偉記食堂

Open Now

Now Closed

秋高氣爽，在香港看紅葉必須適時來大棠紅葉街，時間錯過了，可能就落空。今年來看紅葉的時候的確有點兒晚，部分紅葉已變回原形，甚至落在地上。幸好的是落在地上還算是个背景可以拍攝，否則更糟！反正現在尚剩幾顆紅葉，大家不防看看。看過紅葉可以沿路直走，經過燒烤場，往下走往茶餐廳，餐廳簡陋，但食物可以！要實惠的話，可以選擇廚師推介或者午餐，價格約為50多元，加飲品的話，約50-60元之間。就算是其他炒面飯都是大約這個價錢。行山倦，不防吃過飯才回家。

今日有事晏就要入一入去元朗大棠度，朋友介紹話呢間偉記食堂啲嘢食味道可以，又就腳係附近，咁就入去啦。我地一行6個人要等一張大檯坐都比較難，等左10分鐘先有6人檯坐低嗌嘢食。咁今日有啲趕，我地嗌左餐牌嘅ABC快餐就算啦。諗住快餐應該都做好哂，10分鐘點都上到枱度食啦，點知等等等，等左20分鐘先嚟到。咁佢地就先嚟左個例湯先俾住我地飲下，之後啲嘢飲嘢食足足等咗20分鐘，見佢地忙住做外賣，唔係好理啲堂食，有人入嚟，仲話呢家落單要等45分鐘，我仲以為自己唔係食緊茶餐廳。犀利！我嗌左碟蝦醬蒸豬頸肉，嚟到啲肉係凍嘅。有啲嬲，但算啦我趕時間食埋就趕做嘢啦。佢$49有個例湯/同嘢飲，下次都係唔再幫襯啦，今次真係一肚氣！

行完大棠山落來已經差唔多一點, 唔想返到元朗市區先食晏, 所以就係山腳路口的偉記,之前食過早餐, 一般茶記的水準.  估唔到今次的午餐反而有點驚喜.入到去自己搵個位坐低, 都未點餐哥仔已經送來一碗例水, 睇了餐牌之後, 點了個蒸肉餅飯,  凍茶少甜, 今日的例湯係木瓜豬骨湯, 入面有一舊好大的木瓜, 仲有少少豬肉及花生眉豆紅腰豆, 木瓜豬肉及豆都唔少,  算係茶記例湯中的誠意之作, 湯都未飲晒 肉餅飯就送到了, 肉飯除了豬肉外, 入面仲有冬菇及土魷,  肉餅份量一樣的多.我習慣係用匙羹挖一小塊肉餅出來, 配飯一起吃, 結果整碟飯食晒, 肉餅仲未剩, 而且肉餅內的冬菇及土魷香味十足, 好好食.唯一要挑剔的係,  湯及肉餅都有味精, 雖然唔算多, 但可以再落少點會更好, 因為湯料及肉餅的餡料都已經夠晒多,  落些鹽糖應該已經夠好味.點都好, 呢個肉餅飯連湯, 不論係份量, 配料, 味精都有點驚喜, 值得返來再試.

去左千島湖行山，就入左大棠條路上山，上山之前驚一陣無野食，又行勁耐，於是求其搵間野咬下，但搵唔到野食，於是去左呢間偉記茶記。只可以講，因為無選擇，幾貴都要食，但真係好難食⋯⋯⋯仲好鬼死貴，如果唔係無得揀，我一定唔會揀佢。個炸醬麵嘅麵煮到一pat野咁，好似糊狀，闊條麵咁，但一d咬口都無，仲勁重簡水味，唉～～～想嘔。肉絲好硬好粗好鞋，有陣蕃茄味，炸醬係咁架咩？怪怪地早知食是日午餐啦，好似賣相好少少杯奶茶還算可以，無個麵咁差

星期日同外父同老婆揸車去咗睇楓葉睇完之後想去第二個區，咁又肚餓 揸住架車搵嘢食係麻煩少少 經過都未睇到呢間嘢食乜我淨係見到有一個吉嘅車位我就沖咗入去 咁就試到呢間偉記食堂 呢間係一間普通到不得了嘅茶記茶記嘅裝修，茶記嘅服務，茶記嘅食物 反而係咁，多了點親切感去到都三點幾，午餐淨返兩款我就叫咗個葡汁雞王飯雞肉份量非常充足，味道就正正常常，碟頭都算大嘅，包杯嘢飲外父就唔食餐，叫咗個菜遠牛肉河我就一啖都冇試過，我諗都係正正常常啦因為佢一陣間就清咗碟，可能人太肚餓我老婆就食個沙嗲牛麵餐 在家做個奶油多 都係正正常常貨仔熱咖啡正常熱奶茶都正常埋單 $147我都冇特別好投訴啦但求附近去一間茶記食物質素分量又夠，味道又正常又有免費泊車，算係咁啦 做人嘅嘢，我肚餓，佢就在附近出現食乜都唔重要了

每次行大裳，都會去偉記食早餐 ( ´▽` )ﾉ今日七點九就到╭(╯3╰)╮眼瞓到爆！比我早到嘅人大有人在，有街坊，有行山客，亦有好多單車🚴🚴🏻‍♀️友！早餐食過幾次，你問我係咪特別出色？我又唔可以話係╮(￣▽￣"")╭ 我只可以話佢哋做嘢食都算有心。我同友人叫咗雪菜麵，同炸菜麵餐。早餐少有的配有紅腸 ٩(˃̶͈̀௰˂̶͈́)و 多咗一種選擇。雪菜肉絲同炸菜肉絲都係自家制，唔係一般罐頭或者係大量批發的一般貨色。最鍾意撈埋一碗嚟食(偷咗個friend件紅腸)。總括而言，偉記係一間有心的茶餐廳 (>^ω^<)

要平日約朋友去玩，真得好難就到時間，今次剛好約到兩位朋友去行山，大家都是興起就去，心情非常興奮。想行短線就去大棠行，不太辛苦，悠悠閒閒就行了3個鐘左右，落山時間約5:15左右，就到這裡食個下午茶，朋友話每次到大棠行山，行完必得會於此食下午茶，原因是茶餐廳已經有多年歷史，有好的口啤。餐廳位置好易找到，店舖沒有太多裝潢，可選擇坐內或外，繁忙時段真得需要等待一會，因為呢度已經是行山人士必到之處，而且食物價錢合理。朋友推介我食豬排意粉，原因是即叫即煎炸，需時5-7分鐘，飲品先行上枱，我揀選了奶茶(個人認為如果在飲品方面做得好，食物質素應該都不會太差) ，奶味較為重，而且茶餐廳選用的牌子是黑白淡奶，味道不會有苦澀味，值得一試。終於到主角上枱啦，豬排有兩件，而且感覺大件，色澤金黃，厚度剛好。容易咬口，好香口，相對意粉味道清淡，配搭豬排食就恰到好處。

每年11月中旬至1月都係賞紅葉既最佳時期，元朗既大棠公園響呢段期間特別熱鬧，今日我都趁紅葉初期未係最多人既時間黎行返一轉。整段路程連埋影相約需3-4個鐘，中途沒有補給站，行到一半已經好掛住起步點既偉記食堂。睇完紅葉落返山終於有野食，我地坐響門口位，店內多數係熟客，同店員有傾有講，只有2-3枱好似我地一樣郊遊完黎嘆個下午茶。唔好見佢細細間好簡陋一般茶餐廳有既呢度都有，而且一樣有風味五香肉丁湯意粉 - 意粉唔會好林，都唔錯，體力消耗完最岩，見到隔離枱有餐蛋麵都好吸引，下次再黎要留肚薯條 + 紅豆冰 - 薯條係大大條粗身果隻，熱辣辣岩岩炸起，加埋紅豆冰，簡簡單單夠哂滿足店內環境一般坐出面比較容易餵蚊，不過茶餐廳位於郊區而且選擇又多食物又唔錯，大家要去大棠睇紅葉既話不妨黎呢間偉記，就響轉入大棠公園既十字路口入少少，只此一間中間沒有其他食店，記得食飽飽起行。

每次嚟大棠都會叫佢地嘅鮮茄牛肉燴意粉，已經無咩地方可以食到似樣嘅燴意粉，呢度嘅味道好有童年回憶，正另外，炸雞脾亦都超大隻，外皮脆卜卜，新鮮炸起，好juice，又抵食

入到元朗大棠，當然要食自製茶餐炸雞脾薯條配紅豆冰炸雞脾好好食，一食就知係生炸，內裡有肉汁，外皮脆卜卜，連薯條都係即炸粗薯條，加茄汁，兒時回憶立刻回來！令一兒時回憶紅豆冰，紅豆大大粒，真係好正！朋友就雞脾茄汁燴意粉，意粉弄得剛剛好，不太軟不太硬又一用心小店，下次一定會再支持

行完大棠，好攰牙，搵地方休息下先!見到呢間好旺場，就試佢！茶餐揀左廿八餐旦公仔麵，再加4蚊轉紅豆冰！餐旦麵就無咩特別，但個紅豆冰我就覺得唔錯，啲紅豆又大又肥，真係夠哂口感下次黎開幫襯下！

33人行完山落到大棠,可以開飯嘅選擇不多,攪手安排咗呢間。jan 01, 10,我嗰張枱12人,共叫咗 :1) 餐湯 (免費)-喺西洋菜紅蘿蔔湯-ok,勝在住家味,唔似味精湯2) 金牌鹽焗雞 x 2 -相為1/2隻-肉滑,夠入味,所以都唔洗蘸伴來的醬汁3) 豬扒包 x 6-友人有推介我哋食豬扒包-原來喺吉列做法-個包本來唔錯,可惜豬扒有種油"益"味,大大扣分4) 蒜蓉炒菜心 x 2-鹹味偏重5) 生菜 x 26) 臘腸蒸滑雞飯餐 (hk$26)-雞肉滑,但調味亦喺比較重手-跟1杯茶飲7) 雪菜肉絲炆米-幾多雪菜-但又喺幾鹹吓8) 鹹魚雞絲炒飯-幾有鑊氣嘅炒飯,今次呢個鹹度合適,無重手到9) 炒麵-我無試到10) 乾炒牛河-河粉比較"痴"埋,腍咗d-ok啦11) 咖喱海鮮炒飯-飯炒到1粒粒-咖喱味適中12) 蒸肉餅飯餐-都喺忍唔住叫咗個蒸肉餅試吓-肉餅很鬆,因佢都落咗幾多肥豬肉-呢個味道相對比之前嘅清淡,落鹽幅度手法好唔同,估計出自另1個廚,所以明顯食到豬肉味-跟咗杯凍檸茶13) 飯品-熱奶茶 x 2 (試咗友人1羮,茶味濃,奶味亦好重)-熱咖啡-凍奶茶 x 4-凍檸茶

昨午入大棠打理部車，之後當然來這裡消消暑。去到都傍晚了，差不多打烊，又是星期天，廚房連漢寶包都賣光了，只好叫碗豬扒公仔麵醫醫肚，飲杯凍飲降溫（本來好少這樣做，因為一熱一冷會傷胃）。料不到豬扒公仔麵好好食，不太肥，麵也爽，唔「淋」。　雜果冰好消暑，正！之前攪到成身汗，入來涼涼冷氣，補給之後也沒有那麼熱了，感覺良好。

標題一點也沒誇張。 雖然整條大棠路南段 (元朗公路以南) 都是鄉郊住宅區及零星的車房，但是居民和工人也要吃的。 這裡就是不少街坊的開飯首選! (旁邊"大棠山莊"主要是給遊人光顧的，日日食就太貴了)這裡的午餐碟頭飯或蒸飯每日有五、六款，有中湯有餐茶都只是 $25-26，至今還未加價，大大碟，又足料 ，幾抵架!! 下午茶 (假日沒有)… 個人推薦是魚柳包。 雖然沒法跟紅磡"時新"比，不過肯定好過老麥!! 魚柳炸得好脆!! 大碗面 - 三丸米也不錯的!朋友就至愛吃炸脾，說極為香脆可口。筆者就不敢試了，因為吃後必定附送瘡或飛滋!! 這裡環境一般，不過室內冷氣充足，有電視看，大熱天時都幾爽。清一色的女店員也勤力，經常抹枱。室外有幾張方枱（有上蓋）可自由拼合，平日午飯時間很受吸煙的工人歡迎。 在假日就經常見到帶著大狗小狗，或打完war-game 的”軍人”坐在出面，因為可以高談闊論，比較free。這裡有充足的免費車位，方便駕車人士。對面的空地，停幾部大巴士或貨車也沒問題！