劉興記生煎包專門店

Open Now

Now Closed

最近黎到荃灣呢間人氣爆滿、風頭一時無兩既小店-「劉興記生煎包專門店」同朋友晚上7點黎到，人流都源源不絕，入面坐無虛席小店黎講 入面環境光猛整潔雖然繁忙時間都要搭枱 但枱面闊度都吾算好迫夾餐牌上都有不少種類選擇，亦有套餐揀，價錢相當親民抵食👍難得黎到當然要試試佢皇牌推介：🔸招牌生煎包2隻 $20🔸蟹黃生煎包 2隻 $36呢到最出名點少得必點既生煎包！面層有好香既芝麻、蔥花外皮煎得好香脆一咬落去，超爆多汁，肉汁多又鮮甜十足蟹黃生煎包更加驚喜！裡面濃濃既蟹肉蟹皇，同樣爆哂汁有樣野要提大家，就係食既時候要睇住爆汁同埋睇熱，因為佢地都係新鮮整出嚟嫁😉兩者均十足出色，好好味😋🔸原味小籠包4隻 $40呢個侍應話係新品，暫時限量發售我地好好彩可以有機會食到😝小籠包新鮮製成，都幾大個饀肉多 肉嫩多汁 滿滿既肉汁真係超滿足🔸鮮雞湯小雲吞 $30小雲吞好好味😋 雞湯配蛋花整體味道好清甜配埋菜 感覺更加健康😙🔸糖醋炸排骨菜飯 $46黎到份量一啲都吾少排骨鬆脆肉嫩，配埋個開胃糖醋汁甜甜酸酸好岩夏天食，可以提升食慾🔸雞絲酸辣湯麵 跟 粗麵 $$34呢個酸辣湯麵好足料 麵底又多酸辣又係岩哂夏天食，又係超開胃既一道菜

最近我到了一間位於荃灣的正宗手工生煎包店「劉興記生煎包專門店」，真是驚喜連連！店舖佈置簡單樸實，牆壁磚磚白色，桌椅樸實無華，散發著懷舊溫暖的感覺。食券上列出的招牌生煎包$20兩隻，真是令我垂涎三尺！頭先叫了之後，他們立刻將現包現蒸、現學現煮，熱騰騰噴香地端上來，實在誘人。生煎包外層焦脆金黃，內餡汁水飽滿，餡料鮮嫩多汁，真是難以抗拒呢！一口咬下去，皮脆餡嫩，香嫩鹹甜的味道頓時充斥口腔，回味無窮。我也試了蟹黃生煎包$18@1隻。它的外型同普通生煎包無什麼分別，不過一口咬落去就驚喜萬分。蟹肉味濃郁，加上濃稠香濃的蟹黃，與生煎包的皮脆餡嫩形成強烈反差，實在是食得停不了口呢！除了生煎包之外，亦試了他們的招牌擔擔麵$42。麵條Q彈牙，配搭上濃郁香辣的擔擔醬汁、肉絲、花生醬、小蝦粒、蔥花等配料，層次感超強，鹹香麻辣味俱全。還有炸醬拌麵$34和雞絲酸辣湯小雲吞6粒$32。炸醬麵濃郁醬汁拌勻Q麵條，入口即化，好開胃。酸辣湯內有鮮甜雞絲和彈牙雲吞，酸辣爽口，暖呼呼的，好適合這個冬日。最後我還喝了一杯低糖豆漿$10，清新醇香，為餐後添上一個完美句號。強烈推薦大家嚐一嚐這裡的正宗蟹黃手工生煎包+擔擔麵招牌美食

｛食盡荃灣之中式 — 劉興記生煎包專門店 ｝————————————————講到食生煎包，當然係要食一啲用全人手製造新鮮即整嘅生煎包最為好食啦， 今次食呢間，我就一邊食一邊見到師傅喺隔離張枱度整包啦！🔸 招牌生煎包個皮唔會太厚，用筷子吉一個窿等佢冇咁熱，就可以飲一啖佢嘅湯汁， d汁多到瀉出嚟呀！😋 幾鍾意佢有得兩個四個咁叫，咁就可以試多幾款🤔🔸 蟹黃生煎包呢隻味第一次食，打開真係有好多蟹黃㗎wo! 同普通生煎包一樣都係多汁又好味，可以一試🙂‍↕️🔸 糖醋炸排骨湯麵呢個湯麵嘅賣相非常靚仔，佢啲炸排骨唔單止大大舊，而且味道酸甜，非常開胃！🔸 招牌擔擔麵擔擔麵有少少辣， 食得過癮， 又唔會太鹹，唔洗擔心佢唔會太辣，只係小辣， 就算我平時好少辣都覺得好食😋Overall comment:店舖空間唔算好大，屬於平民小店， 店員都好親切，會提我地小心熱親個咀😂， 食物性價比高！

呢期最紅既生煎包 分店愈開愈多以爆哂汁既生煎包作為招牌原來除左生煎包 仲有好多款野食蟹皇生煎包 $18/隻 急不及待要即刻試吓呢個生煎包皮夠薄個底就好脆 配埋爆多湯汁 餡料份量十足 蟹黃鮮香真係又香又好食 絕對值得一試招牌生煎包 $20/2隻 $30/4隻 $45/6隻原味嘅生煎包同樣超級爆汁肉汁好香但又唔會感到油膩性價比十分之高 怪唔之得日日都排晒長龍另外都推介大家嗌好抵食既人氣熱賣皇牌套餐 依家仲送埋杯豆漿 微甜口味 麻醬手撕雞絲粉皮+生煎包2隻 $54依家天氣咁熱最岩食粉皮呢度用左上海水晶粉皮 夠哂凍 芝麻醬沾滿雞絲同青瓜絲 口感非常豐富迷你雞絲酸辣湯+生煎包6隻 $59呢度嘅酸辣湯材料非常多味道酸辣適中 口感唔會太杰秘製上海炸排骨 $22炸排骨夠晒脆 肉質又唔會太乾絕對係一款好惹味嘅小食

荃灣色香味俱全兼價廉物美食肆首推劉興記，門外人龍不止，連發哥(周潤發)都是常客，足見食客對其熱愛程度。招牌生煎包超級爆汁、一大盤包子底脆金黃，肉汁juicy鮮嫩，非常吸睛！灑上芝麻蔥花更香口，咬下去非常爆汁，味道夠鮮甜。鎮店之寶蟹皇生煎包，同樣肉汁爆棚，湯汁鮮香味十足，蟹籽蟹肉超足料。排骨蔥油拌麵是一種以炸排骨和蔥油為主要配料的拌麵。它的口感豐富，充滿了獨特的香味和風味。鹹肉菜飯鹹香四溢，吃到底有飯焦，美味!1蔥油餅食落外層香脆，內層酥軟有嚼勁！

依家生煎包，性價比非常高！飯麵非常之抵食！蟹黃生煎包湯汁超好飲！有鹹香蟹黃味！個皮唔會太厚，但又冇穿窿，出色！酥炸小雲吞鍾意香口野，過晒口癮😋😋一啖一粒，皮唔會太厚，口感唔會死實點吓醋、點吓辣椒油，都好正😌😌糖醋炸排骨菜飯本身以為糖醋炸排骨，係一整塊排骨，上面加啲糖醋汁，點知原來係一件件堆上。個糖醋汁配菜飯，令到個飯冇咁單調，菜飯份量非常驚人㗎 ！真係食到超級飽！幾欣賞佢哋嘅菜飯真係好多菜，而且冇太多嘅調味，唔會太油或者太鹹朋友就嗌咗普通嘅排骨菜飯咁就睇到一整塊豬扒切好咗一件件，好方便冇乜肥膏同筋，啖啖肉，$42! 超值啦！

最近身邊好多朋友都熱烈討論【劉興記】，開頭聽以為系食點心，聽完朋友介紹話系一間主打生煎湯包的專門店。見系大佬最愛，就約左今日去荃灣分店覓食。    講真店舖唔大，位置唔多，如果想食都系預左排隊的準備‼️不過佢地出餐快，大部份客人食完就走，所以唔使排好耐就入到去。👍🏻👍🏻    ⦁蟹黃生煎包 $18/隻⦁招牌生煎包 $20/兩隻必點生煎包，兩款的餡都肉嫩多汁，個人覺得蟹黃那款比較有特色，以及印象深刻。每啖都食到蟹肉蟹黃🦀，100%的滿足感！   ⦁上海排骨菜飯 $42⦁招牌擔擔麵 $42⦁手功豆沙窩餅 $28🍚上海菜飯基本上必備，碎菜🥬令到白飯增加口感。而排骨用薄薄的粉漿去炸，就算炸完肉汁依然好多，但小心燙口。🍜擔擔麵則花生味濃郁，搭配大量櫻花蝦，咸香中帶點微辣，就算食晒都唔會口乾。🫘豆沙窩餅烤得外脆內軟。順帶一提，他們家的豆漿🥛入口順滑，豆味香濃。   

最近挺有人氣的生煎包店，分店也擴充得很快，就來試試荃灣長期大排長龍的本店生煎包其實煎得不錯，底部脆脆的不太油膩，包的部位又不會太厚皮，咬開有不少湯汁流出 但是完全不熱🙂‍↔️🙂‍↔️蟹黃那個蟹黃味當然不突出，但可以接受〜吃到原味的時候才是中伏的開始！原味就最能嚐到湯汁和肉餡的味道，有著濃濃的豬騷味上海排骨口感鬆軟的，但毫無肉味，只有胡椒粉味菜飯的色澤就知道菜粒已經在飯煲內焗到霉霉的～總結 十分一般🤣🤣🤣🤣

招牌生煎包 （2隻） $20 ⭐️⭐️⭐️⭐️⭐️🥜爆曬汁，有脆底蟹黃生煎包（2隻） $36 ⭐️⭐️⭐️⭐️⭐️🥜滿滿蟹黃蟹肉，有驚喜招牌擔擔麵 $42 ⭐️⭐️⭐️⭐️🥜如平時吃的擔擔麵不同，加了櫻花蝦🥜微辣，有花生醬味🥜喜歡這個麵質上海排骨菜飯 $42 ⭐️⭐️⭐️⭐️🥜排骨是吉列豬扒路線，偏薄，炸得不油膩🥜菜飯做到粒粒分明🥜有得自己加排骨汁，我中意加醋吃，哈哈雞絲酸辣湯小雲吞（6粒）$32 ⭐️⭐️⭐️⭐️⭐️🥜與其他酸辣湯路線也不同🥜不會很杰，不會有層辣油紅紅的，不會加麻油，不會有豬皮🥜很足料，我喜歡這個

我今日放假，一早約同好友去位於荃灣街市街37號地舖的劉興記生煎包專門店食美味爆汁蟹黃生煎包，環境舒適，坐得舒服。我點左個 糖醋炸排骨菜飯 $46，好友點左個 生炸雞扒湯麵 $42，另外點左 蟹黃生煎包2隻 $36，招牌生煎包2隻 $20，鮮雞湯小雲吞（12粒）$30，餐飲係凍豆漿2杯$20。排骨酥炸得皮香肉嫩，菜飯好食又健康；雞扒炸得香脆好味，上海麵粗身有咬囗；兩款生煎包都煎得底脆面軟，同樣係爆汁，黑芝麻的招牌生煎包餡嫩多汁，白芝麻的蟹黃生煎包滿口蟹香肉嫩又多汁，各有千秋。小雲吞好食，凍豆漿好飲。

#chuchu食在荃灣📍 劉興記生煎包專門店最近好紅嘅生煎包，見到門口貼住周潤發張相，係正民豐隔離，之前兩條人龍！入面有幾張4人檯，lunch hour通常都要撘檯架喇！—————————————————————❣️ 蟹黃生煎包 $18/1必試‼️真係有蟹肉蟹子㗎！18隻真係好抵！小心湯汁，一咬落去爆曬汁！🐷都唔小心咬爆左啲汁彈到去對面（好彩冇整到人）.❣️ 招牌生煎包 $20/2 $30/4 $40/6真係枱枱都有嗌，包底煎得好香，金黃色的！入面好大舊肉，湯汁都好多✨小心辣親條脷！.❣️ 麻醬手撕雞絲粉皮 $35超多麻醬！手撕雞真係有雞味，唔係雪藏嘅！粉皮都好滑溜溜！.❣️ 鮮雞湯小雲吞（12粒） $30真·小雲吞，真係細細粒好Q😍個湯都好清，不過好夠味！個皮夠滑！.❣️ 招牌擔擔麵 $42都好大碗！面頭有大量櫻花蝦，肉碎都有啲！麵都幾有咬口！不過小小辣！.💬佢有好多個set，都好抵食的！————————————————————— 不專業評分👅好味指數: 8/10 💰性價比: 8/10👍🏻推薦: 8/10 —————————————————————🏡地址: 劉興記生煎包專門店 (荃灣)荃灣荃灣街

諗住過左熱潮無咩人，點知平日收工都排左大約10分鐘咁當然唔少得叫返招牌生煎包、蟹黃生煎包面層灑滿芝麻同蔥花，前者包底烘到金黃色，一咬又真係爆汁，衰鬼～ 啲湯仲幾鮮甜蟹黃餡料都真係有蟹肉蟹膏，不過相對爆汁就無咁誇張但反而最驚艷嘅係生炸雞扒外皮好鬆脆，每咬一啖都sha sha聲，而且鎖得住雞扒裏面嘅肉汁，keep到好juicy～跟埋嘅蔥油拌麵，醬油偏淡，建議加醋吊起個味會更加好食糖醋排骨醋酸味好突出，應該用咗甜醋白醋調成，而且基本上排骨全部啖啖都係肉，食咗咁多舊先得一嚿有骨

禽日同老豆媽咪去元朗試完姑媽又話想試，咁啱要出荃灣～就係荃灣試啦！好多人排隊喎😆今次試左招牌擔擔麵$42都好大碗，仲有海量櫻花蝦，麵質都幾有咬口唔會太腍，愛辣人士要自己加辣。送左兩杯豆漿～豆漿溫度比元朗店凍，好解渴。鮮雞湯小雲吞$30/12粒同元朗果間一樣咁好食~叫埋炸小雲吞$25/12粒試下炸到好香口，脆卜卜，餡好juicy 招牌生煎包$20/2隻＆蟹黃生煎包$36/2隻姑媽比較細食，咁樣佢兩款都可以試到，期間發生趣事😆對面個女仔食緊蟹黃生煎包~一咬爆汁d汁去晒我件衫同枱度～店員即刻比紙巾我地，證明真係爆汁架，食果陣建議咬個小洞啜左d湯汁先再咬，就可以避免尷尬事件發生🙈🙈

荃灣真係多野食，今日經過民豐買完糯米糍，點知隔離又有人排隊，原來係呢間爆汁生煎包-劉興記，當然就要入去會一會佢我地兩個人叫咗必點既招牌生煎包另外叫埋蟹皇口味，睇下個分別，本身都預爆汁，係無諗刑爆咁多汁，好正，而蟹皇真係有絲絲蟹肉添，兩個口味都必叫仲叫兩個主食，糖醋炸排骨菜飯同埋生炸雞扒蔥油拌麵，排骨炸到超香脆，配埋好似有少少士多啤梨既醬汁，勁開胃而雞扒蔥油拌麵，麵一上枱就好香蔥油味，炸雞扒又出奇地好滑，呢個係估唔到最後叫咗麻醬手撕雞絲粉皮，平時好怕啲餐廳會落唔夠麻醬，呢間唔會怕有呢個問題，而且粉皮仲滑溜溜添

荃灣街市街最近好旺熱到酷熱警告都幾乎日日都有排隊黨所以就留意到呢間街坊餐廳非常旺場不過就算等位都好快就入得多數人都係食完就走出面又多人嗌生煎包外賣嘢食抵食之餘份量又夠又飽肚碗菜飯同擔擔麵都好大碗但個人認為夏天比較啱食雞絲粉皮鍾意落少少醋嘅話又可以開胃啲不過生煎包就要食得小心啲一咬就爆汁有機會彈到對面我都目擊咗兩枱客有呢個情況發生舖頭寫明唔爆汁同店員講就有得換非常有信心！！下次行過買四粒生煎包做下午茶先