芋泥西米露（$20）加湯圓（$7）（芝麻）哇 有驚喜 唔太甜 感覺好足料 本人喜歡食低糖既 所以食咁好放心 冇罪惡感覺 同時好多芋泥感 好杰既質感 但係冇芋頭粒既我覺得都幾好味 湯圓都唔錯呀😍不過因為我叫左凍食 而湯圓係熱既 感覺未去到滿分馬蹄露西米露 $20依個朋友點既 依個又係好有驚喜！好透心涼喔！又係唔太甜 然後又有唔少馬蹄！好味呀！有驚喜！性價比高如果想食中式甜品既 都會推薦大家黎試下有下次！

早前得知土瓜灣多了間佳佳二姐甜品，鬧出雙胞胎，事件鬧得熱烘烘。原來是佳佳老闆的妹妹獨立經營的，不是開分店。難得來到土瓜灣，當然要試一試。門面及格局都與佐敦店很相似。糖水款式及價錢方面都與佐敦店差不多。白果薏米腐竹 ($20)一直酷愛佳佳的「白果薏米腐竹」，當然要嚐一嚐有沒有分別。用料足，薏米及白果份量多，糖水質感錦滑，整體不錯。但感覺上還是跟佐敦店的有點距離。濃薑蕃薯糖水 ($20)蕃薯軟腍易咬，糖水薑味十分濃郁及辣勁十足，不過糖水有少許苦味。

一班朋友岀街食飯嘅好處係一定有人話好食糖水！係土瓜灣食飯，就轉場去左附近嘅佳佳二姐糖水啦🤩我諗大家都知佐敦嘅佳佳大多數都排晒長龍，不過今次我地黎二姐尼邊都比較早，唔洗等好耐就有位俾我地成班人入去。其實一入門口就會聞到好香濃嘅薑味，凍嘅日子入去，會即刻感覺到好暖。😌我自己就叫左寧波薑汁湯丸淨係睇相都知個糖水薑味有幾重🙈 通常岀去食湯丸個糖水都係透明，見得到個碗底，得少少薑味，但尼個薑味特濃！🔥一黎到熱辣辣就飲左啖糖水先，好暖胃😌除左個糖水，個湯丸真係好好食😍 係寧波芝麻湯丸。個皮唔會太厚，而且個餡好香，我個人覺得除左芝麻炒得香，仲好似有少少花生味🥜咁🤔，甜度岩岩好，所以我仲買多左盒未煮嘅湯丸帶走🤤同樣被薑味吸引嘅仲有男朋友👦🏻，佢就簡左濃薑蕃薯糖水🍠，蕃薯嘅份量好多，而且加埋濃薑湯做底，佢飲左兩啖就要除外套🤯其實成班朋友叫左好多種糖水，不過一上枱大家就好快開動🙈 如果大家係同熟嘅朋友去👫👯‍♀️👯‍♂️，最好一個叫薑味嘅糖水，一個叫其他種類，因為當薑糖水食到咁上下，會愈黎愈辣同有啲甘味，尼個時候食番啖其他糖水會舒服啲架！😌😌

舊同學gathering 飯後點都要黎返個糖水時間😃可以繼續吹水！咁就提議去佳佳，佐敦泊車冇呢度咁方便，所以就試下同果邊有咩唔同 我地每人叫左燉蛋、芋茸西米露、杏仁露、黑芝麻⋯⋯通通都加佢嘅招牌湯圓落單幾分鐘後已經整好！好有效率我叫咗嘅芋茸西米幾好，d芋頭溶晒係入面好足料 至於個湯圓就不用多講 夠好煙韌弾牙！

位於佐敦的"佳佳"，可說是近來城中其一最具人氣的中式甜品店，這當然要多得有米芝蓮在背後加持之關係了....最近不是經常去佐敦，所以也就與之緣慳一面。不過若然是要去就近之地一嚐其手勢出品的話，那便可以來到在土記食街內的這所姊妹店....太太先去球場會合小友，留下小弟一支公前來嘆甜品....簡簡單單的一碗熱芝蔴糊。入口香滑，而且真的非常夠"芝蔴"，食完滿嘴盡皆芝蔴香氣；甜度亦調得適中，不會太甜又或沒味....怎樣知道它足料 ? 由小弟腸胃的反應便可得知....聽說芝蔴糊有少許滑大腸的作用，小弟食完後不久，馬上便有反應了....

佳佳二姐甜品，新間不久的店縱使土瓜灣有好多糖水舖，但食二姐都要排隊，所以都好多人會買外賣。主打傳統中式糖水，今次叫左芝麻糊拼杏仁糊和中式燉蛋。香濃，熱，夠味，暖入心頭。正宗，好吃

咁啱去開土瓜灣食飯，飯後食甜品嘅環節又點少得呢😂一於去試試主打中式傳統糖水，經常被雜誌介紹開舖開到去台灣嘅<佳佳甜品>，初次嘗味唔知試咩好叫咗四款試一試 ! 芋茸蓮子西米露、木瓜燉雪耳、芝麻糊、杏仁露加湯丸，全部大大碗熱辣辣，甜度又適中啱啱好，最重要係一啲都唔貴抵食👍🏻👍🏻

寧波薑汁湯丸，佐敦店的吃過湯丸，來到這間也吃同樣的甜品，看看是否質素可以保持。薑湯勁有薑辣味，飲到又熱又暖喉和胃，喜歡薑味的人一定超中意。寧波湯丸為細細粒的，唔似福元的湯丸大大粒，湯丸皮畧厚，但因皮中有很多小孔疏氣，咬落是依靱中帶有如棉花的鬆泡泡的口感，水準依然。濃濃的黑芝麻餡香且唔太甜，吃晒8粒湯圓都唔覺滯。杏仁露併合桃露加湯丸3粒，未混和前先試杏仁露，嗅覺和味覺都感受到香香的杏仁味，而且很滑，雖說杏仁露較淡味，可與合桃露相配，仍吃到清淡的杏香，而合桃露也變得沒那麼濃烈，真是相得益彰。而另一發現，湯丸沾上了混和的杏仁合桃露後再吃，口感比只浸在薑汁糖水中滑很多，仲好味些添！

總共幫襯了4次，亦是最後一次！之前都見過鋪內後生女黑著面，對著家人及店員態度都不好又發脾發，當時心想免得與她接觸！今晚外賣一碗楊枝甘露，黑面的後生女坐著收銀位及下單，問她幾錢？ 第一次聽不清楚，問多次幾錢，後生女就大聲呼喝著客 33蚊呀📢📢！當時比佢嚇到心都離一離，點解黎賣碗要比人呼呼喝喝真心嬲爆以後不會再幫襯👎👎！

前晚凍凍地，食完晚飯，即管去試一下這開業不久的甜品店，我點了熱芝蔴糊併合桃露。芝蔴糊都香，但有d一塊塊，合桃露好「鞋」，不夠滑。整體不算合格。我覺得反而海記比較好食

之前看見有名師姐在網絡上無聊分享吃湯圓的一二事，於是又見到這一間佳佳的佐敦分店得到了獎項。某天友人提及原來土瓜灣都有這一間甜品店，有次順道來了土瓜灣，當然要一試。進店之後，發覺內裏非常之暖和，但是後尾坐久一點，就覺得有點兒焗😖。還是生怕薑汁湯圓有點太辣，因此倒不如點個白果薏米腐竹糖水加湯圓算吧🤪。這個白菓薏米腐竹糖水加湯圓，熱的比冷的還要杰身😯，用匙羹盛起上嚟，卻不算有太多腐竹，所撈到的反而比較多薏米以及白果😱。芝麻餡的湯圓，皮薄餡靚😛，不會太甜，中間的芝麻又有香味，放在白果腐竹糖水裏邊就剛好🙂。糖水來說，味道算甜，但我覺可接受，因去得吃糖水預左會甜，吃不了甜就不要去，因此味道香甜，最合我意。這家佳佳來說，20多元一小碗糖水，其實價錢已經非常合理🥰，因為有時在那些名牌店，少少一碗或是一碟仔糖水，動輒都$40-$50 ，比起吃碟頭飯還要貴，簡直嚇人。唯一可惜之處，就是這個白果薏米腐竹糖水的腐竹比較少，如果加多一點腐竹🤔，腐竹溶到成渣一樣，溶解在糖水之中，那就一百分了。

佳佳甜品，晚上点到达，一楼座无虚席，上二楼，刚到时候还是空，到十分钟，也做满了人。想想这家店只有十几种甜品，居然生这么好。甜度正正.所有甜品均价20港币，作宵很奈斯👍🏻.

由佐敦舊店、食到佐敦新店、再開到土瓜灣…………以前好香好好味，甜度適中，可以食到食材既香味。就算搬左去佐敦新店頭一段時間都好好，但係過左一排，糖水越煮越甜，甜味已大大蓋過食材本身香味......... 已經無左以前既水準。衣家既甜品，只係一般水準，同 D 石磨 X 或 海 X 一樣，一味得個甜字，款款到一樣味，食完要飲好多水！今次點既腐竹同綠豆一樣，其實腐竹濃度幾好，但係甜到無腐竹味。綠豆糖水又係好足料，入口又係得個甜字……又係甜到唔想食…………如果只係要食得個甜字既甜品，我又何需去佳佳呢？