來多碗車仔麵 (路德圍) (Closed)

荃灣真係好多嘢食，選擇又多，今日同個friend 去呢間喺路德圍嘅來多碗車仔麵，都算係新開嘅，裝修幾靚，門口紅噹噹睇落似間中華料理多啲，心諗賣車仔麵使唔使咁靚裝修呀！我個friend 要咗一碗5餸麵，有豬腸，豬皮，魷魚，牛腩，雞翼 ; 佢話啲餸好惹味，最有驚喜係嗰個祕製辣醬喎。我都係要咗碗5餸麵，有牛筋丸，豬手，豬皮，豬紅，鹵水豆卜；我覺得牛筋丸最正，好爽口，豬手豬皮豬紅都好好味，鹵水豆卜鹹咗少少。呢度啲卡位好闊落，紅色嘅梳化令到啲環境好喜慶，可以舒舒服服坐喺度食，唔同出面啲車仔麵檔咁簡陋，以後約朋友傾計又多一個聚脚地喇！

前幾日同朋友係荃灣行街，見肚餓就行左黎路德圍呢邊搵野食。行左一個圈，留意到有間新開既車仔麵，上網睇咗d人寫既食評全部都話好味，就入左黎試下。我排隊叫左碗雞翼蘿蔔豬大腸米線，朋友就叫左碗豬皮魷魚生根公仔麵，一睇到碗麵就有d中伏feel，食完之後完全諗唔明話好食既人係咩心態，份量又少又食得唔飽。以後上網d食評都唔會儘信，見佢有幾間分店，又再上網睇埋食評都中伏，我真係唔知講咩好，一句講囇，唔會再黎幫襯！

今日難得番晏，一於預早小小番荃灣食野先，有時一個人輕輕鬆鬆獨食下也不錯路德圍多食店就係人都知，一於去果度揾食，行過見到尼間新開嘅來多碗車仔麵，正咼，我最愛食車仔麵，簡簡單單，快靚正，就入去嘆番碗先價錢唔貴，而且好多種類選擇裝潢設計非常簡潔時尚，色彩鮮豔生動嘅插畫令環境增色不少設有高背卡坐，舒適之餘亦增加私隱度細看牆上關於這店的典故相當感人呢白武士好野誰人想挑戰魔鬼👹辣醬？快來吧尼個就係魔鬼👹辣醬，見到都覺辣，另外仲有秘制辣醬同蔥花自由選配，店叔叔好好人，提醒我魔鬼辣醬好辣，不要一次落太多，仲比個碟仔我分開攞，真係超窩心揀野食先，真係花多眼亂，乜都想試下，一於揀多幾款尼樣又要果樣又要姐姐好好人，計我五餸，比我每樣要小小呢！仲比左隻雞翼我最後變什錦麵，好豐富呢賣相非常吸引白蘿蔔好林好甜好入味，雞翼滷得非常入味而且大大隻，辣魚蛋夠曬旦牙有口感，仲好香㗎喱味，牛肚夠入味超爽脆，豬腸洗得非常乾淨而且好林好入味，米粉好多又夠爽滑旦牙，湯加左腩汁超濃超惹味一定要推薦嘅係辣魷魚🦑，非常爽，小小辣夠惹味，必試估唔到每樣餸都咁高質素，果然無揀錯講番個魔鬼👹辣醬先，真係勁辣勁過癮，而秘製辣醬就無咁辣而且帶甜

車仔麵作為香港特色相信每個香港人都食過嘅而且仲會成日食添好似我咁耐唔耐就要食一次行過呢間覺得佢幾抵$28就有兩個餸而且入邊好新淨同乾淨好似有好多款式揀而且仲有秘製辣醬添！真係好辣不過辣得好過癮我就揀咗大腸牛腩山根同埋流心蛋仲有魚皮餃雖然全部都係平民嘅食物 但係睇得出每一樣都用咗好多心機嚟煮而且好入味～個辣醬同埋流心蛋真係好好味啲大腸都洗得好乾淨牛腩又炆得幾林而且個湯底味道適中唔會話太鹹飲完又唔會口喝另外佢仲有小食呢個麻辣鴨血又幾特別喎唔係太多地方食到唔食辣嘅人都會食得到嘅辣同埋特別鍾意佢呢度嘅室內設計入邊啲的話係人手畫嫁而且地方夠闊落又唔會話好迫最緊要係環境好舒適！

最近熱哄哄的荃灣路德圍，大家無論在各區都紛紛蜂擁而至，為的是一碗兩蚊或三蚊的豆腐花，但豆腐花只是飯後甜品，並不能作正餐，所以當然要順道選擇在路德圍食一餐正餐才是王道。經話這家“來多碗車仔麵”，名字很熟悉，但又一時間想不起來是在那裡聽過吃過，於是就上飲食天書Openrice 找找看，原來這就是之前在觀塘吃過多次的老店，更甚者，原來已經開到第四分店，果真是靜靜地起革命。今次點了兩碗麵，第一碗是，腐竹卷+章魚燒+響鈴+雞翼+牛腩油麵。呢碗朋友吃的，我只 share 了一粒腐竹卷 及一粒章魚燒來試試味，因為他那碗麵（朋友很能吃辣），他是加了秘製辣醬及魔鬼辣醬（是的，兩隻辣都混合加了一匙羹，見圖） 我捱不了那種魔鬼辣，單單看看已經感到那種香辣，所以不敢試得太深入。但是我必須要一提這一款章魚燒，令人充滿驚喜。 我是第一次在車仔麵店吃到這種章魚燒，絕對絕對值得推介，完勝各款丸子（e.g.牛丸貢丸） 下次再來我都會點這個章魚燒。另一方面，據朋友描述，這個秘製辣醬及魔鬼辣醬 ，混合使用（朋友各加半匙混合）有妙不可言 的化學作用，辣得過癮之餘亦不搶喉，也輕鬆完勝元朗某兩家馳名車仔麵店的辣汁。而另一碗是，馳

今天來看萬眾期待的Fantastic Beast，來個快速午餐，一定是吃車仔麵。已經很多年沒吃車仔麵，一來是價格已不再是「平民美食」價位，二來衛生不如理想。不過這幾年，香港興起一股本土熱潮，懷舊美味重新包裝後，的確是讓人回想起當年香港的「光輝歲月」。荃灣這家來多碗車仔麵，經過一番觀察，是同區內衛生最後的一家，食材一目了然，廚房在外面，有別於一般「剔紙仔」形式，客人在外面下單，廚師在你面前準備，吃得非常安心。內裡有卡座，環境整潔衛生，打破我對車仔麵的印象。五餸麵$49，是市價了，畢竟現在的租金也實在是太離地。餸的選擇非常多，有傳統也有些是創意，這一碗有蘿蔔、腐皮卷、台灣腸、生菜和麻辣魷魚。湯底有腩汁和咖喱魚蛋和清湯，挺香濃而且出奇地不口渴，看來味精方面是有克制過。蘿蔔入味，無渣，十分！魷魚無敵好味，麻辣夠刺激，下次我會直接點兩份（笑）朋友的那碗配搭我稱為經典（哈哈）金錢肚、咖喱魚蛋、豬皮、豆卜、響鈴。偷食了一片豬皮，這邪惡之物，很久沒吃了～來多碗車仔麵以衛生和選擇多優勝，他們的秘製辣醬也是要讚一讚，辣勁十足，但辣得有層次！如果有得買，也真的要買一樽回去孝敬一下母親大人！愛辣的朋友記得要試

是日返夜開工前黎荃灣幫朋友買啲野🙈搞掂正值放飯時間🍴還掂要早餐都未食一於黎食碗麵醫下肚先🤪位於荃灣路德圍既來多碗車仔麵🍜雖然距離荃灣站比較遠🙈但有「天空之城」之稱既荃灣可謂四通八達！由A1出口直行沿住南行天橋過黎都算方便😆呢度環境裝修簡約之餘☺️以開放式車仔麵鋪既設計亦顯傳統特式😆以傳統開放式車仔麵鋪做襯托😆亦配合著高質素車仔麵餸☺️🍜自選車仔麵小肥因太肚餓既關係🐷重手左一口氣叫左六樣餸🤪🍜有柱候牛腩、馳名辣魷魚、溏心蛋、蘿蔔、咖哩魚蛋同埋豆腐卜🤪以油麵做車仔麵底必然之選😆柱候牛腩夠爽口之餘煮得夠腍嫩😋🐮脂肪比例均勻食落油香滿溢🤤蘿蔔食落鮮甜Juicy之餘🤤咖哩魚蛋以秘制咖哩辣汁慢煮👨🏻‍🍳☺️食落亦夠入味彈牙😆而馳名辣魷魚散發微微辣香😋食落亦爽滑彈牙😆🦑溏心蛋食落都夠滑嫩之餘😋🥚配合滷水汁亦夠入味的☺️🔥如果有埋流心效果會更佳更好口感🙈😆吸收湯中精華最大功臣就非豆腐卜莫屬了🤤配合蔥花食落更有口感☺️壹品豆漿跟餐附送既飲品😆呢間值得回頭再嚐既高質車仔麵☺️👨🏻‍🍳下次再黎「來多碗」吧😆🍜

我跟車爸爸也很喜歡吃車仔麵，見有新店開也樂意去嚐嚐，這天回荃灣看見新張的來多碗車仔麵一於在這兒午餐啦！之後仲整多杯近來大熱的台茶！這間來多碗車仔麵據我所知是10多年前我在觀塘很喜歡吃的小店班底，記得這間的辣魷魚好吃得令人難忘，所以對這間新店存有厚望！ 我倆也選了四餸車仔麵＄42，蘿蔔、鳳爪、牛肚、豬皮幼麵是車爸爸的選擇，而我則選了辣魷魚、豬紅、豬腸及台灣香腸配油麵，餸料大致水準平均，最正是鳳爪入味之餘不鬆散，但味道偏甜不過可接受的，而我最期待的辣魷魚就認真令人失望，軟淋得毫無口感，超強的鹼水味也令我很反感呢！ 麵店有茶水供應車爸爸的熱奶茶味道不過不失，而點上少甜的凍檸檬茶亦清透無反我是滿意的，總數＄100現在來說巳不算昂貴的一餐！

今日在荃灣區工作，下午茶時間有啲肚餓，行到路得圍揀嘢食。成個路得圍都係食肆，見呢間車仔麵好似新開張，間舖幾乾淨下，一於試試。食車仔麵我鍾意試辣汁，唔係間間好食。有啲辣都唔辣，有啲就死辣。見店員推介呢度有隻叫魔鬼辣，一於試下。以為佢會幫我落，原來要自己落，份量幾多隨意，呢個安排又幾好wor。第一次食，唔好咁貪心，落少少試下先。食前先試下個湯，幾鮮甜。再撈埋啲辣醬食。。。好在落少少，個辣好勁，第一啖無咩嘢，但跟住慢慢嚟料。有啲層次，正！麵條好爽口，啲餸唔錯。個魷魚入味爽口。仲有個糖心蛋，配車仔麵都幾work！唔錯！其他配料都可以嘅。價錢都算合理，食車仔麵我通常唔理幾錢，合理同好食就得啦～佢都有好多配料，下次會返去試下其他配料同回味下佢個魔鬼辣汁先。