來一燙冒菜麻辣燙 (Closed)

平時經過來一燙都坐爆人+排隊，難得星期六5點幾經過見到舖面有位就即刻試食。試嘅菜式就係4餸+紅薯粉, 餸嘅種類同車仔麵大同小異, 多嘅係麻辣燙常見嘅餸, 例如萵荀。我揀咗萵荀,火雞腎,鵪鶉蛋同本地名物陳皮魚蛋。辣度揀微辣，因為第一次食唔了解辣嘅程度幾闊, 如果太辣我食唔到就會浪費晒成碗麵。落完單後等咗幾分鐘就發現前後左右嘅客都等緊食麵, 我下意識就望個廚房究竟發生咩事, 眼見有個男人背住樓面洗野, 我諗大約過咗10分鐘後個男人面向樓面,我就見到佢無戴口罩, 個口好似噴咗d煙出嚟, 但係我又聞唔到香煙嘅味, 我即時係度諗我係咪眼花, 隔咗一陣就發現佢開始煮麵+出面, 個一刻我有d後悔想cancel張單走人, 但係我又真係好想試, 所以就繼續等我個麵。上麵嘅時候會連埋個盤上, 諗住開餐嘅時候發現有個膠袋, 起初以為個膠袋係放口罩, 但係我已經放咗係我個私家口罩盒, 所以我無理到。碗麵一到就望下d餸齊唔齊, 點齊之後就開始食, 結果碗麵嘅味道無令我失望。食到半路聽到有職員同d客講叫佢地將d用完嘅紙巾垃圾放入個膠袋入面, 我即刻就覺得派膠袋呢個動作好細心, 因為可以減少職員收碗收盤時掂到d紙巾

平時都鍾意食麻辣嘢；簡單評語：係食曬個麵仲想飲埋淨低啲湯咁好味；平時食開大辣，但第一次叫所以叫中辣保險啲；結果令人非常滿意，夠辣夠麻，唔駛去到大辣🙂一定會再幫襯！有睇過食評話員工態度唔好，食外賣嘅我表示「關我鬼事😂」不過攞外賣嘅時候的確睇到好多人流，個門口又細，人手兩三個，燥嘅啲好正常，好食咪得。附加評語：叫外賣算好快有，19:25叫，19:40攞得仲可以喺Apps度自選走啲乜嘢（有九樣材料可以走，包括蔥，芫荽、芹、豆、炸菜等）非常好，唔駛下下都怕有自己唔鐘意嘅配菜

叫了4餸的紅薯粉，結果來了米線，仲要4款餸錯了3款，收銀姨姨問啱唔啱食，我話成碗野得1樣野啱，係咪第2枱㗎。後來真係收銀姨姨入錯單，佢好好，叫我食住先，叫廚房煮過1碗，我非常唔好意思，叫佢收走碗野，我食過一陣啱果碗，個姨姨堅持叫我食住先，因為係平日lunch time,怕我趕時間。 呢個時間 ，廚房就鬧人， 鬧個收銀姨姨 :有冇搞錯!!錯三樣餸， 我都畀佢嚇一跳 ，估唔到個廚房鬧人 ，到最後我問返個收銀姨姨，原來個廚房係老細 。 個姨姨猛咁同我講唔好意思。 真心體諒收銀姨姨太忙所以入錯單， 但成碗嘅錯曬得一樣嘢啱又真係接受唔到。

今天來到尖沙咀這間來一燙❤️之前已經來過很多次了🥳🥳🥳因為夜晚不想吃得太飽，所以就來這間店食。很喜歡這裡的麻辣湯底，吾會太油而且重麻味。我不是太食到辣🔥，試過叫BB辣🫠但就好像不太是自己想吃的味道😅，所以自此之後就叫了微辣。我指定吃的是薯粉，因為這裡的薯粉比較彈牙🤤🤤🤤。風琴炸豆腐和鴨血都是不可缺少的配菜👍🏻👍🏻👍🏻🤭🤭🤭。炸豆腐會入曬湯底既味😌😌正正子推介😆唯一的缺點是店鋪比較小，坐位都比較窄，🤣不過香港地就是咁🤣🤣🤣

今日同朋友出左尖沙咀行山，突然間想食辣野。記得之前有朋友講過尖沙咀有冒菜，麻味同辣味都夠，就上網搵地址，去到門口唔係好多人，所以唔洗等位就入左去坐。過多陣見到愈來愈多人入來，好彩早少少到，唔洗等位。今次叫左個四餸套餐，分別係腩片，水魷魚，牛栢頁，手打牛九，再加支豆漿，個湯好好味，又唔會得個死辣，而且仲麻味十足。牛栢頁亦都淥得岩岩好，唔會縮哂而且仲有咬口，不過手打牛丸同水魷魚就一般般，正正常常咁，食完辣野嘆返支豆漿，過了個飽飽的一餐。

收銀阿姐自己做錯話，聲大夾惡幫襯過幾次，每次都要睇佢面色做人。今次態度真係差到不得了:呀姐自己入錯單，叫左兩個人嘅麵，一份明明係四個餸，佢入左六個餸，收多左錢。提醒佢改返單，然後佢出過一張另一位份嘅麵，叫我對返單，但完全都唔係我叫嘅麵同料，然後佢一句話:「價錢啱就得」，咁啲餸係唔啱呀嘛，呀姐？唔憂做，都唔使咁嘅態度對客人？唔會再幫襯。

響公司附近開咗一間食冒菜餐廳，我本身係好鍾意食辣嘢所以就入去試吓！佢哋本身間舖好細所以坐得幾迫同埋要同其他人搭枱。佢哋嘅菜單就好似車仔麵咁樣分開四個唔同價錢， $10、$12、$15同埋$18嘅餸俾你揀，如果要麵食嘅話就要再加$28 ，不過可以選擇套餐就可以抵啲， $55可以任揀四款餸而其中可以揀一款$18嘅餸，於是我就揀咗魚片頭、水魷魚、鴨血加埋豬大腸紅薯粉，辣度揀咗中辣加小麻，而味道的確唔錯，鴨紅都幾滑同入味，不過份量就少啲！另外加埋罐忌廉就加$10 ，以尖沙咀來講幾個價錢都算合理。

普通一碗酸辣粉都要$6x，食材又簡單少選擇，價錢又貴，唔值呢個價錢，冒菜嚟講佢個湯底仲淡而無味，好似清湯咁得個酸同麻！衰d講句自己煮都得！而且衛生都成問題，一路食烏蠅飛嚟飛去。岩岩收完客人錢同執完枱，同一雙手飲管無包裝直接用手拎比你！仲要跌咗落張枱度！明明仲有座位，個職員突登企喺你面前，示意你食完快d走!隔咗一陣直情同你講有人等位叫你走！我都有比錢食架！又唔係繁忙時間！你話人哋真係等位我就會走，但係間鋪坐位都仲有，我唔明點解咁都要趕人走！！加上我個野飲都未飲完！坐咗半個鐘都無就趕你走！咩服務態度！強烈建議大家唔好去！！比錢買難受！！！！以後唔會再去幫襯！！！！！！！

第一次嬲到要入黎專登留言。本身諗住收工去到食，點知去到見到有兩張檯就諗住入去坐底寫食咩。點知個收銀已經勁唔好老脾咁stop我地，趕人出去話填完嘢食先可以入。跟住我地再問另外一位職員，裡面有檯我地想坐底填。點知佢都係堅持要我地企係街度填！話咩廚房整得耐，大佬廚房整得耐咁你仲要我企出面？依家乜鬼熱天氣啊，明明有檯你又要人係出面填，完全諗唔明係乜嘢邏輯。上面d留言講得啱啊，呢間嘢係唔歡迎d客入黎坐底食！簡直係垃圾之中既垃圾！一粒星都唔Q想比

本身呢一間舖頭出名慢，我已經特登放工先至去食，點不知最令人失望嘅係服務態度！如圖，店員19:38:52 落單，呢間野等10分鐘上菜已經叫快，我都知佢門面細，我已經急急忙忙咁食，最後罐汽水真係好多汽，飲唔切，要分幾次。誰不知個樓面走來同我講叫我快啲！出面有好多人等！果下即刻火都嚟埋！我埋單嗰陣剛剛好20:00！如果咁唔歡迎客人坐喺度食，不如一早唔好俾我入去！話晒都係辛苦一日過後既晚餐，食一碗米線+汽水都要比人趕？點解有咁既服務態度？對面有兩台我入去嘅時候已經食咗一大半，又唔見佢咁同人哋講？真心好嬲本身推介緊同事過嚟食，依家叫佢哋唔好來！我都唔會再去！

（嗌埋多莞茜多蔥 走花生走豆，中麻小辣拉面～～下次一於咁嗌～～）走豆中辣麻辣少麻～～～拉面～～～加底要加$10～～風琴、萵筍、黑毛豬片、鵪鶉蛋（加底+$10）走豆中辣小麻$55 4餸 拉面 加$2，九折黑毛豬感覺是有質素的餸最貴款只可揀一件、䈑筍今次都是好吃的～鵪鶉蛋細細粒好鵪鶉好可愛🦃🦃風琴炸豆腐唔會嗌多次拉麵一樣好味道 嗌多拉面點解要加十蚊點解呀點解！！$57（10%） =$512329018823290388

冒菜套餐 4餸$55外賣加$2蚊，自取拎走9折飲品， 對面就係百佳大把嘢飲買餐牌，揀咗一款$13蚊嘅- 鴨血（好吃）拉麵在盒內的樣子好熱熱熱的 煮起放盒～讚讚讚讚讚萵筍&午餐肉好食啊蓮藕都好爽口鮮外賣自取打9折，抵好多

這是我在香港吃到的為數不多想對正宗的麻辣燙，我不怎麼吃主食，點了一個62元的八個菜，味道都不錯，花菜，餐肉，肉丸味道都很好，不過選的小辣小麻都是有點點辣了，先生點的面份量有點小，他沒有吃飽

今天整頭髮，髮型師說之前關了的冒菜餐廳重開了，特地來試一下味道有無變。今日叫左手打牛丸，水魷魚，牛柏葉，腩肉紅薯粉，再配黑豆漿 。麻辣燙黎到已經有陣香味，湯底一樣咁出色。湯底落足料，睇到浮上面既紅椒同蔥花就知道，但係又唔會好油膩。配料亦都好多選擇，而且都處理得好好，例如水魷魚或者牛柏葉都唔會淥到縮哂 。牛打牛丸都夠實，牛味都唔錯。整體都好好，下次會再幫襯。只係黑豆漿豆味唔濃同甜左啲，下次都係飲返其他野 。

唔覺意經過尖沙咀iSquare旁邊， 竟見到有間鋪啱啱新開張， 竟然係川菜啊 而且係冒菜香港好少有， 必試！ 好似車仔麵檔形式， 都幾多嘢， 重點係真係食飽， 熱辣辣， 一定會再食