八壹 (Closed)

《八壹》 #食在灣仔📍灣仔灣仔道151-163號新世紀廣場地下G53-G55舖-🔹常餐：沙嗲牛肉米粉 跟炒蛋加奶油脆 $42 凍飲加$2其實去得茶餐廳食個常餐都唔會有咩期望但個沙嗲牛肉又幾淋幾入味 炒蛋火腿就無特別個奶油脆我最後先食 仲係好脆d奶油又唔會太多我覺得ok嘅 已經係超出左我期望😂 返工lunch time食下唔錯嘅byT: 7/10

昨天因耍抽血驗身，早上空著肚去湾仔診所準備抽血，点知入到去拎左張籌，耍等十個人，故唔到抽血都耍等咁耐。餓著肚子等，终於抽左血。望下時間，己經十時三十分，於是趕快去食個早餐。自選八搭早餐 - 真係有好多款選擇，我選左沙爹牛肉麵，配太陽蛋及火腿，熱咖啡一杯。沙爹汁好香農，牛肉頗多，用來配麵食，好正。值得一提，這款麵雖然係普通麵，但麵質好好，咬落好爽。不似有些餐廳，一早煑定，到有客叫就將冷冰冰麵放落碗湯上。太陽蛋煎得好靚。

今日下午林住依間洋葱什扒飯我男朋友話ok鐘意食,林住今日下午打電話叫定外賣去拿,我幫我男朋友買好多次架喇,平時應該長頭髪的靚女老板娘和靚仔老闆碎上係ok既,因為我男友唔鐘意自己成塊係盒切,點知今日下午接電話果個唔知邊個,好地地同佢講要個洋葱什扒飯,唔該幫我碎上,點知佢好大聲同我講,碎上??無得碎上呀,自己碎啦,我同佢講,跟住我又好聲好氣同佢講因為我幫人買既,無得碎上我唔買喇,點知佢又大大聲同我講,唔買就有佢啦,姐係意思同我講碎上一定無架喇,買唔買就話之我啦,錦既員工係一級趕客員工

今日同朋友去左e到食lunch, 點左兩個餐, 一個係是日$45lunch set, 包drink同湯。而朋友叫左$42海南雞飯跟drink。 午市預左多人, 餐廳亦不大, 坐得逼夾唔係大問題！但待應態度真係差到一個點！態度會被傳染嗎？餐廳有幾位待應, 但大部分都唔禮貌、對人態度呼呼喝喝, 甚冇耐性。對答內容如下:我: 海南雞飯是否跟油飯？一位中年男待應: 板埋口面、唔耐煩同大聲回答"係"！我: 感是日餐湯係咩？他： 擰擰頭、更唔耐煩, 答青紅蘿白湯。接著他反一反白眼, 更大聲說, 有咩要飲, 依家落埋啦！！😟 我淨係問左2句, 待應極其惡劣ge態度同回應, 我發誓以後絕不幫襯這店！ 最後, 海南雞飯餐, 雞件不多, 配埋菠蘿片怪怪的。是日lunch set粟米斑腩, 斑腩數目ok, 但有2件全炸粉, 冇魚。 極品招呼, 食物一般, 我同朋友全程唔好受！

呢一間茶餐廳絕對係我喺灣仔最喜愛❤️嘅食堂之一。因為佢價錢、味道同環境都幾好！😊首先講價錢，價錢佢絕對係係灣仔區裏邊來講算平 ❗️嘢食方面就梗係唔差啦😋，之後再分享😂。環境雖然有啲暗，但係座位係寬敞嘅，唔會話好迫。👍🏼咁今次由於我遲咗食午飯😂，我同同事就黎左呢度食下午茶😋。除咗正常茶餐廳下午茶餐外，佢仲會有焗飯🤤，岩曬我呢d skip 左lunch 嘅人😂。咁當然係迷你版啦🤤。今次我哋叫咗個豬扒包配薯條同埋焗咖喱雞扒飯。豬扒包幾好食正常味道👍🏼值得一讚嘅係佢個薯條😍。呢啲薯條已經好難搵❗️又粗，炸得又脆，真係好正❗️🤤至於個咖喱雞扒飯都唔差，佢啲飯係炒飯底，雞排夠多。上面仲有芝士添，🤤一大塊芝士好正。另外嗰個奶茶都好飲👍🏼。

今天下午考試。灣仔附近橫街小巷開了很多不同菜式的食店。為了爭取多點時間溫習，就隨意選了「八壹茶餐廳」吃個午飯。我點了照燒汁雞扒腸仔飯，例湯及凍奶茶。  雞扒腸仔飯有二塊雞扒，香腸，豆角，鮮葱及白飯。熱熱地。賣相可以。雞扒食起來肉質老韌及"凍的"。為什麼是"凍的"?原來雞扒煮熟後放涼了。全碟飯的熱力在於燒照汁及白飯。即使雞扒肉凍，也可以熱熱地。香腸是經過高溫煎煮，味道偏咸。豆角也經過油泡製過，有點肥膩，味道也算鮮甜。燒汁味道好甜，食了幾囗飯就不敢再撈汁。例湯是由葛根，芡實，紅豆，赤小豆，扁豆及豬骨頭淆製而成。  味道可以。凍奶茶，紅茶及淡奶味道被冰塊沖淡，味道一般，冰塊適中。  餐廳環境尚算可以。不過座位與座位之間不太寛敝。侍應服務殷勤，入餐廳後，會立即安排座。落單及送餐的時間算快。

路過見到餐牌做緊是日晚餐咖哩牛腩價錢又唔多貴入去試下入到去得最後一張台坐低叫左椰汁咖哩牛腩煲同埋滑蛋炒牛肉飯等左大概5分鐘已經上個牛腩煲量好多 牛腩好腍但個煲唔算好熱 中間幾件有d凍椰汁未唔太重 冇遮左咖哩味滑蛋牛肉飯蛋好滑 好多蔥一樣好大碟 一個人一定食唔晒牛肉冇咩牛味但係夠腍白飯都好大碗熱奶茶味道唔錯 入口好滑茶味濃凍檬水太甜 餐湯正常 唐排好多件唔似落左味精既老火湯埋單一百一十蚊台面仲有1/4碟滑牛食唔晒好浪費因為量真係太多啦只能話好抵食 味道唔錯 值得再去

永不光顧,超級失望超級貨不對辦....下午茶雞脾薯條餐 $32蚊我問個男侍應 尼隻咩黎? 雞鎚?侍應哥哥好好心同我講 : 係咁咖啦, 尼度既雞脾有小兒麻痺~唔岩食你放低錢再轉場囉....佢好好禮貌...但我好無奈!最後我兩刀已經切完“雞脾”真係兩刀切完,因為真係得兩啖..仲有一啖燶左既雞皮....我食左啲咩?薯條仲長過“雞脾” 好失望!!!!

今日到灣仔見客，經過灣仔道一間餐廳，看到其名較特別，叫八壹，而午餐又不太贵，A至F任選包熱飲也不過是$42元。於是入内點了A餐，洋葱汁雞扒腸仔飯，份量適中，汁做得不錯，味道適中，加上有什豆配搭，可惜雞扒太乾身，沒有咬口，因而大打折扣。附送例湯不太重味精，還有豬骨肉食，尚可接受。

從未食過禁失敗既海南雞飯12點食午餐無乜人流既時段諗住食個午餐叫左個海南雞飯得左15分鐘左右一黎到碟海南雞飯我都嚇一跳所謂既油飯完全得浸油喺面既飯問個侍應堅持話係油飯 ! 👌唔緊要海南雞醬係煎釀三寶既甜醬同好甜既M記泰式酸辣醬 ! ok都唔緊要所謂既海南雞係普通完全無味既蒸雞件重要蒸到過曬龍。舊舊都好似食緊湯渣咁最離譜係個侍應重要話係咁嫁喇係同出面果啲唔同!食左2。3啖即埋單走44蚊咁既水準。簡直一流啦

八壹茶餐廳，午市相當迫人，用餐環境一般。午市客飯送例湯一客，西洋菜湯口味過得去。XO 醬楊州炒飯賣相一般，飯底略濕。所謂 XO 醬只能為炒飯帶上少許辣味，不要期望找到一些像蝦乾瑤柱絲等海味碎粒。凍檸茶味道 OK 。

下午茶都有時來呢度食。今次叫了個葡汁焗雞扒飯。$34+$2涷飲。飯份量晤係好夠，葡汁味道都算唔差。 豬扒都算好鬆, 可口. 他們個下午茶餐牌有好多種類可選擇. 之前食過蛋包飯都不錯

因為OT 所以無番屋食...求其揀左宜間餐廳就食了!!四十幾蚊果餐，包埋野飲，算係幾抵食!栗米斑塊飯係我的最愛，雖然賣相唔吸引，但總算又平又好味!!!粟米汁唔會太稀又唔會太"傑"，調較得好好!而且粟米粒既數量都多，食落香甜好味!斑塊夠大塊，同埋唔會包住好厚既粉去炸，好有口感!

今日同朋友試食呢個便宜早餐（五香肉丁公仔面、吞拿魚三文治、熱朱古力）賣相好靚 三文治配上新鮮既生菜以及吞拿魚，吞拿魚幾足料，咬落鮮甜得黎仲好爽脆添，感覺幾清新。公仔面個面底幾煙靭，配埋五香肉丁，雖然唔係話好特別，但朝早食個辣辣地既面，都真係幾醒胃。朱古力同我地平時係茶餐廳飲到既味道無乜分別 勝在用個黑白淡奶既耳仔杯黎裝，睇落賞心悅目好多。總括而言，早餐個三文治絕對係焦點！成個早餐大眾化得黎又算係平，係灣仔呢d貴價地方，算係難搵架啦。

店名：八壹地址：灣仔灣仔道151-163號新世紀廣場地下G53-G55舖好味指數：7.6／10價錢：$32焗豬扒飯 配熱飲炒飯底有點乾，茄汁夠多，豬扒嫩滑，整體不錯。