十八座狗仔粉

Open Now

Now Closed

#中意嘅請分享請點讚🍻----------😋狗仔粉 $30狗仔粉好有咬口，比較滑身，每條都長短不一。湯底有好小嘅冬菇碎同一舊浸淋左嘅豬油渣。如果想加炸豬油渣粒就可以加3蚊。面頭有好多蔥同菜脯粒。菜脯粒令平凡嘅狗仔粉加左好多分。菜脯粒好香又夠味，而且係免費任加。菜脯粒分辣同唔辣，辣菜脯應該有譚仔中辣，中意食辣嘅可以一試。----------🔎十八座狗仔粉🚩尖沙咀金馬倫道29號地下B舖🚩佐敦寧波街27A地舖🚩旺角通菜街139號地下B舖🚩佐敦寧波街27A地舖🚩荃灣荃興徑3號地下E舖🚩元朗建業街59號🚩觀塘物華街1號地下

諗住去電腦展之前到深水埗睇下電腦格下價先，當晚諗唔到食乜，經過十八座狗仔粉， 每次都想入去食，今次終於有機會試下啦！ 店鋪細細間非常多人， 我叫了馳名狗仔粉$30， 招牌火鴨翅$30，翅滾飛天脾$28， 秘製千味細雜燴$28 （ 大腸，豬肚，豬皮，蘿蔔）。馳名狗仔粉～ 我覺得整碗狗仔粉的靈魂精粹是菜甫， 因為湯底沒有特別味道，狗仔粉的質地比較澱粉質重，口感淋淋地。招牌火鴨翅～雖然感覺都幾足料， 但味道比較淡。翅滾飛天脾～ 入口啖啖肉， 但味道跟火鴨翅差不多。秘製千味細雜燴（ 大腸，豬肚，豬皮，蘿蔔）～ 這個反而是最好吃， 起碼我食到秘製千味， 四款都炆得好腍入味。未食過可以一試， 始終每個人口味各有不同。

我係動物愛好者，所以一定唔會主動叫魚翅食🙅🏻‍♀️但其實我最愛既就係碗仔翅話說我婆婆以前住慈雲山，果度出名有間小食店，入面個個都會叫碗仔翅，係我兒時回憶第一次去18座狗仔粉，當然就叫狗仔粉啦，但個味道我唔鐘意，太多味精喇...朋友話，原來18座狗仔粉最好食既係火鴨翅唔係狗仔粉，天呀，我又點會估到呢？一於試下有幾好食先～見到滿滿既翅羹，食左第一啖就真係好想講-好！好！味！呀！個羹既texture剛剛好，唔太希亦唔太杰最正既係重重既火鴨咸香味，真係第二度食唔到架！另外要超讚既位係佢落左極多木耳，每一啖都"索索聲"架！好有口感！＄30我覺得物超所值！成碗K.O.左！朋友仲話佢最讚既地方係每一間都係一樣味的！抵佢開咁多間分店！

成日都要同男友去鴨記睇嘢同買嘢，所以有時都要係深水埗揾食，今次就去左食十八座狗仔粉了，我地揀左一人一碗狗仔粉再加一個黑白炸丸。狗仔粉本身的由來就係因為啲粉磋同切到好似狗仔尾咁短，所以唔長係佢的特質，再加上啲粉本身的澱粉令到湯"杰"身，十八座的狗仔粉始終都係起家菜，佢係可以做到呢點，個湯都幾濃味，令到啖啖狗仔粉都夠味，不過其實成個食物的靈魂同精神都係啲菜甫，講真係啲菜甫令個湯同狗仔粉生色不少，無佢真係普通過唔普通，但係因為係起家菜，呢家一碗都30蚊，未叫好平，只係有澱粉質，食一碗絕對係有飽肚感的。至於小食黑白炸丸絕對妹仔大過主人婆啦，佢係比起狗仔粉更好食，我個人就覺得兩款丸都唔錯，大大粒，表皮脆脆入面又唔會over cook，所以係真係好食。

劲多明星打卡葛网红店一定要试下j嘠啦。要左狗仔粉，香辣鱼蛋同翅，招牌狗仔粉真系好食。但系香辣鱼蛋真系就系得个辣，没有鱼蛋味，对我哩讲系超辣个只，下次要试下j鱼蓉烧卖。好想偶遇pakho chou啊。

呢間餐廳故名思義係以狗仔粉為招牌菜，黎到一定要整返碗狗仔粉。狗仔粉一定要配辣菜寶先好味。呢間狗仔粉湯底都幾濃味，但好似屯門某間小食店更好味（可能自己有情意結）。

過左12點，周圍都無咩野食。但係又肚餓訓唔著，只好落街行行。平時好少食狗仔粉，都係經過見到無入去食。今日心血來潮，試下個狗仔粉同埋個翅。效率好快，同埋無咩人。熱辣辣唔會凍，幾好唔錯。狗仔粉可以任加菜譜，翅又入味。下次宵夜可以再黎！

平時都鍾意食下小食今日嚟到18座狗仔粉就試吓佢嘅狗仔粉同埋我最鍾意食嘅上脾 上脾都幾大隻所以食完一隻都會覺得好飽 另外佢嘅狗仔粉味道都唔錯略嫌鹹咗少少 價錢都算幾抵食

又真係咁大個仔第一次食狗仔粉。就黎一碗狗仔粉,大多你一碗火鴨翅。個火鴨翅香到過晒火,今日咁熱,食到我大汗搭細汗都要掃落個口到,因為真係太好食,。狗仔粉個味道....待我諗下先,好熟識呀陣味。啊! 個湯有小小似蒜蓉粉絲蒸扇貝既味道,都幾好食。下次經過其他分店我會識得食嫁啦。另外,佢D菜甫真係掂,原味好食之外,個辣菜甫,真係可以辣到你飛天。推介,一定要落小小食下。十八座狗仔粉整體評分 9.0 /10推介: $30火鴨翅(五分滿)老虎回頭率：🐯🐯🐯🐯

狗仔粉就好似ok咁 總有一間係左近！ 第一次食個陣覺得啲粉煙煙韌韌 好有咬口👍🏼而且個湯底好夠味~同啲粉好match! 入面仲有蔥 蝦米 肉碎 菜甫做配料💢最最最重要係菜甫可以任加👍🏼👍🏼自己覺得菜甫同狗仔粉係絕配 所以次次都會加好多 太好味了！其實細碗都唔少 食哂都飽嫁~男仔就當然可以叫大碗喇😋

到深水埗逛完黃金商場後，感到有點肚餓，不想只吃燒賣魚蛋。走著走著看到十八座狗仔粉的招牌，想念這個傳統街頭小吃的味道，便進了去！我叫了一碗狗仔粉（$30)。店家在每桌桌面上放置了兩樽菜甫，分別是辣菜甫和不辣的菜甫。我最喜歡的不是這裡的狗仔粉，而是菜甫，特別是辣菜甫！辣菜甫相等於譚仔米線的中辣程度，怕辣的話，不要加太多便可以。狗仔粉反而不是太特別，粉多，其他材料則比較少，不過以$30來説，還是可以的！

十八座狗仔粉一直係香港都好出名，佢同其他中式粉麵好唔同，個湯底味度十分濃厚，趁有個外國朋友仔黎到香港緊係要帶佢食啲local啲既食物啦！我地叫左每人一碗狗仔粉，一份燒賣同埋一碗火鴨翅，狗仔粉湯底配料都幾足，香味濃郁就緊架啦，連我個朋友都好中意食，自己最中意蒸燒賣，大大粒而且個醬汁好食，佢係微辣加勁重麻油味既豉油，配埋一齊簡直perfect啊！仲要我自己本身好中意麻油既香味，12蚊抵食啊！至於個火鴨翅坦白講就麻麻地，因為實在太咸了！碗仔翅會比較好食，雖然料好足但太咸就蓋曬個味，狗仔粉同火鴨翅都係30一碗，無分大小，overall worth trying！

中意食狗仔粉所以專登入黎食，滿心歡喜但發現狗仔粉黎到係得小小微溫，吾係熱既，味道一般，吾使為左佢而特登入黎深水埗食，失望😞魚蓉燒賣還可以。可一不可再，天水圍天澤商場既狗仔粉正啲

莉莉子一向鍾情於街頭頭小食，魚蛋燒賣、雞蛋仔無一不歡。自問食港式小食食到大既莉莉子，聽到「狗仔粉」都充滿著好多問號🧐🧐 原來狗仔粉係類似粘米粉既食品，以前仿間興起既小食，因為形狀似狗仔條尾，所以叫狗仔粉😍😍🐶🐶莉莉子坐低左之後，就叫左個招牌狗仔粉，仲特別加左炸豬油，豬油好香脆，脆bobo ，狗仔粉就好幼滑，湯料入需仲有冬菇、菜莆同蔥花，非常香😍😍另外仲叫左個大大份燒賣，大大粒，但價錢就貴左少少，簡單加上豉油就已經非常好味😍😍😍不過香港既小食都真係幾貴，如果平返少少，莉莉子就可以再試多d野啦🐶🐶🐶

起初走入這間餐廳，只是為了醫飽肚。因為見到他招牌寫着狗仔粉，覺得非常有趣，便進去試試。沒想到這樣簡單的食肆，能做出如此濃郁的美食，其實我不太清楚湯底是用什麼做出來的，但是這些狗仔粉10分入味，吃起來口感十足，配料也很多，而且價錢10分實惠。推介推介！