光記粥品腸粉美食店

Open Now

Now Closed

近排食滯左，想食返點清淡點見到有間粥店好多人排，就試試。叫了一個套餐（粥加腸粉）菜乾豬骨粥配叉燒腸：果粥煮得好綿，好多豬骨係入面。粥底唔會好稀，好味。叉燒腸果粉皮好煙靭，唔會粉。非常之抵食。

清清地，想食點粥，之前見雜誌介紹過，今日就黎試下先，叫左碗艇仔粥，叉燒腸。 艇仔粥好足料，好多碎牛，粥好軟綿綿，夠新鮮，本人因為不食花生關係，所以走左花生，不過外賣太熱，好像有點發泡膠味，所以可能都係堂食好點。 呢度腸粉真的不錯，皮薄，足料，口感豐富，唔會覺得成口粉，讚，值得一食。

又到覓食時間喇✋🏻🏃🏼睇完戲都好夜 已經無乜餐廳 個腦就出現左 👅「光記粥品 」依間既出品以小店黎講真係無得輸 佢個粥底有腐竹 所以食落好綿同淡淡豆味 佢最出名係個蜆粥 但我去到已經賣哂😯留意覺佢係5pm後先有粥品供應🙄1️⃣韮菜餅😍一啖一個 熱辣辣 料不會多到爆 可以一試既 2️⃣蘿蔔糕 加埋甜辣醬 3件其實會令2個人爭食😁3️⃣蝦米腸 好滑!係自家制先做到咁!必食!4️⃣鳳姐排骨飯 25大元 岩岩新鮮蒸起 加埋甜豉油 好食!------但好鍾意粥配炸兩既朋友留意依到係無既 😭有就真係無敵😫整體環境：😋😋😋🌚🌚（3分）整體味道：😋😋😋🌚🌚（3分）整體份量：😋😋😋😋🌚（4分）整體服務：😋😋😋😋🌚（4分）性價比：😋😋😋🌚🌚（3分）翻吃：👍🏻👍🏻👍🏻✊🏻✊🏻（3分）

食粥，是香港飲食的其中一個特色，我細心地留意過周邊的國家及城市，的確只有香港、台灣及廣東地區，會有粥品專門店這東西，然而，台灣的傾向小食大檔之列，乜都有得食，國內的，除連鎖店外，專業賣粥的，也許只是街邊的檔仔小販。以我暫時的遊歷來說，好像只有香港的粥品店可以做到集團化。是日說的並不是集團化的那一間粥店，而是那些最平民，專業為街坊服務的粥舖，而我來到的，就是位於我經常出沒的屯門景峰一帶，位於景峰巴士站旁的《光記粥品腸粉美食店》。這《光記粥品腸粉美食店》，是典型的簡單粥品店，以粥同油器為主，加有腸粉同魚蛋小食，仲有蒸飯等等的，出品全都是經濟抵食的街坊小店美食。食粥，十個香港人，有九個半都喜歡食皮蛋瘦肉粥，而皮蛋瘦肉粥的精髓除左是粥底要夠綿之外，瘦肉香嫩有味道，皮蛋味道濃帶流心也是重要的。是日我食的粥，單以瘦肉來說，嫩滑有味道，已經是夠高分，皮蛋，味道濃郁，但不要苛求糖心、流心，夠味濃，夠香滑，再加有夠綿的粥底配搭，已經是十分好。上圖的 menu，有一個豬心腸粉，咁少見，咁特別，當然要試下啦。豬心的口感，是爽滑彈牙的。其實，布拉腸粉用什麼餡都是大同小異，最最重要的是粉皮的質素同豉油的質素，是

景豐算是屯門區其中一個食肆集中地，要從當中突圍而出實在不是容易。但每每當我經過，光記粥品門前總是會有一批人在等位子或是等外賣的，而我覺得以光記的質素來說，排長龍也不是沒有理由的。雖然粥品二十多元一碗對我來說是有點貴，但光記的手拉腸粉配菜乾豬骨粥也只是32元，套餐價錢又不會太過分。粥腸粉套餐($32)豬骨粥豬骨香味濃郁，粥的水準比起三四十元的旺區高檔連鎖粥店有過之而無不及。手拉牛肉腸粉由於製作需時，在下單後等了十多分鐘。原先還有點不耐煩，等吃過第一口以後就知道為何此道腸粉需要等候這麼久。一咬下去腸粉不會太結實或是呈漿狀，非常爽滑，而本人素來喜愛牛肉腸粉，加上粥品質素也屬高水平，所以對這個套餐非常滿意。鳳爪排骨蒸飯($21)蒸飯用鐵碗盛著，蒸起來飯的顆粒感會更強烈，配上醬油和鳳爪排骨，是我和女友每每到來必定一嘗的菜式，還有臘腸可以供食客選擇。咖哩魚蛋($16/3串)咖哩汁辣味足夠，而魚蛋則是街市常見的小顆粒狀魚蛋，咬下去有口感但魚蛋味道一般，唯配合不錯的咖哩汁，所以此道菜亦不過不失。

光記粥品芥蘭加餃子咁樣嘅配搭只係$16蚊真係今時今日仲想點......你贏!平時食開嘅排骨飯同腸粉質素都幾好尤其係鐘意佢即叫即整最令我感動推介:排骨飯　腸粉　餃子　芥蘭　聽講個水蟹粥好似幾好天氣涼啲再試下先

搬了入屯門, 幫襯光記小食店好多好多次, 是我的忠實飯堂, 不二之選!點解今次要寫食評, 因為今日食左d 新口味, 新花款 - 水蟹粥$33 一碗水蟹粥, 并非水蟹, 花蟹也! 蟹肉相當飽滿, 鮮味無窮! 另一點要提出是, 蟹洗刷得好乾淨, 值得一讚!!順帶一提, 每次必食的即拉腸粉, 今日又食蝦腸, 真係好好味, 腸粉好幼滑, 絲一般的感覺 !

昨天長途跋涉入到屯門找朋友砌機, 晚上跟朋友到了一間外表平凡的小食店坐了下來, 睇起上黎都唔慌有好野食.....間小食店- "光記"響景峰站對面, 唔知地址係唔係青翠徑.....朋友一坐低叫左個排骨飯 + 魚蛋, 魷魚, 雞翼尖, 我連有咩食都未知, 照跟叫左個排骨飯食先, 跟住發現有腸粉食, 叫左碟蝦腸, 嘩, 我仲見到有個人響入面即拉腸粉.....勁啊!排骨飯: 好食, 排骨有肥有瘦, 其實我最鍾意食D飯, 超好食, 好大粒, 應該有溝米, 真係酒樓蒸飯果D飯, 好味! 蝦腸: D蝦, 無雪味, 爽身! D腸粉好香滑, 有陣陣嘅米香, 好薄身! 拍得住高級酒樓或酒店式酒樓, 一句講晒, 好好味!! 無得頂!魚蛋, 魷魚, 雞翼尖, 我無食, 不作評論....間食店有好多人食粥, 可能好好味, 我都好想叫一碗食, 不過太熱了, 等下一次, 不過唔知幾時才入屯門了!

一. 粥店的生滾粥有不同餸料配搭我經常點魚腩跟雞,果到老細係即執碼即煮的煮到成碗粥都係甜甜既魚味真係勁好食二.鐵板小食果度有鐵板雞亦尖和雞亦,配以黑椒汁上碟好惹味,我經常都買回家嘆啤酒