來多碗車仔麵 (路德圍) (Closed)

鹵水雞中翼、墨魚丸、秘醬魷魚、通菜紅薯粉🥢 + 凍檸茶🥤• 菜式及麵底的款式選擇非常豐富；• 份量適中，我選擇了四款菜式、没有加底；• 於店門口點餐後才入座，店員會幫忙提餐；• 價錢略為偏貴，此餐合計$60；• 鹵水雞中翼、墨魚丸、秘醬魷魚、通菜紅薯粉• 湯底是没有選擇的，店員會放一匙他們秘制辣醬在碗中，放進湯裡多少則任君選擇。雖說是辣醬，但是辣度很輕微，整羹放進去也只是微辣而已，但卻惹味十足。• 鹵水雞中翼是四款菜式之中最好吃的，鹵水醃得十分入味，肉與骨輕輕一咬便可分離，極力推薦！

路過荃灣路德圍見到呢間懷舊車仔麵檔，即時湧現細個讀書時候既回憶...比店內既裝修吸引我入去幫襯！坐底前排隊叫麵嘅！我梗係叫返一碗「童年回憶」食啦一碗出色嘅車仔麵，同日本拉麵一樣，就係個湯底好緊要！呢碗車仔麵加咗佢地既秘制辣醬同魔鬼辣醬之後簡直將成碗麵昇華到另一個層次，配上中式拉麵🍜「油麵」堅正呀滷水雞翼，蠔油皇靚花菇，馳名辣魷魚🦑，秘制牛腩，古法豬紅都好鬼入味魚蛋墨魚丸牛丸全部好彈牙！不過個湯加咗辣之後真係冇得頂呀店內有梳化卡位，裝修又好有懷舊feel，真心要比LIKE

今次係第二次食，第一次覺得都ok,第二次去食係貪方便，諗住上次都ok,甘就再食多次。今次就真係好一般啦。第一，的餸既份量小。河粉就多啦。第二，唔知係咪唔多客人既關係，無咩冷氣，好熱。個陣係夜晚9-10點左右。第三，其實你通菜既汁超級鹼，唔多好食，希望改善下。

路德圍多野食就一定啦，今次黎左呢間來多碗食，都算唔錯而且份量都唔小，食得飽既車仔麵，經過既都可以試下呀。點了： 辣魷魚，雞翼，紅腸，金錢肚，幼麵。辣魷魚係招牌餸就試下，味道係幾辣下但魷魚真係有幾爽口既感覺所以覺得唔錯。雞翼都算大大隻，而且鹵水味都有既，口感唔錯。紅腸就沒有特別吸唔吸引啦。牛肚都算幾爽口唔太林既，所以幾好味。幼麵，味道幾好味加埋少少鹵水既湯底配搭所以覺得唔錯而且麵都幾彈牙，份量都算多。食得飽既車仔麵。*呢度係自己搵完位然後去叫餸同麵之後比錢。總結經過可試下既食得飽車仔麵

車仔麵算係最有本土特色嘅食物，你要嘅街邊小色，都可以放哂係一碗麵度，和而不同叫咗兩碗麵，章魚丸、雞翼、牛腩、通菜、油麵，份量也算多，鹵水鷄奕同章魚丸好味，牛腩一般，好咗油麵都彈牙為碗麵加番d分。

$29有任何兩餸選左油麵:麵夠多．牛肚：好un.好難咬.共3條．辣魷魚：份量ok. 普普通通．------------------------------服務：ok------------------------------冇紙布供應．店內tempx $3一包．

睇完五月天演唱會，當然係要搵地方醫肚仔，由於時間比較夜，揀左比較多野食嘅荃灣，打算食碗粉麵就番歸。路德圍多野食眾所周知，除左車仔麵，仲有上海麵、米線，非常苦惱。見呢間來多碗有條小人龍，即管一試。事前睇左少量評價，我大概知道好評佔大多數嘅原因。下單形式自助，好似傳統車仔麵般，透過玻璃可以見到有咩配料，點菜埋單，自行搵位。店內位置唔多，快食快走。配料接近40款，好似丸、餃、雞翼、滷水、牛腩、魷魚等基本選擇，淨餸定價$8-14；跟麵唔同計法，例如3餸麵定價$36、4餸$43，如此類推。可配粗、幼、油、河、米、麵、瀨粉，比較特別有菠菜麵。雞翼、甜心蘿蔔、辣魷魚幼麵、秘製辣汁 $36滷水豆卜、豬腸、豬紅河粉 $36就咁睇價錢又唔係好貴，但配料份量偏少。雞翼兩隻、蘿蔔豆卜三件、豬腸少到幾乎睇唔到。豬紅唔夠滑；雞翼唔入味，肉偏乾；魷魚非常普通。豆卜你見到啦，黑色一舊唔知想點，亦唔覺有滷味。蘿蔔算係最好，起碼冇渣。麵嘅份量可以，河粉好散。但最失望係秘製辣汁，冇特色冇料到，同普通餐廳提供炒過嘅辣醬冇分別

星期日早啲食晚飯是常識吧，一到晚市周圍都冇位，尤其是母親節，不過冇節目嘅朋友像根草，獨孤程度不亞於情人節，食車仔麵就最啱避世（閃）喇下午茶食晚餐，唔食飽啲真係會深宵肚餓㗎，所以大胃拼了本命，一嘢嗌10個餸，我都好膽心個碗會裝唔晒，不過車仔麵姐姐功架專業，搭餸穩陣過搶包山呀連湯都冇瀉先好嘢車仔麵counter度有兩種辣醬任你揀秘製辣醬喎，幾怕辣都試吓啦包心丸原來就係福州魚蛋，好大粒呀油麵又多又有口感河粉唔散抵讚花菇夠晒入味唔知點解可樂好襯頹餐母親節被大胃之母飛，慘變冇親節，唔緊要，聽日又有假，立馬開心返

晚餐仲未食，知道路德圍開咗車仔麵，呢間係openrice都推到幾上就想試試佢。今日係卡位小姐唔想叫太多送就叫兩送麵但求飽肚，落單無耐姐姐就送上黎，叫咗潮汕牛丸、雞翼+瀨粉。瀨粉好多地方已經式微、買少見少。見到有就叫咗，個麵質似薯粉滑得很又帶點咬口，而湯底味精唔多，起碼飲完唔太口渴。要加秘製辣油，好香，為碗麵多添一份油香味。雞翼醬油味濃，好夠入味，一咬肉就綿都跌落黎垃牛丸一咬就噴汁，肉味濃無雪味，連嘴刁既男友食咗一粒都話幾好wor。$29蚊兩送大大碗幾抵食。

宵夜車仔麵今日睇完舞台劇 返到荃灣都成十一點肚餓又唔知食咩好 想坐得舒服啲見呢間車仔麵未關門 就入去試下啦坐下來之前 在門口揀左麵同餸先我揀左豬腸 滷水蛋 蘿蔔 米粉男朋友就揀左 豬紅 牛腩 魷魚 油麵三餸都係$36 算正常價揀麵時見到佢有秘整辣醬 同魔鬼辣醬可以加我見好多人都有落 不過我就怕辣叫完後 姐姐會幫你拎埋個麵去座位湯底同餸菜都偏咸 特別係豬紅中意食濃味野既應該會中意蘿蔔好味 煮得夠林 又唔會太咸 甜甜地不過滷水蛋反而冇咩味試左男朋友的魷魚 好好食帶小小辣不過好香好爽口

荃灣嘅路德圍不嬲都出名多嘢食🙆🏻🙆🏻今日朋友就帶咗我嚟呢間來多碗食車仔麵🍜呢間來多碗裝修用咗紅色為主❤入面幾新淨 整體都幾乾淨整潔牆上面嘅畫好得意 有啲Q版嘅車仔麵餸 望住食都幾開心🤓🤓呢度同平時食開嘅車仔麵一樣 要喺門口同姐姐講食咩麵底同咩餸🗣嗌完就可以俾錢 之後姐姐就會將碗麵送去我哋張枱喇🍽我同朋友各嗌咗一碗車仔麵🍲麵底除咗有平時食開嘅公仔麵 米線 米粉 河粉 瀨粉 粗麵 幼麵 油麵 出前一丁 仲有🥦菠菜麵同埋新鮮烏冬 加底要加三蚊 如果嗌出前一丁 菠菜麵同埋烏冬都要加3⃣蚊一麵五餸 $50我今次就嗌咗出前一丁 餸叫咗五款分別有 滷水豆卜 甜心蘿蔔 蠔皇靚花菇🍄 油菜🥬同惹味豬腸🐷 姐姐畢餸都畢得幾重手 全部都大大舊大大份🆙 湯底滷水味幾香濃😋 唔會太咸 花菇真係好厚肉 每食一啖都好滿足😍😍 仲有三大舊真係好抵食 蘿蔔係我每次食車仔麵都必嗌嘅餸 呢度嘅蘿蔔都冇令我失望 煮得好軟腍 又入味 食落仲有蘿蔔嘅甜味👍🏻👍🏻 豬大腸好乾淨 隻色都好靚 豆卜又腍又索湯 再食埋油菜 呢個車仔麵好豐富🤗🤗一麵四餸 $43朋友嗌咗油麵 秘製牛腩🐮 馳名辣魷魚🦑 蠔皇靚花菇 同惹味豬腸 佢同我一樣大讚

叫左豬紅、牛腩、蘿蔔、鳳爪同麵筋瀨粉。豬紅爽滑。牛腩好多，仲有唔少牛筋，肉有少少un，不過筋就夠淋，feel到好有膠質嘅感覺。蘿蔔夠甜夠淋，冇筋。麵筋同瀨粉就冇乜特別。問題係，所有嘢都超鹹！！！蘿蔔係同時又甜又鹹，鳳爪係唯一可以食得晒嘅，但有指甲，要食得小心啲。我足足加左半碗水先勉強食到，其實最近病病地，食乜都口淡淡，但呢碗粉鹹到我都頂唔順，到底其他人點食嘅呢？另外我仲叫左豆漿，係樽裝嘅新佛香壹品豆漿（佢寫香港製造），唔係低糖嘅，但我似乎已經比碗粉鹹到味覺錯晒，飲唔到有味。簡單講，下次唔好再搞我！

聽說路德圍一帶是平民美食天堂今天路經 帶著尋寶心態米線店相當多今天做過weight train說想吃點普通東西米粉該是還好吧看到來多碗裝潢乾淨又有少許人龍相信伏味低(?)想點十餸麵的 但想起今天的訓練還是算了以為要先坐下再點餐紙形式但不諳廣東話的店員連忙指要先點餐排著隊等點餐 然後再專人帶再座位彷彿小時候隔著細小窗口點餐滋味好懷念 翻新過的店牆上也有手繪的畫作可選的食物雖然都差不多但還是有20-30樣可選點了豬皮，咖哩魚蛋，廚師腸，甜心蘿蔔，菜心，雞翼尖，另外點了麻辣鴨血甜心蘿蔔超級入味 是小時候的味道雞翼尖也是入味而肉身不爛其他也帶有少許辣味其實作為車仔麵還算精緻湯底也是惹味喜歡辣的朋友可試18禁魔鬼辣今天就不試了覺得可以再來多碗的😋

好耐冇食車仔麵啦！車仔麵係好多香港人嘅回憶！經開見到梗係要幫襯下啦！又平又好食！三餸麵$36芝士腸、魚皮餃、滷蛋、油麵湯底唔會太鹹！麵夠爽口！五餸麵$50魚皮餃、章魚燒、響鈴、雞翼、蘿蔔、油面蘿蔔勁甜，雞翼好入味，魚皮餃彈牙，味道好有feel！好似返左返學時代咁！10餸麵$85+溏心蛋哈哈！我老公叫咗勁多餸，雞翼、咖喱魚蛋、墨丸、豬皮、魚皮餃、漢堡扒、牛腩⋯後面排隊嗰個望到眼定定！好豐富呀！一家三口一人一碗！好滿足！溏心蛋都唔錯喎！$10，幾香蛋味好食！麻辣鴨血$18我唔食辣嘅！老公話好惹味！有麻辣香~凍豆漿$8係支裝嘅！凍檸水$9凍奶茶$9餸料選擇都多！最少兩餸最多10餸！

陪阿女打完劍，今日要過荃灣比d野朋友，順便係附近食埋晩餐先。原來呢邊好多選擇，今日成日都落大雨，周圍都唔多人，阿女話想食車仔麵，就黎左呢間來多碗車仔麵，好彩有位。點餸既方式係舊式既方法，企係d餸面前想食咩就點，而家好多都係用紙去點餸，喜歡舊式呢種環保方式。我點左四餸一米線，有魚旦，豬腸，蘿白，溏心蛋；豬腸唔肥又淋，滷水汁好入味，同兒時食既味道係一樣架；魚旦帶有咖哩味，唔算辣但好香既咖哩味，又彈牙，唔錯；蘿白清甜無渣；溏心蛋好軟，蛋黃淋淋好香蛋味；米線好滑而份量勁多（無加底都食唔哂）。辣醬分兩種有秘制＆魔鬼，我揀左秘制辣醬，少辣帶甜，阿女試過都好喜歡。阿女話比少少米線佢，佢浄係叫餸，佢一點就點左6個餸，有雞翼，豬手，豬腸，紅腸，蘿白，蟹柳，可能佢做完運動，佢全部食哂但佢話好飽，佢仲食左半隻蛋加一粒魚旦。阿女最喜歡既係豬手，我試過的確好好味，淋得黎爽口，滷水汁入味；同樣地雞翼又係好味，因為個滷水好得!店內唔算大，得三十個座位，但坐得舒服，新式裝修仲有卡位，而最重要既係車仔麵既味道係舊式風味!下次行開荃灣，又多間選擇啦！