來一燙冒菜麻辣燙 (Closed)

一食開川菜就會辣到不得了，但自己好怕辣，又心鬱鬱想試！今次食左個BB辣，結果係酸同麻重啲 而唔辣既，下次要再加碼叫辣啲🤗金針菇，肥牛， 蓮藕仔，鴨血（咁岩無晒萵筍 想哭🥲），揀左配紅薯粉一嚟已經好大兜，啲餸菜都好入味！！！但鴨血味道怪怪的，下次會揀其他餸試下so far味道都幾讚，湯底當野飲飲埋 酸酸麻麻好開胃😚

真係好鍾意食麻辣燙，但好食啱口味又啱一個人食嘅真係唔多今日出開尖沙咀喺Openrice搵到呢間，見之前食評好多都話服務唔好，都有心理準備，但可能人唔多所以都好正常可以坐低慢慢叫，無人催亦都無面色俾我睇，叫左8餸$68，小麻BB辣，再加罐加多寶$12上到黎份量唔算多，鴨血3片，完全無味，唔推薦反而牛丸幾好食，可惜一份得2粒豬肉片都唔錯，有4片幾新鮮娃娃菜真係麻辣燙必點，非常吸味雲耳，靈芝菇，牛栢葉同粟米芯都正常湯底顏色幾清，唔係就咁落辣油嗰種，小麻比起淨係辣真係好食好多，加埋BB辣好啱我口味，雖然對我來講唔算就腳，但有機會會再幫襯。

從來無試過一間餐廳係要客人喺舖頭外面落完單先入去坐，入去坐低先落單好正常，上嚟睇食評，原來有其他客人有同樣經驗，收銀個老男人仲要啤我，我咪啤返佢，出去放低個餐牌，鬧佢呢啲垃圾餐廳係唔會有人嚟食，邊個要貼錢買難受 ，係香港之恥。

️來一燙係我第一次接觸冒菜嘅地方，對我而言，冒菜既有麻辣嘅美味，又俾川菜少油，仲可以揀自己鍾意嘅唔同餸菜去配搭，喺各方面嚟講都好完美☺️.來一燙我已經幫襯過好多次，我真心覺得好好食，平時叫開大麻中辣，雖然叫得咁重口味，但湯底都仍然幾清澈🤭.份量來講的確係比較細碗，即使叫到八餸/十餸，出嚟嘅份量都只係每樣嘢一啖兩啖。但冇辦法，因為佢哋嘅調味實在太好食，無論分量多少都好，每次有機會經過，就一定會衝入去食🤭🤭.建議鍾意食麻辣嘅一定要去試吓❣

一個月前有幫襯過，覺得味道不錯，所以選擇星期六encore ! 到咗之後見到店內大量座位，就想坐底，點知一個似老闆的中老年人瞪住眼對我講，請出去點單先再入來，態度奇差，有空位唔比坐住點單，而要求行出店外在太陽底下點單，我覺得不合理，而且非常氣憤，選擇不再幫襯! ! ! ! ! ! 再此提醒大家，如果唔想受氣的就不要去啦，味道OK的，但是態度咁差的話再好味都已經沒有胃口，而且很惡心🤢同他相比，九記，澳奶都算好好😩

3:00pm左右經過尖沙咀又未食lunch, 見到有外賣單張在門口， 於是入去試下！叫左 $58 四餸套餐， 揀左豬大腸、腩肉、豬紅、風琴豆腐，米線底+小辣 都辣得幾過癮！每樣餸也幾好味， 但米線真係好少！ 食完都唔會飽！ 而家 物價真係幾貴！

食過好多間麻辣燙 暫時最鍾意尖沙咀嘅來一燙 因為佢哋嗰個湯底真係好好食 麻辣超級正宗 唔係純粹落辣椒油嗰種 平時我都會叫開BB辣小麻辣度適合新手 類似10小辣差唔多因為可能加咗麻 所以會越食越過癮湯底係偏甜+鹹味 10分出色其實食過佢已經有10次左右無論係堂食外賣都保持到個質素今次我就係外賣分湯 特登叫咗紅薯粉因為驚返到屋企會好淋因為要揸住碗外賣一個鐘先返到屋企鍾意重口味嘅可以特別叫多蒜 基本上我每次都會叫多蒜頭叫咗蓮藕萵筍水魷魚豬大腸呢四款係我恆常會叫嘅🤭🤭佢啲餸都好好食 大家可以試吓

以前舊店在加連威老道的時候，我經常光顧，好懷念那種味道，不知道是否正宗，不過這家冒菜的特色是比一般麻辣來得清爽一點。來一燙，冒菜，這個名字就讓人感到熱烈的氣氛。位於尖沙咀鬧市區的這家餐廳，提供傳統的麻辣燙冒菜，而且還可以外賣自取，非常方便。這次，我點了兩碗冒菜，每碗都可以選擇不同的麻度和辣度。第一碗是清湯，裡面有八種食材，包括金針菇、娃娃菜、風琴炸豆腐、雞中翼、大紅腸、魚片頭、手打牛丸和魚皮餃，只需$68，價格實惠。第二碗是中辣大麻，裡面有十種食材，包括萵筍、午餐肉、風琴炸豆腐、豬皮、陳皮魚蛋、腩片、牛柏葉、肥牛、手打牛丸，這碗冒菜售價$85，價格稍微貴了一些，但是食材的種類也更加豐富。湯底是一道冒菜的靈魂所在，而來一燙，冒菜的湯底真是讓人驚艷。清湯夠鮮，讓我有種回到家裡的感覺。清湯的口感非常清爽，而且十分清澈，不會讓人感到膩口。而且，湯底裡的食材也非常豐富，讓我在品嚐的過程中一直有驚喜。其中，金針菇是我最喜歡的食材之一，這種菇類被譽為“菌中之王”，有著滋陰養顏、健脾益氣的功效。娃娃菜也是一道非常清爽的蔬菜，它脆嫩可口，含有豐富的維生素和礦物質。而如果你喜歡辣的感覺，那麼麻辣湯也是不可

以前系尖沙咀返工叫外賣多，今次第一次堂食，好似又加左價！58蚊4餸加麵底味道是可以，不過個米線份量我3啖就食完啦(我正常女仔份量)我朋友就加底（12蚊），佢加左底個米線都無話特別多，我諗大概加左一啖既米線份量，飲埋野都成80蚊1個人繁忙時間千其吾好去，寫住張紙只比30分鐘您食，我等個麵都等左10分鐘最後環境十分細同擠逼，繁忙時間系需要搭檯，搭檯我都無所謂，明白既，但系張檯太細，仲要加埋塊隔板，真系縮住黎食

同friend一齊喺出邊落單時，冇同我哋講唔可以share一碗，入到去老闆先喺嗰度嬲我哋，話佢仲有好多客要入嚟，又話佢嘅地方好細！既然有咁嘅rule，咁初頭我哋未入去之前又唔講？第一次見到態度咁差同埋嬲自己嘅顧客嘅餐廳，絕對唔會再去第二次！！！佢嘅表情好似我哋欠佢幾百萬，超大聲嬲我哋，嬲咗我哋成1分鐘 唔好以為我哋係女仔就可以欺負我哋🙄 整間舖頭都聽到左，個個都轉頭過嚟睇住我哋，真係想問佢使唔使做到咁？？？體驗勁差！！！！！！

野食質素就不錯不失，不過服務態度真係貼錢買難受，特別係收銀，係咁話啲客唔識排隊，其實門口又無寫明指示，然後其他外面未入嚟既客人全部都以為人地係等外賣。 之後仲要一直係嫌棄態度

今日想同大家介紹呢一間來一燙佢係一間類似車仔麵嘅餐廳之前喺尖沙咀返工諗唔到食咩一個同事介紹我去 之後就上癮了鍾意食辣嘢嘅朋友一定唔可以錯過.來一燙，主打自己揀餸同面底 好似車仔麵咁樣可以揀嘅餸有超多款式，麵底都有好多俾大家任君選擇我次次去到我同朋友都係一個食紅薯粉 一個食米線尋日同朋友去食，朋友試咗拉麵底本身其實覺得拉麵加麻辣湯底好似有啲奇怪但係竟然有驚喜 朋友話好好食同個湯底意外地好夾佢哋嘅湯底都真係需要推介一下麻辣燙有得分大中小辣，連麻嘅程度都可以選擇湯底係成碗面嘅靈魂之處如果一碗麵幾好食 湯底唔好味都唔會好食呢一間嘅湯底真係我食過入邊算係最出色嗰間我叫小辣己經覺得好嘢味之後就係可以揀4餸/6餸/8餸唔知大家會唔會有陰影通常喺出邊食啲車仔麵你要啲餸越多每一款餸嘅份量就會變得越小但係呢間唔同 佢哋餸嘅份量我覺得依然係一樣咁多因為我通常叫6個餸，我嘅習慣係一啖餸一啖面咁樣食但係食到最後會食到冇晒麵 都仲有好多好多餸😂所以由此可見佢哋真係好足料.以我特別推介嘅就係豬大腸因為佢哋嘅豬大腸真係好林好好味呢一樣係我每一次去都會叫嘅.之後就係佢哋嘅雞中翼 又係我每一次都會嗌嘅分量佢係會比兩隻,,

天氣凍，諗住食碗辣野 點知貼錢買難受委屈 喺出邊等咗15分鐘之後入去睇吓有冇啦 佢一直講地方淺窄唔緊要 態度其差 強調自己地方淺窄，叫人唔好入嚟去舖頭 如果我唔係買咗外賣，唔進中入得你就出聲吖嘛等我唔好過去外賣 嘢食好唔好味都唔會再幫襯

啲服務簡直差到極致！！！點左紅薯粉6送打包！返屋企先發現冇紅薯粉！根據打電話俾老闆！老闆話下一次加多個菜！我要求退番薯粉嘅錢都係正常！我放工肚餓返屋企發現只得菜可以食。老闆開始罵人讓我去店裡處理！真係痴線！我係返屋企路上順便買嘢。依家因為佢自己失誤 未加紅薯粉 根據讓我返番個店處理！我打車往返屋企都唔止100蚊啦！真係痴線！一定要下次買嘢多送個菜！咁嘅服務態度邊個會去下一次！自己個錯咁義正嚴辭！絕對唔會再去！從此拉黑！拉黑！

今次為大家介紹嘅係位於尖沙咀嘅麻辣燙之前都試過呢間麻辣燙既微辣，但略嫌唔夠辣所以今次試左小辣😄😄個人認為小辣味道啱啱好，湯底10分濃郁而且亦夠麻 今次試左8餸加薯粉，八餸份量10分多當中包括肥牛萵筍雞翼水魷牛柏葉豬腩片等等。每種配菜都整得10分入味，而且份量亦相對較多雞翼都有兩隻。對於食量大嘅我完全夠飽。而且價錢都相宜如果外賣的話建議分湯避免索晒啲湯😆😆😆但美中不足嘅係等候時間比較長就算打電話叫外賣都要等大概20至30分鐘如果出餐會快啲就更加好