Video
Telephone
26189603
Opening Hours
Today
15:00 - 00:30
Mon - Sat
15:00 - 00:30
Sun
Closed
Above information is for reference only. Please check details with the restaurant.
之前都食過幾次不過都係叫外賣今次係第一次堂食 😂😂店舖位置真係唔多 不過入邊環境都企理乾淨👍🏻鮮味蜆粥😻😻呢個價錢食到咁嘅「蜆量」真係好抵蜆味道鮮甜而且冇沙 抵讚👍🏻大蝦腸粉🤤腸粉皮薄 大蝦好彈牙 配埋個豉油好正韭菜餅 我自己覺得幾好食 不過係有少少油
continue reading
一直以來都好支持香港特色食物，尤其是小食，今次經過呢度，見到有豬腸粉，價錢唔算好平，算係中上，不過質素就係中下，以下詳細說明第一，等待時間超長，我只係要一個腸粉，不過等咗四個字，天氣咁凍，企喺出面等咁耐，我真係覺得唔係幾好，如果佢預計自己要等咁耐，客戶俾錢嗰陣時應該就要講定先囉，如果我聽到要等四個字，成20分鐘，咁我一定走先，唔使喺度等咁耐，因為一般呢啲嘢真係5分鐘就可以拎到手，就算即叫即做都係10分鐘以下第二，啲醬汁竟然就係普通李錦記嘅醬汁，成盒腸粉，淨係配一包甜醬，一包麻醬，如果要加多啲長，就要加錢，咁我加錢啦⋯⋯第三，腸粉質素好一般，我同老公兩個食完之後嘅評價，就係7–11嘅好食啲⋯咁下次我去對面7–11買啦第四，佢交由我手嘅時候啲腸粉豉油已經流晒出嚟，唔明點解可以放到咁，佢話要轉個袋，咁唔使啦，浪費膠袋，佢一開始放好少少咪好囉⋯然後我加錢加醬汁，佢竟然將啲醬汁就咁放入豉油膠袋裏面，我冇咩好講，裏面咁多豉油，直接交我手就得啦⋯⋯
continue reading
剛搬來景峰，隨便去食碗粥，竟發現光記比其他市區粥店都好吃，還有牛肉腸，韭菜餅和煎的小吃必定要試，不是很多粥店有的。蒸飯，蜆粥我未試，不過店員（好像是一家人）十分友善，食碗粥像親人煮俾你的感覺，分別就是要俾錢😂還吃過菜心，太太有吃過蒸飯，這些全部都很好吃，雖然價錢比市中心附近坤記比較貴，不過質素都很好，成餐每樣都係好味既，下次我們會試蘿蔔糕，還有其他粥品，不過要記住粥是5pm 後才有的賣，週日休息的，平日晚上不難找到位坐👍
continue reading
冇食一排，仍然保持水準，我叫左套餐皮蛋豬骨粥拼手拉牛肉腸粉粥底十分綿，豬骨有好多肉食腸粉皮薄餡靚，有好多莞茜很香口，即叫即整，很用心的一間食肆下次經過的話，一定要encore
continue reading
朋友力推嘅粥品店，梗係要去試吓啦！店入面環境乾淨，唔會太大油煙，最緊要係炎炎夏日下，有涼爽嘅冷氣。有好多街坊都嚟幫襯。叫咗生滾蜆粥、大蝦腸粉同豆漿，腸粉又薄又滑，而大蝦一咬落去，好彈牙，係好明顯感覺到係新鮮蝦！有嗰陣蝦味，仲大大粒！而蜆粥，成碗粥都充滿蜆，好鮮甜！個粥仲好綿。價格方面，見仁見智啦，以粥品黎計係算貴；但以海鮮黎計，又算平喎！本來打算試埋個韭菜餅，但食咗兩樣野已經好飽，下次再試過！好味，值得一試！
continue reading