冠華粥品店

Open Now

Now Closed

早前剛食完新耀榮粥店，就有網友推介附近的這間給我，還說這裏的粥更好，而且價錢平；今日見時間有空，就過去試吓。🤔店內地方比較細，牆上掛上大大小小不同的膠袋，看似比較混亂；同樣叫了皮蛋肉片粥、炸兩及炒麵。炒米及炒麵放在鐵兜內，完全沒有加熱，凍冰冰的夾起就上枱，吸引度不高；炸兩明顯放了一段時間，又係凍冰冰上枱，中間的油條軟腍腍，有可能係隔夜貨色，放在熱粥內浸泡一會，才稍為比較好一點。😓粥底明顯加入大量粟粉，雖然杰身但口感粉粉的，不是我杯茶；肉片明顯唔新鮮及煮得過熟，皮蛋份量更是少得可憐；雖然價錢比新耀榮平啲，但水準明顯相差很遠。🥲最離譜係胡椒粉，不知放了多久，濕淋淋的黐在一起，完全倒唔出，看見都唔開胃；水準這樣差，竟然還會有人推介！😅#皮蛋肉片粥 #炸兩 #炒麵#冠華粥品店地址: 香港長沙灣青山道255號地下8-9號舖

在長沙灣吃粥，我祇會幫襯冠華。我常懷疑店主和食材是有仇的，要去之為快，盡快一大份送給客人。這裡無論你叫碎牛、艇仔、滑牛、滑肉、及第都是大堆頭，今天我吃的滑牛豬膶粥，有七大片豬潤，一大堆滑牛，要和友人分吃才吃得完，豬潤和牛肉都是剛熟，滑嫩可口，因為是生滾，鲜味也滾進粥裡，最要讚是薑絲也少，一口燙口熱粥，一口豬膶，一口滑牛薑絲，太忙了，還要吃甜醬麻醬腸粉，這就是香港美食。的確，它的枱面有時盛載之前客人的痕跡，它還是我不二之選，因為用一張紙巾抹抹，就可以吃一碗熱騰騰、價廉物美的熱粥，看店員忙得團團轉，看食客享受尋常又尋常的美食，所以冠華是絕對值得一來再來。

點左熱紅豆沙，黎錯綠豆沙，同阿西面大嬸講我叫嘅係紅豆沙，佢話綠豆沙都一樣😳😳(!!!)，叫我照食，我話我唔食綠豆嘅，叫佢換返紅豆沙畀我，佢黑曬面咁換返碗紅豆沙畀我。👎🏻👎🏻👎🏻碗紅豆沙好滿，喺佢態度惡劣好用力咁飛碗紅豆沙落枱面嘅情況下，大家就可以透過張相睇到個碗邊同埋枱上面比佢整瀉咗嘅紅豆沙喇！！！😡😡😡至於碗“熱”紅豆沙，一！啲！都！唔！熱！！！ 麥當勞自助水機斟出嚟嘅暖水都仲暖過佢！！！ 食咗三分一碗後，餘下嘅已經凍曬，連微溫都冇❄️❄️❄️ 同埋勁甜，真係食‘’糖‘’水🤮值得一提嘅係呢間粥舖真係好污糟， 原來仲有其他嘅食評都係咁講🤮🤮🤮

出品不佳, 服務九流. 要個牛脷蘇話熱其實係凍. 要個炸兩得到係冇賣出凍晒既. 粥品也不好食. 非常失望. 伙記态度也是很不友善. 真是不知所謂. 如要貼錢買難受, 一定不會令你失望.

Ricky san 推介咗三樣及第粥、油炸鬼牛脷酥、蝦米腸粉我先講，及底粥真係貨真價實嘅一絕誇張啲講，做咗咁耐人，呢個生滾及第粥係深刻地好食入面嘅豬潤豬腸豬肉丸等等真係好鬼新鮮你倒少少豉油同胡椒粉，點啲餸落去食，又嫩又爽又鮮不過另外就麻麻了我一個人食，所以冇叫又油炸鬼又腸粉淨係叫咗炸兩係難食嘅炸兩淋嘅腸粉皮無Ricky san講到咁厚實我係食唔晒，失望咁走。同場加映環境衛生一如各留言人所講唔係乾淨嘅掃晒啲嘢落地就當抺咗有某一兩張櫈係濕嘅地下有時見到腸粉皮枱面未抺乾淨係小事不過價錢又好公道喎$25 生滾及第粥個人覺得係值嘅，我仲以為三四十蚊添炸兩收我$11差唔多啦我而家係好後悔如果食油炸鬼，係咪會好好多？

區內唯一的傳統粥品店，附近沒人選擇才幫襯衛生欠佳的粥店，午飯時間，叫咗個蘿蔔糕，食食吓又酸又叔，同店員姨姨講蘿蔔糕變了，姨姨好似一早就知道，反應好快說：「叫過第樣！」咁就繼續賣餘下的蘿蔔糕，睇吓邊個新冠後遺失去嗅覺味覺就食咗。

呢間粥舖開咗好多年㗎啦今次係第一次食佢相當之抵食 20幾蚊就有一個粥 +腸粉/炒麵/油器等等⋯ 我想講個粥真係都幾好食，啲配料都入味 我心諗：點解皮蛋瘦肉粥會比其他粥貴 但食到最後發現，原來佢有成隻皮蛋😂 因為啲皮蛋好大粒 同平時喺出面食嗰啲切到細細粒有啲唔同 鍾意食皮蛋嘅你就啱啦😂😂😂炒麵： 我食咗兩啖無食了⋯ 凍、淋！ 一句 難食腸粉： 我見到佢哋係一早整定嘅 所以都係凍咗嘅 如果佢熱啲就會好食啲 不過都係比較淋 朋友搵咗好耐都搵唔到芝麻 我地台、隔離台都無 環境衛生方面： 很差 👎🏻👎🏻👎🏻👎🏻👎🏻 如果你叫我再坐喺嗰度食嘅話，我應該唔會 真係污糟 🥲🥲🥲 我哋坐嗰張枱，佢抹唔乾淨都唔緊要⋯ 突然之間我朋友話要轉台 佢話有隻小小強張枱度行緊🥲🥲🥲 好彩我見唔到 唔係我應該嚇到反枱🥲🥲🥲雖然轉左第二張枱，都唔覺得佢有特別乾淨🥲 總括而言： 啲粥係幾好食，可以外賣⋯

呢間街坊小店，傳統粥店味道。正如其他食評講，係污糟既，枱面污，地下糟，仲會有曱甴仔四圍走添(尤其晚市)。一向食開唔覺，粥上枱前，匙羹已放在碗粥入面。有次食生滾粥，豉油碟及匙羹另上，先發現匙羹有粥，係咪未洗乾淨，換第3集先可以接受到.... Wow.... 雖然情況係一般人會難以接受，BTW，我附近返工都食咗7-8年，無既，真係超平吖嘛，窮人恩物。Honestly, 話污槽，但我又唔覺食完肚痛喎。多年不變食艇仔走皮+炸兩/腸粉，由$16食到$22。$22蚊已經好抵，8年加價只係37.5%，絕對唔係謀取暴利既良心食店。仲要係有米粥，碎牛/土魷多料，唔係將貨就價。所以係我仍然幫襯既原因，就係有heart。(最憎就係連鎖式X皇粥店既冇米粥，搞多兩搞粥變水，幾廿銀食完都唔飽。)

街坊粥麵店，味道ok，套餐更抵食。舊日很多時早上都會到該店買早餐，小店樓面和煮食很多時都是同一班姐姐，可以理解，但舊時的姐姐們包野食煮粥時都會先除手套。不知何時開始，姐姐們開始唔除手套，呢邊抹完枱，個邊就直接拿料放入煮粥。包炒麵的姐姐很多時更勁，大姐，剛剛先睇住你揸住條萬年抹枱布又抺門口膠片，又抹枱，你放低條布就直接好似整金銀衣紙咁，一個拳頭㩒張油紙落碟，有夾得唔好既直接用手兜番上碟。話過一兩次，阿姐面口黑曬都係唔除手套只叫做唔直接用手兜番碟邊既麵上碟。試得幾次真係頂唔順想嘔，之後就冇幫襯一排，上星期買個炸兩，見到又係呢邊抹野個頭就揸落炸兩度，十蚊都唔好意思同佢嘈，出門口直接掉左落垃圾桶，決定唔會再幫襯。

今天經過長沙灣(冠華粥品店)被價錢牌吸引平……平!粥品店是老式粥鋪來光顧都是中老年人，可能來懷舊番。嗌咗1set 艇仔粥+炸兩艇仔粥+炒麵艇仔粥粥好棉好足料(豬皮、鱿魚、肉丸+小小炸粉絲和炸花生)個人喜好將炸兩加入混醬👍👍炒麵略為琳咗D

🍽冠華粥品店 (長沙灣)📍長沙灣青山道255號8-9舖 (入口設於永隆街).簡單有時就係最唔簡單。好足料嘅粥料 haha 嗌咗兩個Set 。🍲皮蛋瘦肉粥配蘿蔔糕 $25🍲碎牛祝配炒米粉 $21.佢個蒸蘿蔔糕係原底蒸嘅，開頭以為係煎嘅先至夠香，但係佢個高底好綿，好滑，冇諗過蒸蘿蔔糕會有呢一個質地，感覺好似食緊麵包布甸咁。.#利利仁飲食雜誌九龍區 #長沙灣美食 #長沙灣 #長沙灣街市 #保安道體育館 #九龍 #中式料理 #蘿蔔糕 #米粉レシピ #米粉 #粥 #carbs #carbonfiber #窮人恩物 #牛肉 #soup #congee #Hongkonger #hkfoodie #foodie #foodiehk #852food #hkfood #HongKongfoodie #Hongkongfood #chinesefood

天氣太凍，早餐真係要食碗粥暖下個身，Search Openrice附近有呢一間粥店，就去幫襯。叫了碎牛粥加炸兩再加煎堆，一共$29，真心抵。味道方面，正正常常啦，粥底OK的，不過D碎牛就Hea咗少少，成Pat落，一D都唔碎，不過味精唔太多，OK。$29唔會期望個炸兩同個煎堆會熱辣辣，而結果亦合乎預期，不過雖然唔熱，但係入口都OK的，煎堆就算凍都無成口油，炸兩舊油炸鬼亦無柴皮，OK啦，收貨了。

由於近來愛吃煎炸食品，令到喉嚨痛發作頻密，剛巧路經長沙灣站，即時打開OpenRice 找一間粥店，吃一碗易消化的粥。此店選擇十分多，普通如碎牛、皮蛋瘦，到生滾魚腩雞，而且非常價錢貼地。我叫了一碗小時候巳愛吃的豬腰肉丸粥，由於老頭子來自順德大户，所以我自少被縱容得有點饞嘴！！但估不到，腰丸粥的丸，不是手搓的豬肉丸，而是現成的急凍肉丸！！！？？加上粥底偏咸，吃不到三分一碗，我放棄了。三十五元一碗的急凍肉丸豬腰粥，看到我凸了眼，究竟現在流行這種食材，還是這店的特式粥品？！下不為例！

嚟街坊小店食嘢，預左只為食物而來店裡充斥住店員的叫聲，很市井的不會有星級服務只要抱著只為平食的心態，就沒有問題價錢是非常非常貼地，套餐由$1x-$2x都有出面單點一碗魚片粥都要$2x呢度，連埋油條都只是$22平通街我睇過餐牌單點油條是$7，佢仲係店自家很嘅油條我點了套餐C魚片粥+油條碎上，$22魚片是生滾的，靠粥的熱力將它迫熟魚片份量唔算少了基本上魚片可吃到最後粥底也不錯，很滑和綿每碗粥都附有少量炸花生和蔥有時咬到炸花生，原來送粥是非常香口的嚟這裡，只為平食而來

前一晚已經好想食粥炒麵，今朝反工又黎食呢間傳統粥店。其實已經係常客，雖然夏天好熱，但店內冷氣同風扇都有開，絕對夠涼。呢度係一間傳統粥店，所以除咗一d傳統粥，仲會有生滾粥，幾乎你嗌乜有乜👍🏽今日嗌咗皮蛋瘦肉粥，真係好足料，皮蛋食極都有🤩🤩除咗粥，一定要食腸粉，呢度既腸粉係即叫即蒸，非常滑，而我揀既滑牛腸唔係平時酒樓食到既牛肉腸，而係真係食到一片片既鮮牛肉😋今日仲嗌咗炒河粉，無乜特別，但加咗佢地既辣醬之後又加分咗，好香既，不過比一般辣醬辣。總括嚟講係好岩一d突然想食粥炒麵傳統早餐既👍🏽👍🏽推介