十和田壽司 (香港科學園)

Open Now

Now Closed

今日天陰落雨嚟到科學園，冇乜意欲搵戶外座位嘅餐廳，而之前已經食過尖沙咀十和田，印象唔錯，於是中午就嚟食個lunch🍣今日落雨成個科學園都冇乜人，難得可坐落地玻璃位置，餐廳比較寬敞，可休休閒閒食個lunch🥰壽司選擇都幾多、又有兒童餐、丼飯都有生同熟可供選擇。綠茶粉自己加，濃淡自行選擇丼飯到喇友人揀海鮮丼，油甘魚厚切，油脂味重，有口感👍🏻赤蝦鮮甜肉厚❤️帶子同三文魚子發揮正常，海膽回甘鮮甜，出色👍🏻我好鍾意吞拿魚蓉，所以就揀左呢款。我完全冇估到吞拿魚蓉會俾咁多😮平時其他餐廳要就住食，呢度完全唔使😂同埋佢亦唔係普通醋飯，都幾特別。想休休閒閒食餐日本菜，十和田係幾好嘅選擇👍🏻

A visit to Science Park.Sushi Set in lunch hour🌟Cooked Shrimp, Scallop, TunaThe sushi set consisted of various types of sushi, including cooked shrimp, scallop, tuna, and minced tuna and others. Unfortunately, these particular sushi pieces were quite disappointing. The cooked shrimp lacked flavor and freshness, resulting in a rather bland and unappealing bite. The scallop wad dry, lacked the sweet and delicate taste. The tuna pieces were mediocre at best, with a lackluster texture and a rather d

今日陪同哥哥去科學園參加圍棋比賽，中午選擇咗就近的日式餐廳，環境闊落～菜式亦好多樣化☺️火焰牛肉湯烏冬滿滿的牛肉鋪滿碗上，份量充足～牛肉好香好有牛味，烏冬亦都好驚喜，爽口彈牙👍炸雞湯烏冬炸雞好香口，有四大塊好滿足，配上沙律醬和沙律食減低油膩感～值得一試火焰帶子壽司壽司飯與別不同，顏色呈淺啡色好特別，帶子好滑好新鮮😍鯛魚湯湯呈奶白色，滿滿的鮮味～中等嘅價錢，食物質素非常好😊餐廳可以訂位，如週末的話可提前預訂⋯⋯

今次同女朋友過咗嚟呢間科學園日本菜。食晚飯，餐廳裏面的菜性價比十分高，至於幫襯呢間餐廳！今次叫左海鰻卷，鰻魚飯，蟹膏沙律和。香蔥吞拿魚蓉丼！蟹膏沙律9/10分，作為前菜每次都會叫的，一黎分量多二黎蟹膏味道濃郁十分推薦鰻魚飯8/10分。今次第一次叫呢個菜，假如比較厚而且有咬口！鰻魚汁唔算鹹味道適中！海鰻卷8/10分。質素正常，分量多比較飽肚香蔥吞拿魚蓉飯8.5/10分。差唔多每次都會叫呢個。一嚟分量多而且很好送飯的！

上個weekend去咗科學園領養日睇狗狗🐶玩咗一日之後夜晚搵地方食飯朋友話想食壽司，搵下有咩食先知道原來十和田喺科學園都有分店之前喺尖沙咀食過，覺得好好食！所以一於去呢間食晚餐🍣🐟叫咗一個海貝壽司拼盤。壽司種類會因季節性轉換拼盤啱晒想試唔同貝類壽司嘅食客！另外叫咗一個海鮮丼，非常豐富刺身厚切！正！最鍾意油甘魚刺身海膽同三文魚子都唔錯成碗份量幾多。我同朋友都好鍾意食日式蒸蛋，所以一人一個🤩🤩🤩

大熱必點嘅雜錦魚生丼飯❤️仲有同行每次都好鍾意嘅鰻魚飯❤️ 雖然鰻魚汁唔算好多，鰻魚嘅份量啱啱好，不過如果可以再大調多少少就更加滿足更加飽肚✌🏾飯粒粒粒分明，一啖鰻魚一啖飯！撈埋一齊食，口感同味道都好豐富，好滿足！而且午市套餐仲包多個茶碗蒸同味噌湯，最鍾意係佢哋個茶碗蒸，入口嫩滑唔會好甜好鹹，而且配料都有冬菇，蟹柳等基本配料，而且每次嚟到，個蒸蛋都係熱辣辣❤️再飲返個出煙嘅味噌湯就啱啱好!!!❤️

🤤壽司拼盤🤤每樣刺身都好新鮮！而且好大件。值得同朋友一試。只係價錢貴咗少少，但係呢個地方呢個價錢都正常嘅。個鰻魚壽司勁大條，完全搵唔到個飯去咗邊😂嗰個係喺埋拼盤裏面唔係額外叫！所以都好抵食👍🏻而且仲叫咗鰻魚飯，鰻魚嘅皮燒得好脆。唔似係製成品加人工👍🏻

冇食一排呢度某啲嘅午餐加咗價。今次揀咗壽司配叉燒烏冬及豚肉生薑燒呢兩個套餐。用QR code落單非常方便～～壽司配烏冬$118 ，壽司分別有三文魚、吞拿魚、帆立貝、油甘魚、牡丹蝦、魷魚。烏冬大大碗，有兩塊火炙嘅叉燒。套餐仲有麵豉湯及茶碗蒸。個餐都幾飽～～另外一個套餐豚肉生薑燒$78 ，套餐亦都有麵豉湯及茶碗蒸。豚肉生薑燒用上豬頸肉，豚肉大大條又爽口，份量都幾多。白飯熱辣辣。呢度仲有抹茶粉，可以飲抹茶～～

好耐冇嚟過，我心目中嘅親子餐廳。鍾意佢環境夠寬敞，有high chair俾小朋友，又可以家長喺餐廳食，小朋友喺出面空地玩。老公嗌咗個雜錦魚生飯，刺身一如以往大粒又新鮮，一啖有五款刺身，份量又夠多！我自己今次試咗個火炙魚生飯，都有成最少六款刺身。不過今次令我最驚喜嘅係小朋友個牛肉烏冬，可能都關第一次叫事。佢嘅烏冬好彈牙，牛肉都唔係一般質素，係好香牛味，小朋友食晒！因為佢嘅高質素，我都專登望一望仲有乜嘢烏冬揀，我諗下次嚟我自己都會試吓食烏冬！性價比都好高！

今次想介紹呢個 鰻魚飯❤❤，鰻魚都幾大條配上鰻魚醬汁，絕對係送飯必點，好食又惹味! 鰻魚大條得黎仲好長幾肥美，厚厚嘅鰻魚肉，肉質鮮嫩 口感柔軟，入口記得小心有細骨，配埋厚身又彈牙既日式米飯，份量一個人食岩岩好。中意濃味既你必點! Ps 唔夠醬汁，可以問店員拎😁另一個雜錦魚生飯❤就一定係佢地既長期皇牌必點之一既菜色! 兩個午餐套餐包埋味道濃郁既味噌湯 同 口感滑嫩既茶碗蒸（有我最愛既大大粒冬菇 同 蟹柳） ，又食左餐大滿足既lunch❤️

十和田壽司🍣火炙壽司拼盤 🍣$118呢一個火炙壽司拼盤，一共有五件壽司，包括火炙芝士蝦🦐、火炙吞拿魚腩、火炙左口魚邊、火炙三文魚🐟、火炙魷魚🦑🍣🍣建議大家嚟到尼一間舖頭一定要試吓佢哋嘅壽司！我特別欣賞佢哋嘅壽司飯，香港大部份嘅壽司舖頭，壽司飯都做得麻麻地，呢一間年壽司飯都特登經過調味，所以唔係好使點豉油都已經好好食！壽司質素拍得住omakase!😍😍汁煮豬軟骨定食🐷$118定食嘅價錢已經包括左麵豉湯🥣同埋茶碗蒸🍳個人覺得呢個定食性價比都幾高，只係$100左右就已經可以食得好飽！軟骨嘅份量好多，而且全部都好入味！😋😋

今次嚟到科學園嘅十和田食午餐，可能我嚟嘅時間比較早，餐廳剛剛開門，餐廳內人流唔算太多。今次主要叫咗兩個lunch set再加咗個茶碗蒸同中吞拿魚壽司燒灸刺身飯隻大蝦好鮮甜，其他嘅刺身火炙後外脆內軟，而且好新鮮，佢嘅飯底係醬油飯，基本上唔使再加豉油都已經好好味。另外炸雞烏冬，烏冬好煙韌，有手打嘅感覺，而且炸雞本身炸粉調味剛剛好，唔會太鹹，再點上我最愛嘅沙律醬，配搭每一啖嘅烏冬，感覺都好match，至於茶碗蒸上得快之餘，好夠熱，而且又有好滑溜嘅質感，唔似我哋平時喺屋企食嘅蒸蛋。嚟咗兩次都感覺成間餐廳嘅環境好舒適，而且望出去嘅景色都好靚，對住河景，尤其而家呢啲天氣唔會有好冷清嘅感覺，又唔會流晒汗，舒適宜人，喺衛生方面，感覺一貫整齊乾淨，而且侍應都好快手，一定再會返嚟幫襯！

龍年第一次相聚的日子，相約食我哋喜歡的日式料理，清淡得來好味。12時多到了「十和田」等一陣就可以入座。選了一個又清爽又甜美的「凡立貝松葉蟹丼」配麵豉湯和茶碗蒸，厚厚而鮮美的凡立好彈牙，微鹹又晶瑩的三文魚子粒起了提鮮的作用，松葉蟹腳肉鋪滿整個飯面下面還有幾片紫菜，赤醋飯有色有香味，一次過食到不同的質感。「豬軟骨稻庭烏冬」配壽司先上兩件三文魚壽司，燒汁豬軟骨烏冬，豬軟骨經長時間炆煑，好入味又鬆軟，軟骨可以容易咬碎還帶點醬油香甜味。十和田的烏冬好有QQ的口感，連肉汁一起進食好好味。我哋兩個都想新年食啲糕點，「燒薯蓉芝心年糕」唔會好油膩，軟糯的外皮包着溶化的芝士，太好吃了，還有應吓節。

繼續我地大愛既午市套餐十幾款入面，最中意既都係雜錦魚生丼，兩個午市套餐都會包埋麵豉湯一碗同茶碗蒸一碗。天氣咁凍先飲返個麵豉湯，暖暖身，味道濃郁，調味岩岩好，入口暖笠笠又唔會死鹹。而茶碗蒸既口感仍舊都係咁滑溜，配料有鳴門卷 冬菇 同 銀杏，豐富哂成個茶碗蒸既味道。雜錦魚生丼 最中意既係佢樣樣魚生都有d，用料夠哂豐富，飯上面鋪滿蟹籽、三文魚、吞拿魚、油甘、玉子、鮑粒同青瓜，啖啖都食到魚生既鮮甜味。嘆住杯綠茶，呢個lunch time好寫意❤️

今日同女朋友喺沙田收工，再次光顧科學園嘅十和田，環境比較靜唔算太多客人，就係唔鍾意有太多人喺度的！店面比較寬敞而且衛生情況佳！今次叫粒粒魚生飯，蟹膏沙律同豚肉生薑燒飯粒粒魚生飯9/10分再次光臨同樣都係高分嘅飯，分量多！而且魚生都非常新鮮。非常推薦大家過來食的蟹膏沙律9/10分。蟹膏沙律同樣都出色，蟹膏分量多而且唔會偷工減料的！蟹肉都非常新鮮。配埋生菜食更加配搭豚肉生薑燒飯8/10分。今次試下食豚肉飯冇諗過都會咁出色的！