Video
Read full review
2014-07-15
938 views
美孚區賣日本菜嘅餐廳唔多，一隻手數得晒，唔計間「爭鮮外帶壽司」之外，有得堂食嘅就淨番「八佰屋日本料理」未幫襯過，今晚，又喺同老婆撐枱腳嘅日子，就一於試試「八佰屋」啦 ！咪睇佢食評唔多，其實都幾受街坊歡迎，有時候收工經過，都見坐得滿滿。何解話「幾受街坊歡迎」？因為小弟幫襯當晚，見店主不時同客人傾偈，表現得非常熟絡。而八佰屋應該晌美孚區都屹立咗好多年，啲枱櫈就喺最好嘅證明，有種飽歷風霜嘅感覺，此外，牆身都有啲破舊 。整間店，正中間喺半開放式壽司吧位，可睇到師傅即場做刺身、壽司，其他就喺2人或4人散座。除有一大本餐牌，包羅刺身、壽司、鐵鍋、炸物、燒物、定食……等等之外，仲有幾張單頁嘅理料、刺身、壽司推介，以及好多款佐酒小食。枱上餐具一般性嘅和風，亦有一小樽綠茶，作用喺自己招呼自己 。 酒煮三文魚頭窩 $80 雖然只賣$80，但估唔到都有幾多三文魚，有成一大窩，清湯加入清酒，湯嚟得清甜又散發點點酒香，而三文魚頭肉質挺實，又厚身又多肉。 銀雪魚 $138 真喺長氣都要講，銀雪魚近乎喺老婆必然之選，佢好怕食牛油、忌廉之類油膩之物，不過，銀雪魚嘅魚油佢就一啲都唔抗拒。一客有兩大件銀
咪睇佢食評唔多，其實都幾受街坊歡迎，有時候收工經過，都見坐得滿滿。何解話「幾受街坊歡迎」？因為小弟幫襯當晚，見店主不時同客人傾偈，表現得非常熟絡。而八佰屋應該晌美孚區都屹立咗好多年，啲枱櫈就喺最好嘅證明，有種飽歷風霜嘅感覺，此外，牆身都有啲破舊 。整間店，正中間喺半開放式壽司吧位，可睇到師傅即場做刺身、壽司，其他就喺2人或4人散座。
除有一大本餐牌，包羅刺身、壽司、鐵鍋、炸物、燒物、定食……等等之外，仲有幾張單頁嘅理料、刺身、壽司推介，以及好多款佐酒小食。
枱上餐具一般性嘅和風，亦有一小樽綠茶，作用喺自己招呼自己 。
酒煮三文魚頭窩 $80 雖然只賣$80，但估唔到都有幾多三文魚，有成一大窩，清湯加入清酒，湯嚟得清甜又散發點點酒香，而三文魚頭肉質挺實，又厚身又多肉。
銀雪魚 $138 真喺長氣都要講，銀雪魚近乎喺老婆必然之選，佢好怕食牛油、忌廉之類油膩之物，不過，銀雪魚嘅魚油佢就一啲都唔抗拒。一客有兩大件銀雪魚，燒得金香，魚肉滑溜無邊，又有豐腴甘香嘅魚油，老婆大讚無得頂，小弟都覺得非常之正，抵食！
餐牌內嘅主食都可以+$20轉定食，有漬物、御飯、味噌汁，好在我哋只加一份，因為碗白飯頗大。漬物喺一小碟兩片醃蘿蔔，酸甜爽脆；碗白飯飯粒圓潤黏糯，但總感覺唔及泰國米咁有飯味；味噌湯比出面做得清少少，但麵豉味唔差，又有少少豆腐粒粒。
補充番少少收費資料供大家參考，每位茶錢收$5，自來飲品亦會收，其他開瓶費、切餅費、加一……等等，即晌餐牌中詳列，正所謂童叟無欺 。
人均消費百零蚊，就食到兩道唔錯嘅料理，值得再幫襯，繼續支持小店 ！
Post
