十和田壽司 (香港科學園)

Open Now

Now Closed

以手機掃描QR code下單，午市套餐選擇非常多，手機足足題示了六頁，款式多樣、豐儉由人，由$78至$208都有，相信不難找到心頭好。就算不嗜吃生食物的，全熟的選擇也多著呢！選擇了刺身拼鰻魚飯，套餐包括味噌湯和茶碗蒸，味噌湯溫熱；茶碗蒸滑溜。鰻魚飯的飯粒飽滿，鰻魚的份量足夠，刺身厚切。點餐系統可按個人喜好揀選特別要求，例如少飯或走蔥、走薑等，相當貼心。餐廳環境偌大，落地玻璃引入天然光，外頭有綠植，感覺悠閒舒適。

食過尖沙咀分店，今次去科學園呢間食下🌟壽司拼叉燒湯鳥冬*配湯及蛋🌟 壽司有6件🍣🍲，十分有光澤，有吞拿魚🐟、大蝦🦐、三文魚🐟、鱿魚🦑、油甘魚🐟壽司，味道好新鮮。叉燒湯烏冬都好味，叉燒好大塊，而且烏冬口感一流。🌟刺身拼鳗魚飯*配湯及蛋 🌟刺身款式同壽司的差不多，但係超大件同厚身，，重點係刺身十分新鮮🍣🍚。鳗魚飯味道唔錯，呢個價錢weekend有得食，性價比高。➡️環境舒適，食物新鮮美味，無論是壽司還是刺身，都能滿足您對日本料理的渴望🍣👍

踏單車經過香港科學園，發現十和田開左係科學園，入去坐低已經感覺到環境十分舒適，陽光射入餐廳的落地玻璃，有種遠離煩囂的感覺。⭐壽司拼叉燒湯鳥冬*配湯及蛋壽司有6件，十分有光澤，有吞拿魚、大蝦、三文魚、鱿魚、油甘魚壽司，味道好新鮮。叉燒湯烏冬也好好味，叉燒好大塊，而且係烏冬口感一流。⭐刺身拼鳗魚飯*配湯及蛋刺身款式同壽司的差不多，但係超大件，每一啖都好滿足，重點係刺身十分新鮮，低讚。鳗魚飯味道吾錯，呢個價錢食性格比高。

係附近返工覓食 唔可以少左十和田價錢實惠 環境舒服😌Lunch hour 錯開左繁忙時段可以輕鬆一點款式選擇多🍀午市壽司🍣定食 跟麵鼓湯十貫 有吞拿魚。帆立貝。海膽。三文魚籽。赤蝦。三文魚。墨魚。青瓜小卷食落鮮美可口 配搭上紅醋米飯🍀味噌牛肉飯 。茶碗蒸。麵鼓湯 惹味牛肉飯 食唔停口再加上香滑茶碗蒸😋份量十足🍀火炙芝士赤蝦壽司🍣爽滑彈牙😋大大啖🍀明太子雞翼啖啖肉又香脆多汁😋雞翼控點會錯過假日短聚都係一個唔錯既選擇

科學園開咗好多新餐廳 這間日本餐廳環境好開揚 可以看著外面科學園的花園景色🌿柔和原木色格調裝修感覺悠閒舒適🥰今次試的兩款套餐質素不錯 收費亦合理✨雜錦魚生丼 $128雜錦魚生丼的魚生好澎湃足料 鋪滿完全看不到壽司飯😍魚生有吞拿魚 三文魚 油金魚 榮螺 蟹籽加上甜蛋及青瓜🐟刺身好新鮮肥美切得大粒有口感🍚底下的赤醋飯已經經過調味 配上少許芥末同酸甜的薑片🫚令味道更清新同時提出鮮味 套餐配味噌湯及茶碗蒸🥣味噌湯有海帶味道不會過鹹🍳蒸蛋有冬菇蟹柳鳴門卷口感夠滑溜✨滑蛋牛小排丼 $118大塊鮮嫩的牛小排牛味香濃🥩裹滿滑嫩的雞蛋漿🥚再加入洋蔥絲🧅整體味道帶甜味好濕潤 非常下飯 用上珍珠米大大碗食完好滿足🤤套餐亦配有味噌湯及茶碗蒸性價比好高✨燒薯蓉芝心年糕 $38熱辣辣燒起口感煙韌軟糯🧀流心芝士好澎湃 味道香甜濃郁👍🏻📍十和田壽司 (香港科學園) (沙田)沙田白石角香港科學園第三期科技大道西5號企業廣場地下S067-S069號舖

今日同女神💃🏻兩周年紀念👫女神今晚想喺屋企食🍽️所以lunch可以出去近近地食返餐🍣科學園依間十和田環境清幽☘️女神💃🏻話唔想去太遠🗽因為仲要開舖搲銀🤑所以就去十和田試試😋我哋12點前去到🍣餐廳仲唔算好多人🤨但係到12:30已經坐滿🈵真係好彩🥰刺身拼鰻魚飯🍱我平時好少食鰻魚飯🐉一個齋鰻魚飯閑閑哋都要百幾蚊😧但係而家套餐都係$138仲有刺身🍣成件事情我覺得抵食好多😆但係唔係平就係一齊🤷🏻‍♂️依個鰻魚飯真心正❤️鰻魚汁甜甜甘香🤤鰻魚咬落去仲有少少焦香♨️可以話無懈可擊💯刺身鮮甜😚最緊要新鮮🍀 Wasabi係我最喜歡的一種👍🏻因為唔辣🤪用新鮮山葵即磨黑松露鯛魚丼🍄‍🟫女神💃🏻食第一塊鯛魚嘅時候叫咗出聲😮我以為發生咩事😵原來佢話好鮮甜好好味🙂‍↔️我即刻搶食試吓🤪原來真係非常鮮甜😍黑松露配上鯛魚有一種提升作用🆙飯底係有味飯🍚醬油撈撈飯🍶結果我食咗佢大半碗

餐廳位於香港科學園第三期，裝修設計簡約帶有日式味道，以木系風格為主調，有一大片落地大玻璃，能一邊食魚生一邊飽覽科學園內園景致。餐廳主打壽司、魚生飯等日本菜式。雜錦魚生丼 $128雜錦魚生丼蟹籽份量都不少，有多款魚生切粒，再配有青瓜粒和玉子，以及新鮮生葵。魚生新鮮入口軟腍，鮮甜的蟹籽口感卜卜聲。火炙魚生飯 $138將魚生火炙到半生熟，口感和味道都與魚生有不同。火炙魚生飯有多款魚生、帶子、三文魚籽和鮮蝦，wasabi用新鮮山葵，飯粒用醬油煮過，粒粒分明飽滿圓潤，飯身軟糯。

科學園愈嚟愈多餐廳選擇，平日嚟呢到係一個搵食好地方。室內光猛，咁啱呢日落住雨，喺室內食野住望住雨景，好有feel！午市有唔同set可以叫，都會有湯，同埋蛋～份量十足！ 🥢刺身拼鰻魚飯配湯及蛋本身以為刺身跟set都係得少少，點知份量有驚喜！每樣都兩大片厚切，好新鮮～鰻魚飯都唔細份，鰻魚肉質柔軟，鰻魚汁撈飯一流，忍唔住食曬成個飯！🥢壽司拼叉燒湯烏冬配湯及蛋壽司組合豐富，每一舊壽司都有唔同口感同風味，油脂味重，有口感！叉燒肉質鮮嫩多汁，甜甜哋。烏冬綿軟彈牙，完美吸收曬湯汁和叉燒的風味～最後味噌湯同茶碗蒸食埋，好滿足～𓆝𓆟𓆜𓆞𓆝𓆟𓆜🍴 十和田壽司 (香港科學園)📍銅鑼灣謝斐道500號維安商業大廈3樓——————————————————

呢日帶咗「日菜控」朋友黎試吓呢間十和田，環境好闊落，我哋各自叫咗一個set lunch，有茶碗蒸又有湯！個飯底仲要加咗醬油，好正宗嘅日式料理❤️我就叫咗個凡立貝松葉蟹丼，凡立貝大大隻，松葉蟹仲多過飯，真心大滿足，我朋友就叫咗個香蔥吞拿魚腩丼，同樣地勁足料！味道仲要唔錯！CP值真係好高！平日除咗喺度返工嘅朋友，喺附近踩單車或者行過嘅朋友都可以去試下☺️是日menu:香蔥吞拿魚腩丼（配湯，蛋）$128凡立貝松葉蟹丼（配湯，蛋）$168

這星期天天都在大埔科學園工作😆午飯時間科學園大部份餐廳都很多人👯🏻‍♀️👯🏻‍♀️款式很多，今日來了食日本菜🍣這間十和田雖是平民價錢但食物很有水準🍱午市壽司套餐(配湯) $128件件都很新鮮，感覺同食omakase的質素，壽司飯亦經過調味特制，可以不用另加日本豉油都夠味道🍜🦪吉列生蠔湯烏冬(配壽司) $88份量剛剛好，吉列脆炸生蠔香噴噴，配上醬汁亦有蠔鮮味🍣另餐送三文魚腩壽司二件，魚腩厚切算大件🧆唐場炸雞湯烏冬(配壽司) $88炸雞鬆脆，配上沙律醬，餐也是附送三文魚腩壽司🌟環境舒服🌟價錢超值

假日去左踏單車，去到科學園果邊搵食。好耐無黎過科學園，原來呢到都開左幾多新餐廳選擇，仲有間食魚生壽司嘅日本餐廳添😋🌟 汁煮豬軟骨定食 $118假日市午都有幾款定食，叫左款豬軟骨定食，有茶碗蒸同麵豉湯，蒸蛋都幾滑，仲有魚板、冬菇。豬軟骨煮得非常軟腍，而且唔咸，反正甜甜地，送飯一流🤤🌟 三文魚親子丼 $148三文魚新鮮，係角切，入口軟腍，三文魚籽用醬油醃過，食落唔會有腥味，丼飯份量都幾多，食完都幾飽😆

放假同小朋友去科學園踩單車，朋友介紹呢間餐廳環境好、嘢食嘅性價比都高。間餐廳嘅位置都幾容易搵，而且就係超級市場對面，食完買埋野free park返屋企，的確係唔錯嘅選擇。佢食物嘅選擇都幾多，真係一間比較合家歡嘅餐廳。我小朋友揀咗個炸雞烏冬（$88），炸雞皮薄肉滑，都幾脆口，幾抵食。老公就叫咗個滑蛋吉列豬扒定食，配埋湯同茶碗蒸，佢豬扒個味醃得幾好，甜甜地，不過肉質就比較淋。我自己就叫咗個雜錦魚生飯，魚生新鮮肥美，個量又多。重點係個環境真係幾好，大人坐喺度食，小朋友可以走出去跑下玩下。

今日同fd去沙田科學園行街，好耐冇食壽司🍱🍣想嗌黎試下😋環境方面： 餐廳都幾大，禮拜六日都幾多人黎食🍽️餐廳🍴本身有提供日本綠茶🍵ok唔會太苦太濃啱啱好，茶味香我嗌左炙燒牛肉烏冬，烏冬好煙韌好彈牙🦷牛肉都比想像中有好多塊，大概6-8塊左右都夠食👍🏻最值得讚既係呢個炙燒完既牛肉🐮，好香有陣煙燻味好食😋，湯底食得出有昆布味道，幾好飲，不過飲多左會覺得偏油膩，唔建議飲太多仲加左杯蜜桃嘢飲，一如既往好味道👅小總結： 最推介既野食就係炙燒牛肉烏冬味道唔錯，鍾意食烏冬既覺得可以試下，味道極特別

大愛既雜錦魚生飯❤️❤️❤️同鰻魚飯❤️❤️❤️成為我地每月必食推介之選。今日既雜錦魚生飯仲要爆多蟹籽，勁中意🥰🥰🥰雖然其他刺身份量唔算好多，但一定夠哂鮮甜😀😀而且岩哂我呢D樣樣都試D但又怕唔夠飽既人。而個鰻魚飯，入口夠嫩滑，一D都唔腥😎重點係，一黎到打開個蓋，係出哂煙嫁!!! 記得要趁熱食，如果唔係放到凍哂先食就會有D腥味冇咁香口嫁喇。最後既味噌湯同茶碗蒸食埋，就大大大滿足喇!！！！！

平時好少黎科學園呢邊，今次黎呢邊探朋友，朋友話家附近有間日本餐廳幾抵食，咁一於去試下啦🥳時間尚早，上黎都唔算太多人，入到職員好快俾咗QR code我哋可以自助落單🫶🏻🔖火炙牛肉湯烏冬食落有驚喜，烏冬彈牙滑身，牛肉有濃濃嘅炙燒味，湯底牛肉味濃郁，唔錯唔錯👍🏻烏冬爽滑🔖滑蛋吉列豬扒丼（配有味增湯，茶碗蒸）成碗飯賣相吸引🤩🤩吉列豬扒裹滿蛋汁，配埋洋蔥絲，端上黎已經有滿滿香味😍吉列豬扒厚度適宜，可以睇得出炸得香脆🔖茶碗蒸茶碗蒸內有菇，蟹柳，滑身得黎又蛋香十足，食完好滿足🔖玉子燒壽司係用赤醋，令個飯酸度得宜🔖環境環境滿滿日系風格，位置坐得舒服，有抹茶粉可以自己沖茶🍵另外想讚下職員服務真係好好👍🏻嗌咗支烏龍茶，職員拎咗兩支俾我揀，可以揀凍定唔凍。見到有小朋友嚟到唔使客人主動要求又會即刻準備BB凳俾小朋友❤️Lunch黎講嘢食都幾多元， 百幾蚊左右就有一個set，午市套餐黎講真心抵食值得推介🥰