來來小吃店

Open Now

Now Closed

每次自己心郁郁好想再去台灣旅行嘅時候，都會嚟到西灣河泰安樓嘅呢一間來來小吃，食返呢個咁足料嘅台灣冰！佢嘅冰會淋左好多黑糖漿，但係唔會過分甜或者溜，非常好食即使食到去個碗底，都仲有好大量嘅黑糖汁。然後有三至五款配料俾你揀，我每一次都會揀芋圓同埋珍珠，加埋佢嘅布丁，簡直係一流呀！佢嘅芋圓好彈牙，亦都好有咬口。而珍珠就同出面賣珍珠奶茶店嘅珍珠差唔多，都係用黑糖去整嘅。佢嘅布丁真係值得一試，除咗份量夠多之外，口感仲要非常之特別！

我們點了黑糖豆花芋圓，下單的女店員是說普通話的，我想她應該是台灣人。甜品是由師傅即叫即整，所以需要等一會兒，我們大概等了十多分鐘左右。三種顏色芋圓入面包有三種不同的饀料，包括芋頭圓、地瓜圓及紫薯圓。芋圓是手工製造，軟硬適中。芋圓咬落煙韌有口感，仲有配合埋清甜既黑糖同埋豆花味道剛剛好，並不會過甜﹗而且豆花頗有豆味，豆花質感不會過淋，應該係台灣的豆花，三色黑糖豆花芋圓算得上一碗高質糖水，令我一解對台灣思鄉之苦﹗

夜晚食完個晚飯 突然好掛住佢既刨冰 所以由筲箕灣突登行過黎食佢！黎到既時間已經有好多人排緊 排左大約5分的終於落到單叫左佢既黑糖三種冰 加左兩蚊要煉奶材料就揀左芋圓 蒟蒻 仙草凍服務員係台灣人 態度好友善😄佢講國語但我地講廣東話佢都聽得明個刨冰都好大碗 2個人食都好飽🤣啲芋圓係自家製 好大粒 十分煙韌😋😋咬落仲感覺到芋頭粉粉地既質感出面一包包整好既3色芋圓完全冇得比！佢仙草同蒟蒻份量都多 唔會太甜😛唯獨係食唔出冇煉奶 唔知係佢冇加定加左都食唔出😢所以唔太建議加2蚊要奶 本身既黑糖已經夠味

We went a few times to try their dessert but it seems like they open for evening business only (not afternoon). We ordered a lychee yakult drink and a hot mochi dessert (冬季限定). The taste of ginger was quite strong but otherwise, it was good. It had lots of different coloured mochi but they're all plain flavoured (i.e. nothing inside). The drink was okay too, nothing too special. The wait was quick and the service was good.   

當日同男朋友食完飯，琳住去買杯野飲。跟住就光顧了呢間來來小吃店買，點知一杯野差唔多要整成45分鐘。企到腳都軟，門口又寫住做左台灣飲品先。今你唔係今做，就唔好寫明喇。杯野奶精好多，完全都冇茶既香味。珍珠硬過咩今，質素今低都收人$17有冇搞錯呀。

今天专门来西湾河吃吃吃，首先来这个，芋圆，还不错，沙沙比较细腻，但是我觉得万华糖水也不差哦，别的还吃了隔壁鸡蛋仔和炸红肠之类，都还不错，可以多来太安楼，这边好吃的很多，冰室也有，烧烤也有！

唯一在香港食得返台灣既芋圓，軟硬適中，令我想起九份同埋台北夜市。在香港試過其他芋圓，大多質感太粉。豆腐花亦都係台灣果隻，會硬身少少同埋好有豆味，配合埋清甜既黑糖水，超好食。今日已經連續第二天幫襯。

同朋友食完晚飯口痕想食甜品，不約而同諗起順路去太安樓食芋圓呢間來來小吃店大家都食過幾次喇但係仲成日好掛住好想食今次嗌左呢款三種冰，配搭手工芋圓、布甸同手工愛玉。店員仲特意提醒要加埋煉奶先好食。嘩果然無介紹錯喎，成碗冰真係即刻昇華左！另外嗌左呢個最近周圍都好興嘅鮮奶珍珠，都有咁上下水準架，又唔洗排隊排餐死咁又冇出面賣得咁貴三種冰/五種冰有以上呢d配料簡，煉奶加多兩蚊，但好值得加!!每次黎親都淨係order芋圓冰，冇咩留意原來仲有魯肉飯賣。另外順帶一提，小店冇提供座位，周圍都冇提供枱比人企豈度食，所以每次買完都直接喺隔離求其搵個角落捧住食就算～或者都見過有啲人會偷偷用附近保安員張枱食

上次黎碰門釘，今日咁啱行過見到佢開門，梗係要試下係咪真係咁好味。嗌咗碗黑糖冰，好似係$30？(忘記了）入面有黑糖，芋圓，珍珠，芋頭同刨冰。攞上手一打開即食，前後都無五分鐘，啲刨冰已經溶得七七八八，只食到兩三啖冰，其餘已經化成水。刨冰量不足的確有啲失望，但幸好有其他配料搭夠，特別係珍珠真係幾好味，有嚼口，珍珠大小啱啱好👍🏻👍🏻。芋圓味道天然，份量都夠，至少有五粒(無數實際數量)。唯獨芋頭有啲腍有啲太硬，要注意返。總括黎講$30一碗係抵食，但真係好希望刨冰可以多返少少，因為天氣真係好熱。就咁企係條走廊到等都流曬汗🙁🙁。

太安樓一直出名，專登試下好出有名既芋圓冰。好多人排隊，老闆做到停唔到手。今次先試仙草冰，仙草汁底有芋圖、仙草、粉圓（珍珠）、芋頭。芋頭好大舊好粉🤩芋圓同粉圓好有咬口，我好中意佢D芋圓好大粒而且又有有咬口！ 仙草冰好解渴，夏天食一流👍🏻下次要試黑糖冰！

夜晚行過太安樓，見到好多人大排長龍，諗住跟隊試下呢間主打台式糖水，外賣左一個紅豆綜合湯與女友分享。結果有意外驚喜，芋圓與小圓子有咬口，紅豆湯頗甜，適合我個人口味，值得再試。惟獨排隊時間有點時間，太安樓擠迫會有點熱。

在太安樓這個平民美食天堂食完海南雞飯，當然要食甜品啦！所以選擇了在海南雞飯附近一間賣台灣食品的食店，店外亦是被正在等待的食客重重包圍著的。這店疑似是台灣人經營，點餐也需要用上國語，店內職員都是以國語交流。甚有台灣的風味。這次點了一份清涼透心的仙草冰和一杯最近大熱的黑糖珍珠鮮奶。這裡的仙草冰的材料有包括了芋圓，芋頭，仙草還有珍珠。這碗完全滿足了的我所有的要求，芋圓跟珍珠軟韌非常，芋頭雖大，但已煮透，而甜度適中的黑糖糖水亦已完全滲透芋頭之內。而黑糖珍珠鮮奶黑糖味濃，珍珠軟韌，奶味甚香，亦是不俗之選，加上價格平民化，性價比頗高，令人有下次想再來一杯的感覺。

食完飯又覺得個胃仲有位，咁岩經過西灣河，就前往太安樓碰下運氣，睇下呢間去咗幾次都撞正冇開既來來小食店有冇開啦！點知真係有開，人龍都唔算太長，有6,7個人排緊隊落單。呢間小食店係出名食芋圓冰既，但都見有好多人買咗佢既黑糖珍珠鮮奶飲，望落又同最近好紅既老虎堂一樣，所以除咗五味冰，我都買咗杯黎飲下五味冰有好多配料揀下，我揀咗芋圓、地瓜、芋頭、粉粿、紅豆，呢度就40蚊。煉奶就加多2蚊，因為我唔知本身個冰會落咗黑糖所以都加咗，結果有d太甜(只是本人不太吃甜)。芋頭好林好好食，蕃薯都煮到岩岩好，唔會一pat野，紅豆配煉奶冰一流可惜主角芋圓真係好普通，只係有一粒紫色大粒啲，味道就同一般雪藏芋圓冇分別。。粉粿就第一次食，不是我的菜~ 至於黑糖珍珠鮮奶，佢寫明’固定甜’，即係冇得較甜度。但連飲開甜野既友人都覺得好甜，我更係覺得甜得誇張。。如果冇咁甜，應該好好飲。

今天放工來太安樓想吃很久沒吃的芋圓，叫了一份仙草冰加芋頭 （$30　+$6） 本來寫著裡面已有芋頭，所以期待著加芋頭外會是更多滿滿的芋頭，重點是有另外加$6要芋頭。人很多等挺久的，但沒什麼關係。終於拿到仙草冰，高興地回家打算品嘗，打開一直吃，芋圓仍舊qq有芋香，仙草還是很好吃，但整碗都沒有芋頭！一塊都沒有！加六塊卻變成走芋頭，很失望。覺得好吃是好吃，但人太多老闆顧不了，單子都錯了，錢都額外給了卻一塊都沒有☹️應該不會再怎麼去，老闆可能要看看人流問題，不要再發生同樣情況讓服務變差☹️

收工約肥髀去西灣河，就是為了要同佢去太安樓搵食，食兩間已經夠飽，糖水要買外賣，呢間在太安樓食評不錯，去到店面貼滿圖片介紹，只留一個小窗口做收銀！我同肥髀各揀一樣甜品後，我去嫩銀落單，因為出菜同落單得一個人，所以要等一陣！一個講台腔國語嘅女仔落單同出菜！佢好禮貌有笑容！燒仙草（$30）普通發泡膠碗，有一包另外分上嘅花生，食時落埋花生，黑媽媽賣相，用匙𢳂有啲杰身，芋圓煙韌，紅豆大大粒又淋身，仙草嫩滑，又唔會好甜，花生有點硬，炒咗應該放咗一段時間，唔夠香，最後無食到！黑糖三色豆花（$27）肥髀食台式糖水比台式飲料更合我心！