Video
6-min walk from Exit A3, Wan Chai MTR Station
continue reading
Payment Methods
Above information is for reference only. Please check details with the restaurant.
好多人都大讚呢間野掂，今日facial前就買左兜黎醫肚。買左個孖寶 （招牌香菇豬肉燒賣 x 自製白魚旦）加咗辣椒油，惹味好多！白魚蛋超級彈牙！燒賣真材實料！好有肉感，比魚肉燒賣飽肚得多！
continue reading
今次落開灣仔就去皇后度買咗幾包急凍燒賣閒時返屋企都可以蒸返黎食返到屋企存喺冰格然後拎出黎稍為解凍之後隔水蒸15分鐘就有得食呢個燒賣係豬肉燒賣唔係平常買個種白色魚肉燒賣蒸熱咗之後好大陣冬菇味撲出嚟咬落去都比魚肉燒賣有口感太多了試過返唔到轉頭食叮叮點心燒賣去鋪頭我比較喜歡椒鹽炸燒賣（不過屋企冇氣炸鍋）配埋個辣椒油可以足不出戶宅在家原汁原味都好夠不過我唸佢冇防腐劑唔會擺得好耐？所以每次只係買幾包細包既希望下次開大食會有機會買大包裝
continue reading
朋友話呢間舖響元朗好有名，而且豬肉燒賣好好食。豬肉燒賣，除左酒樓一向好少舖有賣，所以今次見到灣仔有開左一間就入去食。見到menu有白魚旦，加上推介嘅燒賣，所以就叫左魚旦拼燒賣，咖哩汁。白魚旦，以前響旺角及其他地方食過，所以完全無驚喜。其實佢個白魚旦同其他地方一樣，應該都係人地交來嘅大路野，只係個汁唔同，但都好食。主打嘅香菇豬肉燒賣，香菇有咬口，但豬肉好乾好硬同好“鞋”。以呢個口感，比魚肉燒賣，以及唐記嘅點心都差。整體來講，不值得一試。
continue reading
結婚前住上水成日落元朗食燒賣皇后，搬左沙田之後少去好多，知道灣仔開左分店，所以之前去書展再去幫襯下啦～燒賣皇后除左招牌香菇豬肉燒賣好食之外，佢地既醬（香辣、咖哩、沙嗲）都好好食。魚蛋、燒賣孖寶 （香辣）招牌香菇豬肉燒賣既香菇有粒粒碎菇，而且好足料，而白魚蛋好彈牙，冇腥味，我就加左皇后香辣油，香辣油一定唔係BB辣，但係個辣真係好吸引，令你不停追食但又要飲水😂😂。炸魚蛋、燒賣孖寶（沙嗲）另外叫多多份炸既，雖然炸左但都有香菇味，炸左既燒賣不會太乾，裏面仍然軟，沙嗲醬唔會好辣。咖喱五寶有魷魚、牛柏葉、豬皮、魚蛋、蘿蔔，咖哩濃同埋都有辣度，牛柏葉、豬皮吸哂咖哩汁好惹味，魷魚又有咬口，最正蘿蔔勁淋冇渣。瑞士雞髀都好大隻又入味，雞肉唔鞋肉。皇后碗仔翅都好足料，有黑木耳、粉絲、冬菇、肉絲，不會太杰變左一patpat，又不會太稀變水狀。我仲買埋皇后香辣油返屋企。
continue reading
身為一隻大西北牛，其實我平時成日經過佢地嘅元朗本店，不過因為唔鍾意食魚肉燒賣，所以都無諗過試佢地，點知呢日去佢地呢幾個月新開嘅灣仔店，先發現原來我錯哂！原來佢地嘅招牌燒賣係街頭小食少見嘅豬肉燒賣黎🤣🤣🤣真係一個天大嘅誤會！🐶魚蛋燒賣孖寶（香辣）$20/12粒孖寶可以揀香辣/咖喱/沙嗲三隻味，我就揀左用佢地招牌皇后辣椒油整嘅香辣味，食落未辣到食唔到，但都要飲返幾啖水💦魚蛋係白雪雪大大粒個種（我最憎食陳皮魚蛋😆）食落都幾彈牙；招寶香菇豬肉燒賣個皮唔會好硬好厚，豬肉味唔算好突出，但配埋個辣油都幾惹味，而且食到入面有粒粒菇肉🍄都幾足料！以街頭小食黎講係幾特別！聽講佢地嘅椒鹽燒賣先係最好食，下次經過元朗店應該都會試下😗🐶咖喱五寶（豬皮、蘿蔔、魚蛋、魷魚、牛柏葉）$35佢地個咖喱都係辣辣地嘅，但都係接受範圍之內😗佢睇落唔算好大兜，不過配料嘅份量都幾平均，食呢啲咖喱乜寶最怕就係成碗野得豬皮🥶今次唔洗跌入豬皮煉獄👍🏻魚蛋都係白魚蛋，基本上配咩醬都好食；豬皮、魷魚、牛柏葉都係街頭小食水準，唔會好有驚喜，但就係你預期食到嘅個隻味；值得一提嘅係佢地嘅蘿蔔！煮得好淋，食到蘿蔔味，而且有少少🤏甜味，好夾個咖喱汁🤪🐶皇后碗仔翅 $20都幾大碗🤣🤣🤣每啖都食到啲料，食到最尾都仲有，食到飽哂🤣一碗碗仔翅加份魚蛋燒賣當lunch都okay，配埋醋、麻油、胡椒粉，完全就係香港碗仔翅嘅味道😗🌟灣仔店舖頭都幾寬敞，可以企係入面食埋先行（唔洗係條街又除又帶個口罩🥲）入面仲有冷氣🤣食物質素黎講，始終係街頭小食，唔可以用驚為天人黎形容，但係有驚喜嘅而且價錢都合理（最大驚喜源於燒賣唔係魚肉燒賣🤣🤣我終於可以掃街食燒賣！！）如果行開行埋想食下港式小食都可以考慮下！（唔洗幫襯龍津七仔個啲🙃）
continue reading