Video
7-min walk from Exit A, Kowloon Bay MTR Station
continue reading
Opening Hours
Today
07:30 - 17:30
Mon - Sun
07:30 - 17:30
Above information is for reference only. Please check details with the restaurant.
7-8年前響牛頭角返工，每次食晏都係去附近茶記，貴又唔太好食，有次行遠啲，見到牛下有熟食中心，入去睇下先，見到鑑記粥品，見天氣熱覺得食咗會仲熱，而且粥，腸粉，都早餐食啱啲（之後有去食過，佢都好味又經濟，好像之前已經寫過食評）之後見八記，有好多人叫碟頭飯，炒粉麵，我也見人叫咗碟越式米紙卷（正確叫春卷定粉卷？），炸雞翼（呢個佢冇寫出店面的）越式粉卷都仲有張相片掛出來，當時係夏天，唔太我點了酸辣湯雲吞同越式米紙卷，雲吞係正宗上海菜肉雲吞，大大隻，多菜多肉，啲肉又唔會嚡（有時去啲上海店食的雲吞都冇咁好味）酸辣湯夠酸夠刺激，個湯的稀稠度啱啱好，其實就咁食呢碗嘢已經夠飽，但我冇改錯網名嘅，食唔停口，咁樣我點會滿足，食埋越式紙米卷先得，包都大大碌，裡面有生菜大蝦，金不換，蘸埋個紅椒蒜蓉酸汁，非常清涼消暑，之後我都仲有再去試上海排骨粗炒，（好有鑊氣，調味又好，因為總覺得佢有秘制調味，外面食唔到呢隻味）乾炒牛河，炸雞翼，西多士，檸茶，奶茶都唔錯，不過呢幾年見佢的食物淡味咗，同少油咗（可能遷就返少油少鹽的飲食文化）香味係差咗少少，不過都唔會令我唔再嚟嘅！因為不是街坊，我要去開淘大先會尊登行來呢度食！
continue reading
市政中心一向隱藏唔少美食，雖然裝修欠奉，但進食最緊要衛生情況。侍應唔會好殷勤，但最緊要正常社交禮儀。今日叫咗酸辣湯水餃。雲吞水準正常，唔會太鹹太胡椒粉，皮都唔會煮到爛。酸辣湯質地剛好，個芡都唔會食到一舊舊，味道偏酸唔會太辣，餡料款式都有齊
continue reading
我覺得最出名係酸辣湯，所以我次次都叫黎食！真係比出面好多間都好味。牛什麵一般！但配上佢自家製辣椒油！真係好食到飛起！維持香港人最地道嘅美食，真係買少見少！凍檸茶、奶茶都好好飲，我見好多食客都有叫！可惜佢哋唔做套餐，所有食品全部散叫。上海炒粗應該係招牌！夠鑊氣、無敵！仲有我見好多客人點炸豬排同雞翼，我無食，但聞到同見到實物都好吸引好正咁環境唔使講，坐得街市大排檔食唔使諗會坐得舒服。服務都一樣，唔使諗會有禮貌，甚至叫嘢食都要粗聲粗氣。
continue reading
食上海野 - 上海炒粗 $32 (加$6一件豬扒)去左牛頭角街市樓上食,熱辣辣炒出黎,,又香又大碟上海麵的質地較粗身,有咬感而炒到每條麵的顏色都好均勻味道唔錯,配菜都算多加一件豬扒要加多$6, 個人覺得有點唔抵再叫左個星洲炒米(加辣),都係唔辣$42一個套餐配冷熱飲,,算係大碟. 炒得幾香, 配菜有蝦,蛋,九王菜, 叉燒...價錢合理, 希望香港繼續有多點小店經營集團式的野真係一式一樣~
continue reading
八記以前也是在下邨的老字號食店，當時是在八座那邊的大排檔經營，主要是賣上海麵食。較牛下早得多，大排檔清拆後，八記已經搬去了街市二樓的熟食中心。與隔離的茶水檔合併，還加賣牛雜粉麵，數年前在假期甚至售賣越式食品。原先有招牌介紹的，現在餐牌上只有雞絲札肉，但其實還有其他越南食物，例如越式春卷等，惟只有熟客才知道可以點選。也許現在選擇太多，我已經多年沒有幫趁了，以前亦喜歡吃八記的上海麵，不論是雪菜肉絲麵、抑管是上海雲吞，味道也不錯。今日本來上去鑑記食粥，但已經賣光了，經過八記，見到那盤熱騰騰的牛雜，香氣四溢，便坐下吃碗牛筋河粉。看看餐牌，牛雜粉麵才賣$24，與其他雲吞和魚蛋粉麵同價，以現時食肆的標準來說，確是抵食。但始終要看，味道究竟如何，才可以下評語。牛筋河粉有七、八件牛筋，河粉的份量也不少。至於味道，牛筋炆得再「林」一點更好，但其實已經不錯，味道則與我在藍田新樂園吃的接近，但新樂園賣$27，而且河粉的份量比這裏約少三分之一。湯底亦很鮮甜，牛味濃郁，吃後沒有口渴，證明味精不多。比起其他的食檔，這裏的生意只是一般，很少坐至滿座。正如我自己，即使今次食過覺得還不錯，但相信日後想要開餐時，也未必會想起要再來，我也不明白原因，也許就因為老闆太低調了吧！
continue reading