Video
6-min walk from Exit E2, Mong Kok MTR Station
continue reading
Telephone
27107831
Payment Methods
Above information is for reference only. Please check details with the restaurant.
今日正直中秋節，祝大家人月兩團圓，今日公司有得收早，本身放咗工之後同屋企人一齊做節，但唔好彩地另一半抱恙，所以我要好好照顧下佢先。剛先去完觀塘之後去旺角諗住買少少食材今晚煲碗靚粥佢食下，經過廣華醫院嗰頭諗住去街市買啲菜乾煲粥，呢個時間都開始人頭湧湧，果然做節先有少少氣氛。買完野諗住返去嘅時候，見到有人買啲燒味返去做節，雖然我哋唔駛但係見到呢檔嘅燒味都幾吸引，所以都想買少少返去應下節。行到去舖頭門面唔係好大，透過玻璃亦都見到佢除咗基本嘅燒味之外，都仲有啲鹵水鵝，種類都算多元化。喺側邊見到大部份街坊都係做節用嘅，見師傅斬得咁落力我咪走去同個職員吹咗兩句水，正當我諗緊食咩嘅時候，店員都介紹佢哋舖頭出名既五味鵝，佢係用秘製嘅汁去整嘅，雖然睇落去都係似鹵水，不過既然佢話做法唔同又咁推推介，咁即管試下啦。既然得我自己一個食，咁我嗌咗一個雙拼五味鵝拼呢個紅腸，哈哈~~~ 冇計啦，我真係好鍾意食腸，見個師傅好賣力斬緊我嗰一盒飯，嘩~ 佢都相當夠份量，等咗一陣終於都可以攞得喇，而且仲送多碗湯俾我添，真係有心。買齊晒啲嘢返屋企慢慢嘆，返到去由於只得我一個，所以係呢個時間快的處理好晒啲食材煲粥，趁煲緊粥呢段時間，我都要醫好我嘅五臟廟先，一打開盒飯已經有一陣甘香味湧出嚟，個賣相真係非常之好，鹵水鵝同埋紅腸嘅份量好多，我都急不及待開餐啦~ 第一時間試下五味鵝先，放入口之際果然同坊間食嘅鹵水鵝係有啲唔同，雖然佢嘅做法應該都差唔多，但係佢嘅味道估唔到出奇地好味。首先佢嘅鵝肉好嫩，肉質吸收咗佢嘅鹵水香味，食入口時唔咸，味道剛剛好。雖然平時我都唔係非常好鹵水鵝，但係佢呢份五味鵝飯居然整得好好食，而且一的都唔肥，令我刮目相看。紅腸當然就係正常啦，三扒兩撥嘅時間，我已經好快將盒飯KO咗。最後飲埋碗湯，正正常常冇味精做得唔錯，估唔到個職員冇介紹錯，佢呢間嘅鵝飯你哋試過就一定知我冇介紹錯。好啦，我又要繼續煲粥啦，各位中秋節快樂~~~
continue reading
📍 利源燒臘坊 (旺角)旺角煙廠街1-3號鴻祥大廈地下J號舖收工唔想煮飯，見就手買左盒燒味返屋企食，估唔到又唔錯咼😆👉叉雞飯 💰$55😋😋😋😋.5/5叉燒燒到焦香，我話要瘦叉，雖然佢瘦但絕對唔會乾😆而油雞肉就入味。重點佢既薑蓉絕對係靈魂，配上米飯🍚食曬另外，仲有例湯送，好滿足回頭: yesYesyes!!!店內仲有位可以坐低食💕💕💕✨✨✨🤟🏾🤟🏾🤟🏾🤟🏾🤟🏾🤟🏾🤟🏾
continue reading
今日行過新寶戲院附近嘅小型街市，見到呢間燒味舖，忍唔住食左個叉燒飯，又幾正喎🤤🤤睇吓佢哋啲燒鵝燒味幾靚，流晒口水🤤🤤而家佢哋做緊優惠，$38一盒飯，仲送老火靚湯😋即刻打包一個外賣返去食😍😍靚湯飲落清清地，唔會過咸同重味精，唔錯👍我點左叉燒紅腸飯，叉燒肥瘦均勻，肉質夠腍，而且燒到剛剛好，完全唔使加醬都無問題👍菜心都好嫩，食落清甜☺️下次要試吓佢哋都叉雞飯☺️☺️店舖仲有好多其他選擇
continue reading
位於旺角的舊式燒臘店，充滿歷史的裝潢，十分傳統。首先，燒肉是主角之一。燒肉片經過特殊的調味和烹煮，口感鮮嫩多汁，滋味濃郁。每一片肉都帶有微焦的外皮和香氣四溢的調味汁，最重要香脆的外皮，令人垂涎欲滴。油雞是這道菜的另一個亮點。油雞肉質鮮嫩，滋味豐富。它以特殊的烹調方法製作，保持了肉質的嫰滑和原汁原味。油雞的表面有一層薄薄的油脂，使得肉質更加滋潤。最後的配料和調味非常出色。米飯蓬鬆細緻，與燒肉和油雞完美搭配。
continue reading
利源燒臘坊😘😘😘街坊飯堂旺角旺地區、煙廠街、新開小店、街坊食䟫、店主多年餐飲經驗、投入燒臘坊、店後自設工場👍🏻自家控制食物質素！新張推廣👍🏻食任何飯一律$38送靚水（除燒鵝）飲品一律加$5鹹蛋加$6秘製家鄉五味鵝、白切大雞飯、另加蜜汁叉燒送例水秘製家鄉五味鵝、皮脆香、秘製材料醃製、肉質感豐富、切雞白滑、清香鮮雞味、叉燒軟腍腍⋯⋯店主招牌五味鵝（家郷㊙️制）🈶️港味！嘻嘻😜*長者咭切雞飯$33*店主益街坊稍後靚燉湯🥣推介龍骨牛大力紅棗杞子雞湯藥材豬腰尾龍雞骨草黑蒜湯羊肚菌利源燒臘坊九龍旺角煙廠街1-3號J舖港鐵旺角站E2出口、步行約6分鐘
continue reading