元朗為食街

Open Now

Now Closed

由細食到大，次次去元朗都會想食既蠔餅就係呢個為食街蠔餅，即叫即炸，大大塊蠔餅都只係40蚊，食完絕對會飽，唔食蔥同芫荽仲可以走青，不過就貴少少48蚊一件。重點係佢個辣汁，酸酸辣辣勁好味😋

呢個角落位，每次經過都會有幾個人排隊買嘢食，而且仲要開到深夜時份，完全係岩哂夜貓人士做宵夜。除左蠔餅之外，其實佢仲有煎釀三寶，魚蛋燒賣其他小食，所以都吸引唔少人幫襯。今次經過就淨係叫左蠔餅，等蠔餅嘅時間唔算太耐，大概10分鍾左右，因為蠔餅即叫即整用，所以新鮮熱辣嘅時候最好食，蠔餅嘅size都幾大塊完全足夠兩個人分享，蠔夠新鮮所以亦都冇腥嘅感覺而且仲都幾大粒下，佢嘅酸辣汁同蠔餅係絕配，食得辣嘅我表示辣汁唔算太辣，如果愛食芫茜嘅仲可以叫姐姐比多啲👍

油池：點解無啦啦想食呢度嘅油池呢？係一位相熟潮州叔叔推介嘅，佢大讚話呢度嘅油池好好味，於是就行過嚟食吓。食完覺得好似食緊蘿蔔糕咁，不過就重味過蘿蔔糕，鹹香加胡椒味，脆口！飽肚，15蚊拳頭咁大粒好扺食。不過成件事太油，有名你叫油池，名不虛傳，少食試吓無妨。👍🏻煎釀三寶，茄子、紅腸、豆腐：我揀咗泰式辣醬口味，大件夾抵食！暫時嚟講係我食過最好味嘅煎釀三寶，皮脆肉多，20蚊有六件！總結：推薦指數⭐️⭐️⭐️⭐️鍾意食煎釀三寶嘅可以試吓呢度嘅😋

呢檔嘢已經好多年以前喺嗰頭附近返工成日都會買， 但係琴日經過買咗碗仔翅同炸魚蛋兩樣都好難食 ， 個碗仔翅喊到不得了飲都飲唔到 ， 炸魚旦一啲味道都冇淨係又厚又粉，以前呢度啲碗仔翅同煎釀三寶好好食，但係大不如前

是日經過呢間好出名既小食店😋📍位置係元朗朗屏平時見好多人係到等今次叫左6件煎釀三寶，一碗生菜魚肉🍜生菜魚肉好食魚蛋加左蔥 好彈牙 唔會粉魚肉🐟好入味 ，生菜🥬都幾多個湯好飲😋

每次想食蠔餅，就會諗起為食街我相信全元朗最好食嘅一間即叫即炸D蠔又夠新鮮，完全係冇蠔嘅腥味加埋葱香，真係夠哂惹味附送嘅泰式酸辣汁，同蠔餅出奇地夾，令蠔餅減少油膩感, 提升到蠔餅嘅鮮味仲有份量都好大件, 兩三個人share一件都好夠每次都好多人排隊，慶幸上次唔使排

元朗熱門宵夜之選 夜晚每次黎都好多人呢間係我唯一keep住幫襯嘅壕餅只供外賣 即叫即整 味道一流😋不過又加價了💸🥺.🐈🎀 ᴛᴀsᴛᴇ: ★★★★☆ ᴠᴀʟᴜᴇ ᴡᴏʀᴛʜ: ★★★★☆ .▪️壕餅 - $40落單完後即場用調好嘅漿炸成一大塊壕餅 新鮮熱辣辣 正🤤🤤🤤份量一個人食嘅話基本上可以代替正餐建議兩個人share 少食多滋味💗壕仔大粒得黎 又多 可以叫埋多芫茜🌿口感香脆 味道鮮甜 配上辣汁很惹味 會上癮💯✨.

·炭燒豬頸肉(辣汁)HK$16好味指數：9/10朋友介紹嘅一檔小食店，豬頸肉🐷火候控制得好好，燒到好靚，唔會太乾，配埋佢特製辣汁，辣汁類似沙嗲醬，有啲花生🥜味，但係我本身好鍾意食🌶🌶🌶辣，佢隻辣汁辣度非常足夠，好耐冇食過一檔咁高質嘅串燒店。

🍽 餐廳：為食街 (元朗)📍 地址: 元朗教育路新基樓地下🍴元朗馳名蠔餅$40、鳳爪👍🏼👍🏼👍🏼👍🏼其實都唔駛多講，呢間蠔餅元朗出曬名，次次經過教育路都被佢煎蠔餅果種香味吸引住！😋即叫即煎，料又多蠔仔當然份量好多啦！仲煎到香香脆脆～100分呀！今次冇叫鳳爪，不過上次食過，都係好好食呀！🤤🤤🤤🤤🤤只有外賣🥡冇堂食。

蠔餅🦪肥姐蠔餅就食得多 唔知尼間有無肥姐咁正呢？結果都係失望 佢嘅蠔份量好少 食曬成塊可能得6-7粒左右 多數食到都係粉 相比起肥姐啖啖都係蠔仔 尼舖慘敗 不過佢比嘅酸辣醬汁非常惹味 都算加返D分🌶️酸辣鳳爪不得不讚嘆 酸辣鳳爪對比起蠔餅 份量足太多 滿滿一兜鳳爪 每隻都浸到酸味十足 加上佢嘅泰式酸辣醬 畫龍點睛 辣度酸度都滿分 完全停唔到口呀🤤

每次入去元朗都會幫襯嘅一間小食，係真正地頭蟲先識去嘅為食街蠔餅😋一試便知龍與鳳。配埋個甜辣汁就更加惹味👍近期防疾措施比之前鬆咗少少，可以喺店面開張摺枱食，唔洗只限外賣咁慘慘豬😵唔知頭唔知路朋友，通常以為元朗蠔餅只得一間，走去大水渠肥x蠔餅度排隊，因為人地出名嘛。🙈🙈🙈但其實，如果想食真正啖啖有蠔嘅蠔餅，而唔係齋食粉兼受氣的話，條路自己識揀啦。除咗蠔餅外，其實亦有煎釀三寶，炸椒鹽燒賣等小食，入開元朗嘅朋友可以去試下呀

元朗有間好出名嘅蠔餅，好多人排隊，但係呢間真係街坊先識嘅小店，比X姐大塊又炸得仲好食之前朋友未介紹呢間俾我之前都食過幾次X姐，食過呢間之後就冇食過X姐了，仲要平好多，呢間小店係X姐嘅附近，除左賣蠔餅仲有賣好多唔同嘅小食，煎釀三寶、乳鴿等等有幾次食X姐都覺得佢炸得唔夠脆同細塊咗，後尾住元朗嘅朋友就介紹左我食呢間真係炸得勁香又入味，蠔仔🦪都多過人，買過幾次質素都好穩定，推介留意番佢5:00pm先開始有蠔餅賣

邪惡宵夜鐘意食熱辣辣香口野的朋友必試。 差不多每個禮拜都幫襯至少1,2次。 有留意到， 雖然炸物多， 但炸爐上磁磚乾淨， 無乜油污，好難得。 炸乳鴿$52/隻： 似係有鹵過， 客人即叫即炸， 普通size, 但勁juicy, 外脆內嫩，成日都會encore 至少買1隻返屋企用手撕開黎食。 唔洗醮野都好夠味。 暫時覺得最好食的炸乳鴿。 炸魚旦：熱辣辣，又大粒， 有乒乓球大細， 彈牙又有魚味，個人鐘意醮豉油食， 一次1個人食10粒差不多，今次買少左， 差d 食晒唔記得留俾男友😆 暫時覺得最好食的炸魚旦。 椒鹽四季豆$25/份： 小食店新野，試下，但一般， 成條四季豆， 1隻手掌大， 無切段， 只炸過加d 椒鹽， 味道一般， 不過不失， 如果可以整到好似百利來的椒鹽四季豆甘就好啦。

食過n間打冷嘅蠔餅都係重油膱味但為食街嘅蠔餅真係外脆內軟🦪蠔同蔥嘅份量都多啊 加埋秘製辣汁超正😋如果唔食得辣可加側邊試吓味先🙆🏻‍♀️一份2個人share剛剛好～👭🏻👩‍❤️‍💋‍👨如果當晚餐就可以一人一份 好夠飽的驚熱氣可加$20買靈芝雞骨草涼茶下火🤣旁邊有煎釀三寶🍆同其他炸野🔥 我平時多數黃昏時間買 唔算多人但夜晚/宵夜時段多人的話就需要等一陣 一次會炸幾塊蠔餅的唔洗擔心等太耐😆

好多年前喺旺角某小食檔食過油池之後就愛上，不過嗰間小食檔已經冇咗好耐，而且周圍都唔見🈶️🉐️買。好好彩🈶️次比老公見到呢到🈶️，就即刻買俾我食，從此每次去親元朗都一定會買來食。外面夠脆，裏面料好足，粗條嘅白蘿蔔絲真係好夠味😍佢嘅蠔餅都好味㗎，又係每次必食。點知今次發現原來連個炸魚蛋都好好味，唔會淨係成舊粉團咁😋炸魷魚酥都好好味，唔會話好多炸粉嗰啲，真係啖啖肉🤤每次去親都買一大堆小食🤣準備嚟呢度搵食嘅要注意佢係逢星期一休息㗎😉