十三么

Open Now

Now Closed

美孚有間好吃的車仔麵，坐落於商場的小巷。餐廳雖然細小，但勝在提供3，4個堂食座位，亦可以選擇外賣自取。餐廳有個小型麻雀擺設排在牆身，很有特色。 座位上亦提供紙巾及迷你垃圾桶，非常細心。 每當到午飯時段，就會有人龍出現。食物款式也不少，自選3送1面只需37元，另加餸每款8元。豬腸雞翼尖牛筋油麵 $37一人分量剛剛好，湯底可以選擇腩汁及加辣，亦附送少量生菜。豬腸很入味並沒有騷味，雞翼尖及牛筋也很軟身，很好吃。我覺得這間車仔店雖然不是大規模，但非常用心，食物質素不會太隨意，價錢非常合理，會再來惠顧。

一碗童年回憶。。。車仔麵。 打開換面冇油淋淋嘅感覺， 湯底色澤令人感到好咸， 飲一啖絕對冇驚喜較為遜色。 今次叫咗豬腸，牛腩同白蘿蔔， 米粉底， 三款餸都做唔錯, 尤其豬腸， 非常厚肉冇肥膏， 牛腩軟淋，白蘿蔔清甜。 如果能夠改善湯底相信會更受完美。 會再幫襯嘗試其他食物， 待續

知道呢間車仔麵開咗一段時間，今日終於有時間試一試，去到嘅時候可能因為lunch時段，大約一點鐘，人比較多，當時見到企坐或者右邊的四個座位都滿了一半， 以小店來說種類都不算少。我叫咗雞蛋、豬紅和牛脷， 牛脷喺車仔麵嚟講比較少見， 共有兩片， 其中一塊比較硬。 豬紅入味， 而雞蛋不算十分出色，但我喺坐低食嘅過程中都聽見好多人落單， 美孚好多種類食品都有，車仔麵應該係得佢一間，所以生意不錯。但留意主打做外賣生意，因為坐位嚴重不足。 仲有一樣嘢幾窩心， 堂食除咗有醬料還有紙巾提供。

美孚其中一間我最愛的小店，鋪頭細細，只賣車仔麵，雖然店中有三、四個座位供堂食，但我通常外賣番屋企慢慢嘆！$37包三餸一麵，仲搭多條菜平衡一下。餸嘅種類選擇都ok多，我一般都唔會嗌丸類或芝士腸等等預製食品，因為太冇難度。我偏愛那些手工多兼自家較難製作的食品。所以呢，我就點了豬腸，雞腎和牛舌配油麵。三款餸都鹵得入味。豬腸肥厚冇異味。牛舌厚度剛好吃到牛舌應有的口感。雞腎不硬有𡁻頭。配上少少辣汁，惹味十足，雖然膽固醇亦都十足

今日中午去搵美孚朋友拎啲嘢，朋友知我嘴刁，於是就帶我去試吓呢間隱世車仔麵。車仔麵店好細間，得一張長枱，四張凳，其餘嘅都要立呑。所以我哋只能夠企喺度快食。我叫咗魚蛋、牛腩、豬皮、魷魚同冬菇加油麵。朋友介紹魷魚必食真係無介紹錯！魷魚爽口彈牙、完全冇腥味！牛腩細細粒，一啲都唔韌，又無揸。豬皮整得好靚，好彈牙，又入味。最緊要係個辣醬汁！！雖然我唔係好食到辣，不過強烈建議點都一定要加少少，因為真係好食好多！咁有誠意嘅小店真係好難！好應該支持下！

今日經過美孚，原來 十三么 麵店開返喇，因為之前好似發生過火警， 所以冇開幾個月，裝修同以前一樣，但好似多了一副麻雀相架在牆壁， 趁返個舖頭名十三么，但堂食只有四個位， 所以大多數外賣，我次次嚟到都要食豬手，今次都唔例外，我點了豬手豬腸米粉，豬手一如既往都係咁好味，豬手好夠味，膠質好重，今次我仲點埋豬腸添，因為豬腸平時好快賣曬，食落一般，湯底我加了少少辣，特別醒胃 $32蚊( 兩餸) 飲品加七蚊，40蚊有找， 抵食

好味，夠味既車仔麵，美孚少有既高質餐廳🤤🤤🤤🤤🤤三送已經好夠飽，最鐘意佢個冬菇，料多入味又好有咬口！沙爹醬加麻辣好好味！😋😋😋😋值得推介！！！

地方雖迫夾，全店有四、五個坐位，但環境尚算衛生，設計亦好特別有心思，有富麻雀係牆上面，又用白板紅字寫餐牌，唔會認錯第二間。叫了個三餸麵，$37，另加餸加$7。每樣餸份量十足，豬皮好大塊厚身好入味、滷水鷄翼好大隻且有滷水味、牛脷兩大塊厚切，食到我好飽。本身個湯底偏清甜，不太喊，配埋個辣汁好野味，令成碗麵生色不少，絕對係唔落唔得。店員好有禮貌、又細心，幫我用匙巾分開個辣汁，枱面亦有紙巾供應。今時今日禁嘅服務態度可以係邊到搵呀！這樣的小店絕對值得支持！會繼續幫襯！

呢間店平日lunch時段係排晒隊，可能佢夠抵食加上美孚唔係特別多選擇😂難得係非繁忙時段就試下。一來試咗個腩汁先，不得不承認佢就咁飲係有少少咸同濃味，撈埋個麵食就剛剛好。雞翼睇顏色都知佢滷得入味😂而個牛筋夠淋，索晒d腩汁，食落去係膠質，好正👅店主比咗好多我最愛嘅牛筋我，食晒成個麵都仲有💓之前去其他地方食車仔麵都冇咁多餸，雖然佢唔係食過最好食個間但味道都有水準而且抵食，值得支持！

十三么在美孚已經開了一段時間。 今日有時間，落去支持下。店舖位於一條商場小巷內，十二點落到去，已經排曬隊。 幸好隔離車輪餅小姐的熱潮稍為減退，如果唔係兩條隊就可以打爆條巷。35蚊有三個餸，仲有幾塊生菜畀你，其實真係好抵食。今日叫咗牛筋、豬腸、同埋雞腎幼麵，加辣汁真係好味道不得了。先講牛筋，每條都係好完整嘅一條，唔似有啲舖頭碎上，夾都夾唔到。而且炆得恰到好處，唔太淋又唔太硬，非常有咬口。豬腸就每條都係好厚身，而且沖洗得好乾淨， 完全冇肥膏同埋啲騷味。雞腎就大大塊，有成塊叉燒咁大，食落口完全唔覺得硬。返到屋企再開罐 Coke Zero 配呢個好味車仔麵，正呀!

食物味道不錯，車仔麵配料不少，湯底選擇不少，價錢合理。衛生情況沒問題，唯獨可惜的是店鋪較小，座位不多。店員態度良好有禮貌，容易談得上。建議一嘗此店👍🏻希望它能長做長有👏🏻

聽聞開左間車仔麵店，終於有機會黎試下。三十五蚊有三餸一麵，選擇夠多，地方乾淨。我揀左牛腩，豬皮，豬腸，幼麵。唔知係咪一家人呢？每位都好有禮貌，態度好好。區內冇乜車仔麵店，這個價錢，質素和乾淨，好值得我再返黎幫襯！豬皮有五塊大大塊，豬腸好乾淨，每碗仲附送幾條生菜！ 真係好抵食。另外會問你要辣定唔辣，我揀左小辣，對我黎講啱啱好。我今次揀左外賣自取，原來可以堂食，今日我去嘅時候播緊Eason 嘅歌，堂食又可以聽下歌，好似都唔錯喎

上星期六咁啱同老公去咗美孚諗住食嘢，我原先嘅目的係諗住試吓隔離鋪嘅車輪餅小姐，點知見到隔離間鋪嘅車仔麵好受歡迎排好長龍，同老公兜左一圈美孚之後最後決定都係去返呢間車仔麵試吓。我叫左蘿蔔，牛脷，雞翼，老公就叫咗蘿蔔牛筋牛腩，驚喜嘅係每樣餸都好好食，好入味！以$35三個餸來講性價比真係唔錯！鋪頭應該係一家人經營的，見到佢哋齊心協力嘅感覺令我諗起細個幫我阿媽鋪頭手嘅回憶。鋪頭雖然細細，但食物絕對加分！我下次嚟美孚都會嚟呢度食😋😋😋

美孚有九十九座幾萬人居住，車仔麵檔卻離奇地不能長做長有。 我衷心希望十三么能打破宿命。十三么絶對值得支持是因為有心做食物。 先由麵說起，幼麵不是一般平價蛋麵，是銀絲蛋麵，入口還微帶爽，吸湯汁力極強。 三十五元一碗可選三款餸，豬紅豬皮是車仔麵的DNA, 我每次必叫，這裡的豬紅豬皮是一塊塊的，不似其他車仔麵，收你七元一款餸，奉上卻是碎碎爛爛的，而且每款有四五片，是片不是粒。 牛腩也不是碎腩，是牛肋條切成細件，看得到筋肉膏一層層交錯，炆得又香又焾，最抵是有幾件，配着香濃的辣汁吃，加埋必送的青菜，三十五元一大碗，熱辣辣冒着煙吃，十分滋味。喜歡十三么，還因為他是一家人齊心合力經營，兩位年輕人加兩位長者，勤懇努力。 為表支持，我每次都多買一碗淨餸外帶，今次吃到豬腸，原來也好好味呢。 ps 每次都緣慳的蘿蔔和牛筋，應該是鎮店之寶。

美孚有好長時間都沒有車仔麵檔，十三么開張以後，一直想要試一下，無奈十三么的食物賣光就關門了，幾次八時來到，都吃了閉門羹今天就趁週末的午餐時間光顧，終於成功吃到了十三么這小店就在車輪餅店旁邊，鋪面是很少地方的，但也有三幾個堂食的位置。食物的選擇和收費清楚地寫在牆上。$35一碗三餸麵，是一個非常抗通脹的收費小店的盡頭就是煮麵的地方，可以看了食材再選擇，食材的選擇不少喎，而且寫明是香港製造的我在午飯時間來到買外賣，已有數人在排隊，然而店員都是快手快腳的，不到10分鐘就輪到我了今天選了一個四餸麵：紅腸、雞翼、蟹柳餅及咖喱魚蛋。每個送的份量都不少，厚身的蟹柳餅有兩件，紅腸更有三四片。今天喉嚨有點痛，沒有要辣汁，只要了腩汁，味道已經很不錯我要的麵是油麵，口感就略為腍了一點。羊媽媽要的是三餸車仔麵：牛腩、豬腸和豬頸肉。煎香了的豬頸肉味道不錯，而且肉質爽口；豬腸也是洗得乾乾淨淨的，肥膏也不多，連長期嚷著要減肥的羊媽媽也把豬腸吃光了十三么車仔麵雖然不能算是最好的，但考量到味道、份量、價錢、食材的選擇等，十三么是性價比很高的車仔麵！（需知道，坊間有些車仔麵店是索價$8到$1x蚊一個餸的！）這裏車仔麵的份量