劉興記生煎包專門店

Open Now

Now Closed

劉興記生煎包專門店位於大圍的劉興記生煎包專門店，無疑是喜愛上海口味食客的心頭好。這裡的菜色不僅份量充足，更是讓人一試成主顧。上海排骨菜飯 + 生煎包 + 冷豆漿我點了上海排骨菜飯，搭配一隻生煎包和冷豆漿。排骨的肉質鮮嫩，醬汁濃郁，飯粒吸收了美味的汁液，口感極佳。生煎包外皮金黃酥脆，咬開時，鮮美的肉汁瞬間迸發，讓人驚喜不已。冷豆漿則清新解膩，且可以無限添飲，十分貼心。蔥油雞扒拌麵 + 生煎包 + 冷豆漿另外一盤蔥油雞扒拌麵，雞扒鮮嫩多汁，蔥油的香氣更是令人食指大動。拌麵的口感滑順，搭配一隻生煎包，真是完美的組合。再次配上一杯冷豆漿，讓整餐更加爽口。白烚小白菜苗最後，白烚小白菜苗清爽可口，是整餐的最佳配角，均衡了油膩感，讓人吃得更舒心。總的來說，劉興記生煎包專門店的每一道菜都讓人感受到份量的實在和味道的美好。生煎包的爆汁和豆漿的無限添飲，更是讓這次用餐體驗無可挑剔。無論是朋友聚餐還是家庭聚會，這裡都是一個值得推薦的好地方！

🩵蔥油雞扒菜飯+生煎包（1隻）原塊啖啖肉雞扒，食肉獸之選！菜飯幾有咬口，套餐仲跟一隻生煎包，咬開爆曬汁🤤 成個套餐份量好足，抵食之選～🩵蟹黃生煎包包煎到超級香脆，包都做到呢個口感太出色👍🏻 蟹黃味香濃～ 同原味生煎包一樣爆曬汁😍 encore左2次，值得一試😛🩵手功豆沙窩餅外皮煎到脆脆地！唔會太厚皮，紅豆蓉做得好棉滑，唔會死甜，如果d餡再多d會更滿足😆 🩵凍豆漿任限豆漿，CP值極高😍😍 豆味香濃，甜度岩岩好，係會想令人追住飲既味，加左3、4杯🙈

呢間小店主要係食生煎包為主，即叫即整，我地見佢60蚊有8個甘抵就叫左8個黎食，入面既醬汁真係好勁爆到唔小心彈到朋友件衫，內面勁爆汁，仲要唔爆汁可以換個粒，大大粒好圓潤飽滿，而且唔太油膩，我地仲叫左蒸小籠包好熱辣辣同多汁嫁，小籠包都好入味，仲叫左一杯豆漿可以任飲，呢個價錢好抵飲，小篇都飲左幾杯，仲有呢度平時都幾多人要食要預早排隊，呢度既排骨都好香脆，有咬口，平時仲有下午茶餐供應好抵食同親民價錢，唔怪得甘多人食。

呢間小店愈開愈多間，網上好多人讚佢個生煎包😋見開咗間分店係大圍，近近地就去試吓啦😛好彩早少少6點零去到，食飽7點幾已經要排長龍🙈1. 迷你雞絲酸辣湯加生煎包6隻 （$59）套餐幾抵食，兩個人share剛剛好😎酸辣湯啲雞絲幾鞋，酸辣湯味道偏酸😅生煎包新鮮熱辣🤩都幾大隻，個底煎到好脆😋裡面好多肉汁，好鮮甜🤤食個陣要小心呀🤭2. 生炸雞扒蔥油拌麵 （$42）生炸雞扒唔錯👍🏻keep 到肉質嫩滑，淡淡肉🤗蔥油拌麵偏油，雖然蔥油好香，但個人覺得油膩左啲😅

鍾情上海嘢一定要揀呢間，首推生煎包😁😁一咬落去極多汁，先到個皮啱啱好，好有咬口，好香，肉質鮮嫩，必點之選👍👍之後叫咗四隻小籠包，熱辣辣上枱，咬落去啲汁咇出嚟😇😇然後到兩個主食，我哋分別叫咗雞扒蔥油蔥油面及排骨蔥油面，由佢嘅雞扒同排骨可以見到炸物都非常出色，好香口，而且大大碟😇😋份量非常多，建議兩人一碗麵，之後叫多啲小食另外可以買滿$60 ，堂食豆漿無限添，佢啲豆漿非常真材實料，飲落有啲豆漿渣添😀😆

大圍搵朋友逛圓方, 晚飯時間, 朋友帶我去食 "劉興記", 眼見附近餐廳都比較靜, 唯獨呢間大排長龍🫣, 難怪朋友強力推介😁一坐低店員唔係畀茶我哋, 而係畀兩杯豆漿我哋🤔, 朋友解釋原來呢度嘅豆漿係無限添飲㗎🎉🥰🥔皇牌套餐 : 招牌上海排骨菜飯 + 生煎包1隻 $54排骨外層炸得酥脆, 肉質軟淋🤤, 菜飯亦都做得非常美味👍, 生煎包係爆汁㗎💥😘, 皮薄多汁, 個底仲煎得好脆口, 一個實在唔夠喉🥔皇牌套餐 : 鮮雞湯小雲吞 + 生煎包2隻 $54雞湯鮮甜, 小雲吞份量好多, 皮薄餡靚, 連湯都差唔多飲曬🥔蔥油拌麵 $30蔥香濃郁撲鼻, 面質爽口煙韌, 油而不膩🥔豆沙鍋餅 $28餅皮薄脆, 有淡淡嘅蛋香味, 豆沙饀唔會太甜, 健康美味👏👏

今日見天氣凍凍地，真係非常之適合食一個熱辣辣嘅生煎包，經過大圍見到有劉興記，就食吓佢非常出名嘅生煎包入座時候係晚上七點，大概有五六個人排隊，但係等候時間唔算太長✅✅鮮雞湯小雲吞鮮香四溢，雲吞的皮薄餡多，內餡鮮嫩。小雲吞在湯中吸收了雞湯的精華生煎包生煎包外皮金黃香脆，底部微焦，內餡多汁，肉香四溢。食嗰陣非常爆汁，小心熱。🔥🔥🔥🔥榶醋炸排骨菜飯排骨外脆內嫩，榶醋的酸甜味道與肉的香氣相得益彰。搭配的飯粒鬆軟，吸收了排骨的精華手工豆沙窩餅外皮金黃酥脆，內餡的豆沙滑順甜美，口感層次豐富。

招牌生煎包熱辣辣，外皮煎得好香脆，連生煎包底部都煎得焦脆香口，真正係皮薄底脆！輕輕一咬就已經爆哂汁，仲食到好鮮香嘅豬肉餡料同埋蔥花、芝麻嘅香味上海排骨湯麵份量好多！上海排骨炸得金黃酥脆，排骨炸得好乾身，但仍然保留到好多肉汁，湯麵有口感鮮雞湯小雲吞皮薄餡靚，細細粒嘅小雲吞，餡料都充足，配埋好清甜嘅雞湯，幾好味手工豆沙窩餅炸到金黃色脆卜卜，甜度啱啱好，甜而不膩餐廳舒適，上菜速度快，餐廳店員服務態度友善，抵讚！性價比好高，價錢合理，唔怪得知成日都大排長龍啦

早排有人外賣左生煎包比我 外賣都勁出色 今日要去現場感受下先🤩鋪位唔係好大 所以門口keep住都有條隊好彩大家都係速戰速決 好快就有位😌招牌生煎包(8隻）每個人檯面都必需要有☺️皮同餡嘅比例唔錯 ‼️千萬要記得第一啖要細細啖‼️啲汁係會周圍噴 唔小心就會辣親嘴啊套餐S2 蔥油雞拌麵 ＋生煎包（1隻）配（凍）豆漿同認知嘅蔥油拌麵有啲出入🧐🧐啲蔥好吸引 但會zip牙那🫣再加埋辣椒醬就完美😌手功豆沙窩餅即叫即煎🥰薄薄一層豆沙餡 唔會太甜 美好嘅飯後甜點簡簡單單 兩個人百零蚊 已經飽到上心口抵食👍🏻👍🏻

這日係大圍開完會真氣難下。開足半日同老闆頂足半日。心裡決定要食返些去平衡自己的心態。大圍係這區食肆臨立之下。竟然不覺意下見到幾有特式的小店。招牌生煎包。生煎包既肉汁滿瀉。肉質咬勁。底部煎特脆脆可口。要小心肉汁燙熱入口。蟹黃小籠包。蟹黃的獨特鮮甜海鮮味道。真的令人難以忘記。肉汁爆射。蟹黄令成個口腔內充滿口腹之慾。皮薄餡靚。入口即化。但真心要小心內部滾湯。肉質鬆軟。最重要係入面每位服務員積極&禮貌地服務。有介紹食物給我。勁好服務態度。

📍劉興記生煎包專門店 大圍積信街27號地舖大熱爆汁生煎包，大排長龍，生煎包是現叫現造，每枱都必叫，裡面熱騰騰的肉汁非常多，外皮底部煎至金黄酥脆，撒上芝麻、香葱，非常惹味，第一啖一定要小心食，因為會爆漿，小心燙口。豆漿任飲，不會太甜，店員好好不停refill。☁️招牌生煎包☁️蟹黃生煎包 ☁️排骨蔥油拌麵☁️迷你雞絲酸辣湯

上海排骨菜飯，上海排骨煎炸成金黃色，好香口好酥脆，肉質軟嫩，一啲都唔嚡口，味道好惹味，配埋菜飯一齊食，好夾！生煎包上皮薄，下底脆，生煎包皮煎得好香脆，而且加入芝麻，更加香口！輕輕一咬就爆哂啲肉汁精華出黎，肉餡香濃多汁，好滿足，好好味上海排骨湯麵，份量好足夠，上海排骨好香脆，仍然好juicy!!湯麵湯底好清甜，麵質都好彈牙，好飽肚凍豆漿豆香味好濃郁，豆味仲好突出，質感比較厚滑餐廳舒適，座位數量不多，上菜速度快，餐廳店員服務態度好友善，抵讚

住大圍 見呢到有分店就諗住試下新野下晝3點幾 唔使等可以直入叫左8隻生煎包 1碟油菜 1份炸豬扒 兩樣飲品生煎包: 係有湯汁，但唔夠熱個底好厚 調味一般亦相當油食完好膩，5分質素油菜: 落左相當多油 反哂光炸豬扒: 稍為好，夠熱同鬆化，唔會太乾同得炸粉豆漿: 店員唔老實，落左一杯豆漿之後原來唔識跳返優惠，本來應該免費但照收左我$8，同佢講返又話改唔到單。未埋單都話改唔到單，硬俾左$8然後杯豆漿係唔夠凍，好多豆渣，唔理價錢去睇，都絕對係極差水平，最後飲完一啖就浪費哂兩杯整體黎講，屬於唔食冇可惜，食完可能會嬲既質素，店員好懶，不善溝通亦懶理香港餐廳已經唔易做，呢啲服務同食物質素係自殺

唔知點解大圍人真係好鍾意食中菜，根本上只要係新開嘅中菜都會有人排隊。中午12 點已經有條人龍，記得帶把🌂唔係曬到應一應。招牌生煎包（$20/兩個）一場黎到自然要試生煎包。生煎包外皮金黃酥脆，內餡多汁✅底部有焦脆口感！蟹黃生煎包 （$40/ 兩個）蟹黃生煎包係另一道必試！蟹肉鮮甜，搭配濃郁的蟹黃，口感滑嫩，而且多汁challenge 都✅ （唔使退貨😂）小籠包 （$24/4隻）小籠包皮薄肉多，湯汁豐富✅ 搭配醬油和姜絲別有一番風味。（我個人甚至覺得小籠包出色過生煎包😀）排骨菜飯（$46）排骨份量好多，炸得香口。同菜飯一齊食解膩。麻醬雞絲粉皮（$35）雞絲粉皮清爽可口，是一道清淡的選擇。粉皮滑嫩，雞絲鮮美，搭配特製的醬料，讓整道菜都充滿了層次感。豆沙煎餅 （$28）食完鹹嘢就想食返d 甜嘢。推介豆沙煎餅。外脆內軟，甜而不膩，豆沙餡料分量十足，令人滿足～另外一個優惠係，惠顧$60以上豆漿任飲搭配點心享用，另一層次👍🏻

事源，望到豆漿仼飲仲以為自己一定會飲好多杯，原來一杯好飲既豆漿都可以整到咁難飲，怪不得仼飲，但sorry比錢我都5會飲，點解從未飲過豆漿口感好似未隔清啲渣甘，一d都唔滑，感覺飲緊有渣無豆味既水？ 我人生未飲過一間甘地獄，今日去到叫左兩個餐，加個蟹粉生煎包套餐係排隊既時候已經望到，粗制濫造，本身一d期望都無，坐低叫完個餐勁快到，一食落口，雞絲酸辣湯變雞件胡椒粉水，本身無期待，到我哋自己加辣椒醋，都叫有返個味喇，繼續食，食食下咬到件雞件臭同腥，我完全癲咗，雞絲粉皮到，都係啦雞絲變雞件，粉皮變粉卷，大佬丫，咩叫粉皮，你連佢係皮都5煮到佢變返皮，點食丫？😂😂😂不如5好做啦⋯到生煎包，招牌野無得輸喇係咪？生煎包個皮厚到防幅射甘，我有食哂既，因為最正常，到個蟹粉生煎包，你得兩個生煎包做招牌菜，都無理由又腥又唔熱，食左一隻，放棄一隻，叫左4隻，覺得呢餐飯好難食，貼錢買難受，最後，結論5值得排，除咗佢個正常生煎包正常少少外，其他都好難食。人哋祥X記個皮做得好好多囉，完。。不喜勿插，真實評論