元朗燒賣皇后妙舒 (Closed)

下午茶食得太飽，加上就黎夏天要食少d減肥，諗住都係食d肉就算😎但係市面小食通常都係煎炸，甘咪仲肥？有d掛住灣仔燒賣皇后d蒸燒賣， 於是又去左，不過晚餐食燒賣天好似太少，於是揀左新野瑞士汁雞髀🍗雞髀賣相冇特別不過大大隻，一拎上手就下陣香味撲鼻，流晒口水，瑞士汁好入味，雞髀肉又嫩又有咬口，好正🥰💕食完一隻好滿，可以做到7分飽，實在太好喇原來仲有急凍瑞士汁雞髀可以買返屋企，連包裝煲返熱就食得，諗起都滋味，即刻買返兩隻返屋企看門口！

又冇堂食，又要外賣加三蚊，啫係焗住俾啦。🤷🏻‍♀️碗仔翅ok，不過唔係驚為天人燒賣個味道幾好，有菇味，不過個口感太腍身，冇乜彈牙感。本身食物已經偏貴啦，加嗰三蚊真心唔gur。唔係俾唔起，不過唔好同我講係因為外賣加三蚊囉

本身最鍾意街,燒賣魚蛋最基本野啦! 燒賣皇后灣仔有分店太興奮,唔洗去元朗都食到美味燒賣! 不嬲食開蒸香茹燒賣,燒賣肉味茹味香,彈牙實身,唔會一pat 粉, 今次靚仔店員介紹試左椒鹽燒賣, 果然香口惹味,可以咩醬都唔點, 好味賣相唔靚但係有內涵,冇介紹錯! 另外試埋三溝,有翅,魚肉同生菜, 好足料,本身肉絲已經多,加埋魚肉同生菜,好滿足,翅稀杰剛好,唔會食到最尾水流流, 女仔食一碗都幾飽其實仲想想試埋牛肉,盆菜,雞比..... 可惜胃只有一個,唯有下次再食

Queen of Siu Mia 燒賣皇后👸灣仔店行行下街口痕，但又唔係好餓，街頭小食最岩。小店乾淨企理，買黎食都放心d🤩招牌香菇燒賣：本身唔好燒賣，不過黎燒賣皇后都要試下啦，估唔到呢間燒賣香菇味好香，配埋辣椒油，超好味😍不知不覺食晒五粒，相都唔記得左影，最後買埋急凍燒賣返去，同同事分享👍咖喱五寶：有蘿蔔、牛拍葉、魷魚，魚旦&豬皮，好豐富，咖喱汁香濃，yummy🤤追加： 椒鹽炸燒賣：香口惹味，食完一粒又一粒😋食唔停口，唔知急凍燒賣放氣炸鍋整唔整到同樣效果呢😎

菇味香濃，同甜豉油辣油好夾。可惜新開張人流唔夠多，啲燒賣煮得太耐淋晒，完全無口感可言，一Pat 嘢咁擺入口係有啲嘔心，瞬間即化。希望之後多啲人幫襯會好啲，亦希望店員留意蒸燒賣嘅時間。

上次灣仔店新開的時候去過幫襯，食完八寶迷你盤菜之後，又心思思走去食😂，堂食完佢哋嘅招牌香菇豬肉燒賣同皇后碗仔翅之後，燒賣好好食👍，皇后碗仔翅真的好足料😍，好好食👍，經佢哋職員介绍，原來佢哋仲有急凍食物賣添！真係正😍，真係好方便👍，但佢哋剛剛賣晒急凍皇后碗仔翅，要等下次先再來買了，所以我買了4包急凍香菇豬肉燒賣同1樽秘製辣椒油回家做宵夜，返屋企嘆嘆先😋

等左好耐，灣仔終於有高質好食嘅燒賣店啦!燒賣真係好好食，價錢又非常超值$20 有5粒!而且食物選擇都有好多，除左燒賣之外，仲有自制白魚蛋，可以叫個孖寶食，一次過可以食曬兩種食物下次一定會再幫襯，試埋其他小食

元朗燒賣皇后-喺香喺灣仔開咗間分店，都幾多學生、女仔黎買，入邊有我最鍾意嘅街頭小食，燒賣、魚蛋，生菜魚肉、雞髀、雞翼，總之好多街頭小食😋😋但係係乾淨版👍🏻👍🏻我買咗份燒賣魚蛋 HK$21味道OK，燒賣唔會好粉，魚蛋彈牙👍👍