北方餃子源 (筲箕灣東大街)

Open Now

Now Closed

見舖面以為有d特色就入去試試, 怎知煎羊肉餃子變成乾炸餃子, 我男朋友吐出1/3 炸餃子皮, 可想而知是炸得太過厲害, 失去了餃子皮薄多汁的味道。由下層樓梯走到地面俾錢, 在樓梯前被男店員拿著一碗熱餃子湯衝撞過來, 他完全不看前路, 未撞前已大叫他小心, 點知他仍連撞兩次, 撞完仍向前再衝, 再向我身上撞多次, 碗內熱湯瀉出, 肚皮被滾得紅腫一片, 而男店員只是說了聲不好意思, 之後拿著同一碗餃子交給食客, 男店員送完食物再經過我身旁沒有再道歉或問候受傷情況, 而櫃檯老闆更加完全漠視, 扮不知道事情, 但櫃檯和事發經過是半米範圍內。問題一: 碗湯餃內的食物和湯已經和其他客人衣物有接觸, 應立即更換新湯餃, 才可另上給客人, 這顯示出這店沒有衞生常識, 食物被污染和不衞生。問題二: 男店員和老闆只管做生意賺錢, 弄傷客人完全沒有歉意和關心問題三: 煎餃子是嚴重炸餃子, 煎完再返煎, 太乾不值得光顧, 沒有用心經營小店

一直以黎都經常幫襯呢間餃子店🥟 勝在味道清清地又多款式💕今日趁下午茶時間 叫左兩個雙拼 試下唔同款式🌈⭐️ 白菜豬肉餃 🥬⭐️ 鮮蝦韭黃豬肉餃 🦐水餃既餡唔算特別多到爆餡💥 反而我覺得佢同皮既比例岩岩好👍🏻 白菜豬肉好似屋企會煮既經典味道👵🏻調味唔會太重手 岩曬我呢D想食住家飯既人😂鮮蝦餃就好有鮮味 蝦仁大大粒好彈牙😋 八粒水餃加埋其實都好飽肚🤣⭐️ 木耳香菇素菜餃麵 🍄⭐️ 西洋菜豬肉餃麵🌿木耳同香菇既口感好豐富 好爽脆🤤 雖然係素菜但唔會淡茂茂🤣 西洋菜豬肉餃 就岩曬D覺得白菜太普通 但係又嫌食完韭菜🍀香菜太大陣味既你🌝 有種特別既口感 但係唔會太濃味 值得一提既係佢既上海麵口感都好好🍜唔會太粉太散

本人都幾鐘意食餃，北方餃子源既餃子算中上，分別幫襯過筲箕灣呢間同銅鑼灣分店，可能灣仔總店人流夠多，d 餃係最新鮮有肉汁，而且煮既時間岩岩好，唔會話外皮太生或煮到爆餡。好，講番呢間，質素都ok，通常上餐速度都好快。鮮蝦韮菜餃十隻，要煮唔煎，五十蚊左右每粒都一定有隻蝦拍青瓜。其實個青瓜無咩特別，新鮮就得，最正係個汁！呢個汁，如果叫手撕雞都會有。味道有d 似豆板醬加豉油同醋，配料有蒜，辣椒，芫荽，蔥。總之甜甜地辣辣地，撈咩都好味！肉燥冷麵。食左先記得影。雖然d 麵係室溫，但由於個醬係熱既，所以完全無冷麵透心涼既效果。店員放低時見上面有煙，以為黎錯。麵質唔錯，有少少彈性添。呢餐百三蚊到啦。呢到係餃子唔會輸，但煮先好味！以餃子黎講都算多選擇，例如有茴香牛肉，京蔥羊肉。店仔細細，仲有樓上

今天本想去另一間食店，因為還沒開門所以另覓食店。偶然看見這間餃子源，想起很多年前食過灣仔分店，印象不錯，便入去試試。因為很喜歡吃馬蹄，所以點了煎荸薺牛肉餃子，不想吃太多，只點了五隻，另叫了酸辣湯。職員說炸餃子要等很久，問我有沒有時間，我說沒有問題。酸辣湯先上枱，嚇了一跳，份量也太少了吧！味道也不十分好，十九元這個價錢，實在不值。大約七分鐘餃子到，說是煎，實際是炸才對，牛肉嘛，味道似酒樓點心：生竹牛肉！

與男朋友經過看到以為很好吃所以進去看看，點了一份餃子和麵，可是10分難吃，麵和餃子都沒有咬口，餃子皮很厚，而且老闆播的音樂很難聽是以前MK年代的disco歌很俗氣。不會再來吃！

次次去餃子源都係食翠玉瓜餃或者白菜豬肉餃，從來都冇試過佢嘅牛肉餃或者羊肉餃，今日心血來潮想試吓佢嘅羊肉餃，原來係咁好味架！北京餃子源啲餃子真係隻隻都非常之飽滿。每碟係有10隻嘅，不過食完一隻先記得影相所以得返九隻。令我驚喜嘅係，入面有好多汁，而且d汁好好味。羊肉都好味，加埋d蔥，口感好正。以後黎都係食羊肉餃喇！

東大街係筲箕灣係食街，但係餐廳啲野食係咪真係咁好食呢，我又覺得唔係wor，雖然街頭去到街尾，全部都係食店，不過，可算係良莠不齊呢。行過見到北方餃子源裝修幾古色古香，於是入左去試下囉。入面既set都係一款餃+一款麵食，我叫左九黃豬肉餃子+幼麵。幼麵平平無奇，加左蔥花同紹菜，無咩特別，份量唔算好多。餃子先係極品，我以為佢個名餃子源，姐係出名食餃子啦，唉，睇佢個皮就知佢炸得好燶好燶，似係翻炸，個皮硬到呢......filling唔算特別多，唔太好味。名叫餃子源但餃子難食，唉，真係失望而回。。。

落左單超過廿分鐘先通知，order 左既餃子唔夠，要拼。同時遲過我地十分鐘落單既食物都出左 先通知，侍應過黎通知仲嬉皮笑臉一聲唔好意思都冇，仲聽到廚房催我地要快d 決定拼咩餃。做廚房連自己餘返咩都唔知亦唔提醒侍應，所有人都應該要再培訓

坊間有餃子吃的地方不少，但餃子高質之餘餐牌上亦有其他好吃的選擇，我喜歡這裡。餃子香噴噴，熱騰騰，外脆內肉汁滿滿。酸辣湯麵，麵質滑滑彈牙，不太酸不太辣，剛好。豬耳香脆麻辣，正。牛展香，有咬口而不硬。醉豬手，酒香而不醉人，肉脆口而不韌。店子雖然小小，但整潔。服務員勤快有禮。

想食餃子，所以入左呢間，但入到去d職員係唔會理你，地下個層無位，上左2樓，個staff一見到有客上去就即刻落番地下，見到另外張枱個客人等左陣要自己落去搵職員落單。本身叫左2碗麵，隔左15分鐘先有個職員話無哂白菜餃，咁轉左第2款啦，再過15分鐘又有另一個職員話無哂麵，要專米線。率之又再等左差唔多半個鐘先黎，而d米線仲要係唔熟透，另外一碗麵味道都好普通，淡而無味。對呢間野好失望，只能夠用不知所謂黎形容，唔會有下次

早已聽聞筲箕灣東大街餐廳林立，工作剛好經過附近，便順路來到這頭搵食。想起很久也沒吃過餃子了，就試一試這間專賣餃子的麵店。餐廳提供的餃子款式蠻多，牛肉、羊肉跟基本的豬肉餡料都有。跟朋友點了10隻炸的羊肉餃子，外皮炸得金黃香脆，可食落卻不覺得油膩。餃子內的羊肉餡料裝得滿滿的，一口咬下去還看得見肉汁流出，味道不錯。另外，我們還要了一碗四川擔擔麵，麵質是幼身且較軟腍的那一種。湯底不麻但都有一定程度的辣，吃得嘴巴都發紅。芝麻醬的味道不夠出，湯底偏油膩，所以吃到中段已經覺得有點飽飽濟濟了。總的來說，這裡的餃子質素較粉麵出色，下次有機會都想試一下牛肉餃子呢！

今日同老公兩個人諗唔到食咩，又唔係好肚餓，就食下份量少d既餃子啦。呢類餃子店通常都係地方細，坐得唔太舒服架喇，所以大家就唔好太大期望可以慢慢坐慢慢嘆喇，但係都係衛生乾淨既。我地叫左個牛展飯，個飯底好硬，冇咩汁，食得有點辛苦，太口乾，但係又唔想叫野飲。再叫左個煎芹菜豬肉餃，黎到個樣係炸既，咬落去都脆皮，唔算好多油，味道還可以，豬肉係多過芹菜，兩樣野加埋100蚊，不過不失啦，又唔係會想返轉頭再食既野。

之前去過灣仔🏠分店好好味路過筲箕灣就即管又試下， 呢間分店同灣仔一樣坐位比較迫夾坐得唔係咁舒服， 但係招呼比起灣仔分店， 這一間就比較優勝一些我們叫了分別 🥢煎韮菜餃 ，煎荸薺牛肉餃麵🍲， 擔擔麵 🍲，蒜泥茄子 ，雞絲粉皮， 豬扒菜飯 自己比較喜歡韭菜餃裏面😋都有肉汁唔會乾爭爭 ， 我哋四個人去食三個都 🤨覺牛肉餃味道一般， 擔擔麵同雞絲粉皮唔算太差 ，但係總是覺得好似灣仔店好味啲，尤其是豬扒菜飯嗰個汁味道有些分別🤔,但總算都不過不失, 茄子是咁多樣食物最鍾意食 值得推介

2019年1月31日睇醫生前想食少少野，記起好似餃子源有下午茶食。下午茶嘅價錢都幾抵食仲有杯嘢飲因為唔係太舒服所以叫咗煮餃子叫咗白菜豬肉餃同埋韭菜豬肉餃。好好味有口感。皮又唔會太厚。呢個份量下午茶真係啱啱好

返完工同老婆同佢阿妹一齊去咗呢度食餃子我就叫咗個白菜豬肉餃麵老婆就叫咗個擔擔麵同埋煎餃。白菜豬肉餃同埋煎餃都十分之好食。至於阿妹就叫咗一款都幾特別嘅餃子，不過個人都係鍾意傳統白菜豬肉餃