勵揚餐飲小食 (Moved) New Location

等左好耐，又等到午餐出梅子蒸排骨飯喇住區內咁多年，由勵揚可以擺街食到佢地開埋糖水鋪，水準依然keep得到午餐通常月尾先有呢個飯叫，抵食大大碟飯，排骨都好多舊，酸酸甜甜好開胃，唔覺唔覺就食晒

好難得同男朋友係平日朝早會一齊落街食早餐，今日佢番晏又就到我時間，咁就去食個靚早餐再番工❤️❤️早餐加咗$2🤔不過都合理既男朋友就叫咗叉燒米線配奄列多士，米線煮得有啲耐，所以冇咩口感，太軟身湯底味道都較為淡😔但個奄列就好正，蛋整得好滑，裏面亦好多火腿，咸味適中多士亦烘得好脆👍🏻我自己就食魚柳煙肉太陽蛋🍳個魚新鮮出黎，好脆但冇平時食快餐店個種魚味，魚味較淡，似食整一塊炸野，唔係魚柳🙈最鐘意飲奶茶既我，覺得成個早餐既精髓就係呢杯，茶餐廳黎講佢真係沖得幾好，好滑，茶同奶味適中💃🏻💃🏻

今天遲了享用午餐，見時間已經2點半了，剛好一人在天水圍，簡單找了間最近的茶餐廳。 門口很多雜物 屋邨小店，相對價錢也相宜 一坐下便有店員服務，但我見已兩點多，便叫了一個下午茶餐乾炒牛河加一杯凍檸茶。 店內坐滿食客 食物方面：河粉份量頗多，吃了半碟已很撐了，味道也適中不膩，河粉新鮮滑流，牛肉片肉質稔小插曲：當我在等待美食時，店員突然間將那碟乾炒牛河從我的手側飛出來，店員沒說一聲的情況下我的衣服已被染污了，最生氣是他道歉一聲也沒有，其實好老實，我唔會再光顧這店了，除了食物美味以外，環境衛生及店員服務也是食客會看見及感受的，希望這店能加以改善。

今日放工放好夜，住天水圍既人都知天水圍無野食之餘，如果夜左真係無咩選揀。之前食過幾次呢間都覺得佢幾好，所以今晚就揀左呢間。叫左個沙嗲金菇肥牛炒河。 我覺得味道係唔差既，好有獲氣既 ，但我覺得好少金菇同肥牛，就有好多河粉。所以感覺上成日都食緊d 河粉咁。之前食過d 椒鹽既小菜，我就覺得好好食同份量好多，我會推介大家食椒鹽既野。  價錢有上升過，但仍然覺得算合理。下次會再食，不過會叫埋椒鹽野食，哈哈！

叫左個辣子雞飯,外賣單寫$45,黎到收$50,算。辣子雞份量很少,而且椒比較多,我都算。但我除左食左半舊雞中翼(圖左上角已吃),其他都係雞頸雞骨同雞皮,完全無肉食囉。一直以黎覺得勵揚的食物大份足料好味道,所以雖然價格比附近幾間快餐店貴少少,我都堅持幫襯,但依架淪落到咁既質素,以後唔知食乜好!

屋企樓下既其中一間茶餐廳，陪屋企人食飯既好地方，好朋友吹水既聚腳地，呀叔呀伯飲酒既不二之選！其實自從搬左出去住之後就好少係呢到食飯，之前無論中午放飯又好，係屋企叫外賣又好，同屋企人食飯，朋友吹水都好，唔知點解永遠都係揀勵揚。之前呢間茶記都叫算''大''間，加有少少似大排檔，因為佢會霸埋出面Ｄ位泥做，不過近幾個月好似食環署打壓左之後就好似無得咁做，所以今次去呢到食飯，硬係覺得少左D野。咁分開堂食同外賣咁講，堂食先！咁如果下午堂食既話，佢會提供4-5個特餐比你，３０蚊左右，有飯有粉，正常都會揀得到食咩！除左特餐之外，咁當然都可以揀餐牌既野食啦，但之不過餐牌上既野食真係太多，多到揀唔到，突然會有選擇困難症！粥粉面飯樣樣齊，種類多，基本上你叫得出佢就整得出，不過就４０蚊左右！不過嫌煩煩就揀返特餐啦。午餐通常都係叫Ｄ碟頭飯或者炒粉面，基本上５—１０分鐘就送到，唔洗等好耐，味道都高質，係多油左少少！咁如果夜晚堂食既話，當然就叫小菜啦！都係啦，小菜應有盡有，叫得出就整得出！離遠聞都香噴噴，穫氣夠，味道更加係一流，價錢就８０蚊左右啦。咁我呢晚三個人食叫左三個菜，酥炸鮮魷＋沙嗲肥牛煲＋小炒皇，三樣味道都

今日諗住去食早餐 點知岩岩好過左5分鐘食唔到周圍行下睇下附近有咩好食 又冇乜心水諗極都諗唔到 是是但但走左去E間勵揚餐廳到食一入到去冇人問我幾位 算啦 見岩岩好得一張抬冇人坐諗住快手食完就走點知冇人執抬 好dirty 上手食完野d汁又搞到成抬都係 諗起都想嘔叫左個4寶丸薯粉 黎到後食左啖 真係覺得自己係到唔知係到食緊乜個湯底係完全冇味 好似就咁用清水煮出黎緊食食下仲要冇啦啦有塊膠 我頂..果刻真係想嘔 即刻已經食唔落埋單走人

之前兩次叫外賣都要等一個鐘有多，但我係住係對面馬路咋啊，d野凍曬都算。聽電話個個女人，語氣差到p k...好了第三次打去只係問左兩句，轉可樂幾錢同有咩餸選擇姐，個亞姐幾很串呀 ，下次諗好想食咩先打黎，我地好忙，有好多電話外賣架！！！嘩，火都嚟。永遠不會再叫。

坐在輕鐵路軌旁夜宵，傾下計飲下啤酒，一樂也。食到晚上一點都仲係好熱鬧，氣氛唔錯。點了8個小菜，有椒鹽鴨舌，鹹魚容炒芥蘭，蜆仔拉拼菜脯，生炒排骨，蒜泥炒菜心，小炒王，XO醬田雞煲，雜菜煲。食大排檔生炒骨不可少，可以試出夠唔夠鑊氣>結論係無驚喜。椒鹽鴨舌，炸得過火。我們原本是叫炒什菜，結果黎左個雜菜煲，仲係水汪汪果種。小炒王都幾好味，如果加埋魚干就更完美。食物有點偏鹹符合大排檔口味。XO醬田雞煲，骨多脾少，都幾好味。

又去勵揚食晚飯，論食材及廚藝冠天水圍，唯食客太多有點噪吵，特別是母親節，因為母親大人好嘴刁，叫咗幾個廣東小菜母親大人都讚有水準，以後她發惡時，再帶她去勵掦氹氹她，好方便。晚飯小菜好多款式，足本落料，因太好味，碟碟美人照鏡，最正係碟豬扒，又冧又厚，啖啖肉香，而家都好回味。雖然價錢是全條食街最貴，攤分後以人頭計又好合理，可接受，其他酒樓坐地起價兼食工場貨, 起碼食物有水準有保證，自己買餸回家煮仲貴，不如去勵揚大食一餐。次次去都咁多人，下次早的避開人潮會舒服D.

前幾日.食左碟又貴又難食的餐蛋麵.前2日我剛巧在天水圍散步.經過呢間食店...呢次叫餐蛋通...其實呢間食店,有粉麵同粥食...不過在茶餐廳.選通粉.都無錯啦!!前2日..49元,食同一種食物,今次24元....呢間店8成人客都坐店外,而我.當然入店內坐...環境,像大排檔坐膠椅,有少數卡位.至於服務,不要,要求太多,店員.機本上都不發一言...不過絕對無黑面...凍華田..奶味濃...華田粉又落得足夠......又大杯.無可批評餐蛋通:上枱時熱到入唔到口,通粉...彈牙...餐肉,軟軟林林...香口.....蛋是熟蛋,不過是即煎的....呢碗餐蛋通.比我想像中好食前幾日...落左地獄.今次上返天堂...天水圍好難搵一間有水準的食店...我係在呢條街認真地選過的.黑仔的我....中返次...哈

一個月前師傅黎過呢間食店, 印象不差, 感覺都可以, 仍記得話會黎試小炒, 不過喺試小炒之前, 師傅決定再黎呢度試埋個下午茶先, 美其名為試食, 實情係呢頭選擇不多; 就係咁樣師傅就入左去呢間食店!入到食店人唔算太多, 求其搵個位就坐底, 坐底就睇到個下午潮州粉麵餐, 見都幾吸引就瞄住個餐牌揀樣野食啦; 師傅本來想柯打牛腩, 但見個餐牌大大隻字寫住潮州兩個字, 於是即刻轉軚, 應該柯打碗潮州米穩陣d, 餐飲係凍檸茶; 由於師傅恐怕份量太少, 決定加多碟炸魚皮!最先登場嘅當然係炸魚皮, 師傅第一時間即食, 炸魚皮都算得上脆口, 但談不上鬆脆, 皆因咬下去有少少硬, 令到牙肉有少少痛, 呢下師傅即刻覺得炸魚皮己變為雞肋了, 真的無心戀戰; 再講魚蛋米等嘅時間頗耐, 但師傅真係唔係好明點解會咁耐喇, 理論上魚蛋應該喺個煲有, 就算即刻放幾粒落去滾, 都應該好快熟, 冇理由需時咁耐, 師傅真係有d費解; 望穿秋水終於等到魚蛋河, 第一時間師傅即刻試下湯底, 湯底望埋去清, 入口後發覺味精好重, 絕對唔掂, 師傅心知不妙, 似乎又賴野喇, 但仍然要硬著頭皮完成埋餘下賽事; 魚蛋米一碗有七粒魚蛋,

啱啱睇完食家 『Yan~*』嘅食評, 令師傅胃口大開, 非常之想去試下, 可惜呢一區堪稱 『山卡啦區』, 如果唔係喺呢頭住都好難會喺呢頭食野, 所以師傅都好難約到咁多朋友入黎食, 唯有自己單拖去試一試啦, 於是就決定揀呢間食店作為是日午餐!去到食店都唔算太多人, 可能過左放飯時間, 店內環境唔算特別大, 求其搵個位坐底後, 就睇下有咩好食啦, 最後見到個是日午餐餐牌都頗吸引, 師傅就柯打碟黑椒雞扒火腿腸仔飯同餐飲凍檸茶作為呢餐嘅主菜!等嘅時間都算耐, 但好明顯係即叫即整, 如果唔趕時間都幾好架; 所以凍檸茶就首先登場, 凍檸茶茶底不算香濃, 茶味唔夠之餘仲有少少澀口, 而檸檬亦不算香, 但勝在夠凍, 一般啦; 而黑椒雞扒火腿腸仔飯賣相不錯, 黑椒汁夠香但唔夠辣, 如果再辣少少相信會更惹味; 雞扒唔算太大塊亦不算細塊, 煎得甚香且肉身算滑, 但雞皮未算煎到脆, 仲帶少少乾身; 火腿就有煎過, 味道可以, 而腸仔就略嫌咸左少少, 加上白飯本身都幾硬, 整體都可以啦!總括黎講食物質素尚可, 服務就普普通通啦, 環境亦算清潔乾淨, 價錢就可以啦, 廿七蚊個餐再加兩蚊凍飲, 埋單唔過三十, 都算

多得友人介紹，才知道天水圍除了客家好廚，原來還有其他的好吃點，真是值得鼓勵讚揚!　食店位於天恆食街俊宏廣場地下，對著輕鐵路軌開餐，頗有大排檔風味。是個打完波的夜晚，大家盡情點了不少菜式：　鼓椒炒蜆-友人的推介之一，不過是既的蜆隻偏屑，肉地不夠多；相比之下調料及醬料就顯得過多，整體味道偏咸了。　沙爹肥牛煲-整煲加入不少菠蘿粒，其酸甜清新與沙爹味互相平衡，效果惹味又開胃，肥牛與粉絲又入味且滑，真是令人吃個不停!　炸魚扣-魚扣即是魚胃，小妹也是首次得嗜；店方烹調得宜，魚扣一點腥味也沒有，反而酥香脆身又可口，下酒一流!　辣子雞-川妹子也估不到，小小街店將這味川菜演繹得不錯，雞粒辣勁十足，相當刺激；如加多幾分花椒營造麻香，就會更到家!　　中式煮豬柳-類似京都骨的甜酸甜酸口味，調味普通；而豬柳也肉質過實，整體一般。　酥炸鮮魷-薄薄一層炸粉，包裹新鮮富彈性的魷魚，鮮香又美味，好吃!　鼓汁蒸大鱔-不錯的調味，不過大鱔未夠肥美，食時滿足度扣了分~　金銀蛋煮白菜仔-皮蛋與雞蛋下得鬆手，清淡中又滋味可口，又是吃到不能停口!　街店酒水自備，啤酒、白酒隨意買來，店方會主動提供冰桶；加上4碗白飯，埋單也才人均$7

外賣叫兩個下午茶餐, 成四十鐘都送唔到, 打電話催都無用, 咁最終要出街打電話去話唔要, 只係講"咁好啦, bye bye!" 然後收我線. 因為根本無食到, 食物質素無從稽考. 但係咁嘅服務, 食完都一肚氣啦!!!