允升甜品

Open Now

Now Closed

堂食每位最低消費$15 (不包括糯米糍)******************************允升出名鴛鴦腸粉同紫糯米皮芒果糯米糍可惜夜晚6點左右去食已經賣哂了只好揀其他芒果甜品試下聽聞允升係長洲必食老字號但係個人覺得網評言過其實堂食甜品水準非常一般***🥢芒西凍奶 $31凍奶上淋上一層芒果西米露西米露芒果味清甜但係凍奶完全冇奶香基本上只食到芒果西米露嘅味屬於試過一次絕對唔會再食嘅甜品😗***🥢芒果腸粉 $31椰汁皮包住新鮮芒果面頭淋上芒果醬食完感覺冇乜特別同屬可一不可再嘅甜品

其實好多年冇食過允升啲糯米糍，但係因為向海嗰間長洲平記難食咗，態度又差咗，所以就買個試一試，睇吓係咪仲keep到以前個水準。結果冇令我失望，芒果甜得嚟又多汁，皮又夠薄。15蚊嚟講我收貨。下次有機會會試吓佢啲中式糖水🤤🤤🤤至於服務態度方面，我個人覺得還算可以。我今日前後去過兩次，第一次去嗰時係晏晝，所以成間舖都好多人。我買一個糯米糍拎走都好似係豬肉榮度買豬肉咁，要爭住嗌要幾多粒糯米糍、要咩。姐姐嘅態度冇特別差，又冇特別好，正常囉。但係第二次去嘅時候係夜晚，舖頭明顯少咗好多人。嗰陣時姐姐就會多啲時間理到你，我俾完錢又會同我講拜拜，咁樣睇落其實服務態度方面都尚算可以。

幾乎每次入長洲都會食既甜品店，但take away 多甜品都好唔錯，價錢親民今日見有時間就坐低食左個蛋白杏仁露見到有唔少蛋白，食落杏仁露又幾creamy,有種杏仁霜mix 煉奶既感覺，好味，都好鍾意呢種杏仁香味，有驚喜但間鋪太多客，唔休做，服務態度差有個老男人serve 客，佢見到有3個學生哥坐兩張2人枱，佢叫佢地坐一張2人枱+比多張凳。好彩其中一個男仔講總共會有6個人，佢地先守得住果兩張枱，老男人仲話6個人只比到兩張2人枱😅其後佢地甜品剛上，聽到老男人問班男仔會一齊比家分開比錢，怕到時逐個逐個比🤷‍♀️我一個人食就坐張2人枱。其間有4個人入黎，老男人就叫佢地坐我隔離一張2人枱，話："你地坐住呢張先，陣間佢走左就拍多張枱比你地"佢=我，即係催我快d 食埋走🤷‍♀️舊派幾好食既糖水鋪，但態度好一般，當d 客趕羊仔咁，feel 唔到應有既待客之道

💬 好多人去長洲食糯米糍都會揀呢間我諗主要都係因為老牌子開得耐所以都決定一試但係食完之後覺得唔算好特別睇到其他人啲comments都係一般般因為我哋係星期一入長洲所以唔算好多人 服務態度亦冇其他人講到話咁差至少冇話我哋唔夠最低消費因為我哋去到嗰陣已經冇位所以樓面有職員叫我哋出去等態度唔可以話好有禮貌但係亦講唔上差🥭 芒果糯米糍個皮好煙韌好好食但係入邊嘅芒果就唔甜有少少酸唔知係唔係因為冬天芒果冇咁當做芒果腸粉個皮的而且確好滑好軟但同樣地啲芒果都係唔甜- 食完堂食就俾錢走咗係臨走出返市區先再去買幾粒俾屋企人反而外賣嗰度個姨姨好有耐性亦都好有禮貌-🤔 而家買呢啲水果糯米糍嘅競爭越來越大都多咗好多唔同嘅口味傳統老店要繼續生存需要繼續保持食物質素同埋服務態度先至可以繼續吸引食客

拎左番屋企後唔記得左影相。。。我平日去間鋪依然好旺場超多人我買左糯米糍外賣佢話買半打就有盒裝好安全啲12點榴槤糯米糍就已經賣哂我就買左5個黑糯米皮芒果糯米糍同1個奶黃糯米糍拎走～出到門口我check 下岩唔岩數一打開盒 5粒有3粒都係爆開皮既...😟😟而且食落特別係奶黃 皮好厚...朋友買左碗紅豆沙即場食味道都係麻麻地...um...下次我黎長洲會試其他間幾年冇黎長洲食野似乎出左名後質素下降中...

入到黎長洲，緊係一定要食依到馳名既芒果糯米糍🤤長洲有很多舖頭都有出售芒果糯米糍，這間是其中一間比較出名的～果然不負所望😋糯米皮薄，芒果十分厚肉，重點係雖然依家唔係芒果當造時節，但芒果依然好甜好好味👍🏻芒果糯米糍大概和手掌心一樣大細，比起其他店舖細一點，但相對價錢亦便宜一點點，以這個質素來說還是可以一試😉這店舖還有其他味道的糯米糍和其他甜品選擇，如果大家對芒果糯米糍沒有興趣，也可以試試其他甜品。

每次嚟到長洲都一定會食嘅允升甜品！佢係長洲元組級嘅甜品店，佢個糯米糍咁多年來依然咁受歡迎，星期六日仲多人，通常下晝三四點已經賣晒，所以想食芒果糯米糍就要早啲去店內環境不大，只有六至八張枱，但係冷氣非常足夠，夏日炎炎就最好入去食返個甜品解暑😂😋佢除咗個芒果糯米糍係必點之外，鮮雜果凍奶都係好正！鮮雜果好新鮮，芒果好甜，奶凍係好甜滑，食完好涼爽，再加三花淡奶令到成個奶香味好濃好好食，招牌芒果糯米糍做到個皮好薄好煙韌，芒果肉都好大粒好甜，係即叫即整好新鮮，咁多年來都可以keep到個水準真係好難得！推介！

唔係發生喺本人身上，路過有d睇唔過眼。 話說食緊個綠豆沙豆腐花，糖水係ok嘅，食食下有一男一女入左黎，坐低叫左個糖水同一個糯米滋，跟住個呀姐，寸過馬咩咁話佢地，上面張紙係咪唔識睇？！ （果張咩每人最底平均消費幾多幾多蚊，咩糯米滋唔計果張） 跟住人地都已經即刻再諗食咩，好明顯之前係冇睇到張紙啦，仲要喺度大大聲咦咦吟吟，keep住寸緊佢地嘅語氣話睇唔明駛唔駛解釋你聽？ 其實人地睇唔到有乜奇？ 直接講聲有最低消費唔得咩？ 真係需要咁嘅態度咩？ 以前入親長洲都會黎食，但相信以後都唔會再黎

對上一次入長洲已經係4年前，黎長洲我最期待食芒果糯米糍，個次都有幫襯過呢間，記得個次最後要買返另一間芒果糯米糍彌補失望，今次打呢篇食評係要提Vivian下次唔食🤣🤣Vivian係網上睇到話呢間係元祖芒果糯米糍，咁以為冇死，點知都係要Vivian失望😮‍💨Btw入座要每位消費$15（唔計糯米糍），Vivian叫左芒果同榴槤糯米糍&什果凍奶芒果糯米糍（$15）榴槤糯米糍（$17）睇圖都見到超級厚皮😐呢d果肉糯米糍既精粹係皮薄餡靚，呢個係相反，極少果肉，皮極厚，我食完都無言了，我不如食燒餅仲好，最後Vivian又好似上次咁，臨走係出面路口個間買返個芒果糯米糍食🤣🤣即刻gur返什果凍奶（$31）如果冇order呢個，Vivian真係會比第一次負皮，呢個仲好食過糯米糍，但都只係正常水平，下面個凍奶好水，其實都係正常偏下，Vivian好厚道了。Overall好唔好食？唔好會唔會再幫襯？唔會for sure

長洲糯米糍篇：允升甜品嚟到長洲想食糯米糍一定識允升，無食允升5年好似差咗好多，皮厚咗好多，無咁好食！🤦‍♂️😭芒果糯米糍$15（7/10）皮厚，芒果少少酸，5年前食唔係咁！榴槤糯米糍$17（5/10）有少少苦，榴槤唔靚，皮仲厚過芒果糯米糍個皮，可能榴槤肉貴，整個皮厚d感覺大粒d！個人口味總評分：6/10地址：長洲新興街5號地舖#芒果糯米糍 #榴槤糯米糍 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfood #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong

有一排冇嚟長洲，見到又多咗啲新餐廳同cafe，本來想試下，但朋友帶路，話買芒果糯米糍一定要嚟呢度，所以最後我哋仲坐低食埋甜品。我係好抗拒餐廳用即棄餐具，因為唔環保，同埋感覺趕客，好有心理壓力係要快食快閃。朋友點咗楊枝甘露，我就食雪糕奶凍。兩款甜品都幾細碗，用膠兜裝住，我睇到都唔係好想食。雪糕奶凍的味道一般，雪糕係現成的，而奶凍就唔係太有牛奶味。喺呢度食甜品，可能係環境、食具的影響，係少咗平日果份雀躍，食完亦唔會感覺好滿足，只係有啲嘢放咗落肚咁。外賣咗半打芒果糯米糍。食的時候，我覺得糯米糍個皮真係好煙韌彈牙，好好食，不過啲芒果就唔甜，可能而家唔係當造（？），食落仲有少少酸添。下次有機會再嚟長洲，我會試下新開的餐廳、cafe，可能反而仲有驚喜。

允升甜品我細細個已經聽過依個名🤣🤣，真係有以前中學同同學去camp，再度出咗嚟做嘢間唔中去長洲，都一定會返嚟呢度食下甜品，係回憶嘅味道🫶🏻😊。講到最出名就當然係芒果糯米糍，今次就外賣左幾個返屋企食，冇影到相，而喺堂食食咗芒果豆腐花和芒果西米露奶凍，水準就正正常常，勝在行到熱辣辣嘅時候有個位坐低涼下冷氣，都幾舒服。提提大家，雖然糯米糍店舖都默默手不停做，但如果想一定買到返市區，記得早啲去買預留，如果唔係都會有機會賣晒。同埋堂食設有每位最低消費，記得留意吓😄

早啲6,7年前，每次入長洲都個嚟食呢間糖水舖，但係之後陸續開咗好多新舖頭，就冇乜嚟過了，今次久違見到入面有位就入嚟坐低、消吓暑🥵🥵-🐾椰汁芒果腸粉$29面頭啲芒果汁濃稠，用新鮮芒果打，夠甜夠香😌腸粉非常之滑，又夠薄，就咁都透到入面嘅芒果出嚟🤤入面嘅芒果都大大件，又甜又新鮮，成個配搭有唔同層次又好夾，好食，大推🥳-🐾芒西凍奶 $31芒果西米露同奶凍各佔一半，係細西米，煮得啱啱好，有啲咬口🤓一啖有齊芒果同奶香，好滿足，但係奶凍太出色，奶味相對特出，芒果西米露就變咗配角🤣但係都好食😘

因為好耐無食過允升既芒果糯米糍所以決定特登入去長洲食 順便行下🤣由以前細細個到依加每次入長洲都一定會去允升食芒果糯米糍咁多年質素都無變不過芒果始終要當造先好食所以今次食既芒果唔係好甜不過依然好味😋

✨長洲芒果糯米糍 至於其他食物係…幾？✨.講到長洲嘅名物，相信大部分人都會諗起允升甜品嘅芒果糯米糍🥭難得6月底嘅星期三去到長洲，天氣又勁熱，而小店亦冇咩人就試下堂食～堂食設最低消費，每位要叫一個$15以上嘅甜點，唔包括糯米糍，我哋就叫多兩個糖水試下ʕ•ᴥ•ʔ.▫️芒果糯米糍 $15（8/10）每次去必叫，皮薄餡靚，芒果夠甜所以幾乎次次去親都會食😋.▫️榴槤糯米糍 $17（7/10）除芒果糯米糍外，我係第一次堂食及試允升其他甜品，槤榴餡幾簡亦夠creamy味道幾濃厚，個皮雖然都叫煙韌，但略為厚咗少少🤏🏻.▫️榴槤凍奶 $38（6/10）凍奶好食，有少少入口即溶feel，但啲榴槤肉同糯米糍完全唔同，又硬又澀🥲.▫️芝麻糊豆腐花 凍 $20（2/10）豆腐花正常，但配上稀到不得了嘅芝麻糊，感覺真係好唔掂🤣難食到食咗啖冇再食.❥…除糯米糍外，今次叫嘅糖水都好麻麻，除非來搵個地方坐下抖抖，唔係嘅話覺得只需食糯米糍就夠🙈.如果鍾意我嘅𝐏𝐨𝐬𝐭 (˶ˊᵕˋ˵)希望你可以𝐅𝐨𝐥𝐥𝐨𝐰我@fibee3b