來來小吃店

Open Now

Now Closed

今日過開來西灣河搵朋友.... 溜完一輪狗..... 見無乜幾可走到咁遠一於開返我嘅OpenRice record睇吓收藏左啲咩想食又未食架啦......一開見到其中一間就係呢間......即刻雙眼發光....一定要去試....... 因為我一直都好鍾意好鍾意好鍾意食台灣刨冰..... 由細細個過去已經開始食...之後每次過去台灣都要食.....但係而家呢隻冰台灣都已經買少見少.....好難好難搵返呢種清水冰啦....（畢竟我唔鍾意食嗰啲有味刨冰...全部都好似雪糕...一啲都唔似刨冰既.....）先睇下個Menu..... 同以前係台灣食嘅一樣有得自己揀配料.......正呀！！仲有我最鍾意嘅布丁同愛玉... 一望就知要食咩...10分期待!!!我揀咗一個三色刨冰...要布丁..愛玉 同 黑糖寒天.... 當然唔少得要加牛奶啦（即係練奶呀）一見到就知道我真係搵到啦真係我以前係台灣食嗰種刨冰....好開心好開心好開心!!!以後我知道邊度可以解到我呢個清水冰既心癮啦！！

講咗咁耐終於你都講到嘅太安樓朝聖，係食完個海南雞飯之後我哋嚟到呢一間人人都拎住一個極大嘅冰的鋪頭。係我地行完山，行到身水身汗仲要係太安樓呢一個蒸爐到焗左咁耐，眼睛俾眼前呢一個甜品舖頭吸引左。黎到鋪頭點餐先知道原來老闆係台灣人，我哋叫咗一個五種冰，有芋圓蘆薈愛玉綠豆同番薯。轉頭返嚟只不過係5分鐘就已經整好喇，一拎上手真係塊面大。只不過味道真係有少少失望，呢一碗野就係一堆冰同埋啲材料再加上黑糖漿而組成，同我喺台灣食過有味道嘅芒果冰西瓜冰完全唔一樣，但係咁炎熱嘅天氣底下呢碗野絕對抵食。

黑糖五種冰（$40）-大熱天時去太安樓食野，基本上人人手上都會拎住呢兜冰。配料揀咗番薯、芋頭、布丁、芋圓、紅豆，再另外+2加多左煉奶😍。-一拎上手果然分量十足，但係點解啲配料全部係底既😂？相機表示心好累。配料方面最正都係番薯同芋頭，食得出店家用咗好多心機去煮，芋圓都好煙韌彈牙，但係紅豆同布丁就覺得麻麻地，可能食慣台灣既統一布丁，覺得佢既布丁隻味好假😂，紅豆又唔係幾夠甜，下次決定揀多一份番薯同芋頭嘻嘻😁。

說起香港的「掃街」天堂， 就一定會想起九龍的油麻地登打士街，新界的葵涌廣場或港島的西灣河太安樓～ 太安樓聽就聽得多， 但作為九龍人， 突地過海去一個只有「掃街」作賣點的西灣河確實需要有足夠去挑戰的勇氣和搭地鐵過海的銀両。💰🙈 做足功課睇完太安樓十大必吃的小食的網介， 當然要逐樣試啦！😏🙊 5月已經踏入夏天的感覺，🌞🙄💦💦 太安樓「來來小吃店」的人氣台式刨冰便成為一眾的消暑良品， 聞說店舖由台灣人開設， 主打台灣傳統黑糖刨冰， 配料還有充滿台灣特色的手工芋圓、仙草等。 岩晒芋圓控的小編。🙈🙊 第一次來當然要試招牌菜－黑糖刨冰啦！😏 食客可選三種或五種配料， 而款款都是經典的台灣特式配料！ 有手工芋圓、紅豆、椰果、手工粉粿、仙草凍、粉圓、手工愛玉、黑糖寒天、芋頭、爆爆珠等，選擇很多呢！👏🏻 三種冰（$34）（附三種配料） 嘩！一碗刨冰的份量超多，有一碗車仔麵咁大！😂（平時即食會是一個小冰山🙊） 兩人分享食都絕對不會誇張！👍🏻 小編是來挑機的， 當然要選最特色的配料，自家製手工作品更不會錯過！😂🙈 手工粉粿質感比我想像中爽滑， 還散發出淡淡的黑糖清香，不錯！ 手工芋圓比坊間的較為大粒

冬天想飲暖野，夏天想食凍野係咪一定既定律掃街掃冰好幸福啊冰主要分兩種，一種係三種冰一種係五種冰。配料有好多選擇而且好多都好吸引食完飯明明已經飽，但兩個女人就係大貪想食五種冰可以試多d ma。我地揀左芋頭、珍珠、芋圓、布丁同紅豆。個碗係平時食車仔麵既外賣碗，好大份呢。黑糖五種冰可以加$2蚊要煉奶，個人認為係必加既食落去係滿滿幸福既感覺，超冰感勁解熱食到中間就食到黑糖醬，都好好味。我揀既配料除左珍珠之外其他我都好鐘意，好好味呀雖然咁大份，但都好快比我地秒清了。另外見到有款芒果牛奶冰都好似好正，見到人食賣相好得，下次再去試下先

👅 自選芋圓冰🍧大大碗 碗冰真心好大兜！仲大過我塊臉🌝冰底得一款，自選簡三種配料，芋圓唔可以重複簡，排到隊去門口再即刻整！拎完要企係街食，舖頭本身就冇位嘅～👯👯‍♂️自選要左芋圓，珍珠同仙草。芋圓得幾粒，感覺唔到咩，普普通通咁，珍珠就好煙韌，一啲都唔粉，仙草都好滑😋不過🙄配料份量真係太少！冰底係粗粒刨冰，含到落口再慢慢溶。佢會淋黑糖糖水係面，糖水個甜度都岩岩好。另外一配其實係紅豆牛奶冰，至於牛奶冰其實就係淋煉奶嘅既冰底，紅豆都煮到岩岩好，唔會太爛或者硬，又唔會太甜。👍🏻📍西灣河 太安樓 來來小食店推薦：🌝🌝🌝🌚🌚價錢：💰💰💰💰外觀：📸📸📸味道：👅👅👅-------------------------#西灣河 #太安樓 #芋圓 #黑糖冰 #紅豆 #珍珠 #仙草 #小食 #立食 #foodForShare #大大碗 #夜晚先開 #排隊黨 #foodie  #hkig #hk❤️ #hkfood

係太安樓，排哂長龍嘅甜品鋪正宗台灣風味上次食過凍仙草今次食燒仙草呢間鋪，我鐘意佢個甜度，唔會太甜清清地好舒服呢個熱食仙草，大大粒芋圓好有咬口加埋花生，黑珍珠好開心啊！😍😍味道：5／5價錢：3／5

想食呢間來來小吃店好耐，上次因為手工芋圓售罄所以放棄，呢次早咗嚟到總算食到。由某啲報導得知佢哋係由台灣人開同埋係家庭式經營，加上當日只有一個人負責店面加食品製作嘅工作，所以就算人龍唔長都要等好耐。佢哋主打黑糖刨冰，不過當日天氣太凍，於是就買咗冬季限定嘅綜合紅豆湯，暖暖哋嘅甜湯湯質濃，唔係稀如水嗰種。我最期待嘅手工芋圓就大約有七至八大粒，同埋有三種味道，分別係芋頭、地瓜同綠茶，芋頭同地瓜微甜，綠茶微微甘澀，三款嘅口感都Q軟討好。另外仲有紅豆、小湯圓同粉圓，紅豆幾大粒同埋煮得剛好爆開，軟腍但仍然有咬口，小湯圓軟熟、粉圓煙韌有彈性，整體配料嘅份量都幾豐富。甜度又唔重，有啲家常嘅感覺。朋友嘅薑汁黑糖豆花同樣都係熱食，配搭都幾滋潤，不過就好似少咗啲睇頭咁。

再一次黎到太安樓，不論天氣有幾凍都好，點都要黎依度食一碗芋圓冰佢佢嘅芋圓係自家製，好Q,好彈，又有芋香味唔同出面果啲咁行貨，記得一定要落雙份煉奶，同埋佢個冰底係會加埋仙草汁，唔會食到中間淨係得冰，而無甜味！正呀

由於之前食嘅都比較飽肚，只能夠食個甜品作結。來來小吃店係一間台式小店，店面唔太起眼，當日去到老闆娘應該都係食緊晚飯~咁我地當然係點台灣黑糖刨冰，配料選擇多，芋圓、紅豆、芋頭、粉粿、涼粉、粉圓、地瓜，不能盡錄，自己睇：即叫即做，雖然食冰都會有少少論盡，但黎得掃街唔好預有得坐定定食 ~三種冰同五種冰價錢相差6蚊，咁貪心得黎又大食嘅我地當然係…揀五種！五種冰$40 (加煉奶另加$2) 配料：手工芋圓、椰果、仙草凍、爆爆珠、芋頭一接過手：哇…抵食 大碗到咁！由於我太興奮，冇將配料露出黎就影相刨冰唔係滑果種，會食到有碎冰口感。黑糖醬給得大方，唔會食食下冇味~配料嘅份量多，基本上仲多過冰。仙草凍味道唔突出但幼滑，椰果同爆爆珠冇乜特別。手工芋圓稱唔上彈牙，但非常煙韌，而且唔太甜，好食芒果牛奶 $28由於食完車仔麵同超鹹手抓餅仲口渴緊，我地再點埋飲品~牛奶見到寫住鮮打，芒果味唔假，但唔係勁好飲同埋都貴。算係我初試太安樓掃街比較無伏嘅一間~

仙草冰🍧話說買呢碗野都排左半小時，等我錯過左2017-1-1，12點係東區走廊邊食邊睇煙花嘅機會🌚成日講話想食芋圓，但每次食完晚飯都飽到上心口，跟住就食唔落佢！呢晚終於有機會啦！$30一碗，占美要半甜但發覺好似甜啲好食啲，佢好足料啊🤣內含仙草冰、仙草、(粉圓、芋圓)*數十粒、芋頭*4、珍珠*n其實占美唔識分粉圓同芋圓😅只係好囍歡有丁點彈牙而又林林地嘅口感🤣仲有好濃好香嘅仙草味啊！仲有占美囍歡佢冰嘅份量唔算好多(底層&表面)，所以唔怕食到成肚凍冰冰都未食完！因為占美一開始好擔心一條友食唔哂！

由於上網睇人地啲台灣片睇到好想食芋圓同滷肉飯 今日就特登去太安樓掃街 搵到呢間芋圓既時候 發現佢有滷肉飯食 就乾脆試下 OMG 呢$25真係比得好值 先講份量 $25一大盒 肉澡足以成盒飯每一啖都有 即買即企係度食。冬天熱辣辣真係不得了 食完一盒勁想再食 但個胃已經無乜位試埋個木瓜牛奶 一般 偏貴 要$21 無乜木瓜味 味道偏淡 但就真係鮮窄既 係好多木瓜蓉 但$21就唔值得食晒野去左太古 都不心息再落反太安樓再食佢既芋圓 um...我係食仙草冰 入面有兩大舊芋頭 咬落去偏乾 仙草幾好食 芋圓甜味唔夠 可能因為我係食凍既關係 不過廿幾蚊都抵食既

全部都係戶縣^_^🖖🏻30元的仙草冰內有3種不同的芋圓 有綠茶味番薯味芋頭味3種都巧巧味 超級咁煙un 好有口感 正還有珍珠仙草同沙冰 1共有6種嘢都係30元其實真係好低食但係如果食熱野有芋圓就1般了5係芋圓變左未 已係熱既甜水會令到芋圓無咁煙un 咁有口感 所以幾次我都係食凍的雖然太安樓係有啲遠 但好食既嘢真係必須打卡黎到食 來來小吃店既芋圓當然仲有其他美食係太安樓下1篇會再講其他😋😋😋

太安樓呢間小店嘅甜品都算係幾抵食😊黑糖芋圓豆花有冷熱之分🙂豆花都幾滑身，豆味算係重..配上濃郁香甜嘅黑糖都真系幾正嫁☺️ 芋圓相比起其他店舖較為大粒，芋頭味重，而且芋圓裏面仲有粒粒芋頭喺度😀真材實料👍最suprise就係有綠茶味芋圓呀！茶味都幾出😁#綠茶控 真系值得一試

同海南雞一樣 有人條排隊人龍人數約十個或不到 但進度慢因為得一位妹妹顧整間店 包括製作可是她穿得清涼又有笑容疑似是台灣妹妹大家都有耐性去等叫了一個熱燒仙草$30有芋圓 紅豆 花生 粉圓熱的燒仙草原來是液態冷了才變成豆腐花般的質感我們到附近公園吃放涼了一會 仍只是比較稠的液態燒仙草是涼粉草 有點像涼茶的味 但不苦我最喜歡它味道頗天然 沒加很多糖 是少甜坊間的甜品糖水通常太甜花生炒過好香芋圓煙靭有芋香粉圓即珍珠 口感軟糯 不會死硬紅豆大大粒已煮淋各材料表現都很好 份量適宜不會太少料