元朗為食街

Open Now

Now Closed

邪惡宵夜鐘意食熱辣辣香口野的朋友必試。 差不多每個禮拜都幫襯至少1,2次。 有留意到， 雖然炸物多， 但炸爐上磁磚乾淨， 無乜油污，好難得。 炸乳鴿$52/隻： 似係有鹵過， 客人即叫即炸， 普通size, 但勁juicy, 外脆內嫩，成日都會encore 至少買1隻返屋企用手撕開黎食。 唔洗醮野都好夠味。 暫時覺得最好食的炸乳鴿。 炸魚旦：熱辣辣，又大粒， 有乒乓球大細， 彈牙又有魚味，個人鐘意醮豉油食， 一次1個人食10粒差不多，今次買少左， 差d 食晒唔記得留俾男友😆 暫時覺得最好食的炸魚旦。 椒鹽四季豆$25/份： 小食店新野，試下，但一般， 成條四季豆， 1隻手掌大， 無切段， 只炸過加d 椒鹽， 味道一般， 不過不失， 如果可以整到好似百利來的椒鹽四季豆甘就好啦。