來多碗車仔麵 (路德圍) (Closed)

啲嘢食都幾好食 叫左菜、玻璃魷魚、溏心蛋、冬菇 竟然有全隻糖心唔係得半隻 好滿足到我呀 同埋個冬菇真係真係好香 好大粒 令個湯底都有菇味 下次都會再嗌多次 個size有我半個拳頭咁大 加埋啲菜都好正 我朋友叫咗 鴨血 麻辣佢話好好食 呢度座位寬敝，有卡位適合同朋友傾計 但係我就覺得啲米線幼咗啲 如果要粗啲就好喇 有兩隻醬，一隻醬就唔辣嘅另一款就辣既 兩隻一齊食我覺得都幾好食嘅 但係我嗰個湯湯本身已經好夠味因為加埋個冬菇 好有鮮味！值得再來！

車仔麵簡直係港人十大經典食品之一，集合香港人快靚正精神，最緊要有得揀，魚蛋蘿蔔豬紅，悉隨尊便。雖然話車仔麵好簡單，但其實每樣料都不可求其，由滷水至醬汁，來多碗都做到好精，力求上乘嘅車仔麵，非一般平平無奇嘅車仔麵。我認我係奄尖又多心，食碗麵都睇細節，本娘我得一個胃，唔可以食得落口咁簡單。平時D車仔麵店好dirty，行過門口都唔想入，但今朝行過來多碗見新開無耐，乾淨企理，有啲裝修，決定晏晝午餐嚟玩車仔麵。你講得出嘅車仔麵食品都有，老闆娘推薦一定要食滷魷魚，同埋要加魔鬼辣醬，講到咁推介即管一試。魷魚好爽口，雞翼撈得入味，蘿蔔清甜，加埋個魔鬼醬汁，真係冇得彈，佢呢個醬汁係知仔，香辣甜混合一齊，提升車仔麵精華，超級正！果然冇改錯名，來一碗，下次再嚟encore！　

稍有不慎，張了金口話請友人吃聖誕大餐。大家都知啦，節日期間必定...真係好擔心嗰荷包。究竟朋友會揀去食乜？自助餐？法國菜？廚師發辦？點知...她竟然去食車仔麵，一向都知她愛吃車仔麵，但冇諗過作為聖誕大餐。麵店一身紅通通，好應節，難道友人是因為咁而揀它？走進內裏，裝潢簡約平實，但牆上那幅油很吸睛，既具代表性又很美。地方不算大，但整齊企理。設有兩行座位，右邊有三張四人卡座，較為舒適闊落，而右邊就是一排長沙發座配幾張四人枱。看看貼在牆上的餐牌，先在十一款麵底中挑選，至於配料就多得令人眼花撩亂，仲有些不少飲品和一些風味小食選擇。******************************採用自助形式，客人在門口點菜。我今日較大食，點了一碗六餸菠菜麵，而友人比我更好胃口，要七餸米粉，再加兩杯飲品。睇吓，幾豐富的聖誕大餐！六餸菠菜麵（$64）每款餸料都有三至四件，青綠的菠菜麵(+$3)煮得岩，唔會太腍，有咬口且味道不錯，喜歡！先加少許秘製辣醬，嚐到少許香辣，大啖吃也不怕，最滋味！仲試埋魔鬼辣醬，真的別看輕它呀！辣味慢慢滲出，越食越火辣，越食越惹味，愛辣者必定吃得好滋味。六餸有切件的冬菇，雖非原隻上

天寒地凍，最好去吃熱辣辣的車仔麵。荃灣路德圍的來多碗車仔麵口碑甚佳，其秘製辣醬，一試難忘。今次因為太耐無食車仔麵，決定食一麵九餸。先去櫃檯排隊選麵，再選餸菜和醬料。原本打算叫菠菜麵，很可惜已經賣完，惟有叫米粉。甜心蘿蔔清甜無渣，馳名辣魷魚有咬口，爽口。金錢肚一如其名，煙煙韌韌。秘制牛腩香味濃郁。惹味豬腸無異味，彈牙豬皮美味多汁，蠔皇靚花菇大隻入味，秘汁雞翼肉嫩入味。友人吃的咖喱魚蛋味濃，貢丸豬肉味重，魚皮餃鮮美，鹵水蛋鹵得夠味。總括來說，每款餸都很不錯，材料新鮮，下次會再去食。

天寒地冷趁老公收工捉佢去食碗車仔麵見到排晒長龍就知道無揀錯令我非常驚訝係居然有得嗌一麵九餸我咁大個囡都未試過車仔麵叫咁多餸對於大食精黎講係福音 不過今次我地挑戰一麵七餸同一麵八餸先我就揀咗油麵底金錢肚 雞翼 菜肉餃 蟹柳 墨魚丸 章魚燒 包心丸溏心蛋 總共八個餸金錢夠爽口 秘製醬汁雞翼夠入味 菜肉餃綠色嘅外皮非常吸睛 皮薄足料蟹柳係車仔麵必備☝🏻墨魚丸彈牙並唔係粉漿 章魚燒見到粒粒章魚肉 包心丸食嘅時候要比較小心 因為會爆汁溏心蛋 平時食車仔麵比較少見 原來兩者都幾夾 另外老公揀嘅餸大致上都同我差不多 唔同嘅係佢有叫牛筋丸 牛腩 同埋雞翼尖 牛筋丸有嚼勁彈口 牛腩肉質柔軟我最欣賞雞翼尖 無煮爛 依然整整齊齊呢間車仔麵最特別係有三個唔同程度辣醬 比客人自選調味 分別係秘製辣醬 魔鬼秘醬 地獄辣醬弱弱嘅我試少量秘製辣醬 香辣味的確好誘人 而且帶少少咸 點配料或者加湯底都一流 至於勇於挑戰嘅老公就試咗魔鬼辣醬由上等指天椒製成呢款辣醬只准18歲以上人士食用 老公食完第一啖靜咗五秒然後問我飲唔飲野建議大家試之前都叫定飲品先😂鐘意食辣又心思思想多餸車仔麵嘅朋友千祈唔好錯過呢間餐廳

作為港式美食的代表，車仔麵到處都有，卻不是每一家都能抓住我的胃。自從譚仔佔據市場之後，學生們好像少接觸了車仔麵。位於荃灣的來多碗車仔麵，我相信絕對能喚醒大家對車仔麵既喜愛。首先，作為收費20 元起的小店，來多碗車仔麵真心算是良心店家。大家都知道香港地貴租貴，很少小店會願意多花心思在座位上。對比附近的食肆，來多碗車仔麵的座位，真的要舒服得多。 甫進門，便見到各式各樣的配料，簡單如魚旦、唐心蛋，秘制，任君選擇。 店員盛意拳拳介紹他們的秘製辣醬，個人不能吃太辣，我只能婉拒，喜辣的朋友倒是要試一下。我們各自點了一個6 餸麵，外加一個麻辣鴨血。鴨血進口滑溜，不帶一點腥味，而且台式做法不算太辣，味道不錯。配料分別選擇了豬手、魷魚、 牛丸、生菜、唐心蛋、金錢肚、紅腸、豬皮、腐皮、牛腩、豬大腸、蘿蔔．．．個人特別喜愛濃味配料，魷魚、 金錢肚、豬大腸是本人的心水推介。最驚喜的是唐心蛋和牛丸，牛丸真心非常彈牙，牛肉味濃。個人認為是必點。

車仔麵只係好普通嘅食物，越係普通就越難整得一試難忘， 所以一般嚟講車仔麵最緊要餸菜選擇多， 湯底唔可以太多味精， 麵既質素要新鮮，同埋要有唔同嘅調味料去迎合大眾既口味。呢間來多碗車仔麵就做到哂以上既野，首先車仔麵可以選擇的餸菜種類好多，而佢哋有好多款推介嘅餸菜都整得好好味，就好似章魚燒，牛筋丸，墨魚丸，魷魚，蘿蔔，全部都好好味好有質素好入味，同出面一般街檔嘅車仔麵好唔同，就咁烚熟，淡而無味咁。而車仔麵湯底清甜，唔會話落咗太多味精，食完都唔會覺得口乾，湯底加埋牛腩汁，有牛腩味得嚟又有色水，唔會好似啲冇色冇味嘅湯底咁樣搞到你食都唔想食。車仔麵麵嘅質素亦都好好，特別是係個河粉，河粉唔會一嚿嚿，夾個時唔會斷開曬同爛曬，係可以好似普通麵咁可以夾出一條條咁黎食。另外最欣賞嘅就係呢間車仔麵嘅調味料，佢主打秘製辣醬同埋地獄辣醬，兩款辣醬都好有辣味，唔似一般嘅辣椒油，辣味唔重之餘仲油浸浸，真係啱曬啲鍾意食辣嘅人。

荃灣出名多好嘢食，有時太多選擇真係唔知食乜好，所以就揀間最滿客嘅黎幫襯😂😂😂實穩陣丫嘛😂😂我同朋友一人叫左一碗面🍲🍲可以睇住d餸黎嗌，我自己要溏心蛋/豬腸/牛腩/菜肉餃/米線+凍奶茶🍵姐姐好細心推介唔同嘅餸，仲特別推薦左兩種辣醬，一種秘制辣醬，另一種係魔鬼辣醬😈我自己就揀咗魔鬼辣醬，姐姐話魔鬼辣醬係超級辣，所以我唔敢落太多🙈🙈🙈依隻辣醬真係好鬼香，聞到之後d口水真係自動流出黎😋😋😋只不過其實唔算真係好辣，我諗大約同譚仔五少辣左右一樣啦😝我朋友就揀秘製辣醬，姐姐話出邊食唔到架，咁我就緊係要試下朋友個碗啦，雖然佢冇魔鬼辣醬咁辣，多仲一份甜味，食落好香口，適合D唔食得辣既朋友(我個friend食到一半走去再添醬😂😂😂)我地仲另外加左個台灣麻辣鴨血😍😍😍呢個真係十級推薦👍👍👍！！！鴨血嫩滑，湯麻辣適中，配埋爽口韭菜，真係會令人食到停唔到口好想加點！ 必食！！！雖然呢度嘅車仔麵比平時出面食嘅貴少少🤔但係食材質素成正比👍都睇得出係用心準備過嘅，特別係佢既溏心蛋🐣🐣🐣睇住姐姐小心翼翼咁剪開慢慢放落碗真係好治癒😆

車仔麵是經典港式平民美食。今日到了荃灣行街仔，看到這藏身街頭巷尾，一間新的車仔店誕生，小店中帶有親切感，很值得試一下。一進去，一個很大廚房看到師傅細心而友善地將煮成好東西，一撮油麵，甚至烏冬和米線，更甚的有數十款餸供挑選，再加兩殼熱湯或加淋匙辣汁，就是一碗庶民喜歡的食物。傳統餸料很多，朋友和我都叫了金錢肚，實在不錯，跟舊有做法相同，同時藉著很創新的見識，將新元素滲入車仔餸中。既新鮮又有特色，而且店主更會親自做特色的小食，可惜是今次叫了很多食物了，因而沒有品嚐喔。清湯底十分鮮甜，不似一般淡而無味的清湯底，牛丸惹味，而且食物也有質素，再吃下馳名辣魷魚～香辣，豬大腸軟滑腍身。

荃灣真係勁多好野食！呢區都有唔少出夠既車仔都檔近排新開既呢間都可以爭一席位了價錢來說不算貴2餸都只係28有n樣餸可以揀我說叫左個5餸車仔麵！超豐富佢係好新淨既店舖但叫餸既方式說好傳統先要係廚房前面叫左野食先再去埋單等食我叫左既係米線底，再加腐竹卷，豬紅，紅腸，牛腩，生菜加腩汁小辣先講一講個湯底唔重味精味，加埋腩汁個味道好正宗好傳統餸既份量都合理既特別推介既係腐竹卷唔係度度都煮得好架！入面既材料好足貨真價實

作為一個香港人，車仔麵雖然唔係咩貴價野但係我真係非常愛吃好耐之前食過呢間 今日突然又見返即刻決定要入來吃籮白 金錢肚 雞翼 魚蛋 魷魚 河粉全部都係我既至愛加埋中辣既辣度 完您美既車仔麵就出世了魷魚必點!! 入哂味之餘仲要份量都幾多麵既份量都幾大，岩哂我呢d大胃王咁多樣餸都好入味要點名讚既係魚蛋！食落爽口彈牙 而且咖哩味係帶一點辣的 好過癮另外不得不提既就係呢度有個神級辣醬之前食過一次 真係一丁點都頂唔住鐘意食辣既人可以挑戰一番

這天同朋友在荃灣路德圍「搵食」，由於行街的行程緊密，我們選擇了這間看似幾特別的「來多碗」車仔麵店，來個「快食」。 入到去，發現座位比一般車仔麵店闊落，裝潢都幾新穎👍🏻這裡是先要在麵檔落單付款，隨後可以坐下慢慢享用的。 我們叫了兩碗不同配料的車仔麵，以及兩款小食：「麻辣鴨血、秘製豬手」，大家可以交換試下，發現它們的車仔麵配料都幾好味，而且有幾款值得推介下：秘汁雞翼：味道甜香，有點像滷水又有點像瑞士汁，幾特別和惹味。🤤滷水豆卜：豆卜完全吸收了滷水汁的精華，咬下去多汁味濃，令人非常驚喜😳😋秘製豬手：這個做得幾好，豬手煮得非常入味軟稔，喜歡豬手的你一定會愛上它。👍🏻🤗章魚燒丸：有煙韌的章魚粒粒，鮮香彈牙，值得一試😉😋 最後不得不讚的是他們特製的「地獄辣醬」，如果食得辣，認真要試試這個辣醬，香辣惹味，令整碗麵升上另一個層次😌👍🏻🤤

朋友跟我說她中午提議同事們吃車仔麵，可是他們都不愛車仔麵，只愛吃譚仔，她無奈地跟隨大家吃譚仔米線，所以她很久沒吃過車仔麵了。她覺得車仔麵的配料選擇比譚仔多元化，麵的種類不單一，又具本地特色，她不曉得同事們為何不欣賞。由於朋友太想吃車仔麵，個人又挺喜車仔麵，就依朋友的意思晚飯吃車仔麵。來多碗車仔麵的有數款少見的麵供應，如瀨粉，菠菜麵，出前一丁，我和朋友都選菠菜麵，未嚐過菠菜麵的車仔麵嘛。我一口氣挑了七個餸，秘汁雞翼，甜心蘿蔔，特級潮汕牛筋丸，麵筋，溏心蛋，魚皮餃及菜肉餃，另配豆漿一瓶。看見車仔麵鋪滿配料，特別滿足。我們一致認為甜心蘿蔔名副其實，蘿蔔清甜無渣滓，又夠軟腍好吃。麵筋軟綿又入味，而且每一塊麵筋都吸滿滷汁，滷香風味相當迷人，讓人非常愛不釋口，愛吃麵筋的朋友一定不能錯過。秘汁雞翼鹹鹹甜甜，香氣逼人，可見這裡滷食材的厲害，一吃就欲罷不能。菜肉餃裡頭的青菜非常新鮮，把豬肉的香味襯托得更加清爽，餃皮厚度恰到好處，整體鮮美。菠菜麵彈牙極致，輕輕咀嚼有點回彈感，菠菜味濃厚。魚皮餃皮富彈勁，內餡部分調味不錯，口腔殘留一股魚的鮮香。特級潮汕牛筋丸以新鮮牛肉製作，嚐起來牛肉味道濃厚，肉質紮實，挺有

中學時期無咩零用錢，而最抵食最平GE莫過於車仔麵，但隨住觀塘區發展，所有GE童年回憶，可以拆得GE都拆，而以前陪住我成長、養到我肥肥白白GE車仔麵都拆哂LO。今日去左荃灣簡聖誕禮物，經過路得圍，見到有一條巷係全條巷都係車仔麵！突然想搵返以前GE味道，於是就簡左間比較乾淨靚仔GE車仔麵斱黎食。一入去，就見到一個哥仔同個呀姨企係度，好親切咁問我，要咩麵呀。嘩嘩嘩，親切感即刻返哂黎，呢個時候梗係伸個頭入去望下有咩麵同餸可以簡啦！見到有綠得好顯眼GE波菜麵，好啦，反正未食過，一於將我GE第一次俾你地啦！我再簡左響鈴、菜肉餃、美國廚師腸、章魚燒、生菜同埋溏心蛋，一共六個餸。6個餸，再轉波菜麵，一共係$59，我覺得都算幾抵食。講返個底，非常好飲，而且唔係味精湯，而係濃濃GE腩汁湯湯底，湯底唔會太咸，配麵配餸都係Perfect match！而個波菜麵雖然唔係好覺菠菜味，但係麵係Q彈而掛湯能力唔錯GE。餸方面最值得一讚GE係章魚燒、菜肉餃同溏心蛋，佢入面真係有D章魚碎打左係入面，口感好有趣，而味道都唔錯，可以一試；菜肉餃都幾皮薄，而佢非常吸湯，Juicy and I like it；而溏心蛋實在令我深

最近日日有返工無放工，人都頹。 呢日放工返到荃灣已經夜晚8點9，個人又攰又唔知想食乜嘢，就是但同媽媽入咗呢間車仔麵。呢間車仔麵之前係就喺觀塘見過佢，荃灣呢間相信應該係新開嘅，環境都尚算乾淨，唔係一般車仔麵咁污糟，價錢唔算太貴，正常啦四十零蚊左右，選擇都幾多。. 我自己揀咗要烏冬麵，配生菜、麵筋、牛肚、辣魷魚同埋魚蛋。 烏冬質感正常，但係佢吸咗呢個 牛腩湯底汁，更加惹味。呢幾樣餸睇落好普通，但係其實普通嘅嘢愈難整得好食。魷魚嘅煙韌同埋味道係相當有驚喜！魚蛋亦都好彈牙，最鍾意佢個麵筋，吸晒湯汁精華。.另外一碗揀咗要菠菜麵，配流心蛋、蘿蔔、雞翼、牛丸同埋紅腸。好少地方有菠菜麵食，呢個菠菜麵唔係淨係得綠色，真係有菠菜味架！流心蛋係車仔配餸好少出現，呢度嘅水準同日本拉麵舖有得比。蘿白同雞翼都係用瑞士汁煮。紅腸呢樣細個食到大嘅嘢真係好令人懷念。.雖然車仔麵好難有好驚喜嘅味道，但係環境因素、價錢仲有食物選擇多與少，都會決定我會唔會再去返頭幫襯。 來多碗車仔麵，喺車仔麵都可以開到幾間分店，都明其實佢真係唔差。