八座小食 (Changed Hand) New Restaurant

食腸粉，燒賣，油麵果d小食雞蛋好好味，豬血牛雜都唔錯，姐姐都好客氣，但有個哥仔長期講野唔望人，唔願做生意咁。不過攞走唔洗對住食就無問題，只係美中不足，我都知我買幾十蚊野，但都會有小小介意

個阿姐態度趕客，完全唔憂無生意做咁款 。咖啡好似飲中藥咁......苦既，即刻行去同呀姐講......佢退番錢俾我.....即係佢都知有問題啦，仲要話.... 難飲唔好飲...俾番錢你。真係好笑 ......完全無想解決問題.....起碼問下佢地咩味啦？！ ？燒賣同魚蛋 ........你買淘大點心都好食過佢.....總之就係垃圾一間，無下次..............................

有時想食下d 街頭小食都唔洗一定要出旺角九龍灣得寶都有味道正正常常 過下口癮都ok ge鴨肉湯底魚肉碗仔翅不過不失湯底味道不錯 魚肉都幾好味戲棚炸蠔餅乾身 酥脆蠔好似唔太多粉略多 但性價比高

筆者兩夫婦在香港區長大，搬到九龍之前，每次過海，一般只會出沒於油尖旺、新界的郊野公園、或者元朗 / 西貢等等遊客地區，又或者每逢過年過節，才會到訪各大公共屋村探親拜年；所以，直至牛頭角下邨清拆重建，一直沒有機會到訪邨內特色街坊食肆，對牛下的認識也只限於「牛下女車神」。大概三年前吧，得寶商場將其中一角重新裝修，打造成「牛下新城」，但一直沒有到訪，今日在淘大睇完電影，專程一探究竟。對比毗鄰的淘大商場，得寶商場的裝修及營運明顯給比下去，面積較細只是原因之一，根源問題卻是業權。淘大商場仍然由某大地產集團作為大業主，單一管理，當然可以定期翻新；得寶商場業權分散，小業主們當然不願作出大規模投資翻新得寶。難得2016年初，小業主們（或管理公司）決定用有限資源及最少金錢，為商場注入牛頭角下邨元素，希望吸引人流。翻新後的商場設計可以用「蔗渣價錢、重現香港舊情懷」去形容：基本配套及佈局沒有太大改變，只是在裝修風格上添加特色，並在細微處突顯「牛下新城」的概念。與其他開業多年、由大集團管理的大型商場，花費大量金錢重新裝修、打造成追上潮流的商場，是兩種截然不同的策略。從另一個角度來看，「牛下新城」是為了生存，大

琴日專登黎德寶樓下食日本野但黎早左，就上左黎foodvourt食個下午茶先叫左碗大牛雜+燒賣超級認真無敵難食講要牛雜個陣呀姐又話聽唔明，要個呀仔埋黎幫手聽，個呀仔仲串返個姐係咪聽唔明廣東話見到佢將啲牛雜放係枱面，吸哂塵就知奶野衛生情況好差！食落真係中伏，就算加左醬都係難食燒賣得3,4粒，牛雜好硬，食落好似過哂期d味咁冇味，好淡，又腥講真我寧願食返車仔麵d牛雜好過是但一間牛雜麵d牛雜都好食過佢又乾淨食完無耐已經不停作嘔反胃咁之後去食日本野都係咁，仲以為自己食得太飽，定係d日本野唔岩自己食點知到左今日不停反胃+痾嘔+肚痛，睇左醫生話急性腸胃炎，可能關牛雜事唔會再幫襯

🍠 溫室紫薯雞蛋仔（$18)呢個紫薯雞蛋仔睇落個樣嘅紫色都幾靚，但食落就其實麻麻地。雞蛋仔欠缺蛋香，質地偏硬，紫薯味有少少人工嘅感覺，而入面雖然每粒雞蛋仔都有一粒甜薯，但係甜薯唔夠熟？質感同樣硬硬地，整體口感欠奉，味道一般。

🔹鴨肉湯底碗仔翅 $20第一啖食落去同普通嘅碗仔翅口味無異，食食吓食到鴨肉絲部份先至食到鴨湯味，我自己覺得唔係好夠濃味，但朋友話ok, 可能我比較重口味喇😂.鴨肉絲嘅比例唔算好多，大概食四五啖先會食到，如果真係中意食鴨肉湯碗仔翅，都係覺得十八座狗仔粉果碗好味好多🙈就算食唔到鴨肉果啖都好濃燒鴨味😋.🔹五香牛雜 $20有大碗細碗同一串串賣，我叫左細碗，聞落都好香，食落全部野都好入味同好濃鹵水味，最推薦佢既牛肚夠晒爽，同埋蘿蔔，應該浸左好耐，耐得變左深啡色，索晒啲牛雜鹵水精華！

早前牛頭角得寶商場地庫建造為充滿懷舊風情的美食食堂，各式各樣的餐廳一覽無遺，再亦並非只有薩利亞主宰的時代。論本港最受歡迎的街頭小食，定非雞蛋仔及格仔餅莫屬，這裡亦提供各款特色雞蛋仔或格仔餅。溫室紫薯雞蛋仔 ($18)粉中帶紫的顏色的確甚是夢幻迷人，可惜甫接到手便感覺到雞蛋仔的質感軟腍不堪。雞蛋仔的紫薯味道欠奉，當中混有一般放題常見的迷你小甜薯顆粒，味道可以接受但質感與一般蛋糕無異。朱古力榛子醬格仔餅 ($20)朱古力榛子醬格仔餅的始祖其實是位於大埔昌運中心的雞蛋仔專門店，品嚐多次質素的確水準之上；可惜後來無人，這間彷效出品的金莎格仔餅可謂一蹋糊塗。加上大量花生醬令金莎榛子醬的味道被徹底覆蓋，基本上與原味格仔餅相差無幾，口感更是與雞蛋仔一樣軟腍，毫不香脆，大家若是非試不可，最好吩咐不要花生醬。若要推薦紫薯雞蛋仔，大家不妨到恆發雞蛋仔或是新蒲崗的629雞蛋仔；至於金莎榛子格仔餅，固然是元祖之首的大埔雞蛋仔專門店，而得寶商場這間八座小食——不試也罷。

have fun and after noon 🥘 at Ngai tau kok Department arcade I have a great look before I stay in front of No 8 八stall There are a lot of fansFamous for their beef and ox stomach I have a 12$hk4 pieces of beef balls Taste simple Too much flour Not exactly like that of beef yetThe satay sauce is delicious Hot Tasty not too spicy Successful Hk food

雞蛋仔既味道近來越出越多，紫薯雞蛋仔亦唔再係咩新鮮野，係呢個人流唔多既food court ，竟然都有紫薯雞蛋仔食，黑洞無理由唔試試佢由於人流唔多，呢到既雞蛋仔都係即叫即整，咁就唔驚一早整定食到涷既雞蛋仔。雖然係即叫即整，但都好快手，去完第檔買野食返黎已經有得拎紫薯雞蛋仔 $18：十八蚊呢個價比起市面上既紫薯雞蛋仔平少少，味道如何？佢屬於半實心既雞蛋仔，外邊稍稍脆口偏硬，如果同媽

雖然已過了兩個月，既然尋回當日影的這幾張相就特地寫這編食評。這日去完九龍灣的運動博覽，雖然也有收獲但比預期略為失望，就提早離開到這裡覓食。附近的佈置都好懷舊特色，值得在此慢慢拍照。來到此店二話不說便叫了個五香牛雜(大)五香牛雜，香味撲鼻，聞到已食指大動。味道濃郁，食落軟腍。牛腸及蘿蔔最好味! 附近還有好多懷舊小食，我們也食了不少。

前幾日FB見到有個懷舊商場,放假就同幾個朋友去hea一hea發現入面有一個美食廣場之類嘅野所以試咗一試我就試咗幾間,其中最值得一提嘅係呢間臭豆腐開頭都唔知有,不過有個阿姐係咁叫賣先知佢比起其他臭豆腐聞落唔夠臭,不過食落去味道更加突出~~太有驚喜~~另外仲嚮呢間食咗豬腸粉,比起街邊車仔賣嘅感覺更加衛生

話說呢排天氣唔係咁好，無得同寶貝去公園玩，咁唯有搵d室內地方行下啦~之前見德寶商場有牛下新城好似幾特別又多影相位，所以就嚟行下食下影下相口痕叫左辣魚蛋，另外叫左牛肉球比寶貝做tea，

最近在報紙上見到九龍灣得寶商場開左間八座小食，原來就係當年牛頭角下邨既小食檔搬左過黎咁我就決定係星期日黎試下當我一黎到得寶商場就覺得呢到充滿懷舊既氣氛再行入去得就見到裡面有個美食廣場 裡有我要試既八座小食去到我見到好多牛下懷舊小食 有五香牛雜、臭豆腐、崩大碗、港式鹵味同埋招牌菜八座沙嗲魚旦 今日我就決定要試晒佢 五香牛雜 聞到就已經流晒口水啦食落味到非常濃郁 咬落又唔韌臭豆腐 雖然冇出面咁臭但食落味道同當年沒有分別 外脆 豆腐又夠滑崩大碗係出面好少見既涼茶 呢到整得比較濃 果然係落足料港式鹵味就非常爽口最後就八座沙嗲魚旦有好香既沙嗲香味 食落有少少辣但又搶唔到沙嗲既味道 食完後令我想起好多童年回憶 真係重現返當年牛下既味道

新開張時喺度買過碗大牛雜,叫阿姐唔好俾咁多蘿蔔,佢話蘿蔔係送嘅,唔計錢;我叫佢俾兩件我就夠,點知坐低食時發現一件都冇;講返味道...話係以前牛下貨色,但食落完全係兩回事,冇下次(牛雜)。今晚去買外賣,試佢個韮菜豬紅豬腸,哥仔話唔夠韮菜溝啲生菜俾我,ok np,我最想食都係豬腸啫,見佢俾咗好多豬紅,但因為等佢整嘅時候我視線離開過,所以都不以為意,直到食嘅時候就知唔妥,面頭係豬紅,中間係豬紅,底下係幾條仔韮菜同幾條生菜,"我啲豬腸去咗邊呀?"WTX,攪乜呀?整體味道偏淡,$25一碗咁嘅生菜豬紅,佢真係賺到笑,下次都係行多幾步返利基嗰邊買好過。