南京好味 (Closed)

終於有時間去試試手撕雞$30連凍飲轉埋菜飯手撕雞的確好入味汁拎埋來撈飯都仲得菜飯亦份量十足唔需再多講搵日要再去試試~!

今晚無煮晚飯，我同媽咪兩個人就黎左朗豪坊呢度食野啦，平日多數都係幫襯翠苑或者食盅頭飯，其實一直都見到呢間野，但就從來都未食過.....直至之前見多左人話黎食同埋話都幾好食，所以今晚還掂黎到就梗係要試下啦。叫左個手撕雞飯，只係$25，有湯或者野飲都真係非常抵食，佢個湯唔差架，係青蘿蔔煲豬骨，都幾濃味架。講返手撕雞先，一食就知一定唔係新鮮雞，因為基本上完全無咩雞味，而且有d部份都幾un下，不過有D部份D肉都算嫩滑，而且份量咁大，都算係咁架啦。佢個汁幾正呀，要左黎撈飯幾好味，有豉油，蔥又有D蒜咁，開頭驚好辣好彩佢又完全唔辣喎，食D雞皮好好尾架，因為索哂D汁，而且又無咩脂肪，正!我覺得佢非常之適合夏天食，因為食落去有D涼涼地既感覺，好舒服，而且佢有好多青瓜，D青瓜幾爽幾甜呀。$25真係靠非常抵食，而且味道算係幾好啦，雖然隻雞唔係正野，涼涼地食完都覺得好舒服，下次會再叫黎食 =)

較早前，在openrice就發現這間店漸漸出頭了，所以為免落後於人，就在會議完畢後，急急坐車子到又熱又多人的旺角了！打算買回家當餸，所以要手撕雞好了，多謝25元，還附送飲料，可惜，我除了水、奶類和豆漿類飲料外，我一概不喝街外飲料，所以跟工作人員說不用了，從他們眼中，我好像看到：「甚麼？！」的句子，哈哈出菜很快，因為真的如男工作人員說：「2分鍾就好了！」回家後打開，雞皮蓋面，黑漆漆的、油光光的，嗯......因為看到之前的食評，亦對家人說清楚：「25元，別抱有鮮雞的期望！」果然，沒有雞肉味，但有很濃郁的生蒜和醬油味，哎啊！咬到生蒜，很辣口呢！！！！！哈哈.....媽媽仍然是說：「怎麼沒有雞味？」當然，當然，25完，你想吃甚麼？一大隻雞脾了啊！人家不用賺嗎？雖未至於難吃，但送飯也算不錯吧！

從開飯的食評中，認識這熟食廣場攤位，剛好在附近買了票看戲，早了的半小時，足夠時間在此吃一個輕便的晚餐。這裡的手撕雞，其人氣直追隔鄰攤位的咖喱農夫包，廿八元的價錢下，有菜飯、手撕雞和飲品一杯。從落單到弄起，不到五分鐘的時間，是否即叫即製，倒不太肯定。爽口的飯身，內裡的菜粒不少，油香恰到好處，其食味不錯，確是有點水準。手撕雞是用雞肶拆肉而成的，其京式的滷汁，確是和當年在京菜館吃到的味道相若，比較之下這裡略為淡身，汁內加了蒜蓉，不算太重手，底下有拍黃瓜作墊底，說回這雞肉，用上較嫩滑的雞肶，替代鞋身的雞胸，是一個聰明的造法，可惜拆肉不算太仔細，比想像中的嫩滑，仍有一段距離。總括來說是一間有心的小店，但在我來說，其手撕雞可以弄得更好一點，看餐牌還有其其他京滬客飯小吃，看看那天再有機會品嚐，因為這裡和隔離的上海廚房，有一點舊式上海舖子的古早風。題外之話，在開飯這個大家庭裡，認識了一個又一個的食友，除給著我心中溫暖的感覺外，對飲食的體會，也與日俱增，但茫茫食海，總有臥虎藏龍，恕我的唐突，其中一位我很欣賞的會員，是介紹這手撕雞菜飯的小勁健君，其見識和文筆，是我一個值得學習的對象。雖然到此還是緣慳一面，

南京好味吃了第一次，已經知道可以成為我的食堂如果得閒落開旺角，都上去食一食手撕雞。但這晚，我不吃手撕雞。皆因，賣光了.....與朋友只有揀其他送：三杯雞同川式雞丁(唔sure個名)一如以往改菜飯底~三杯雞的雞肉就炸過，D汁係甜甜地，小小酸，雞肉都幾多。兩味送我比較鍾意川式的雞丁，因為小弟鍾意食辣，同埋雞丁冇骨~~~哈哈。都係個句，30蚊個餐，如果唔加凍飲、轉菜飯只不過$25，係旺角食到呢個質素，我非常滿意。評分方面，因為係熟食中心，所以大家唔好期望太高，但以熟食中心黎講，呢度係好乾淨下！係冷氣唔太夠者！

同老公仔第一次黎呢到食係網上到見到D相好似幾好味, 所以黎左呢到食.其實咁多野, 又雞又飯又有野飲都係廿幾蚊你想點. 真係平, 學校食個D都無咁平.D雞因為係雞肶到整出黎, 所以好滑, 而且加埋D青瓜底, 豉油, 好清新, 係意想不到的.仲有個飯係菜飯. 唔錯啦. 咁都係廿幾蚊.

每次造訪坐落在朗豪坊對面的熟食中心都是為了翠宛的那個咖喱農夫包。聽聞對面舖"南京好味"的手撕雞做得也很不錯，吃得農夫包多，是次轉一轉口味亦無妨啦....手撕雞一碟跟飯及例湯的套餐只收二十五大洋，比在公司內的飯堂吃的更便宜，實在是抵食之至。雞肉是從原隻雪藏雞肶中拆出來的，肉質不嚡，有部份的還覺頗嫩滑呢...可惜雪雞始終是雪雞，吃落是一點雞味也沒有，而且肉本身亦確是真的一些鹹味也欠奉的，所有的味道就全來自那混合了切碎蒜頭、莞茜、葱粒及辣椒的豉油醬汁。試一口這醬汁，顏色黑漆漆的帶點微鹹之味，不很特別，關鍵就在於蒜頭及辣椒下得不夠重手，這樣就令醬汁欠了香味及刺激，因而失色了不少.....不知怎的，總覺這手撕雞若是能雪涼而食之，定必更加滋味....下次試試買一份外賣的，事先叫廚房下多一點蒜葱及紅椒，回家放入冰櫃雪凍後取出，臨吃前放些麻油在上，這"自製"冷盤應該會更美味吧....

專程嚟試下呢間嘅雞，聽聞好好味 手撕雞 + 菜飯 + 凍檸茶隻雞好明顯係雪雞(雞脾)，但係做得好嫩滑，起晒肉、冇骨，一D雪味都冇，加上個醬汁好醒胃，唔食飯嘅我都機乎食晒D飯雞下面有少量拍青瓜，青瓜都好入味，仲有個菜飯，好香、聽聞係炒過，但係一D都唔覺得油。好飽。唯一遜色係杯凍檸茶冇嘜茶味，叫佢少冰、好似冇不過淨係食雞都值晒啦

六月三十日．熱旺角熟食中心有兩間網民熱捧的餐廳，對農夫包是「零興趣」，反而笑面唔少的南京小店是有興趣的，約了廚友傾點事，順道來試埋呢味，避開了「鑊氣」十足的中央位置，坐到另一面等廚友。手撕雞似乎同南京扯唔上好大關係，難理學名了，反正也不會要求在熟食中心吃到正宗的外省菜，好吃就行了。是Fusion了的山東燒雞，廿五元滿滿一碟先蒸後炸，撈汁吃的雞件，分量十足碟底墊著唔少青瓜，雞肉唔老吃起來軟腍有微微肉味，撈上生抽、蒜、辣椒的港式醬油吃，鹹為主亦帶甜味，是很易入口本土味道，廿五蚊埋單幾經濟而味道不錯的燒雞。廚友忙著處理看不完的照片，問汁如何，笑言欠外省的酸、蒜味。

今日我同朋友去開朗豪坊就順便去試下~一去到見到佢原來有個set，但我地只係想試下手撕雞，飯都唔要，只係加埋熱好立克~ $25~幾分鐘後我就捧住返去同朋友share，我地都覺得好大碟，個賣相又ok，用雞皮包住，掀起之後見到好多白肉同青瓜底，濃濃既醬汁，加埋芫茜碎同埋紅椒碎，呢一種味道真係令人回味~熱好立克偏淡，不過可以接受~我特別鍾意佢既餐具，因為我極愛藍色~我地兩個share岩岩好，不過有幾點可以改進︰1) 其實可以凍少少，會有透心涼既感覺2) 可以辣多少少，食唔到有辣味不次又想去食~

人人都食手撕雞, 今日同豬豬女友來食啦~3,4 分鐘便有.好香吓.食舊, d 豉油略咸, 唔洗點太多.仲有d 微辣呢, 就咁食或送飯都好正.下面仲有d瓜, 爽又清的瓜加上略咸的豉油, 配搭很好25蚊, 份量都好夠, 加上仲有凍飲, 加兩蚊, 27蚊, 仍覺得好抵食的.

位於朗豪坊對面的旺角熟食中心，以曾長居開飯十大前三名的澳門翠苑最具人氣，一道招牌咖哩農夫包在網上獲得一個又一個的笑面，味道、創意、賣相三方面都可算是平民食肆中的表表者，但久久沒有新突破，水準不變，價錢卻是愈來愈貴，也是時候試試其他檔口的質素了。熟食中心有近十個檔口，在眾多食評中發現南京好味的手撕雞飯 ($25) 賣相吸引，結果當晚忍不住立即去試一試。手撕雞用上腍滑的雞脾位，成本關係沒有用上花椒、八角等香料醃製，味道精華全來自以蒜蓉、老抽混製而成的香濃醬汁，加上紅椒粒、青蔥粒作裝飾，壓底是拍青瓜，附送一碗白飯，抵食指數爆燈。我最喜歡將手撕雞肉連皮吃，點一下醬汁真的令人滿足，無疑是比較肥膩的了，但這卻是重點，沒有雞皮的白肉，就像失去了靂魂，倒不如吃其他健康菜式算了。突然想起小時候爸常將山東燒雞 (亦即手撕雞別稱) 外賣回家作宵夜，兩父子用手拿著一口接一口，吃得不奕樂乎，清掉一頭雞根本毫無難度。南京好味的手撕雞沒有雪藏味，入口盡是濃烈醬汁味道，以廿五元的客飯水準，真的是誠意可嘉，物超所值。唯一挑剔之處是白飯煮得太濕太淋，一吃就知不是甚麼好貨色，不妨試試食家小勁健推介的菜飯，口感應會好一些，

今日同同事諗食lunch~諗起旺角熟食中心,所以上左黎search下睇下除左農夫包之外仲有咩好食!!見到呢間,同見人介紹手撕雞好似好好味咁,所以就決定試下~~有得攞喇~見到碟手撕雞比我想像中仲要大碟,雖然真係有青瓜同隻雞脾骨墊底,但係我已經食左好多塊都仲有好多,份量都足夠我送晒d飯食有餘!!!食到底唔到條好大既雞骨,睇得出佢用既雞脾真係好大隻!!!不過如果想食菜飯就要加3蚊~~加埋晒成個餐一共30蚊都算幾抵食!!!下次可以去試下其他野~同埋就因為呢間舖就決定加入open rice做會員試完既野上黎寫下食評!!因為見呢間野都唔差,但係食評就唔多,所以都想試下d比較少人食既,等多d人知道間野o唔ok~~

尋日下午放假，去完九龍塘shopping就返歸，行過街市醒起成日都好想試呢個好評如潮嘅手撕雞，咁就上去買個外賣返屋企嘆先。一打開個飯盒...嘩! 好好滿而且好大件，佢係用雞脾位做，雖然有三條大雞脾骨喺當中，但係份量仍然好多，仲有青瓜墊底。個汁好好味加上佢落大量蔥、芫茜同辣椒，所以好香，雞肉又嫩又滑，因為用燒雞嘅關係，個味真係夾到不得之了。真係又好抵又好食!!!!

每次到旺角熟成中心，「農夫包店」的「鮮牛油豬仔包 + 凍咖啡」基本上已列入必點餐單內。今次來到除了以上食品外，胃納的另一半則留給一間名叫「南京好味」的店子。店名用上簡簡單單的四個字，卻是要膽識過人才敢以此為店名，如果味道未能稱得上好味，便很容易成為人家的嘲笑話柄。點了一客「手撕雞飯套餐」($25.00)，加三元將「白飯」轉為「菜飯」，餐飲則點了「熱奶茶」，合共二十八元。在改為「菜飯」後，服務員馬上弄好一碗白飯，再放近廚房的窗口，當時自己心裡也有一點疑問，因為心中預算菜飯應該已備好，一添進碗中便成。等了五分鐘左右，看見手撕雞已出場，但菜飯還未現身，及後看見一碗排得整齊有序的菜飯登場，原來菜飯是即點即炒，完全是意料之外。看見新鮮炒出來的菜飯，連手撕雞也暫時撇下，馬上吃了一口，一吃之下實在是不得了，飯粒乾身分明，帶油香，與白菜混合得十分均勻，帶著淡淡的菜香，味道調得不濃不淡，似是專登留點空間來給你伴手撕雞。老實說，單是吃這個菜飯已令我感到十分滿足。手撕雞是用整隻肶位，當然是用雪藏雞肶，但伴以用老抽、蒜蓉、辣椒、糖、豆瓣醬、麻油等等的調味料煮成的濃濃醬汁，完全抵消了雪雞的缺憾。在底部的青瓜，在