元帥麵館

Open Now

Now Closed

星期一午飯時間，一入去就有位。點咗一碗豬骨湯豬扒米線、一碗蕃茄湯封煎黃花魚幼麵、一杯熱檸水。等候時間唔算長。兩款湯都夠哂濃，厚身嘅，落足材料。蕃茄湯蕃茄味十足，加咗啲香料，令湯更有層次，有幾嚿蕃茄，好味。幼麵爽彈，吸咗湯味，我鍾意。豬扒大大塊，表面有啲油，但係炸得比較乾，咬落去表面有啲硬，整體還可以。我本身唔鍾意食魚皮，開頭淨係食魚肉，有啲腥，要同湯、元茜或者葱一齊食先得。但係因為炸咗嘅魚皮好難夾開，於是中途開始連皮食，先發現魚皮炸到好脆好香口，連皮食魚肉就唔腥，呢個先至係正確食封煎魚嘅食法。食到淨翻魚頭，平時我唔食魚頭嘅，但係最後都係睇下佢炸成點。魚頭都係炸得酥脆，頭骨都可以食，油脂香十足，勁好味。兩款麵，一碗一流，一碗掙啲，响呢間嘢度食，可能要揀啱嘢食先得。侍應都算有禮貌。餐廳油煙味唔大，但係我嘅口罩都吸咗少少油煙味。

多次電話外賣，都要到店等半小時以上才拿到食物！ 另有一次order 咗水餃麵，但回家後發現完全沒有水餃！跟着致電食店，店員主動說下次補回！可是他下次補回的只是兩粒水餃，而不是賠償我之前order的水餃麵漏給的水餃數量，令我感覺不良好，好像他在說我在騙食物般！

第一次來元帥麵館吃的是招牌胡椒豬肚雞面，雞肉和豬肚都比較老，而且面分量太多（其實是優點），但面一般般，比較失望。但後來日日經過都發覺堂食的人唔少，所以再去多一次試試，發覺它的米線比面好吃，而且粟米餃子不錯，煎封黃花魚非常新鮮，而且有著淡淡的孜然香味，相當惹味。

夜晚去咗呢間元帥麵館分店開餐可能近工業區 所以好多位個位唔多人食叫咗個酸菜魚薯粉我本身唔食得辣但又好鍾意食酸菜魚咁好開心啦 呢間有得走辣點知⋯⋯唔單止走辣好似連酸味都走埋 😅得2條酸菜⋯⋯ 珍貴到呢🫨個職員話係正常😅成碗麵得個「鹹」字連芽菜都冇⋯⋯可能係我期望太高喇最後鹹到都食唔到食完好口渴 勁飲野🫠佢開咁多間分店 可能其他麵係好食？但酸菜魚就真係唔得 冇下次👎🏻不過短期內都應該唔會試其他麵寧願食第二間

前往元帥麵館最簡單既方法係從朗屏站F出口出，會見到朗屏8號，對面馬路就係。Lunch time 都幾多人，不過好彩仲有張二人枱，叫嘢食用二維碼，餐牌圖文並茂一目了然， 我同朋友各自叫咗一碗 share ，價錢則介於40～60左右，份量亦好足夠，Lunch 嚟講正常夠哂食，另加飲品7蚊。✔️元帥胡椒豬肚雞湯麵（小辣）～足料，胡椒味夠濃，加上配料嘅香味，真係好好食，不過這個小辣比預期的辣，唔食得太辣嘅就要注意。✔️元帥小鍋經典米線～同樣足料夠味，一般小鍋米線應有的都有，味道也不錯。👍

雖然環境比較普通，但佢個小鍋米線同雞翼真係不得了，次次都係食呢款今次試埋鹽酥雞，份量大幾抵，但比較乾身，都係食返雞翼最好！加既菜份量都ok !係我同家人經常黎食既飯堂

平日2點左右去食，人唔多，都易攞位，QR code 點餐，正正常常，冇耐上咗杯熱檸茶，但唔知點解熱檸茶要插埋支紙飲管俾你，都打咗個突，之後嚟碗米線，正正常常，不過不失，因我叫的係豬扒米線，個姐姐有講豬扒再送嚟，依刻都覺得還可以，冇耐，豬扒到，乾身鞋柴，乾到都分唔清係香草味定香茅味！好啦，食完走人，俾錢時，我問佢拎toilet key! 收銀姐姐話冇，我打了第二個突，我用8達通俾錢又話冇！我即刻明白點解香港飲食搞到咁差！話說佢個廁所都唔係係佢間食店內，係佢商場內！