光記粥品腸粉美食店

Open Now

Now Closed

之前都食過幾次不過都係叫外賣今次係第一次堂食 😂😂店舖位置真係唔多 不過入邊環境都企理乾淨👍🏻鮮味蜆粥😻😻呢個價錢食到咁嘅「蜆量」真係好抵蜆味道鮮甜而且冇沙 抵讚👍🏻大蝦腸粉🤤腸粉皮薄 大蝦好彈牙 配埋個豉油好正韭菜餅 我自己覺得幾好食 不過係有少少油

一直以來都好支持香港特色食物，尤其是小食，今次經過呢度，見到有豬腸粉，價錢唔算好平，算係中上，不過質素就係中下，以下詳細說明第一，等待時間超長，我只係要一個腸粉，不過等咗四個字，天氣咁凍，企喺出面等咁耐，我真係覺得唔係幾好，如果佢預計自己要等咁耐，客戶俾錢嗰陣時應該就要講定先囉，如果我聽到要等四個字，成20分鐘，咁我一定走先，唔使喺度等咁耐，因為一般呢啲嘢真係5分鐘就可以拎到手，就算即叫即做都係10分鐘以下第二，啲醬汁竟然就係普通李錦記嘅醬汁，成盒腸粉，淨係配一包甜醬，一包麻醬，如果要加多啲長，就要加錢，咁我加錢啦⋯⋯第三，腸粉質素好一般，我同老公兩個食完之後嘅評價，就係7–11嘅好食啲⋯咁下次我去對面7–11買啦第四，佢交由我手嘅時候啲腸粉豉油已經流晒出嚟，唔明點解可以放到咁，佢話要轉個袋，咁唔使啦，浪費膠袋，佢一開始放好少少咪好囉⋯然後我加錢加醬汁，佢竟然將啲醬汁就咁放入豉油膠袋裏面，我冇咩好講，裏面咁多豉油，直接交我手就得啦⋯⋯

剛搬來景峰，隨便去食碗粥，竟發現光記比其他市區粥店都好吃，還有牛肉腸，韭菜餅和煎的小吃必定要試，不是很多粥店有的。蒸飯，蜆粥我未試，不過店員（好像是一家人）十分友善，食碗粥像親人煮俾你的感覺，分別就是要俾錢😂還吃過菜心，太太有吃過蒸飯，這些全部都很好吃，雖然價錢比市中心附近坤記比較貴，不過質素都很好，成餐每樣都係好味既，下次我們會試蘿蔔糕，還有其他粥品，不過要記住粥是5pm 後才有的賣，週日休息的，平日晚上不難找到位坐👍

冇食一排，仍然保持水準，我叫左套餐皮蛋豬骨粥拼手拉牛肉腸粉粥底十分綿，豬骨有好多肉食腸粉皮薄餡靚，有好多莞茜很香口，即叫即整，很用心的一間食肆下次經過的話，一定要encore

朋友力推嘅粥品店，梗係要去試吓啦！店入面環境乾淨，唔會太大油煙，最緊要係炎炎夏日下，有涼爽嘅冷氣。有好多街坊都嚟幫襯。叫咗生滾蜆粥、大蝦腸粉同豆漿，腸粉又薄又滑，而大蝦一咬落去，好彈牙，係好明顯感覺到係新鮮蝦！有嗰陣蝦味，仲大大粒！而蜆粥，成碗粥都充滿蜆，好鮮甜！個粥仲好綿。價格方面，見仁見智啦，以粥品黎計係算貴；但以海鮮黎計，又算平喎！本來打算試埋個韭菜餅，但食咗兩樣野已經好飽，下次再試過！好味，值得一試！

D嘢冇以前咁好食！買左牛肉腸粉，皮太厚，牛肉又硬，好似食緊粉團咁，比起一兩年前，差了好多，又沒有禮貌！不可以問嘢！只有佢講嘢！寸到死，不知是否之前太忙，之後越做越差，越無禮貌，下次絕不去食☹️☹️☹️

原本想帶媽媽嚐嚐咖哩，可是那店卻東主有喜，休息一天，唯有和她吃別的。我跟媽媽說不如多走幾級樓梯，上去光記粥品腸粉美食店吃粥和腸粉，這裡每樣都很好吃，媽媽猶豫數秒，最後都被我說服呢，哈哈。媽媽一上到光記看見超多食客堂食和外賣，馬上覺得應該不錯吧，不然不會人山人海。原本想吃滑雞蜆肉粥的，奈何已售罄，只是開賣了一小時多，足見它的歡迎程度，唯有吃魚腩肉丸粥。原先媽媽問我為何沒有胡椒粉，吃粥大多用來調味，我答這裡的粥不需用胡椒粉提味。媽媽一吃，她大讚粥底綿密鮮甜，並有不少魚肉在粥裡，怪不得不用胡椒粉。另外光記把魚腩骨刺去得七七八八，只有藏在魚中間的大魚刺去不了，吃來方便又甘甜。唯肉丸不是手打，若是手打就完美，個人喜歡吃手製的。不過肉丸咬起來蠻彈牙爽口，整體不俗。驚喜陸續出場，大蝦拉腸很難忽視它的存在，大蝦如乒乓球般大顆，被白滑透薄的腸粉皮包得若隱若現，想迅速一親它的幼滑與彈性，又一道擄獲媽媽歡心的佳餚。最後的韭菜餅完美作結，媽媽大感神奇，光記究竟怎樣把韭菜餃煎至餃皮脆中帶滑，她第一次吃到如此厲害的煎餃。而且迷你的韭菜餃卻藏著無窮的韭菜鮮甜，可口極致，口齒留香。

今日媽媽放工個陣心血來潮肚餓想食腸粉 於是帶我去佢話好好食既腸粉 我平時食開個啲都以為好好食 點知依間仲好食 款式又多我地食左個齋腸 原來真係又軟又滑 個腸粉皮一啲都唔厚不過要趁熱食 最好就堂食 但唔太多位 所以我買左外賣翻去都凍左😭😭不過啲醬料唔係咁濃味 ！可能要拎多幾包！仲有佢既韮菜餅皮薄餡靚 細細舊 一啖就食哂🤤🤤而且墨魚餅都好彈牙 唔錯！！至於燒賣魚蛋就無咩特別~~ 下次要食下佢既粥特別係菜乾豬骨粥 我去到個陣已經賣哂！

炎炎夏日竟然想食粥，但粥檔已經唔係周圍有，搭車經過見到光記有開，之前次次想食都撞正佢休息，今次有開緊係入去食返碗咁耐冇食，牛肉腸仲係好足料，個皮夠哂薄，薄到睇到哂入面飽滿嘅牛肉餡，好似仲多過以前咁，加埋啲混醬，真係世界級🤤有腸當然要有粥，種類太多，都諗左一陣食咩。最後決定食我最愛嘅皮蛋瘦，係久違嘅味道，粥底夠綿，唔似得連鎖店食到底得返水，又夠足料店入面仲有其他小食，但我一個人真係眼闊肚窄食唔到咁多🤕

這間絕對要推，身為在屯門輾轉多年的小資女，最忘不了就是既好吃又地道卻不是連鎖且不貴的小食店。這間位於屯門景峰站的布拉腸粉店可是超讚的！不論盎飯、綿粥還是布拉腸都是力推的！不過這次我只吃腸粉，畢竟才一個人享有沒辦法吃太多太可惜(＞人＜;)布拉腸粉的一個特點是很滑身，腸粉軟滑跟酒樓吃蒸粥老久的可不同。第二是這點的腸粉有米香這可是選材的事。而這店不論是齋腸還是牛肉腸都好吃。特別是加粥魚蛋的咖哩汁簡直一絕！魚蛋也是彈彈～有機會一定要來嚐試！誠心推薦！

呢度都開咗好耐喇，男小編成日幫襯，啲姐姐見到佢都會say個hi🤣光記有粥有飯有小食😳之前食過滑雞蜆粥都幾好味😆啲蜆夠大隻又冇沙，而啲雞竟然係鹽焗雞嚟😋(因為外賣返屋企所以冇影相🤣).#魚蛋 ($6一串)#燒賣 ($6)陳皮魚蛋有落去煙煙韌韌咁😆燒賣就係正正常常嘅燒賣😚(唔好打我🤣)不過重點其實係佢嘅咖哩汁😎咖哩味重又夠香辣，食到個口真係有小小痺痺地嘅感覺🤣雖然好辣，但又好上癮要繼續食😌#墨魚餅 ($17 6件)😋好味指數：(7/10)出面煎到微微金黃色咬落去有少少脆，而墨魚餅食落去都幾有彈性，加埋有啲粟米粒係入面更添口感😙

呢間粥店，比較偏遠對於住九龍或者港島區嘅人嚟講比較唔就腳已經光顧左2次，味道都唔錯有小食，有粥品小食有尤魚，韮菜餅，魚旦小食等候時間比較長外賣很多人，店員不是跟單做，做左俾外賣客人先，堂食客人等得比較耐蜆粥好味，新鮮雞粥都好味，無味精總括嚟講，好味環境一般，因為鋪頭太細都無咩服務可言，因為都太忙，無咩人理。

上網見某雜誌介紹呢間粥店，趁星期六晚黎食，好彩唔駛等位。周圍寫住即叫即製，請耐心等候，但落左單後嘢食都好快黎到。豆漿$10: 來貨，唔太甜，都有豆味，夠二人飲。滑雞蜆粥$52: 好夠熱，一入口，哇，好鮮喎，粥濃稠剛好，夠綿滑，睇下啲蜆好大隻，大部分痴住殻唔會甩晒，蜆好鮮嫩，無滾得太耐，雞好滑亦好多件，好味！韮菜餅$18: 細細件，皮薄，煎到脆脆地，韮菜味好鮮，無得頂！煎腐皮蝦卷$22: 好彈牙，蝦味算出，幾好咬口，不過豉油多左少少。蘿蔔糕$16: 煎得比較焦，多粉，少蘿蔔肉，下次唔會食。叉燒拉腸$21: 皮好薄，叉燒餡料多，叉燒切得細碎，味濃，唔會鞋口，係好食既。齋腸$14: 因為叉燒腸皮薄試唔真腸粉個味道，叫多個齋腸，滑得黎有啲黏性。

光記絕對是我在屯門區內最喜愛的其中一間小食店之一，整體小食味道不俗，而且價錢也親民，所以我口癢的時候也會來這裡充當「街坊」一會兒，其實真正街坊是朋友。腸粉是我每次指定必吃，白晢無暇的牛肉腸粉，淋上豉油後顯得油亮，透出誘人的光澤，牛肉份量豐富。略帶甜味的豉油令腸粉更美味，充份展現出腸粉的滑溜，牛肉的鮮嫩，能吃到光記的腸粉真是滿足。光記還真不惜成本，它每一條腸粉裡面都包裹著滿滿的叉燒，密鋪整條腸粉，皮薄絲滑的腸粉加上鹹鹹甜甜的叉燒，飽滿又可口。為免受不了咖哩的辣，朋友已先點定一瓶豆漿待命，慎防待會太辣不可即時解辣。儘管光記的咖哩魚蛋與豬皮辣得起勁，每次來還是會點它來吃。充滿彈性的咖哩魚蛋，爽脆中帶點軟滑的豬皮，滿口咖哩辣勁擴散開來。我非常欣賞咖哩香辣味，尤其豬皮，魚蛋吸滿咖哩汁精華時，不可言喻的刺激。花枝餅剛煎好很燙很香，而且煎得剛剛好金黃色的，有的店鋪煎到黑掉，從花枝餅外表評分已很讚。花枝餅吃起來很脆富彈性，而且內裡還藏著香甜的粟米，滋味很不錯。

我一直都很想試試光記粥品腸粉，可是數次碰壁~ 第一次來的時候十分早，因為正常也會吃粥品作早餐，不過這裡竟然沒有早上營業😲第二次來則選擇中午時份，本著同樣道理，當然也吃不到。所以我看看它的營業時間，天啊，原本要下午3時才營業，於是今天我「三顧光記」，4時左右來到。不少食客都問何時有粥品與腸粉售賣，我在想不是隨時都可以吃到嗎🤔老闆說要5時才有賣，那時我有點愕然😱為了吃這腸粉與粥品，我只好挨著肚餓，等待5時的來臨~ 我始終挨不了肚餓，4時52分衝進店裡，先吃小食後吃粥。先來咖哩魚蛋與牛柏葉辣魚蛋挺有彈性，咬起來還有彈牙感覺，辣的勁道在嘴裡蔓延散開，香氣從第一口吃下就讓人久久無法忘懷。爽口的牛柏葉吸附咖喱醬汁，一入口咖喱味道濃郁，帶有微微鹹味和辣度，作為咖哩醬汁非常夠味，讓味道更有層次。光記粥品腸粉的皮蛋豬骨粥~😍光記所以5時才賣粥品，原來因為它要熬煮豬骨粥底，要花時間，難怪要5時才開賣呢~不管豬骨還是皮蛋每樣食材都不馬虎，粥底裡散發濃香的豬骨香味，軟綿無比。不要看這不起眼的蔥花粥，裡頭的豬骨肉可是入口即化超級綿密，口感非常軟嫩 熟度拿捏得恰到好處，不用靠薑絲調味就很美味，整碗吃完暖心也暖胃。