勵揚餐飲小食 (Moved) New Location

坐在輕鐵路軌旁夜宵，傾下計飲下啤酒，一樂也。食到晚上一點都仲係好熱鬧，氣氛唔錯。點了8個小菜，有椒鹽鴨舌，鹹魚容炒芥蘭，蜆仔拉拼菜脯，生炒排骨，蒜泥炒菜心，小炒王，XO醬田雞煲，雜菜煲。食大排檔生炒骨不可少，可以試出夠唔夠鑊氣>結論係無驚喜。椒鹽鴨舌，炸得過火。我們原本是叫炒什菜，結果黎左個雜菜煲，仲係水汪汪果種。小炒王都幾好味，如果加埋魚干就更完美。食物有點偏鹹符合大排檔口味。XO醬田雞煲，骨多脾少，都幾好味。