冠華粥品店

Open Now

Now Closed

已經很久沒有去過長沙灣了，今日因為病倒了就回來看兒時家庭醫生。記起附近有間傳統老舖吃粥粉好好味的，一於行去看看先。到了自己找位置坐下，內裡裝修仍然同之前沒有改變，改變的就是牆上餐牌的價錢。他們的粥品已經由幾元一碗加到去三十幾元一碗都有。可想而知租金真的加得厲害。不過好彩早餐仍然仲有套餐選，我點了套餐C 柴魚花生豬骨粥一碗 配 炒米一碟滿滿豬骨粥上枱，粥底好綿米香幼滑，柴魚咸香花生脆口。而炒米雖簡單但都有鑊氣唔油膩配埋芝麻甜醬一起吃別有一蕃風味。

今天來到這一間中式的粥店，這一間店是一間專門的粥店，所有東西都是自家造的，從一個粥底都用上2⃣️種不同的米去煲粥的，今天吃了一個套餐，艇仔粥和炸粉腸，這個粥份量多才了十足味道就是好到不得了，炸粉腸外皮夠幼滑有彈性而內𥚃又夠鬆化，配合得完美，而且價格是大眾化到極點，在香港已經很難找到同類型的。

呢排天氣凍，除咗特別想瞓之外，就係特別想食嘢，尤其是一起身之後，特別想食啲熱辣辣嘅早餐呢間粥店，一睇佢嘅舊式裝修就知佢有一定歷史再加上雖然內部只有最基本嘅裝潢陳設，但凍冰冰嘅朝早就已經幾乎滿座，就知道佢應該唔簡單而見牆上有各種菜品嘅售價，即使係套餐，一碗有料粥+一個小食，以我所見，份量唔少，竟然廿蚊有找，今時今日，都好難搵得到講返食物，艇仔粥幾大碗，仲好足料，而且粥底綿滑，CP值好高！蝦米腸粉即叫即蒸，厚身，蝦米大粒量又多，加上蔥花更添香味，淋埋甜豉油，口感味道層次全部都有，我好欣賞！成個套餐，食完後都好夠飽肚，呢間粥店，食物有水準份量足而收費親民，實在值得強烈推薦！

喺長沙灣有一間抵食嘅早餐。適合上班一族, 或者學生哥。他們的白粥配牛利酥好抵食。另外油炸鬼都唔錯。足料又抵食。牛脷酥炸得好 鬆軟非常。艇仔粥加，腸粉, 都只係19文。好食過出邊大排檔。😊😊😊不過環境就比較擠逼。

嚟度長沙灣，又可以去番我平時食慣嘅冠華喇，呢度嘅粥品套餐真係好抵食㗎，一大碗熱辣辣嘅免治牛肉粥+一碟腸粉都只係$19元，而且個指定套餐裡面嘅粥品及糕品係可以自由配搭，又可以配炒粉、炒米或者炒麵，價錢都係一樣收$19元，本店更設有糖水供應，有凍又有熱，大大碗都係十幾元，真係非常之抵！另外~呢度除咗指定套餐之外，更有其他正價嘅粥品提供，有魚片/滑雞/豬肝/及第/魚腩等，款式相當多，又夠大碗，蘿蔔糕及各式油器又係大件夾抵食，平民嘅福音

位於長沙灣區的老店，難得經過黎邊，一於支持下小店。店面地方大小一眼望晒，而且坐無虛席。可能價錢比較優惠，所以大多係老人家！廚房內外忙忙碌碌，每枱置有調味架！牆上大大張紙為menu，不同粥品應有盡有，仲有5款套餐選擇！我點左套餐C: 碎牛粥（走青)配蘿蔔糕只係$19，價錢認真抵！抵！抵！熱辣辣捧上，但粥底味啖，不過夠綿，自行加胡椒粉調味！蘿蔔糕大大件，有d蘿蔔絲增加口感，但可能太大件，所以蒸得唔夠熟，外面熱，內裡有少少唔熟。但以這個經濟價錢，一分錢一分貨，所以不要太高要求！

早餐食到飽飽, 午餐唔想食咁多, 所以決定食粥, 長沙灣呢區都有唔少粥店, 見到呢間看似舊式粥店, 於是一試. 果然無令我失望, 粥夠熱辣辣又綿, 腸粉皮薄唔黏口, 油炸鬼唔算好脆, 剛剛好, 大熱天時食粥係有點冒險, 好在店內冷氣足夠, 都好多人光顧, 環境雖然麻麻, 但勝在有舊粥店風味, d姐姐完全唔需要寫單, 直接叫入廚部, 靠記憶上枱, 本身價錢都唔貴, 最值得推介的係, 佢有唔同的套餐, 我今日就叫左一碗艇仔粥加一碟炸腸, 都係$19咋, 超抵食, 

Serving the community with sincerity, starting with a hearty congee. It’s one rare gem in the city which still insist to cook congee with rice; sounds sarcastic but it’s true that most congee shops are cooking their congee with some thickeners. From the small queue I saw old man, blue collar, office lady, domestic helper, waiting for their takeaways and I had a feeling it’s a true place for the community, what a heartwarming scene to start the day. 最近轉食白粥做早餐，見到其他食友話佢係街坊店，就去試下。朝早8點多去到，見到外面有幾個人排隊等

放工口淡淡，冇乜胃口，食碗粥清一清腸胃。呢間粥店好抵食，套餐最貴都係20幾蚊。今日叫左魚片粥加炸兩外賣，廿三蚊搞掂。佢嘅魚片好新鮮，唔會將貨就價，食落鮮甜味美，而且份量足。不得不提佢嘅粥底，唔似一般嘅鋪頭用粉開，而係用白米煲，食落軟滑香綿。炸兩有啲遜色，外層腸粉尚算香滑，可惜內層油炸鬼一啲都唔脆。幸好佢嘅醬油加番少少分。今次唔記得加芝麻，如果唔係，應該會香口啲。呢間鋪頭環境欠奉，衛生情況一般，幸好食物質素不俗，以呢個價錢，算係價廉物美，會再光顧。

高達34度既夏天黎到附近, 都想食番碗粥, 貪佢抵食又多料, 好采室內冷氣夠勁, 如果唔係真係唔知點食艇仔粥加炸兩都只係$18, 真係唔知邊到仲可以搵到, 炸兩醬料仲要任你加, 加埋芝麻就夠晒香艇仔粥超多料, 唔會將貨就價, 有豬皮花生, 牛肉, 魷魚等, 食完都真係幾飽肚架唔想食粥既話都有$10 有碗中式糖水, 天時暑熱都可以黎一碗冰凍綠豆沙! 正!

全港人都認識海x粥店，全深水埔人都認識x貴記；前者分店多，後者近黃金電腦店舖，有優勢。位於上述兩店之間的冠華，其實更勝一籌!論價錢和人客流量，海x明顯輸了。有網評提及冠華肉片粥，柴魚粥不出色，是因魚片粥，豬潤粥，碎牛粥才是鎮店之寶。鮮味濃郁。粥底與x貴記風格，在於每個人喜愛不同。但食後一定有飽腹和滿足感覺，同時街坊情和昔日舊香港社會面貌一定洋溢滿店。剛加了1元，仍比旺角粥店平了近1倍。

難得星期六輕鬆下，去粥店食碗粥。呢度價廉物美，材料足，性價比十分高擺尾走粒多蔥，炒麵!一粥一麵加埋先21，抵食!呢度既粥底夠綿夠熱，魚片薄身，放碗底然後倒粥入去，黎到都差唔多熟哂! 黎到撈兩下加少少胡椒粉，已經食得。魚片係新鮮魚，肉質食落唔會梅梅爛爛，而且好有魚味甜味。同埋佢呢種生滾既做法，將啲魚汁逼哂出黎，撈埋粥黎食十分鮮味!! 令到啲粥食落口又綿又鮮甜。至於炒麵真係好大碟!食哂真係會好飽!麵身夠軟，食落唔會又乾又乾，加埋甜醬辣醬撈埋黎食，十分好味

剛剛食完所謂米芝蓮竹升麵不夠飽肚，看見對面有間舊式冠華粥品店，不二之選，定去再食多餐，粥店有很多種類地道粥品，各雖所要，炒麵，腸粉，炸油器，蘿蔔糕及紅綠豆粥，都是物有所值，平靚正份量足，是滿肚而還，價錢低食，值得再來一試！白粥熱濃郁綿綿，喉嚨感覺清潤滑溜！碎牛肉粥味精料多，熱辣加條牛脷蘇真美味配搭可口！又一次食到平靚正熱辣飽滿的地道香港粥品！不妨一試！

想食粥.....去到青山道搵嘢食 見倒店前 poster 有套餐 價錢好吸引套餐 柴魚花生粥 & 豉油炒河粉外賣 17+1= 18 平柴魚花生粥 ~ 粥底傑 痴埋1嚿有味粥但冇柴魚味 亦搵唔倒柴魚花生得幾粒 硬骨頭幾嚿懷念媽媽嘅味道 傳統嘅做法炒河粉~ 分量唔少 深色醬油 味香 食就幾油膩河粉厚粗條 一疊疊未炒散冇芽菜 得幾條椰菜絲

舊式粥店，有套餐可選，非常親民。 坐下，要了豬紅粥+油炸鬼。 粥底綿密，豬紅目測已有六塊，相當足料。 油炸鬼瘦瘦的，但我一人享用，足夠了。是晨早炸好的吧，現在已是11點了，口感仍脆，但已不熱了，幸好我喜歡混在粥內吃，影響不大。 吃得飽飽的，幾錢呀？15大元而已